Tinapos ng Golden State Warriors ang maalat nilang laro sa mga nakalipas makaraang payukuin ang New York Knicks sa iskor na 112-105.
Binitbit ni Stephen Curry ang kanilang koponan makaraang kumana ito ng tatlumpu’t isang puntos.
Nagpaulan din ng limang tres si Curry dahilan upang umangat ito sa ika sampung pwesto sa all-time three point list ng NBA.
Una rito, dalawang sunod na natalo ang warriors mula nang mawala si Kevin Durant dahil sa tinamo nitong injury.
By Ralph Obina
Isang hakbang na lamang ang San Miguel Beermen sa kanilang back-to-back Championship sa 2016-2017 PBA All Filipino Cup.
Hawak na ng defending champion ang 3-1 lead sa best of seven series ng finals kontra sister team na Barangay Ginebra Gin Kings.
Nanaig ang San Miguel sa Game 4 makaraang talunin ang Ginebra sa score na 94-85, sa Araneta Coliseum, Biyernes ng gabi.
Pinangunahan ni Jun Mar Fajardo ang beermen matapos magpakawala ng 20 points upang mapalaki ang kalamangan sa 2nd hanggang 3rd quarter.
Hindi naman naging sapat ang 22 points na ambag ni Joe Devance para sa Gin Kings.
Sa Linggo muling maghaharap ang dalawang koponan sa “The Big Dome” para sa Game 5 at kung mananalo ay otomatikong kampyon muli ang SMB.
Subalit kung babawi ang Gin Kings ay magkakaroon ng Game 6.
By Drew Nacino
Sinuwag ng Chicago Bulls ang Golden State Warriors sa kanilang pagtutuos sa nagpapatuloy na NBA games.
Bagamat sa huling bahagi na nag-init ang Bulls, naging sapat naman ito para pataubin ang Warriors sa iskor na 94-87.
Sinamantala ng Bulls ang pagkawala ni Kevin Durant na out na sa buong season dahil sa injury nito sa tuhod.
Pinangunahan ni Jimmy Butler ang panalo ng Bulls matapos itong kumana ng 22 puntos.
Samantala, hindi naman umubra si Stephen Curry para maingat ang koponan ng warriors.
By Ralph Obina
Nananatili ang duda ni Top Rank President at CEO Bob Arum kung matutuloy ang laban ni Senador Manny Pacquiao sa UAE.
Sinabi ni Arum na wala pang katiyakan sa sagupaang Pacman at Amir Khan kahit pa una nang pinalutang ng Canadian adviser ni Pacman na si Michael Koncz na May 19 na gagawin ang bakbakan.
Ayon kay Arum hindi pa niya nakakausap si Pacman hinggil sa naturang laban at hindi pa aniya nailalabas ng investors maging ang malaking pera na manggagaling umano sa UAE.
By Judith Larino
Gulat na gulat ang mga tennis fan sa maagang exit sa Dubai Open ni Australian Open Champion Roger Federer.
Ito ay makaraan pataubin si Federer ni world ranked 116 Evgeny Donskoy sa umaatikabong bakbakan na nagtapos sa iskor na 3-6, 7-6 at 7-6.
Ayon kay Federer, sadyang hindi naging maganda ang kanyang laro at mabigat din ang pakiramdam ng kanyang katawan sa naturang laban.
Ito na ang ikatlong beses na tinalo si Federer ng isang qualifier.
Hindi naman makapaniwala ang bente sais (26) anyos na si Donskoy sa tagumpay nito kontra sa 18 grandslam champion na Swiss tennis star.
By Ralph Obina
Inilampaso ng San Miguel ang Barangay Ginebra sa game 3 ng kanilang best-of-seven PBA Philippine Cup finals.
Dahil dito, nakuha ng Beermen ang 2-1 lead sa serye matapos magwagi sa score na 99-88.
Gumawa ng mabangis na 17-2 run ang SMB sa pangunguna ni June Mar Fajardo may limang minuto ang nalabi sa laro.
Kumamada si Fajardo ng 17 points at 16 rebounds, kasama ang tatlong blocks.
By: Jelbert Perdez
Inalok umano ng 70 milyong dolyar si Mexican Warrior Juan Manuel Marquez para labanan si 8-Division World Champion Manny Pacquiao sa buwan ng Setyembre.
Ito ang ibinunyag ngayon ng trainer ni Marquez na si Nacho Beristain.
Ayon sa kampo ni Marquez, kanila munang pagpupulungan ang usapin bago kagatin ang naturang offer.
Matatandaang ngayong Abril naman ay posibleng ang Bristish Boxer na si Amir Khan ang makatunggali ng Pambansang Kamao.
By Ralph Obina
Pinaghahandaan ng Serbian Tennis Star na si Novak Djokovic ang pagsabak niya sa 2017 Mexican Open sa Acapulco.
Ito ang unang torneyo ng tennis world number two makaraang matalo siya ni Dennis Istomin ng Uzbekistan sa ikalawang yugto ng Australian Open noong isang buwan.
Aminado ang dating world number one na pinakalugmok niyang pakiramdam ang pagkatalo niya sa Melbourne.
Ngunit nangako si Djokovic na babawi siya sa Acapulco ngayong mas maganda na ang kanyang pakiramdam kumpara sa mga nakalipas na buwan.
By Avee Devierte
Kumpiyansa si British Welterweight Fighter Amir Khan na matatalo niya ang dating sparring partner na si 8 Division World Champion Manny Pacquiao sa Abril 23.
Ayon kay Khan, marami na siyang nalalaman hinggil sa mga galaw at routine ni Pacman dahil ilang taon niya itong naging sparring partner.
Magugunita noong isang linggo ay tinanong ni Pacquiao ang kanyang mga twitter follower kung sino ang nais nilang susunod niyang makakalaban at nanguna si Khan sa botong 48 percent.
Kinumpirma naman ni Pacman na gaganapin ang laban sa Dubai, United Arab Emirates pero hindi pa malinaw ang halaga ng magiging premyo.
Nakataya sa naturang laban ang WBO at Linear Welterweight Titles ni Pacman.
By Drew Nacino
Nasungkit ng Toronto Raptors ang ikatlong sunod na panalo nito makaraang pataubin ang Portland Trail Blazers sa iskor na 112-106.
Nanguna sa panalo ng Raptors si Demar Derozan na sumikwat ng tatlumpu’t tatlong (33) puntos.
Dahil dito, naitala ang ika-34 na panalo ng Raptors sa limampu’t walong (58) laro.
Habang nasadlak naman sa ika-pitong sunod na panalo sa huli nilang sampung (10) laro ang Blazers.
By Ralph Obina