Pinagmulta ng 50,000 dollars o mahigit 2.5 million pesos si Golden State Warrior star Stephen Curry.
Ito ay matapos ibato ni Curry ang kaniyang mouthpiece sa mga game official nang talunin sila ng Memphis Grizzlies sa score na 111-101.
Itinapon ni Curry ang kaniyang mouthpiece matapos ma-eject sa laro.
Pinagmulta rin ng 15,000 dollars si Warriors forwArd Andre Iguodala matapos pagsalitaan ng masama ang game officials.
Parehong umuwing talunan ang NBA defending champion na Golden State Warriors at Cleveland Cavaliers sa kabubukas na season ng NBA.
Nabigo ang Golden State kontra Memphis Grizzlies sa iskor na 111-101.
Maliban dito, na-eject pa sa laro sina Stephen Curry at Kevin Durant dahil sa pakikipagtalo sa mga referee.
Hindi rin sinuwerte ang Cleveland Cavaliers matapos namang tambakan sila ng Orlando Magic sa iskor na 114-93 sa kanilang home court.
Pinataob ng Minnesota Timberwolves ang koponan ng Oklahoma City Thunder sa kanilang makapigil hiningang bakbakan na nagtapos sa iskor na 115-113.
Naging susi sa tagumpay ng Timberwolves ang 3 point shot ni Andrew Wiggins sa nalalabing segundo ng laban na nagbigay daan sa dalawang puntos na kalamangan para sa koponan.
Sa kabuuan, kumamada si Wiggins ng 27 puntos habang nag-ambag din ng 27 puntos si Karl Anthony Towns.
Hindi naman nakaporma si Russel Westbrook ng Thunder na nagbigay ng 31 puntos para sa Oklahoma.
Isang panalo na lamang ang kinakailangan ng Barangay Ginebra San Miguel para makuha ang kampeonato sa PBA Governor’s Cup matapos talunin ang Meralco Bolts sa iskor na 85-74 at maitala ang 3-2 sa kanilang best of seven series.
Bumida sa panalo ng Gins si Greg Slaughter na nakapagtala ng 17 points, 15 rebounds at limang blocks.
Samantala, nagtala naman ng 20 points at 12 rebounds si Justin Brownlee na sinundan ni LA Tenorio na may 17 points.
Hindi naman makapaniwala si Ginebra Coach Tim Cone matapos maging record-breaking ang naging laban.
Samantala, sa Miyerkules na magaganap ang do or die game ng dalawang koponan pabor sa Ginebra.
Selyado na ang pwesto ng Ateneo Blue Eagles sa final four ng Senior Men’s Basketball sa UAAP Season 80.
Ito’y makaraang masungkit ng Ateneo ang kanilang ika-sampung sunod na panalo sa 2nd round ng torneyo matapos ilampaso ang Far Eastern University tamaraws sa score na 70-59, sa Araneta Coliseum kahapon.
Dehado sa first half ang Blue Eagles pero bumawi sa huling quarter upang madagit ang spot sa playoffs o final four at ipako sa 10-0 ang kartada.
Nagpakawala ng 14 points si Matt Nieto para sa Ateneo habang nag-ambag ng 12 points si Ron Dennison para sa FEU.
Samantala, nasa ikalawang pwesto naman ang archrival ng Ateneo na De La Salle green archers sa standing na 8-2.
Hindi pa tiyak kung makakapaglaro sa Game 5 ng PBA Governors Cup Best of Seven Finals si Barangay Ginebra San Miguel Guard Sol Mercado.
Kasunod na din ito ng tinamong left ankle injury ni Mercado nang pigilan ang tira ni Jared Dilinger ng Meralco Bolts sa natitirang dalawampung segundo ng kanilang Game 4.
Sinabi ni Gin Kings Coach Tim Cone, o-obserbahan muna nila ang injury ni Mercado at kung hindi malala ay papayagan nialng maglaro ito sa Game 5.
Magugunitang naitabla sa 2-2 ng Bolts ang serye nang talunin ang Ginebra sa final score na 85-83.
Inilampaso ng Cleveland Cavaliers ang Milwaukee Bucks.
Hindi kinaya ng Bucks ang pinaghalong galing nina Lebron James, Kevin Love at Kyle Korver para pataubin sila sa final score na 97-116.
Umiskor si James ng dalawampu’t apat (24) na puntos at walong (8) assists samantalang nagpasok ng tatlong sunod na three points si Korver sa third quarter na siyang pumigil sa debut ng Milwaukee sa kanilang homecourt.
Si Love naman ay nag-ambag ng 17 points at 12 rebounds para sa Cavs.
Ang naturang panalo ay ikalawa na ng Cavs na pinahiya ang Celtics Boston sa NBA Opening.
Ang Milwaukee na may 1-1 record ay pinangunahan ni Giannis Antetokounmpo na gumawa ng 34 points, 8 rebounds at 8 assists.
Nakipagpulong si Pangulong Rodrigo Duterte at mga opisyal ng FIBA o International Basketball Federation.
Kaugnay ito sa bid ng Pilipinas para maging co-host ng Japan at Indonesia para sa 2023 FIBA World Cup.
Nasa bansa ang mga opisyal ng FIBA upang inspeskyunin ang mga basketball facilities para naturang international basketball event.
Isinumite ng Samahang Basketball ng Pilipinas ang bid at malalaman kung sino ang mananalo sa katapusan ng taon.
Kasama rin sa naturang pulong sina Executive Secretary Salvador Medialdea, Special Assistant to the President Christopher Lawrence go, Philippine Sports Commission Chairman William Ramirez at business tycoon Manuel Pangilinan.
Matagumpay na naitabla ng Meralco Bolts sa 2-2 ang serye ng best of seven finals ng PBA Governor’s Cup.
Ito ay matapos pataubin ng Bolts sa gitgitang laban ang Gin Kings sa iskor na 85-83.
Bigo ang Ginebra na madala sa overtime ang fourth quarter matapos na maubusan ng shot clock si Justine Brownlee sa nalalabing 17 minuto ng laro.
Muling bumida sa laro ang import ng Meralco na si Allan Durham na kumamada ng 28 puntos at 18 rebounds.
Samantala, nasungkit naman ni San Miguel Beermen player Junemar Fajardo ang ika-apat nitong MVP award kahapon.
Dahil dito, kahilera na ni Fajardo sina Ramon Fernandez at Alvin Patrimonio na nakakuha ng apat na MVP award.
Ginulat ng Los Angeles Clippers ang mga basketball fan nang talunin ang Los Angeles Lakers sa season opener ng NBA.
Matinding opensa ang pinairal ng Clippers dahilan upang mapayuko nito ang Lakers sa iskor na 108-92.
Nanguna sa panalo ng Clippers si Blake Griffin na sumikwat ng dalawampu’t siyam (29) na puntos at labindalawang (12) rebounds.
Sinegundahan naman ito ni DeAndre Jordan na nakapagtala naman ng labing apat (14) na puntos.