SPORTS

Hindi na hinahabol pa ni NBA Star Lebron James na maging MVP o most valuable player ngayong season ng NBA.

Ayon kay James, mas nakatuon siya ngayon sa pagiging kampeon ng kanyang koponan na Cleveland Cavaliers kaysa ang masungkit ang MVP.

Kabilang sa mga nag-aagawan na maging MVP ay sina San Antonio Spurs Kawhi Leonard, Houston Rockets star James Harde at Oklahoma City Thunder Russel Westbrook.

Sa ngayon nangunguna ang Cavs sa NBA Eastern Conference standing na may 45 panalo at 22 talo.

Sinundan sila ng Boston Celtics, Washington Wizards, Toronto Raptors at Atlanta Hawks.

By  Jonathan Andal (Patrol 31)   

Naging buenas ang Cleveland Cavaliers sa pagbabalik laro ni Kevin Love.

Ito ay makaraang masungkit ng koponan ang panalo kontra Utah Jazz sa iskor na 91-83.

Nanguna sa panalo ng Cavs si Lebron James na kumana ng tatlumpu’t tatlong (33) puntos, sampung (10) rebounds at anim (6) na assists.

Matatandaang labin tatlong (13) laro nawala si Love dahil sa knee injury nito.

By   Ralph Obina  

Nakahanap na ng kapalit ang Alaska Aces para maging import sa PBA Commissioner’s Cup.

Ito ay sa katauhan ni Cory Jefferson.

Pinalitan ni Jefferson si Octavius Ellis na bumalik sa Amerika dahil sa isang mahalagang “family matter”.

Si Jefferson ay huling naglaro sa Spurs D-League na konektado sa koponang Austin Spurs.

Magbubukas ang PBA Commissioner’s Cup ngayong araw at magkakaroon naman ng labanan ang Alaska at Global Port sa Sabado.

By Krista de Dios

*Photo from Jefferson's Instagram account

Laglag na si Indian Wells tournament si Serbian tennis star Novak Djokovic.

Ito ay makaraang idispatsa at pahirapan ng husto ni Nick Kyrgios sa Djokovic sa ikalawang round ng torneo sa iskor na 6-4 at 7-6.

Ikalawang beses na ito na tinalo ni Kyrgios ang kasalukuyang world’s number two na si Djokovic kung saan ang isa pa ay naganap sa Acapulco noong March 2.

Dahil sa panalo, abanse na ngayon si Kyrgiois sa quarterfinals kung saan ay makakaharap nito sinuman ang mananalo kina Roger Federer at Rafael Nadal.

By  Ralph Obina  

Nasungkit ng Cleveland Cavaliers ikalawa nilang panalo sa huling anim nilang laro.

Ito ay makaraang ilampaso ng defending champion team ang koponan ng Detroit Pistons sa iskor na 128-96.

Pinangunahan ni Kyrie Irving ang panalo ng Cavs matapos itong kumamada ng dalawamput anim (26) na puntos.

Samantala, dahil sa pagkatalo, naputol naman ang dalawang sunod na panalo na mayroon ang Pistons.

By  Ralph Obina   

Photo Credit: NBA.com

Ikinokunsidera ni Coach Freddie Roach si WBC/ WBA Welterweight Champion Keith Thurman bilang kasunod na makakaharap ni Pambansang Kamao Manny Pacquiao.

Ayon kay Roach, napanood niya ang naipanalong laban ni Thurman kay dating world champion Danny Garcia via split decision.

Aniya, naging mahigpit ang laban sa pagitan ng dalawang boksingero.

Dahil dito, nakita ni Roach na magandang katunggali ni Pacquaio si Thurman pero tiwala pa rin siyang magiging madali lamang ang laban sa Pambansang Kamao.

Una nang ibinasura ang nakatakda sanang laban ni Pacquiao kay Amir Khan matapos ang hindi pagkakaunawan sa premyo.

By  Krista de Dios   

Pinagbayad ng nba ng $10,000 na multa si Golden State Warriors Guard Andre Iguodala.

Ito ay para sa kanya umanong racially charged comments, sa panayam na ginawa matapos ang laban ng Warriors at San Antonio Spurs, nitong weekend.

Tinawanan naman ito ni Warriors Coach Steve Kerr at sinabing hindi dapat seryosohin ang umano’y “inappropriate comment” ni Iguodala dahil likas na palabiro si Andre.

By Katrina Valle

Nagawang makabangon ng Chicago Bulls mula sa nalasap nilang limang sunod na pagkatalo.

Ito ay makaraang suwagin ng Bulls ang koponan ng Charlotte Hornets sa iskor na 115-111.

Naging susi ng tagumpay ng Bulls sina Dwyane Wade at Jimmy Butler na kapwa nakapagtala ng dalawampu’t tatlong (23) puntos.

Samantala, nasadlak naman sa ikalawa nilang sunod na pagkatalo ang Hornets.

By   Ralph Obina   

Taob ang defending champion na Cleveland Cavaliers sa kamay ng Houston Rockets.

Tinapos ng rockets ang laban sa iskor na 117-112.

Sumabog ng husto si James Harden para pangunahan ang Rockets dahilan upang hindi makaporma ang alas ng Cavs na si Lebron James.

Nakapagtala si Harden ng kanyang ika 16 na triple double makaraang makasikwat ng 38 puntos, 10 rebounds at 11 assists sa kabuuan ng laro.

By Ralph Obina

Maagang nalaglag sa Indian Wells tournament si World’s Number One Andy Murray.

Ito ay makaraang idispatsa si Murray ng Canadian qualifier na si Vasek Pospisil sa second round ng naturang torneo.

Matinding opensa ang binitawan ni Pospisil dahilan upang hindi makaporma ang beteranong si Murray kung saan natapos ang kanilang paghaharap sa iskor na 6-4, 7-6.

Ito na ang pinakamalaking panalo sa karera ngayon ng pang-129 na tennis player sa buong mundo ngayon na si Pospisil.

By Ralph Obina   

*AP Photo