SPORTS

Nagkausap na sa wakas sina dating 8 Division World Champion at Senador Manny Pacquiao at kanyang promoter na si Top Rank CEO Bob Arum.

Kaugnay ito sa napipintong pagbabalik ng pambansang kamao sa ring sa susunod na taon.

Ayon kay Michael Koncz, adviser ni Pacquiao, sa Abril posibleng sumabak muli sa bakbakan si Pacman subalit palaisipan pa kung sino ang makakalaban.

Bagaman wala na anyang hawak na titulo, walang balak si Senador Pacquiao na lumaban sa  undercard.

Tikom naman ang bibig ni Koncz kung pursigido ang kanilang kampo na plantsahin ang posibleng sagupaan sa pagitan ng people’s champ at  MMA Superstar Conor Mcgregor.

Napako pa sa ikalawang spot sa western conference division ng 2017-2019 NBA regular season ang Houston rockets.

Ito’y makaraang malasap ng Rockets ang kanilang ikalawang sunod na pagkatalo sa kamay ng Los Angeles Clippers sa score na 128-118 kahapon.

Bagaman nagpakawala ng 51 points si James Harden para sa Houston, aminado ang star point guard na mas maganda kung nanalo sila sa kanilang homecourt.

Samantala, nasa top spot pa rin ang defending NBA champion Golden State Warriors sa kartadang 26-6 habang ang Rockets ay mayroong 25-6.

Hindi pa rin natitinag ang Boston Celtics sa number 1 spot sa eastern conference division sa kartadang 26-9 habang nasa ikalawang puwesto ang Cleveland Cavaliers sa standing na 24-9.

Nangunguna pa rin sa listahan ng Hall of Fame Coach na si Freddie Roach ang undefeated American boxer na si Floyd Mayweather bilang pantapat kay fighting Senator Manny Pacquiao.

Ito ayon kay Roach makaraang tuldukan na ni Top Rank CEO Bob Arum ang isyu na si UFC Star Conor McGregor ang siyang susunod na ilalaban kay Pacquiao sa Abril ng susunod na taon.

Sinabi ni Roach na kung siya ang tatanungin, mas nanaisin pa rin niyang makaharap ni Pacman sa parisukat na lona si Mayweather para maselyuhan na ang mga agam-agam hinggil sa galing at tibay ng dalawang boksingero.

Sa huli, tiniyak ni Roach na itutumba na ni Pacquiao si Floyd sa sandaling muli silang magkaharap para patunayang ang Pinoy boxer pa rin ang siyang tunay na angat at namamayagpag sa naturang larangan.

—-

Ibinunyag ngayon ni UFC President Danna White na interesado si US Boxing Champion Floyd Mayweather Jr. na sumabak sa UFC.

Ayon kay White, nagkaroon na sila ng inisyal na pag-uusap ni Mayweather para sa nasabing pagsabak sa Octagon.

Naniniwala si White na hindi malayong maisakatuparan ang paglaban sa Octagon ni Mayweather lalo’t matagal na rin aniya itong nagpapahag ng interes basta malaking pera ang pinag-uusapan.

Matatandaang tinalo ni Mayweather ang UFC star na si Conor McGregor nang sumabak naman sa ring and dalawang mandirigma.

—-

Tagumpay ang NLEX Road Warriors para matalo ang KIA Picanto.

Bumida ang rookie player ng Warriors na si Kiefer Ravena para talunin ang KIA matapos gumawa ng 18 points, 12 assists at 7 rebounds.

Natuwa naman si Warriors Coach Yeng Guiao sa naging performance ni Ravena na nagsabing sinuwerte lamang siya sa kaniyang laro na nagsimula sa pagpuntos kaagad sa unang tira pa lamang.

—-

Tinapos ng Milwaukee Bucks ang sunod – sunod na panalo ng Cleveland Cavaliers.

Pinayuko ng Bucks ang Cavs sa iskor na 119 – 116.

Pinangunahan ni Giannis Antetokounmpo ang tagumpay ng Bucks na kumana ng dalawampu’t pitong (27) puntos.

Samantala, hindi naman sumapat ang tatlumpu’t siyam (39) na puntos ni Lebron James para ilayo sa pagkatalo ang Cavs.

Bigo ang Pinoy boxer na si Jason Pagara na masungkit ang WBO Asia Pacific Junior Welterweight title.

Ito ay makaraang talunin si Pagara ng Japanese fighter na si Hiroki Okada.

Pinatumba ni Okada si Pagara sa ika-anim na round ng laban.

Dahil dito, mayroon nang apatnapung (40) panalo, tatlong (3) talo at isang draw si Pagara.

—-

Pormal nang nagretiro sa Los Angeles Lakers ang number 8 at 24 na jersey numbers ni Kobe Bryant.

Isinagawa ito sa half time period ng laban ng Golden State Warriors at Los Angeles Lakers.

Sinabi ni Bryant na nagpapasalamat sa ginawang pagkilala sa kaniya ng Lakers.

Tinawag naman bilang greatest Laker ever si Bryant ni Lakers Basketball operations at dating 6 time NBA Champion Magic Johnson.

Sa kaniyang karera sa NBA na nagtapos nuong 2016 si Bryant ay nakagawa ng halos 34 thousand points na ikatlo sa mga pinakamataas na puntos sa kasaysayan ng NBA.

Si Bryant ay ika sampung player na ng Lakers na niretiro ang jersey number at bukod kay Johnson, ni retiro na ang jersey number nina Wilt Chamberlain, Elgin Baylor, Gail Goodrich, Abdul Jabbar, Shaquille o Neal, James Eorthy, Jerry West at Jamaal Wilkes.

Tinanggihan ni Mexican boxing legend Juan Manuel Marquez ang alok na isandaang milyong dolyar ($100-M) ng mga negosyanteng Pinoy para labanan sa ika – limang pagkakataon si Pambansang Kamao Manny Pacquiao.

Giit ni Marquez, may mga bagay sa mundo na hindi mabibili o matutumbasan ng pera.

Gaya aniya ang karangalan na sa wakas ay natalo niya ang matindi niyang karibal na si Pacquiao noong 2012.

Ito aniya ang mas mahalaga sa lahat na kanyang iniingatan kaya’t ayaw na niyang muling labanan si Pacquiao.

Matatandaang sa unang tatlong laban nina Pacquiao at Marquez ay humantong sa card decision.

Habang sa ika – apat nilang pagtutuos ay pinatumba na ng Mexican warrior sa ika – anim na round si Pacquiao.