Hindi pa rin natitinag ang Defending Champion San Miguel Beermen sa top spot ng 2017-2018 PBA Philippine Cup.
Ipinako ng San Miguel ang kartadang 4-0 matapos malusutan ang NLEX Road warriors sa score na 109-98 sa kanilang paghaharap sa Cuneta Astrodome, Pasay, kagabi.
Nanguna sa panalo ng SMB si Arwind Santos na kumamada ng double-doubles 26 points at 13 rebounds habang nag-ambag ng 25 points at 16 rebounds si Junmar Fajardo.
Nagpakawala naman ng 15 points si Kiefer Ravena para sa Road Warriors pero hindi ito naging sapat upang maka-tiyempo ng panalo laban sa number 1 team.
Dahil dito, nananatili sa bottom 4 o nasa 10th spot ang NLEX sa standing na 2-3.
