RONDA PROBINSYA

Patay ang tatlong Lumad matapos umanong pagbabarilin ng mga sundalo mula sa Third Special Forces Batallion sa lianga, Surigao Del Sur.

Kinilala ang mga nasawi na sina Willy Rodriguez, Lenie Rivas at kapatid nitong 12 anyos lamang na grade 6 student ng Tribal Filipino Program ng Surigao Del Sur.

Sinasabing kumukuha lamang ng abaca sa bukid ang mga biktima na nagpaalam pa sa mga sundalo.

Ayon sa Karapatan CARAGA ang mga labi ay dinala sa headquarters ng militar na nagsabing ang mga biktima ng New People’s Army.

Kinundena ng Kilusang Mayo Uno at Unyon ng mga manggagawa sa agrikultura ang insidente at iginiit ang imbestigasyon at pagpapanagot sa mga sundalo.

June 17, 2021 0 comment

RONDA PROBINSYA

Lemery, Batangas Mayor Larry Alilio tinamaan ng COVID-19

written by Angelica Doctolero

Nagpositibo sa COVID-19 ang alkalde ng Lemery, Batangas na si Mayor Larry Alilio.

Sa kanyang social media post, sinabi ng alkalde na wala naman itong nararamdamang kahit anong sintomas ngunit kailangan pa rin nitong sumailalim sa 14 -day quarantine.

Inabisuhan na rin nito ang kanyang mga nakasalamuha na mag-self quarantine ng 14 na araw para sa kaligtasan ng bawat isa.

Humihingi naman ng paumanhin at pag-unawa ang alkalde sa mga hindi nito matutuloy na appointment maging ang kanyang pagdalaw sa ilang lugar.

Samantala, patuloy pa rin naman ang isinasagawang vaccination program upang maiwasan ang pagkalat ng virus sa naturang lalawigan.

Magugunitang, noong nakaraang buwan lamang ay nagpabakuna kontra COVID-19 ang naturang alkalde ng lalawigan.

June 16, 2021 0 comment

RONDA PROBINSYA

P75-M na puslit na sigarilyo sinira ng Customs sa Bukidnon

written by Judith Estrada-Larino

Sinira ng Bureau of Customs sa Manolo Fortich, Bukidnon ang nasa P75-M halaga ng puslit na sigarilyo.

Ang nasabing mga sigarilyo na una nang dineklarang kitchenware ay dumating sa Mindanao container terminal sa Tagoloan, Misamis Oriental noong January 11.

Lumalabas sa physical examination na nasa 135, 700 na ream ng nasabing kontrabando ang laman ng shipment.

June 16, 2021 0 comment

HEADLINES RONDA PROBINSYA

65 police trainees sa Nabua, Camarines Sur nagpositibo sa COVID-19

written by Judith Estrada-Larino

65 mula sa mahigit 100 police trainees sa Nabua, Camarines Sur ang nagpositibo sa COVID-19.

Dahil dito ilang linggong maaantala ang pagtatapos ng mga nasabing police trainees na tatlong linggo nang nag-eensayo sa regional training center 5 annex ng Philippine Public Safety College at national police training institute sa Sitio Nierva, Barangay Duran.

Ipinabatid ni Leonil Quiniones, head ng Nabua Municipal Disaster Risk Reduction and Management Office na isinalang sa anti-gen test ang police trainees matapos magpositibo ang isang kapwa trainee ng mga ito sa RT-PCR test na isinagawa sa Bicol medical center noong isang linggo.

Ayon kay Quiniones bini-verify pa nila kung saan nakuha ng nasabing police trainee ang virus lalo na’t bago pa magsimulang sumalang sa training ay sumailalim pa sa swab test sa Sorsogon ang mga ito na nag negatibo naman kaya’t nakapasok sa training camp.

June 16, 2021 0 comment

HEADLINES NATIONAL NEWS RONDA PROBINSYA

Galvez tiniyak na makakatanggap ng mas maraming COVID-19 vaccines ang Mindanao

written by Judith Estrada-Larino

Makakatanggap ng mas maraming COVID-19 vaccines ang Mindanao.

Tiniyak ito ni Vaccine Czar Carlito Galvez, Jr. matapos sumirit ang kaso ng COVID-19 sa Mindanao Region.

Ipinabatid ni Galvez na ang mga high risk areas sa Mindanao ay mabibigyan ng mas maraming bakuna mula sa inaasahang mahigit 10-M dose na darating sa bansa ngayong buwan.

Ayon pa kay Galvez sinisiguro niya sa mga kongresista mula sa Mindanao na hindi nila kinakalimutan ang rehiyon sa pamamahagi ng bakuna kontra COVID-19.

Una nang inireklamo ni Cagayan De Oro City Congressman Rufus Rodriguez ang kakulangan ng supply ng bakuna sa kaniyang nasasakupan.

June 16, 2021 0 comment

NATIONAL NEWS RONDA PROBINSYA

Davao City Mayor Sara Duterte ipinaliwanag kung bakit hindi ito tatakbo sa Halalan 2022

written by Angelica Doctolero

Walang Duterte-Duterte tandem sa halalan 2022.

Ito ang binigyang diin ni Davao City Mayor Sara “Inday” Duterte-Carpio matapos hikayatin ng kanyang mga ka-partido na ikonsidera ang pagtakbo bilang Presidente sa susunod na halalan.

Sinabi ni Inday, una na nitong napagdesisyunan na hindi siya tatakbo noong Enero ngunit binigyan ito ng Hugpong ng Pagbabago Governors (HPG) na pag-isipan ang desisyon hanggang sa susunod na buwan.

Paliwanag pa ni Inday na kinausap na ito ni President Rodrigo Duterte kaugnay sa mga rason kung bakit ayaw siya nitong patakbuhin sa pagkapangulo sa halalan 2022.

Bukod dito, marami aniyang kaalyado nila ang umaasa na tatakbo si Pangulong Duterte sa pagkabise-presidente ngunit walang sinabi ang Pangulo ukol dito.

Nauna nang sinabi ng Pangulong Duterte na kinausap at binalaan na nito si Inday na huwag nang tumakbo sa pinakamataas na puwesto sa 2022 dahil wala rin itong maitutulong at hindi madali ang mga kakaharaping problema.

June 16, 2021 0 comment

HEADLINES NATIONAL NEWS RONDA PROBINSYA

Pagtaas ng COVID-19 cases sa Visayas, Mindanao ay dahil may ilang residenteng hindi sumusunod sa health protocols — Roque

written by Angelica Doctolero

Walang katotohanan na ginigipit ang Mindanao at Visayas sa bakuna.

Ito ang binigyang diin ni Presidential Spokesperson Harry Roque sa isang kongresista matapos ang naging paratang nito na napapabayaan na ang Mindanao dahilan kung bakit tumataas ang bilang ng kaso ng COVID-19 cases.

Ayon kay Roque, base sa lumabas na mga datos, kaya nagkakaroon ng pagtaas ng kaso sa Visayas at Mindanao dahil ilang residente ang hindi sumusunod sa ipinapatupad na minimum health protocols at hindi dahil sa kawalan ng bakuna.

Bukod dito, hindi rin sumailalim sa enhanced community quarantine (ECQ) at modified ECQ ang mga naturang lugar.

Bagama’t aniya nasa 38% lamang ang dumarating na bakuna sa bansa, ipinapamahagi naman kaagad ito sa mga rehiyon.

Samantala, tiniyak naman ni Roque na agad-agad namang magpapadala ng mas maraming bakuna sa mga nakakaranas ng pagtaas ng kaso kabilang na ang Visayas at Mindanao.

June 16, 2021 0 comment

HEADLINES NATIONAL NEWS RONDA PROBINSYA

Suplay ng isda sa bansa mananatiling mataas — PFDA

written by Angelica Doctolero

Mananatiling mataas ang suplay ng isda sa Pilipinas sa kabila ng mga ipinapatupad na restriksyon sa nararanasang COVID-19 pandemic.

Sa inilabas na datos ng Philippine Fisheries Development Authority (PFDA), umabot sa 35.18% o katumbas ng 371.03 metrikong tonelada (MT) ang naitalang weekly unloading volume sa Lucena Fish Port Complex (FPC) mula 4 hanggang a dies ng Hunyo.

Naitala naman sa 70.64 MT ang supply ng galunggong na sinundan ng bangus na may -60.25 MT, hipon -32.26 MT, tulingan -31.32 MT at tilapia -28.08 MT.

June 16, 2021 0 comment

RONDA PROBINSYA

Karagdagang bakuna para sa Negros Oriental, hiniling ni Gov. Degamo

written by DWIZ 882

Hiniling na ni Negros Oriental Governor Roel Degamo kay Vaccine Czar, Secretary Carlito Galvez Jr. ang karagdagang bakuna sa gitna ng pagtuloy na pagtaas ng kaso ng COVID-19 sa lalawigan.

Ginawa ang hiling makaraang isailalim ni Pangulong Rodrigo Duterte probinsya sa mas mahigpit na modified enhanced community quarantine.

Gayunman, hindi idinetalye ni assistant provincial health officer Dr. Liland Estacion, commander ng IATF – Negros Oriental kung gaano karaming bakuna ang kanilang.

Aminado si Estacion na mabagal ang vaccination rollout sa Negros Oriental kumpara sa ibang local government units at nakadepende aang replenishment ng mga bakuna sa kanilang consumption rate na 85%.

Sa ngayon ay aabot na sa 41,124 doses ang natanggap ng Negros Oriental na pawang Sinovac at AstraZeneca vaccines at umabot na sa 23,130 ang tumanggap ng first dose at 11,803 para sa second dose ng Sinovac. — Sa panulat ni Drew Nasino.

June 16, 2021 0 comment

NATIONAL NEWS RONDA PROBINSYA

Patuloy na pagtaas ng kaso ng COVID-19 sa Bicol region ikinaalarma, hinimok na isailalim sa ECQ

written by DWIZ 882

Hinimok na ng Philippine Medical Association (PMA) at Philippine College of Physicians (PCP) ang Inter-Agency Task Force na isailalim na ang Bicol region sa enhanced community quarantine (ECQ).

Ito’y ayon sa PMA at PCP, ay dahil sa nakaaalarmang pagsirit ng kaso ng COVID-19 sa rehiyon sa nakalipas na dalawang buwan partikular sa mga lalawigan ng Albay, Camarines Sur at Sorsogon kabilang ang Legazpi, Naga at Sorsogon cities.

Namemeligro na rin anilang matulad sa India ang sitwasyon ng Bicol lalo’t tatlo lamang referral hospitals sa rehiyon.

Ito ay ang Bicol Regional Training and Teaching Hospital sa Legazpi City, Bicol Medical Center sa Naga City at Bicol Region General Hospital and Geriatric Medical Center sa Cabusao, Camarines Sur.

Nauubusan na rin ng hospital beds ang mga nabanggit na pagamutan na nag-o-operate na sa 100% utilization ng kanilang COVID-19 intensive care unit at isolation beds.

Lumobo na sa 14,671 ang tinamaan ng COVID-19 sa Bicol kabilang ang 279 fatalities. — Sa panulat ni Drew Nasino.

June 16, 2021 0 comment

Newer Posts

Older Posts