SPORTS

Tuluyan nang nangulelat ang Los Angeles Lakers sa Western Conference Division ng 2017 – 2018 NBA regular season.

Ito ay makaraang maitala ng Lakers ang kanilang ika – 7 sunod na pagkatalo matapos ilampaso ng Minnesota Timberwolves sa iskor na 114 – 96.

Halos hindi nakapalag ang LA sa homecourt ng Timberwolves bunsod ng matinding opensa sa pamamagitan ng 28 points at 9 assists ni Jimmy Butler para sa Minnesota.

Nagpakawala naman ng 20 points at 4 assists ang Filipino – American player ng Lakers na si Jordan Clarkson.

Nakapako sa 11 wins at 25 losses ang kartada ng Lakers at nasa ika – 15 puwesto.

Kumpiyansa si Coach Freddie Roach na mararating ni Filipino boxer Mercito “No Mercy” Gesta ang tagumpay na narating din ng Pambansang Kamao na si Manny Pacquiao.

Nakatakdang hamunin ni Gesta si Jorge Linares ng Venezuela para sungkitin ang titulong World Boxing Association Lightweight sa Enero 27 sa The Forum sa California.

Si Gesta ay may tatlongpo’t isang (31) panalo, isang talo, at dalawang (2) draws tampok ang labing pitong (17) knockouts.

Ito ang ikalawang pagkakataon na tatangkaing kunin ni Gesta, tubong Cebu, na magsuot ng world title matapos mabigo sa laban kay Miguel Vasquez noong 2012.

Itinanggi ni Sta. Lucia Lady Realtors Spiker na si Pam Lastimosa na lilipat na siya ng koponan.

Taliwas ito sa naging anunsyo ng Cocolife Asset na lilipat si Lastimosa sa kanilang koponan.

Sa katunayan, muling lalagda ng kontrata si Pam para sa Sta. Lucia na una sa kanilang lisahan ng mga returning players.

Nagkaroon umano ng negosasyon sa pagitan ng Cocolife at ni Lastimosa subalit hindi ito nagtagumpay sa halip ay nagpasya ang manlalaro na manatili na lamang sa kanyang koponan.

Magugunitang tumulong pa si Lastimosa na makaabot ang Lady Realtors sa quarterfinals ng Philippine Super Liga Grand Prix bago sila tinalo ng Foton Tornadoes.

Hindi na makahintay pa si NBA MVP Stephen Curry sa kanyang muling pagsabak sa laban sa Golden State Warriors.

Inabot din ng labing isang (11) game na hindi nakapaglaro si Curry dahil sa tinamo nitong injury sa kanyang kanang paa noong Disyembre 4.

Ayon kay Warriors Head Coach Steve Kerr, excited na si Curry sa muli nitong pagbabalik sa basketball ring.

Gayunpaman, ipinabatid ni Kerr na magiging limitado muna ang oras sa paglalaro ni Curry upang hindi ito mabigla at maging maayos ang pagrekober.

Bagong coach na ang isasabak ng Kia Picanto sa pagpasok ng bagong taon matapos magbitiw sa puwesto si Chris Gavina dahil sa  sunod-sunod na kontrobersiyang kinasangkutan ng team sa pagpapatuloy ng 43rd PBA season.

Inamin ni team manager Joe Lipa ang pag-alis ni Gavina bilang head coach ng Kia upang tutukan ang produksyon ng kanyang Impakt Power Drink.

Papalit naman kay Gavina si Ricky Dandan na lead deputy ng Picanto at pormal itong pangungunahan ang Picanto sa kanilang pagbabalik ensayo sa Enero a-dos.

Una nang inanunsiyo ni Gavina ang pagbibitiw sa kanyang koponan kahapon  matapos ang kanilang ensayo.

Naganap ito ilang araw lamang matapos ang usap-usapan ng umano’y napipintong pagbili ng Phoenix ng ilang porsyentong share ng Columbia Autocar Corporation na nagmamay-ari sa Kia.

Bukod pa ito sa isyu ng pagpapamigay nila sa kanilang karapatang makuha ang top pick sa nagdaang pba draft na pinangungunahan ni Christian Standhardinger kapalit nina Jay-R Reyes, Ronald Tubid, Rashawn McCarthy at future first round pick.

Nasilat ng LA Clippers ang Los Angeles Lakers nang magharap ang dalawang koponan sa NBA ngayong Sabado, Disyembre 30.

Hindi umubra ang pangunguna ni Fil – Am player na si Jordan Clarkson ng Lakers para pigilan ang pag – arangkada ng Clippers na nagtapos sa iskor na 106 – 121.

Bagama’t nasayang ang dalawampung (20) puntos na naibuslo ni Clarkson, tila suwerte naman itong maituturing ni Blake Griffin sa Clippers matapos ang isang buwan.

Dahil dito, naitala ng Clippers ang kanilang 15 wins and 19 loss na kartada habang lumagpak naman sa 11 wins 23 loss ng Lakers.

Nilampaso ng Boston Celtics ang Houston Rockets sa kanilang naging paghaharap kahapon sa iskor na 99 – 98.

Naging susi sa pagkapanalo ng Celtics ang hook shot ni Al Horford gayundin ang hustle play ni Marcus Smart sa tinaguriang comeback win ng Celtics sa NBA.

Bumida din si Kyrie Irving na nakapagbuslo ng 26 puntos na sinundan naman ng 19 na puntos ni Jayson Tatum.

Samantala, nagtala namang double – double si James Harden para sa Rockets na nakapagbuslo ng may 34 na puntos at 10 assists.

Nakasikwat ng dalawampo’t walong (28) puntos ang rookie ng Alaska Aces sa laban kontra TNT Katropa nitong Biyernes ng gabi.

Ito ang ikalawang laro sa PBA ng dating DLSU standout at 5th pick sa 2017 PBA draft na si Teng.

Gayunman, hindi ito sumapat matapos silang payukuin ng Talk N Text sa iskor na 106 – 98.

Nanguna naman sa panalo ng TNT si Troy Rosario na sumikwat naman ng dalawampo’t isang (21) puntos.

Hindi pa rin nabubuwag sa top spot ng Western Conference Division ng 2017 – 2018 NBA regular season ang defending champion na Golden State Warriors.

Ibinaon ng Golden State sa kanilang homecourt sa Oracle Arena, Oakland, California ang Utah Jazz sa iskor na 126 – 101.

Naging pisikalan ang laban sa panig ng Utah partikular sa depensa kaya’t bahagyang nahirapan ang Warriors sa first half subalit nakabawi sa ika – apat na kwarter.

Nagpakawala ng 21 points sina Kevin Durant at 18 points si Patric Mcaw para sa Golden State habang kumamada ng 26 points si Rodney Hood para sa Jazz.

Hawak na ng Warriors ang kartadang 28 – 7 upang mapanatili ang No. 1 spot sa Western Conference Division.

Habang nasa ikalawang pwesto ang Houston Rockets sa standing na 25 – 7.

Umatras na sa Brisbane International tournament si World’s Number One Rafael Nadal.

Ito ay dahil sa iniinda niyang injury sa tuhod.

Ayon kay Nadal, bagamat nais niyang maglaro sa naturang torneo ay ikinalulungkot niyang hindi aniya handa ang kanyang pangangatawan para dito.

Sa kabila nito, tiniyak naman ni nadal na maglalaro siya sa Australian Open na gaganapin sa susunod na buwan.

Matatandaang huling naglaro si Nadal sa world tour finals sa Londol kung saan ay natalo ito sa belgian tennis star na si David Goffin.

I am sorry to announce I won’t be coming to Brisbane this year. My intention was to play but I am still not ready after last year’s long season and the late start of my preparation.
I had a great time there and it was a great start to the month I spent in Australia

— Rafa Nadal (@RafaelNadal) December 27, 2017

I will be seeing my Aussie fans when I land on the 4th in Melbourne and start there my preparation for the Australian Open.

— Rafa Nadal (@RafaelNadal) December 27, 2017