SPORTS

Bagong coach na ang isasabak ng Kia Picanto sa pagpasok ng bagong taon matapos magbitiw sa puwesto si Chris Gavina dahil sa  sunod-sunod na kontrobersiyang kinasangkutan ng team sa pagpapatuloy ng 43rd PBA season.

Inamin ni team manager Joe Lipa ang pag-alis ni Gavina bilang head coach ng Kia upang tutukan ang produksyon ng kanyang Impakt Power Drink.

Papalit naman kay Gavina si Ricky Dandan na lead deputy ng Picanto at pormal itong pangungunahan ang Picanto sa kanilang pagbabalik ensayo sa Enero a-dos.

Una nang inanunsiyo ni Gavina ang pagbibitiw sa kanyang koponan kahapon  matapos ang kanilang ensayo.

Naganap ito ilang araw lamang matapos ang usap-usapan ng umano’y napipintong pagbili ng Phoenix ng ilang porsyentong share ng Columbia Autocar Corporation na nagmamay-ari sa Kia.

Bukod pa ito sa isyu ng pagpapamigay nila sa kanilang karapatang makuha ang top pick sa nagdaang pba draft na pinangungunahan ni Christian Standhardinger kapalit nina Jay-R Reyes, Ronald Tubid, Rashawn McCarthy at future first round pick.

Nasilat ng LA Clippers ang Los Angeles Lakers nang magharap ang dalawang koponan sa NBA ngayong Sabado, Disyembre 30.

Hindi umubra ang pangunguna ni Fil – Am player na si Jordan Clarkson ng Lakers para pigilan ang pag – arangkada ng Clippers na nagtapos sa iskor na 106 – 121.

Bagama’t nasayang ang dalawampung (20) puntos na naibuslo ni Clarkson, tila suwerte naman itong maituturing ni Blake Griffin sa Clippers matapos ang isang buwan.

Dahil dito, naitala ng Clippers ang kanilang 15 wins and 19 loss na kartada habang lumagpak naman sa 11 wins 23 loss ng Lakers.

Nilampaso ng Boston Celtics ang Houston Rockets sa kanilang naging paghaharap kahapon sa iskor na 99 – 98.

Naging susi sa pagkapanalo ng Celtics ang hook shot ni Al Horford gayundin ang hustle play ni Marcus Smart sa tinaguriang comeback win ng Celtics sa NBA.

Bumida din si Kyrie Irving na nakapagbuslo ng 26 puntos na sinundan naman ng 19 na puntos ni Jayson Tatum.

Samantala, nagtala namang double – double si James Harden para sa Rockets na nakapagbuslo ng may 34 na puntos at 10 assists.

Nakasikwat ng dalawampo’t walong (28) puntos ang rookie ng Alaska Aces sa laban kontra TNT Katropa nitong Biyernes ng gabi.

Ito ang ikalawang laro sa PBA ng dating DLSU standout at 5th pick sa 2017 PBA draft na si Teng.

Gayunman, hindi ito sumapat matapos silang payukuin ng Talk N Text sa iskor na 106 – 98.

Nanguna naman sa panalo ng TNT si Troy Rosario na sumikwat naman ng dalawampo’t isang (21) puntos.

Hindi pa rin nabubuwag sa top spot ng Western Conference Division ng 2017 – 2018 NBA regular season ang defending champion na Golden State Warriors.

Ibinaon ng Golden State sa kanilang homecourt sa Oracle Arena, Oakland, California ang Utah Jazz sa iskor na 126 – 101.

Naging pisikalan ang laban sa panig ng Utah partikular sa depensa kaya’t bahagyang nahirapan ang Warriors sa first half subalit nakabawi sa ika – apat na kwarter.

Nagpakawala ng 21 points sina Kevin Durant at 18 points si Patric Mcaw para sa Golden State habang kumamada ng 26 points si Rodney Hood para sa Jazz.

Hawak na ng Warriors ang kartadang 28 – 7 upang mapanatili ang No. 1 spot sa Western Conference Division.

Habang nasa ikalawang pwesto ang Houston Rockets sa standing na 25 – 7.

Umatras na sa Brisbane International tournament si World’s Number One Rafael Nadal.

Ito ay dahil sa iniinda niyang injury sa tuhod.

Ayon kay Nadal, bagamat nais niyang maglaro sa naturang torneo ay ikinalulungkot niyang hindi aniya handa ang kanyang pangangatawan para dito.

Sa kabila nito, tiniyak naman ni nadal na maglalaro siya sa Australian Open na gaganapin sa susunod na buwan.

Matatandaang huling naglaro si Nadal sa world tour finals sa Londol kung saan ay natalo ito sa belgian tennis star na si David Goffin.

I am sorry to announce I won’t be coming to Brisbane this year. My intention was to play but I am still not ready after last year’s long season and the late start of my preparation.
I had a great time there and it was a great start to the month I spent in Australia

— Rafa Nadal (@RafaelNadal) December 27, 2017

I will be seeing my Aussie fans when I land on the 4th in Melbourne and start there my preparation for the Australian Open.

— Rafa Nadal (@RafaelNadal) December 27, 2017

May bago nang coach ang UST basketball team sa UAAP.

Nakumpirma na ang paglipat ni Aldin Ayo bilang bagong UST coach matapos itong malathala sa “The Varsitarian”.

SOURCES: UST backers in talks with La Salle coach Aldin Ayo to transfer to UST Growling Tigers. Ayo’s contract with the Green Archers ends on Dec 31. pic.twitter.com/aDE0hXYAl9

— The Varsitarian (@varsitarianust) December 27, 2017

Kasunod ito ng paglutang ng balitang lilipat ito mula sa Dela Salle Green Archers matapos ang nakalipas na UAAP season.

Magugunitang si Boy Sablan ay nagbitiw na head coach ng Growling Tigers matapos umanong mangulelat sa UAAP basketball league ang UST.

Matatapos naman sa Disyembre 31 ang kontrata ni ayo sa DLSU, at matunog na magiging head coach ng Green Archers si Richard del Rosario.

Handang handa na si reigning IBF junior flyweight champion Milan Melindo para sa nalalapit nitong laban kontra kay WBA light flyweight champion Ryoichi Taguchi.

Target ni Melindo na maagaw kay Taguchi ang light flyweight belt nito.

Ayon kay boxing coach Edito Villamor, matinding training ang pinagdaanan ni Melindo para sa labang ito.

Determinado aniya si Melindo sa labang ito at kumpiyansa ang kanyang kampo na maisasakatuparan ng Pinoy boxer ang kanilang mga napaghandaan sa ensayo.

Ang bakbakang Melindo at Taguchi ay gaganapin sa Japan sa mismong bisperas ng bagong taon.

Magbabalik-tennis na si dating World’s Number One Serena Williams.

Ito ay matapos ang ilang buwan niyang pamamahinga dahil sa pagbubuntis at panganganak.

Ayon sa ulat, masisilayan na muling maglaro si Williams sa Mubadala Exhibition Event sa Abu Dhabi sa darating na Sabado.

Maliban dito, paghahanda na rin ito para sa pagsabak ni Williams sa Australian Open.

—-

Hindi makakalaro si Stephen Curry sa Christmas game ng Golden Warriors at Cleveland Cavaliers

Ayon kay Warriors Coach Steve Kerr, napaka iresponsable kung isasabak si Curry sa court kahit pa gumagaling na ang tinamo nitong ankle injury.

Hindi anya nila hahayaaang basta-basta palaruin si Curry dahil lang CAVS ang makakaharap ng Warriors sa mismong araw pa ng Pasko.

Tinamo ni Curry ang injury sa kanyang kanang paa sa game kontra New Orleans Pelican nitong December 5.