Laglag na si Tennis Superstar Maria Sharapova sa Wimbledon Tournament.
Ito ay matapos na hindi maka-recover si Sharapova sa kanyang tinamong thigh injury sa Italian Open noong nakaraang buwan.
Sa inilabas na pahayag, sinabi ni Sharapova na batay sa panibagong scan na ginawa sa kanyang paa ay lumabas na hindi pa rin siya maaaring makapaglaro.
Dahil dito, inaasahang hindi tataas ang ranking ni Sharapova para makakuha ng direct entry sa US Open.
Matatandaang noong nakaraang Abril lamang ay nagbalik sa paglalaro ng tennis si Sharapova matapos masuspendi dahil sa pag-gamit ng droga.
By Krista De Dios
Ipagbabawal na ng Team Pacquiao ang mga fans na magtungo sa Wild Card Gym kung saan nagsasanay si Senador Manny Pacquiao para sa kanyang laban kay Jeff Horn.
Kasunod na rin ito ng napakaraming fans na nadatnan ni Pacman nang dumating ito sa gym noong Biyernes.
Dahil sa dami ng fans, hindi na umano makapag-concentrate si Pacman sa kanyang training.
Sinasabing ilang media men ang pinayagang makapasok sa gym subalit limitado ang kanilang galaw at sa isang sulok lamang nagtitipon ang mga ito.
By Judith Estrada – Larino
Hindi pinaporma ng Cavs ang Golden State Warriors mula 1st quarter.
Nagpaulan ang Cavs ng dalawampu’t apat (24) na 3 pointers, pinakamarami sa isang laro na nagawa ng isang koponan sa kasaysayan ng NBA Finals.
Gumuhit rin ng kasaysayan si Lebron James sa kanyang ika-9 na triple doubles ngayong araw na siyang pinakamarami sa kasaysayan ng NBA Finals
Pinangunahan ni Kyrie Irving ang Cavs sa kanyang 40 points.
Si Kevin Durant naman ang nanguna sa Warriors sa kanyang 35 points.
Habang labing apat (14) na puntos naman ang naiambag ni Stephen Curry.
Magaganap ang Game 5 ng NBA Finals sa Martes sa balwarte ng Warriors.
By Jonathan Andal
Hindi nakaporma sa TNT Katropa ang Meralco Bolts makaraang makuha ang 104-96 victory sa kanilang bakbakan sa 2017 PBA Commissioners’ Cup.
Dahil sa kanilang come-from-behind win sa overtime ay nakasungkit ang TNT ng puwesto sa semifinals ng torneo.
Kumamada ng tigta-31 puntos sina star guard Jayson Castro at import Josh Smith.
Sasagupain naman ng Katropa ang Barangay Ginebra San Miguel sa kanilang best-of-five semifinals series.
Naglunsad ng rally ang TNT, sa fourth quarter sa pangunguna nina Jayson Castro, Ranidel de Ocampo at Roger Pogoy kaya’t nauwi sa overtime ang bakbakan na naging dahilan upang magwagi ang Katropa.
By Jelbert Perdez
Photo: PBA Images
Hindi pinanghihinaan ng loob si Cleveland Cavaliers Star Lebron James matapos na matalo ang kaniyang koponan at makuha ng Golden State Warriors ang Game 3 ng NBA Finals.
Ayon kay James, pinaghahandaan na niya mentally at physically ang susunod na laban.
Aniya, hindi na bago sa Cavaliers ang sitwasyon ngayon dahil nakuha na nila ang kauna-unahang koponan na nakabangon sa 3 – 1 deficit.
Gayunman, aminado si James na ang Game 4 ay magiging pinaka- challenging na laban para sa kanila dahil sa lakas at minset na ipinakikita ng warriors.
Nakatakda ang Game 4 ng NBA Finals sa pagitan ng Cleaveland Cavaliers at Golden State Warriors ngayong Sabado ng umaga, oras sa Pilipinas.
By Krista De Dios
Tuluy-tuloy ang tune up games ng Little League Philippines ng Negros Occidental.
Ito ayon sa team ay bagamat handa na sila sa pagsabak sa Asia Pacific Softball Tournament sa Singapore sa June 15.
Nakatakdang lumipad pa Singapore ang team sa June 14.
Sinabi ni Coach Lizviminda Jalandoni na target ng team na mapasakamay ang kampeonato para maging kinatawan ng Asia Pacific Region sa world series na gagawin sa Portland, Oregon, USA sa August 12.
Ipinabatid ni Jalandoni na nagti-training pa ang players nilang 11 hanggang edad 12 bago pumasok sa klase sa umaga at muling babalik sa football field 7:00 haggang 9:00 ng gabi habang pinag-aaralan din ang istilo ng kalaban sa pamamagitan ng panunuod ng video.
By Judith Larino
Nangunguna pa rin si Real Madrid Forward Star Cristiano Ronaldo sa listahan ng mga pinakamayamang atleta ng Forbes Magazine.
Si Ronaldo ay tinatayang kumikita ng siyamnaput tatlong milyong dolyar ($93-M) kung saan ang limamput walong milyong dolyar ($58-M) ay mula sa paglalaro ng football at ang nalalabi ay mula sa endorsement nito.
Nasa ikalawang puwesto naman si Lebron James na mayroong tinatayang 86.2 million dollars.
Napunta naman sa ikatlong puwesto si Argentine Footballer Lionel Messi na kumita ng 80 million dollars.
Nasa ikaapat at ikalimang puwesto naman sina Roger Federer na kumita ng 64 million dollars at Kevin Durant na kumita ng 60.6 million dollars.
By Katrina Valle
Abot-kamay na ng Golden State Warriors ang kampeonato sa National Basketball Association o NBA.
Ito ay matapos manalo ang Warriors laban sa Cleveland Cavaliers sa Game 3 ng best of seven sa NBA Finals.
Lamang ng limang puntos ang Warriors matapos makakuha ng 118 laban sa 113 ng Cavaliers.
Nagsilbing bayani ng Warriors si Kevin Durant na nagtala ng 31 points.
Isang panalo na lang ang kailangan ng Warriors para maitanghal na kampeon ngayong taon.
Nakatakda ang Game 4 ng NBA Finals sa June 9 Biyernes o June 10 Sabado, araw dito sa Pilipinas.
By Krista de Dios
Puspusan na ang paghahanda ngayon ni Fighting Senator Manny Pacquiao para sa kanyang laban kontra kay Jeff Horn sa Hulyo 2.
Kaugnay nito, sinabi ni Pacman na kanyang i-aalay ang kanilang laban ni Horn para sa mga naapektuhan ng pag-atake sa Marawi City gayundin ang mga nabiktima ng kalamidad.
Samantala, ikinatuwa naman ni Coach Freddie Roach ang pagkakasabay ng adjournment ng sesyon sa kongreso at ang training ni Pacman.
Ayon kay Roach, magandang pagkakataon ito upang matutukan ni Pacquiao ang kaniyang pagsasanay para maipanalo ang kaniyang laban.
By Jaymark Dagala