Interesado ang Ukrainian boxer na si vasyl lomanchenko na makalaban si dating 8-Division World Champion Manny Pacquiao.
Inihayag ito ni Lomanchenko matapos ang matagumpay niyang laban kontra kay Guillermo Rigondeaux.
Ayon kay Lomanchenko, mas komportable siyang makalaban ang fighting senator kaysa sa isa pang boksingerong si Terrence Crawford.
Samantala, bukas naman si Top Rank CEO Bob Arum sa alok na laban ng Ukrainian boxer.
Handa ang NBA hall of famer superstar na si Dennis Rodman na magsilbing “peace envoy” ng Estados Unidos sa North Korea.
Ito’y upang maiwasan ang posibleng pagsiklab muli ng digmaan sa pagitan ng dalawang bansa sa gitna ng nagpapatuloy na nuclear arms development program ng NoKor.
Hiniling din ni Rodman kay US President Donald Trump na ipadala siya sa North Korea upang makipag-negosasyon kay Supreme Leader Kim Jong Un at kahit paano ay mabawasan ang tensyon.
Samantala, inihayag din ng retiradong basketbolista na may pagkakahalintulad ng ugali sina Trump at Kim gaya ng pagiging “dominante.”
Limang beses ng bumsita si Rodman sa North Korea simula noong 2012 upang magsilbing trainer ng national basketball team ng NoKor at itinuturing din niyang malapit na kaibigan si Kim.
Bigo ang New Orleans Pelicans na buwagin ang Western Conference top team na Houston Rockets.
Ito ay makaraang padapain ng Rockets ang Pelicans sa iskor na 130 – 123.
Nanguna sa panalo ng Rockets si Clint Capela na kumana ng dalawampu’t walong (28) puntos.
Habang sinegundahan naman ito ni James Harden na sumikwat ng dalawampu’t anim (26) na puntos.
Samantala, hindi naman sumapat ang tatlumpu’t pitong (37) puntos na ginawa ni Jrue Holiday para buhatin ang koponan ng Pelicans.
Ipinahiwatig ni dating World Number One Serena Williams ang nalalapit niyang pagbabalik sa tennis.
Sa kanyang Instagram account, nagpost ng larawan si Williams ng suot suot niyang ginto at puting tennis shoes at may caption na “Be excited. Be very excited.”
Matatandaang nawala pansamantala sa tennis scene si Williams matapos itong magbuntis at maipanganak noong Setyembre ang kanyang sanggol na si baby Alexis.
Matatandaang noong nakaraang taon lamang ay nasungkit ni Williams ang kanyang ika-23 grand slam singles title sa Australian Open.
Tagumpay ang Boston Celtics sa tila paghihiganti sa Detroit Pistons.
Ito ay matapos ilampaso ng Pistons ang Celtics sa kanilang naunang banggaan noong Nobyembre 29, kung saan naitala ang final score sa 118 – 108.
Sa kanilang pinakahuling paghaharap, pinangunahan nina Al Horford na gumawa ng 18 points at Kyrie Irving na kumana ng 16 points ang panalo ng Celtics tungo sa final score na 91 – 80.
Nag – ambag din sa para sa leading team sa Eastern Conference na Celtics sina Jaylen Brown na gumawa ng 12 points, Marcus Smart ng 12 points at rookie na si Jayson Tatum na 11 points.
Sa panig naman ng Detroit, humataw ng 19 points si Tobias Harris habang gumawa naman ng 15 points si Anthony Tolliver at 12 points ang kontribusyon ni Avery Bradley.
Ang Boston ay may hawak na 23 – 5 win loss record habang 14 – 13 naman ang sa Pistons.
Hindi pa rin natitinag ang Houston Rockets sa top spot ng Western Conference Division sa 2017-2018 regular season ng NBA.
Naitala ng Houston ang kanilang ika-siyam na sunod na panalo makaraang malusutan ang Portland Trail Blazers sa score na 124-117, kahapon.
Gaya ng dati, pinangunahan ni James Harden ang Rockets sa score na 48 points habang nagpakawala ng 35 points si Damien Lillard para sa Trail Blazers.
Hawak na ng Houston ang kartadang 20 wins at 4 losses habang nasa 2nd spot ng Western Conference ang defending champions Golden State Warriors sa standing na 21-6.
Ikinasiya ng Palasyo ang matagumpay na pagkakasungkit ng Pilipinas sa isa sa tatlong hosting rights ng Fiba World Cup para sa taong 2023.
Ayon kay Communications Secretary Martin Andanar, hudyat ang panalong ito ng bansa kasama ang Japan at Indonesia nang muling pag-usbong ng katanyagan ng Pilipinas sa mundo ng international sports.
Naniniwala rin si Andanar na makatutulong ito sa pagtaas ng turismo at foreign investments sa bansa.
Pinapurihan naman ni Andanar ang Samahang Basketbol ng Pilipinas o SBP na pinamumunuan ni Al Panlilio, at ng chairman emeritus nito na si Manny Pangilinan dahil sa ipinakitang pagsisikap makuha lamang ng bansa ang hosting ng 2023 Fiba World Cup.
Kinumpirma ni Senator Manny Pacquiao na sinimulan nilang kausapin ang kampo ni Conor Mcgregor para sa posibleng paghaharap nila oras na mag-break ang sesyon ng senado sa Abril.
Ayon kay Pacquiao, payag siyang makalaban si Mcgregor basta’t magkaroon lang ng maayos na negosasyon
Sa ngayon anya, hindi pa nasusundan ang inisyal nilang usapan tungkol sa posible nilang paghaharap sa ring.
Kung matuloy ang laban, sinabi ni Pacquiao na posible itong gawin sa Malaysia, Dubai o Macau.
Sinalakay ng mga pulis ang bahay ng dating NBA player na si Chris Bosh sa loob ng isang magarang subdivision sa Dallas, Texas.
Ayon sa mga otoridad, may nakita silang drug paraphernalia sa bahay ni Bosh na indikasyon umano ng may nagaganap doong transaksyon ng droga.
Wala si Bosh sa loob ng bahay nang salakayin ito ng mga pulis pero nadatnan doon ang kanyang nanay na si Frieda na iniimbestigahan na nagyon ng mga otoridad.
Umabot sa 13 NBA seasons ang nalahukan ni Chris Bosh bago ito binitawan ng kanyang koponan na Miami Heat nitong Hulyo dahil sa isyu ng kalusugan nito.
Napili ang Pilipinas, Japan at Indonesia bilang host ng 2023 FIBA World Cup of Basketball.
Nakalaban ng tatlong Asian countries ang kapwa mga finalist na Argentina at Uruguay.
Ito ang unang pagkakataon na tatlong bansa ang napili ng FIBA na mag-host ng pina-prestihiyosong basketball event na ginaganap kada apat na taon.
Tatlumpu’t dalawang team ang lalahok sa naturang torneyo na gaganapin sa Philippine Arena sa Bulacan, Mall of Asia Arena sa Pasay at Smart-Araneta Coliseum sa Quezon City.
Ang four group stage games ay posibleng ganapin sa bansa habang ang apat pang group stage game ay sa Japan at Indonesia habang ang knockout matches ay isasagawa sa Pilipinas.
Philippines, Japan and Indonesia will host the FIBA Basketball World Cup in 2023! #FIBAWC pic.twitter.com/OgteRbCdH8
— FIBA World Cup (@FIBAWC) December 9, 2017