SPORTS

Magbabalik na sa GlobalPort si high-scoring guard Terrence Romeo matapos umanong magkasakit.

Sasalang si Romeo sa Batang pier laban sa Star Hotshots mamayang gabi sa PBA Commissioner’s Cup sa Mindanao Civic Center Gym sa Tubod, Lanao del Norte.

Matatandaang hindi nakalaro si Romeo sa unang laban ng Globalport sa kasalukuyang torneo kontra sa alaska dahil sa karamdaman na hindi isinapubliko ng koponan.

Inaabangan naman ng fans ang posibleng pagtutuos nina Romeo at Star playmaker Paul Lee.

By  Jelbert Perdez

Nasungkit ng Meralco Bolts ang ikatlong sunod nilang panalo makaraang talunin ang TNT Katropa sa iskor na 94-89.

Nanguna sa panalo ng Bolts ang kanilang import na si Lou Amundson kung saan nakapagtala ang NBA veteran ng 19 points at 17 rebounds.

Nag-ambag naman ng labing pitong (17) puntos si Jared Dillinger habang nakapagtala naman ng tig-10 puntos sina Reynel Hugnatan at Chris Newsome.

Dahil dito, napanatili ng Bolts ang malinis nilang kartada.

By  Ralph Obina    

Photo: PBA Media Bureau 

Posibleng masungkit ng Meralco Bolts ang No. 1 spot sa 2017 PBA Commissioner’s Cup.

Ito’y sa sandaling manalo kontra Talk and Text Tropang Texters sa kanilang paghaharap sa Araneta Coliseum, mamayang 7:00 ng gabi.

Kasalukuyang tabla ang Meralco sa Alaska Aces sa kartadang 2-0 matapos magkasunod na panalo ng Bolts kontra NLEX Road Warriors at Mahindra Floodbusters.

Aminado si Meralco Coach  Norman Black na inaasahan na nila na magiging dikdikan ang game kontra Talk and Text na magpapasok ng isang veteran NBA  na si  Lou Amundson bilang kanilang bagong  import.

Si Amundson ang pumalit kay Denzel Bowles matapos pakawalan ng  TNT ang dating  Star import dahil sa  “attitude problems”.

Samantala, kasalukuyang nagbabakbakan  ang Road Warriors at Mahindra.

By Drew Nacino

Emosyonal nang ipahayag ni Filipino-Australian golfer Jason Day ang kanyang pag-atras sa opening match ng WGC Dell Match Play golf tournament.

Ito ay para makapiling ni Day ang kanyang inang na-diagnosed na may lung cancer at nakatakdang operahan bukas.

Ayon kay Day, mahirap mag-concentrate sa kompetisyon ng golf nang iniisip din niya ang kondisyon ng kanyang ina.

Gayunman, hindi sinabi ni Day kung hanggang kailan ito mawawala sa golf scene.

Matatandaang ang ina ni Jayson ay isang Pinay na si Adenil “Dening” Day.

By   Ralph Obina   

*Getty Images    

Wagi ang Star Hotshots kontra Phoenix Fuel Masters sa iskor na 101-82 sa pagpapatuloy ng PBA Commissioner’s Cup.

Kumamada si Tony Mitchell ng 24 points at 16 rebounds para sa Hotshots.

Nag-ambag naman ng 17 points si Mark Barroca habang 16 points ang kay Allen Maliksi.

Naging mabagal ang simula ng Star Hotshots matapos ang pagsisimula nila sa 13-4 hanggang makabawi sa second half.

By  Meann Tanbio

Photo: PBA Media Bureau 

Nabawi na ni Angelique Kerber ang top spot sa Tennis World Rankings mula kay Serena Williams.

Enero nang masilat ni Williams ang pagrereyna sa World Tennis kay Kerber nang masungkit nito ang Australian Open at maibulsa ang kanyang ika-23 grand slam title.

Gayunman, magmula noon ay hindi na naglaro pa si Williams dahil sa iniinda nitong knee injury dahilan upang tuluyan siyang maungusan ni Kerber.

Matatandaang anim na buwan na ang nakakaraan nang huling hawakan ni Kerber ang top rankin g sa women’s tennis.

By Ralph Obina

*AFP Photo 

Buhay pa ang pag-asa ng Charlotte Hornets na makasama sa NBA Playoffs.

Ito ay makaraang talunin ng Hornets ang Atlanta Hawks sa kanilang pagtutuos sa iskor na 105-90.

Nanguna sa panalo ng Hornets sina Kemba Walker at Nic Batum na kapwa nakasikwat ng labing anim (16) na puntos.

Kasalukuyang nasa ika-siyam na pwesto ag Hornets sa East standings.

By Ralph Obina   

Kampeon sa BNP Paribas Open Finals si Swiss Tennis Star Roger Federer.

Ito ay makaraang payukuin ni Federer ang kapwa Swiss tennis star na si Stan Wawrinka 6-4, 7-5 para makamit ang ika-lima nitong Indian Wells title.

Matinding opensa ang pinakawalan ni Federer dahilan upang hindi makaporma si Wawrinka.

Matatandaang nitong Enero rin lamang nang maibulsa ng 35 anyos na si Federer ang kampeonato sa Australian Open.

By  Ralph Obina  

Tinambakan ng Miami Heat ang Minnesota Timberwolves sa iskor na 123-105.

Nanguna sa opensa ng Heat sina Hassan Whiteside na may 23 points at 14 rebounds, habang si Tyler Johnson ay nag-ambag ng 23 points mula sa bench.

Sa panig naman ng Wolves, nakapagtala si Karl Anthony Towns ng 31 points at 11 rebounds.

Sa ngayon, naitala ng Heat ang 23 panalo sa huling 28 games.

Nakatakda namang makaharap ng Miami Heat Ang Portland Trail Blazers sa darating na Lunes.

By Meann Tanbio