SPORTS

Lalarga na mamaya ang 2017 PBA draft sa Robinsons Place Atrium sa Malate, Maynila.

Nakuha ng defending Philippine at Commissioner’s Cup Champion San Miguel Beermen ang first round draft pick matapos aprubahan ang kanilang trade sa Kia Picanto.

Bagaman hindi idinetalye ng  Beermen kung sino ang kanilang kukunin, matunog na prospect ang bigman na si Christian Standhardinger.

Napatunayan na ni Standhardinger ang kanyang husay nang mapabilang siya sa lineup ng Gilas Pilipinas na sumabak sa 2017 Fiba Asia Cup at 2017 Southeast Asian Games.

Sakaling masungkit ng SMB ang 6.7 foot Filipino-German, inaasahang lalakas pa ang koponan partikular ang kanilang front court defense dahil makakatambal niya ang isa pang bigman na si Junmar Fajardo.

Saludo si Meralco Bolts Coach Norman Black sa ipinakitang laro ng Barangay Ginebra na nag-kampeon sa PBA Governor’s Cup.

Ayon kay Black, hindi matatawaran ang galing ng Gin King players dahil kitang-kita naman ang paghihirap ng mga ito nang umabot ang laro sa Game 7.

Gayunman, sinabi ni Black na hindi niya nagustuhan ang aniya’y kuwestyonableng tawag ng opisyal lalo na ang mga referee.

Matatandaang nasungkit ng Barangay Ginebra ang kanilang back to back championship para sa PBA Governor’s Cup.

Ito ay matapos nilang payukuin kagabi ang koponan ng Meralco Bolts sa Game 7 ng PBA Finals sa iskor na 101 at 96.

Nasungkit ng Barangay Ginebra ang kanilang back to back championship para sa PBA Governors Cup.

Ito ay matapos nilang payukuin kagabi ang koponan ng Meralco Bolts sa game 7 ng PBA finals sa iskor  na 101 at  96.

Maaga pa lamang ay hawak na ng Gin Kings ang malaking kalamangan ngunit pagsapit ng nalalabing    tatlong minuto ay numipis sa apat ang kalamangan ng Ginebra.

Gayunman, hindi pa rin napigilan ang determinasyon ng Ginebra na makuha ang kampeonato sa   pangunguna ni La Tenorio na tinanghal ding PBA MVP finals.

Samantala, labis labis naman ang pasasalamat ng winningest coach na si Tim Cone sa mainit na suporta ng Barangay Ginebra fans.

Sinabi ni Cone na sobrang saya niya at alay niya ang panalo ng Gin Kings sa lahat ng Barangay Ginebra    Fans.

Si Tim Cone ay kasalukuyang may dalawampung titulo nang naipapanalo sa buong coaching career nito sa PBA.

Kasado na ang 2017 PBA Rookie Draft, sa Robinson’s Place Malate, sa Oktubre 29.

Nakuha ng KIA Picanto ang first round draft pick; 2nd draft pick para sa NLEX Road Warriors; Black Water Elite, 3rd; Phoenix Fuel Masters, 4th; Global Port Batange Pier, 5th; Alaska Aces, 6th; Rain or Shine Elasto Painters, 7th;

Star Hotshots, 8th; TNT Katropa, 9th; San Miguel Beermen, 10th; Meralco Bolts,   11th  at Barangay Ginebra San Miguel, 12th draft pick.

Pinaka-matunog na papasok sa first round draft pick si Christian Standhardinger; pangalawa si Kiefer Ravena at pumangatlo si Jeron Teng.

Pinakain ng alikabok ng Oklahoma City Thunder ang Indiana Pacers sa iskor na 114-96.

Nanguna sa panalo si Russel Westbrook na nakapagtala ng kanyang 81st career NBA triple double.

Umiskor si Westbrook ng dalawampu’t walong (28) puntos, sampung (10) rebounds at labing anim (16) na assists.

Samantala, nakapag-ambag din ng dalawampu’t walong (28) puntos para sa Thunder si Carmelo Anthony.

Ito naman ang unang panalo ni Paul George kontra sa dati niyang koponan na Pacers.

Pinataob ng San Antonio Spurs ang Miami Heat sa kanilang pagtutuos kaninang umaga.

Tuloy-tuloy ang panalo para sa Spurs na pinayuko ang Heat sa iskor na 117-100.

Muling pinangunahan ni Lamarcus Aldridge ang panalo ng Spurs makaraang kumana ito ng 31 puntos.

Ang naturang panalo ay ang ika-1,154 na panalo na para kay San Antonio Spurs Coach Gregg Popovich.

—-

Wagi ang Meralco sa naganap na do-or-die game kontra Barangay Ginebra sa finals ng PBA sa Philippine Arena kagabi.

Sa iskor na 98-91 pabor sa Meralco, tabla na ang dalawang koponan sa serye ng best of seven finals.

Nanguna ang Meralco import na si Allen Durham matapos makapagtalaga ng 28 points at 19 rebounds.

Sinundan siya ni Reynel Hugnatan na nagtala ng 24 points, 7 rebounds, 4 assists at 2 steals.

Samantala, nakapagtala ng panibagong record breaking attendance ang laro kagabi kung saan umabot ng 53, 642 ang nanood na pinakamalaking record attendance sa kasaysayan.

Inaasahan naman ang mas malaking crowd sa game 7 na magaganap na ngayong Biyernes.

—-

Nakatikim ng unang talo ang Houston Rockets sa kamay ng Memphis Grizzlies.

Sinabi ni Grizzlies Center Marc Gasol na naging susi sa kanilang pagka-panalo ang ipinakita nilang depensa.

Si Gasol ay gumawa ng 26 na puntos na nagdala sa Memphis sa kanilang ikatlong panalo mula pa noong opening games.

Sa huling tatlong minuto ng laro, kung saan tabla na ang iskor sa 88 na puntos, nagkainitan sina Memphis Guard Mario Chalmers at Five Time All-Star James Harden.

Nasiko ni Harden si Chalmers kaya’t natumba ito.

Nakapagtala ng triple double si Ben Simmons sa laban ng Philadelphia 76ers kontra Detroit Pistons.

Nakapagrehistro ang 21 anyos na mula Melbourne, Australia ng 21 points, 12 rebounds at 10 assists kung saan tinalo ng 76ers ang Pistons sa iskor na 97-86.

Dahil dito, si Simmons ang unang NBA player na nakasungkit ng triple double sa loob ng limampung taon sa NBA history.

Kahilera na nito sina Art Hambone Williams ng San Diego Rockets at Oscar Robertson ng 1960 Cincinnati Royals.