SPORTS

Nakatakda ng buksan ng boxing icon na si “Iron Mike” Tyson ang kanyang marijuana plantation o rancho sa California.

Ito’y makaraang i-legalized ng California state ang pagbebenta ng non-medical marijuana, noong unang araw ng bagong taon.

Ang nasabing plantasyon na tinawag na “Tyson Ranch” ay matatagpuan sa California City, malapit sa Death Valley National Park.

May lawak itong 40 acres o 16.2 hectares at nakalaan para sa produksyon ng high-quality marijuana kung saan magtatayo rin ng isang supply store, extraction facility, edible factory, cultivation school upang hasain ang mga grower at magkakaroon smoker-friendly campgrounds at cabins.

Gayunman, wala pang eksaktong petsa kung kailan bubuksan ang nasabing marijuana ranch na pinasinayaan ni Tyson kasama ang kanyang mga business partner noong December 27.

Hindi muna makakapaglaro si Terrence Romeo sa unang laban ng Gilas Pilipinas ngayong taon para sa ikalawang leg ng Asian Qualifiers ng FIBA.

Nabatid na ilang buwan munang magpapahinga si Romeo dahil kailangan muna niyang pagalingin ang kaniyang knee contusion injury.

Una rito, hindi nakasama si Romeo sa inilabas ni Coach Chot Reyes na listahan ng mga bubuo sa Gilas Pilipinas na magsisimulang mag-training sa Lunes.

Tutulak pa Melbourne, Australia ang Gilas Pilipinas para harapin ang Australia sa Margaret Court Arena sa February 22 at babalik ng bansa para labanan ang tropa ng Japan sa February 25.

—-

Hindi nagpatinag sa matinding sikat ng Phoenix Suns ang San Antonio Spurs.

Sa kanilang paghaharap, gumawa ng season high na 21 points si Manu Ginobli gayundin si Kawhi Leonard para padapain ng Spurs ang Phoenix sa final score na 103-89.

Ito na ang ikatlong pagkakaton na natalo ng Spurs ang Phoenix sa tatlong beses din nilang paghaharap sa kasalukuyang NBA season.

Nagdagdag naman ng 16 points si Bryn Forbes para sa San Antonio samantalang gumawa ng 15 points si Pau Gasol at 12 points naman si Davis Bertans.

Umiskor naman ng 12 points si Devin Booker para sa Suns at nagdagdag ng 12 points si Marquese Chriss, 11 points si Josh Jackson at tig-10 points ang ginawa nina Alen Len at Troy Daniels.

—-

Nanganganib na hindi na makapaglaro sa buong komperensya ng PBA si Barangay Ginebra Power Forward Joe Devance.

Ayon kay Ginebra Coach Tim Cone, ito ay dahil sa nakatakdang operahan si Devance sa injury nito sa kaliwang paa.

Sinabi ni Cone na nakatakda siyang palitan nina Jervy Cruz at Raymond Aguilar na magiging back-up naman nina Greg Slauther at Japeth Aguilar.

Dahil dito, inilagay na si Devance sa unrestricted free agent list.

Pinangalanan na ni Gilas Pilipinas Head Coach Chot Reyes ang mga maglalaro sa pangalawang qualifying round ng 2019 FIBA World Cup sa China.

Ito’y sina Jayson Castro, Kiefer Ravena, Kevin Alas, RR Pogoy, Matthew Wright, Allein Maliksi, Gabe Norwood, Calvin Abueva, Carl Bryan Cruz, Mac Belo, Troy Rosario, Raymond Almazan, Japeth Aguilar at June Mar Fajardo.

Kabilang din dito si Jio Jalalon na hindi naman nakapaglaro sa laban ng kanilang koponan sa Japan at Chinese-Taipei dahil tinamo nitong injury.

—-

Magpapakondisyon pa muna si dating World Number One Novak Djokovic bago magdesisyon kung makakapaglaro ito sa Australia Open.

Ayon kay Djokovic, magtutungo siya sa Australia para makibahagi sa dalawang laro at subukan kung kakayanin na ng kanyang braso ang sumabak sa matinding laban.

Matatandaang Hulyo ng nakaraang taon nang huling maglaro si Djokovic.

Ito’y kung saan ay napilitan siyang umatras sa Wimbledon ang 12 time grand slam tournament champion dahil sa elbow injury nito.

—-

Nakabawi ang Cleveland Cavaliers mula sa kanilang tatlong (3) sunod na pagkatalo dahilan upang mapako ang team sa ikatlong puwesto ng Eastern Conference Division ng 2017 – 2018 NBA Regular Season.

Sa pagkakataong ito ay ibinaon ng Cavaliers ang Portland Trail Blazers sa iskor na 127 – 110 sa homecourt ng Cavs sa Quicken Loans Arena, Cleveland, Ohio.

Natagisan ng lakas ang dalawang all – star guards na si Damian Lillard ng Blazers at Isaiah Thomas ng Cavaliers.

Bagaman 17 puntos lamang ang pinakawalan ni Thomas habang 25 puntos ang iniambag ni Lillard, nasa Cavs pa rin ang huling halakhak.

Hawak na ng Cleveland kartadang 25 – 12 habang nasa ika – pitong (7) puwesto ang Portland sa Western Conference Division sa standing na 19 – 18.

Magsasagawa ng isang malaking anunsyo si British Boxer Amir Khan.

Ayon kay Khan, tiyak na ikagugulat ng kanyang fans ang nasabing announcement.

Hindi naman nagbigay ng clue o anumang pahiwatig si Khan hinggil sa iaanunsyo niya sa mga susunod na araw.

Mula May 2016 ay hindi na lumaban pa ang 31-anyos na boksingero matapos itong sumailalim sa operasyon sa kanyang kamay.

Una nang inihayag ni Khan na nais niyang lumabas sa United Kingdom.

Si Khan ay may 31 panalo, 4 na talo at 19 knockouts.

—-

Tiwala si Barangay Ginebra Head Coach Tim Cone na babalik nang muli ang pagpapamalas ng galing ni Greg Slaughter.

Kasunod na din ng maganda nitong laban noong Christmas day game kontra sa Magnolia Hotshots, matapos ang pagpapagaling ng ilang buwan makaraang operahan sa kanyang bone spurs at nakapagtamo ng injury.

Nakagawa si Slaughter ng dalawangpo’t apat (24) na puntos, labing tatlong (13) rebounds at apat (4) na block shots.

Ayon pa kay Cone, si Slaughter ang kanyang itinuturing na pantapat kay June Mar Fajardo sa natakda nilang paghaharap sa Enero 28.