Handa na muling bumalik sa boxing si dating super welterweight champion Floyd Mayweather Jr, mula sa isa’t kalahating taong retirement.
Aminado si Mayweather na punung-puno na siya sa mga patutsada at paghahamon ng mixed-martial artist na si Conor McGregor kaya’t pagbibigyan niya ito.
Ayon kay Prettyboy, handa niyang harapin si McGregor sa Hunyo basta’t ma-plantsa lamang ang mga dokumento at kasunduan ng kani-kanilang promoter para matuloy ang laban.
By Drew Nacino
Wagi ang Minnesota Timberwolves kontra Golden State Warriors sa iskor na 103-102.
Minalas si Stephen Curry ng hindi pumasok ang 18-footer samantalang ilang segundo na lamang ang nalalabi sa laro na nagpanalo sana sa kanilang koponan.
Bagamat may kabuuang 26 points si Curry, muli naman itong inalat sa 3-point range kung saan isa lang ang naipasok mula sa walong pagtatangka.
Nanguna naman sa panalo ng Wolves si andrew wiggins na nakapagtala ng 20 puntos.
17 points ang naibuslo ni Ricky Rubio, habang 23 puntos ang naiambag ni Karl Anthony Towns 23 para makuha ng Timberwolves ang ika-6 na panalo sa huling walong laro.
By Meann Tanbio
Inilampaso ng Hong Kong Eastern Lions ang Alab Pilipinas sa kanilang pagtutuos sa nagpapatuloy na ASEAN Basketball League.
Wagi ang koponan ng Hong Kong sa iskor na 100-87.
Malaking bentahe sa koponan ang home court advantage makaraang gawin ang liga sa Southorn Stadium sa Wan Chai.
Nanguna sa panalo ng Hong Kong si Ki Lee na nagpaulan ng anim na tres na naging susi sa maaga nilang kalamangan.
Sinikan ni Alab Pilipinas player Bobby Ray Parks na makuha ang second half ng laro ngunit mistulang wala itong nakuhang suporta mula sa kanyang mga kasama.
By Ralph Obina
Photo Credit: aseanbasketballleague.com
Nasadlak sa ika-apat na sunod na pagkatalo ang Memphis Grizzlies.
Ito ay matapos silang pataubin ng Los Angeles Clippers sa iskor na 98-114.
Anim na manlalaro ng Clippers ang nakapagtala ng double figures sa laro.
Kabilang dito sina Austin Rivers na nakapagtala ng 20 puntos.
Nakasikwat ng 19 na puntos si Chris Paul habang 15 puntos naman ang naiambag ni K-J Redick.
By Ralph Obina
Hindi pa rin makakapaglaro ang golf legend na si Tiger Woods.
Ayon kay Woods ito ay dahil sa iniinda pa rin nitong back injury.
Sinabi ni Woods na kailangan pa rin niyang ipahinga ang kanyang injury.
Dahil dito, bigong sumabak sa Arnold Palmer Invitational sa susunod na linggo si Woods.
Matindi ang pagkadismaya ni Woods dahil sa kagustuhan nitong maglaro para ipagbunyi ang buhay ng tornament host na si Palmer na namatay noong Setyembre sa edad na 87.
By Ralph Obina
Hindi na kailangang operahan pa si Cleveland Cavaliers Center Andrew Bogut sa tinamo nitong bali sa kanyang kanang binti sa kanyang unang salang na paglalaro sa koponan.
Ayon sa mga doktor ni Bogut, kanila nang sinimulan ang non-surgical treatment sa nagka-fracture na binti ng Australian NBA player.
Sa kabila nito, bigo nang makalaro si Bogut sa buong season ng NBA at hindi na ito makakatulong para depensahan ang korona ng Cavs.
Gayunman, inaasahang makakabalik sa paglalaro si Bogut bago magsimula ang training camp para sa 2017-2018.
By Ralph Obina
Umatras na sa BNP Paribas Open sa Indian Wells at Miami Open si World No.1 Tennis Star Serena Williams.
Ito ay dahil sa iniindang injury ni Williams sa kaliwa nitong tuhod.
Dahil dito, mistulang isinuko na rin ni Williams ang World No.1 Tennis Ranking sa German Tennis Star na si Angelique Kerber.
Matatandaang nito lamang Enero nang mabawi ni Williams ang top ranking kay Kerber makaraang masungkit nito ang kanyang ika 23 grand slam single title sa Australian Open.
Ang BNP Paribas Open ay magsisimula na sa Huwebes habang ang Miami Open ay sa Marso 20.
By Ralph Obina
Hindi na matutuloy pa ang bakbakang Manny Pacquiao at Amir Khan sa Mayo 20.
Ayon kay Top Rank CEO Bob Arum, patay na ang naturang laban dahil sa usapin ng kita.
Dahil dito, sinabi ni Arum na balik sa umpisa ang paghahanap nila ng kalaban para kay Pacquiao na posibleng si Jeff Horn ng Australia.
Matatandaang una nang sinabi noon ni Arum na maisasakatuparan lamang ang labang Pacquiao at Khan kung maaabot ang tatlumpu’t walong (38) milyong pisong premyo na iaalok ng mga investors sa United Arab Emirates.
By Ralph Obina
Naniniwala ang Veteran Trainer Floyd Mayweather Senior na mapapatumba ni 8th Division World Champion Manny Pacquiao si British Star Amir Khan.
Bagamat kilalang hindi fan ng Filipino Icon, sinabi ng nakatatandang Mayweather na may ibubuga pa rin ang kaliwa ni Pacquiao.
Hindi aniya magiging hadlang ang edad ng Pambansang Kamao para daigin sa ibabaw ng ring si Khan.
Dagdag pa ni Mayweather Junior na malasalamin ang panga ni Khan na madali aniyang matutumba sa oras na tamaan ito.
By Ralph Obina
Nangunguna pa rin sa larangan ng men’s tennis ang Swiss tennis star na si Andy Murray.
Naselyuhan ni Murray ang top spot sa world rankings makaraang masungkit nito ang kampeonato sa Dubai Open.
Ito’y kung saan tinalo ni Murray sa finals si Fernando Verdasco.
Samantala, pumangalawa naman sa world ranking si Novak Djokovic na sinundan ni Stan Wawrinka, Milos Raonic at Kei Nishikori na bumuo sa top 5.
By Ralph Obina