NEWS

Kasabay ng selebrasyon ng Linggo ng Pagkabuhay, nagpaabot ang Trabaho Partylist ng pagmamahal sa mga nakaranas at naapektuhan ng apat na sunod-sunod na lindol sa Mindanao.

“Kami ay lubos na nababahala sa kaligtasan ng ating mga kapatid sa Mindanao lalo na’t ang mga pagyanig ay nagtala ng higit sa magnitude 5.0,” wika ni Trabaho spokesperson Atty. Mitchell Espiritu.

Ayon sa datos ng Philippine Institute of Volcanology and Seismology (PHILVOCS), tatlong lindol na may magnitude 5.9, 5.1 at 5.4 ang naitala sa Sultan Kudarat, samantalang ang ika-apat na magnitude 5.2 na lindol ay nangyari sa Davao Occidental.

Ayon sa tagapagsalita ng grupo, hindi ito maaaring ipagwalang-bahala sapagkat ang buhay, kaligtasan, at hanap-buhay ng mga manggagawa at kanilang mga pamilya ang nakasalalay.

Binigyan-diin niya ang kahalagahan ng mabusising inspeksyon kung ano ang mga kailangan makumpuni sa mga opisina, gusali at maging mga bahay. Ito aniya ay dapat regular ding isinasagawa kagaya ng mga earthquake drill.

Para sa pangmatagalang aksyon sa kaligtasan ng publiko, isusulong ng Trabaho Partylist ang pagkakaroon ng komprehensibong panuntunan upang mapabuti ang workplace safety tulad ng mahigpit na pagpapatupad ng building code, regular na pagsasagawa ng safety drills, peryodikong risk assessment, at pagsasanay sa mga empleyado ukol sa disaster response at first aid upang mas maging handa sila sa oras ng sakuna.

Sa pamamagitan ng mga hakbang na ito, layunin ng Trabaho, bilang 106 sa balota, na masiguro ang kaligtasan ng buhay at kabuhayan ng mga manggagawa at kanilang mga pamilya.

Itinaas ng partidong pinangungunahan ni Dipolog City Mayor Dexter Uy ang mga kamay ni Trabaho Partylist Ninai Chavez sa kanilang ginanap na Kuyog Ta! Grand Proclamation Rally ngayong buwan ng Abril.

Nabatid na si Uy ay kasalukuyang tumatakbong gobernador na siyang may platapormang palakasin pa ang lokal na programang pangkabuhayan, turismo at pangkalusugan sa Zamboanga del Norte.

Nakita na ang Trabaho, bilang 106 sa balota, ang bukod-tanging partylist na kasama sa proclamation rally at motorcade sortie ng Team Kuyog Ta at Team I Lab U.

“Napakainit po talaga ng pagtanggap niyo sa amin kaya po kanina nung nagmomotorcade po kami. Talagang hindi ko mapigilan ngumiti kasi kayo po mismo nung sinasalubong niyo kami, nakangiti kayo sa amin. Kaya maraming, maraming salamat po!,” pagpapasalamat ni Chavez sa mga taga-Zamboanga del Norte.

Sa usapin naman ng kanilang adbokasiya para sa mga manggagawa at kanilang pamilya, ibinahagi ni Chavez na nais nilang wakasan ang isang kahig, isang tuka na pamumuhay ng mga Pilipino.

“Gusto naming makapag-ipon kayo. Pag-uwi niyo sa bahay hindi na kayo mamomoblema kung saan ninyo kukunin ang pang-emergency niyo. Kaya sana po inyong suportahan ang 106 Trabaho Partylist,” pagwiwika ng nominee.

Kung matatandaan, kamakailan ay nagbahagi rin si Uy sa kanyang Facebook page ng video kung saan may mga aerial view ng libu-libong taong dumagsa para sa Kuyog Ta.

“Daghang salamat sa tanang katawhan sa Zamboanga del Norte sa inyong mainitong suporta ug aktibong pag-apil. Kamo ang inspirasyon sa among padayon nga paningkamot para sa tinuod nga kausaban ug maayong panggobyerno”, isinulat ng Dipolog mayor.

Sinasabing hindi ito ang unang beses na naramdaman ang Trabaho Partylist sa Zamboanga del Norte dahil lubos na inikot at inaral ng grupo ang estado ng mga industriya sa rehiyon tulad ng industriya ng sardinas sa Dipolog.

Nagpakita rin ng suporta ang Trabaho sa mga marine conservation efforts sa rehiyon kung kaya’t nakasama pa ng Dipolog LGU at City Environment and Natural Resources Office si first nominee Atty. Johanne Bautista sa pagpapakawala ng 99 Olive Ridley Sea turtle hatchlings pabalik sa tabing-dagat ng Dipolog City Boulevard noong nakalipas na buwan.

Ikinalugod ng Trabaho Partylist na kitang-kita na ang tatak na West Philippine Sea (WPS) sa Google Maps nang hindi na kinakailangan mag-zoom.

“The size of the West Philippine Sea label matters as it speaks clearly of our ownership and rights- atin ang West Philippine Sea- and the international community can see that as well,” sabi ng tagapagsalita ng grupo na si Atty. Mitchell Espiritu sa kanilang Facebook post.

Nabatid na bago ang nasabing update, kailangan pa palakihin o i-zoom ang mapa bago makita ang tatak na WPS.

Kinumpirma naman ng tagapagsalita ng Google ang nasabing update: “The West Philippine Sea has always been labeled on Google Maps. We recently made this label easier to see at additional zoom levels.”

Kamakailan, nagpahayag din ang Trabaho ng suporta sa Philippine Coast Guard (PCG) para sa maagap na pagdeploy ng aircraft sa WPS. Ito ay upang ipakita sa Chinese research vessel na hindi uurong ang PCG sa pagprotekta ng soberanya ng Pilipinas.

Sa mensahe ng pro-labor na grupo, dapat umanong maging maagap lalo na sa paniniguro na mismong ang kasalukuyang henerasyon ng mga Pilipino- at ang kanilang magiging mga anak- ang makikinabang sa mga likas na yaman ng ating bansa.

Sa mga lumabas na survey ngayong buwan, mataas ang tsansa na maluluklok ang Trabaho Partylist (bilang 106 sa balota) sa kauna-unahang termino nito sa Kongreso.

The Provincial Government of Pangasinan, under the leadership of Governor Ramon “Mon-Mon” V. Guico III, has partnered with the Philippine Veterans Bank (PVB) and the Philippine World War II Memorial Foundation, Inc. (PhilWar Foundation) to establish historically accurate and immersive World War II displays at the new Capitol Park in Lingayen. The signing of the Memorandum of Understanding (MOU) was held recently at the Pangasinan Provincial Capitol.

Governor Guico emphasized Pangasinan’s vital role in the country’s wartime history, particularly the historic Lingayen Gulf Landings, which marked the return of Allied Forces to Luzon and a turning point in the Liberation of the Philippines. He highlighted the need to share not only this event but also the many untold stories of bravery and sacrifice by Pangasinenses during the war.

The partnership aims to preserve and promote these stories. PVB, whose original shareholders include Filipino WWII veterans, is committed to honoring their legacy of courage and heroism. Meanwhile, the PhilWar Foundation is dedicated to educating the youth about World War II and strengthening their national pride through historical awareness.

The WWII exhibits are envisioned to become a central feature in the revitalized Pangasinan Capitol Complex, offering an engaging and factual portrayal of the province’s wartime contributions.

Present during the MOU signing were PVB AVP Rowena Nuyda, FVPs Geraldine Romano and Mike Villa-Real, Governor Guico, Vice Governor Mark Lambino, PVB Lingayen Branch Manager Charmaine Loresco, and Malu Elduayan, Head of the Pangasinan Provincial Tourism and Cultural Affairs Office.

Inuulan ng kaliwa’t kanang batikos at hamon mula sa mga netizens si Pasig Councilor Angelu De Leon na magpaliwanag kaugnay ng ‘di-umano’y mga naglalabasang video scandal ng iba pa niyang kasamahan at kapartidong mga konsehal.

Ito’y makaraang lumabas ang video ng isang sitting councilor at dalawang aspiring councilor sa Pasig na sinasabing makikitang nakikipag-video sex.

Sa nabanggit na video, ipinaliwanag ang hinihinalang proseso ng pagbili ng serbisyo sa pamamagitan ng pagbabayad umano ng deposit at pagkatapos ay magbabayad ng balanse matapos na makamit ang kanilang mga kagustuhan.

Ngunit ayon din sa nasabing video, ang mga naturang konsehal ay blinock sa social media accounts ang naka-video sex nilang babae upang hindi na sila ma-contact matapos na hindi magbayad ang mga ito ng balanse.

Nabatid na ni-rekord naman umano ng babae ang buong sesyon at isinapubliko ang bidyo dahil umano sa galit sa mga nasabing konsehal.

“Kadiri alam mo naman ‘yang mga ‘giting’ mga banal na aso santong kabayo mga ‘yan. Mga mapagpanggap na anghel galing sa ilalim ng lupa,” sabi ng netizen na si Iame Mimha sa kanyang Facebook comment.

Maliban dito, isa rin umano sa kapartidong konsehal ni De Leon ang inireklamo ng isang single mom matapos nitong hindi panagutan ang bata at hindi sumunod sa nauna nitong pangako na aakuin at dadalhin ng bata ang apelyido ng konsehal sakaling manalo ito noong nakaraang eleksyon.

“Natatawa na lang ako kada magda-drama itong mga giting mapangpanggap kasi,” dagdag pa ni Mimha sa kanyang comment.

Lumitaw ang paghahamon ng mga netizens makaraang batikusin ni De Leon si Pasig congressman aspirant Atty. Ian Sia patungkol sa pahayag nito ukol sa mga solo parents ng lungsod.

Makaraan ang pahayag ni Sia ay naglabas ng isang FB post si De Leon na kung saan paulit-ulit na sinabi ng konsehal na “bawal ang bastos sa Pasig!”

Ang naturang palitan ng isyu ng dalawang partido sa Pasig City ay nakaani ng iba’t ibang reaksyon mula sa mga netizens. Ang iba ay tinawag umanong ‘hipokrita’ si De Leon matapos lumabas ang naturang video.

“OA kayo magalit sa kalaban niyo pero sa kakampi n’yo na obvious na obvious ang kabastusan pikit-mata lang?” sabi naman ni Mark De Leon sa kanyang FB post.

“Hamon namin kay Councilor Angelu de Leon, totoo ba itong mga akusasyon sa mga kasamahan mo na mga kandidato bilang city councilor o hindi?” sabat naman ng isa pang netizen.

Iginiit naman ni Sia na ang nasabing ‘joke’ ay alinsunod umano sa kanyang freedom of speech.

Dagdag pa rito, isinaad din ng abogado na ang nag-viral umanong statement ay ‘pinaikli’ at malisyosong umusbong upang iligaw ang mga tao sa social media.

Sumabak sa back-to-back sorties ang Trabaho Partylist, bilang 106 sa balota, sa mga vote-rich cities na Maynila at Kalookan at vote-rich province Laguna nitong ika-12 ng Abril.

Nabatid na sa umaga, dinala ng Team Yorme’s Choice na pinangungunahan ng tambalang Isko Moreno at Chi Atienza si second nominee Ninai Chavez sa kanilang motorcade sa Distrito Uno sa Tondo, Maynila.

Kinagabihan, itinaas naman ng Team Aksyon at Malasakit na pinangungunahan ni Cong. Oca Malapitan at Mayor Along Malapitan ang mga kamay ni first nominee Atty. Johanne Bautista sa Distrito Uno Grand Rally sa Lungsod ng Caloocan.

Ayon sa COMELEC, may 1,142,172 rehistradong botante sa Maynila at 765, 249 na rehistradong botante naman sa Caloocan.

Samantala, ang ikatlong nominee naman na si kagawad Nelson de Vega ay patuloy pa ring nag-iikot sa probinsya ng Laguna upang ikalat ang kanilang mga isinusulong na reporma para sa mga manggagawa at upang magpasalamat na rin sa kanilang mga tagasuporta sa lugar na kusang-loob umanong tumutulong na magkabit ng kanilang mga tarpaulin.

Ang probinsya naman ng Laguna ay nagtala ng 2,045,068 na bilang ng botanteng rehistrado noong 2022 eleksyon ayon pa rin sa Election Records at Statistics Division ng COMELEC.

Ang celebrity advocate naman na si Melai Cantiveros-Francisco ay naglabas ng kapwa comedy at informative na content na tumatalakay sa agam-agam ng karaniwang manggagawa at kung paano makakatulong ang Trabaho Partylist na mabago ang kanilang mga kapalaran.

Halos isang buwan na lamang bago ang nakatakdang araw ng halalan na Mayo 12, 2025 kaya puspusan ang grupo at mga tagasuporta nito sa pagkakampanya.

Nabunyag na ginagamit umano ni Mayor Abby Binay bilang isyung pulitikal ang paglilipat ng 14 paaralan mula sa Makati City tungo sa Taguig City.

Ito’y kahit nalutas ang sinasabing sigalot sa pamamagitan ng nilagdaang nitong  memorandum of agreement (MOA) sa Department of Education (DepEd).

Hindi pa umano kasama rito ang desisyon ng Supreme Court na naglilipat sa 10 EMBO Barangay na kinatatayuan ng 14 na paaralan, sa hurisdiksiyon ng Taguig City mula sa Makati City.

Napansin sa kampanya ni Mayor Binay sa CEMBO kamakailan, inungkat nito ang isyu sa14 public schools na hindi nito ipinasara ang paaralan dahil “nakakaawa” ang residente na nag-aaral dito.

Aniya sa entablado bago ipakilala si Rep. Pammy Zamora na may dala umanong “limpak-limpak na pera,” na sakaling manalo sa Senado, kanyang dadalhin ang isyu sa Mataas na Kapulungan upang ilaban ang Makati.

“So, marami po akong simbahan na pinagsindihan ng kandila, marami po tayong kinausap…………. na kaya tayo ay nagdesisyon na tumakbo sa Senado dahil dadalhin natin ang laban sa Senado,” aniya.

Partikular na sinasabing tinutukoy ni Binay ang 14 na pampublikong paaralan na inilipat sa Taguig City sa pamamagitan ng desisyon ng Supreme Court at memorandum of agreement (MOA) na kanyang mismong nilagdaan upang maging maayos at mapayapa ang transisyon.

“Kaya iyong sa eskuwelahan, wala naman akong choice, doon nag-aaral mga anak nyo kung ipapasara ko alam nyo ba doon sa kahit singkong duling, wala pa silang binabayad, ginagamit mo nila ung eskuwelahan nang libre. Nagpapasalamat pa sila, diba hindi, sinisiraan pa nga ako eh, mas lalo akong gumaganda kapag sinisiraan nila ako, di ba,” ayon kay Mayor Binay na tumatakbong senador sa ilalim ng Alyansa ng administrasyong Marcos.

Ngunit, kamakailan, inihayag ng Department of Education na isinailalim na sa hurisdikyon ng Taguig City at Pateros ang 14 na public school sa 10 EMBO areas na nasalang sa sigalot sa pagitan ng Makati at naturang lungsod.

Matatandaan na inihayag ni DepEd spokesperson Michael Poa na sumailalim sa “orderly transition” ang apektadong paaralan base sa MOA na nilagdaan ni Mayor Abby Binay, Taguig City Mayor Lani Cayetano at DepEd.

Kabilang sa 14 pampublikong paaralan na nasa hurisdiksiyon ng Taguig-Pateros ang
Makati Science High School, Fort Bonifacio High School, Benigno “Ninoy” S. Aquino High School, Tibagan High School, Pitogo High School, Comembo Elementary School, Rizal Elementary School, Pembo Elementary School, Fort Bonifacio Elementary School, Pitogo Elementary School, Cembo Elementary School, East Rembo Elementary School, West Rembo Elementary School at South Cembo Elementary School.

“A memorandum of agreement was signed by Vice President and Education Secretary Sara Duterte, Taguig City Mayor Lani Cayetano and Makati City Mayor Abby Binay on the full transition of the schools’ operations from Makati to Taguig,” ayon kay Poa.

“While there are still specific issues and appeals that shall be left to the final determination of the proper authorities, the transition has been finally concluded through the collective resolve of the parties in ensuring the unhampered delivery of basic education services,” dagdag ng statement ng DepEd.

Samantala, ipinahayag naman ng Department of Health na kanilang aayusin ang gusot sa pamamahala ng health center na dating sakop ng Makati City na inilipat sa Taguig.

Naunang ipinasara umano ni Binay ang health centers at lying-in clinics sa 10 EMBO.

Isinagawa ang pagsasara ng Makati City alinsunod sa umano’y kautusan ni Mayor Abby Binay matapos ilipat ng Supreme Court sa Taguig City ang jurisdiction sa naturang klinika.

Kahit isinara ni Binay ang health center sa EMBO areas, binuksan naman ng Taguig ang telemedicine facility nito at tinukoy ang ilang health center ng lungsod bilang catchment centers para sa pasyente ng EMBO barangay na nangangailangan ng agarang tulong-medikal.

Nakagawa ng malaking pag-angat ang 106 Trabaho Partylist sa pinakahuling survey ng WR Numero Research para sa 2025 midterm elections.

Buhat sa ika-50 noong Pebrero, nasa ika-13 na pwesto na ang grupo ngayong Abril, batay sa survey matapos itong tumalon ng 37 na pwesto.

Kapansin-pansin din ang tuloy-tuloy na pagtaas ng ranggo ng Trabaho sa iba pang kilalang survey.

Batay sa Social Weather Stations (SWS), umakyat sa ika-22 pwesto ang 106 Trabaho Partylist nitong Marso 2025, malaking pagtalon mula sa ika-55 puwesto nito noong Disyembre 2024.

Target dalhin ng 106 Trabaho Partylist sa Kongreso ang mahahalagang plataporma nito na magtataguyod ng dignidad ng mga manggagawa sa pamamagitan ng reporma at serbisyo publiko.

Ayon kay Partylist first nominee Atty. Johanne Bautista, isinusulong nila ang plataporma ng karagdagang benepisyo, mas mataas na sahod, maayos na kondisyon sa pagtatrabaho, at kapakanan ng manggagawang Pilipino.

Ayon naman kay second nominee Ninai Chavez, tututukan nila ang pagbibigay ng patas na oportunidad para sa mga kababaihan, lalo na sa solo parents, at mga may kapansanan.

Giit naman ni third nominee Kagawad Nelson de Vega, dapat bigyang-pansin ang pagbibigay ng trabahong akma sa kakayahan ng mga senior citizen.

Ilalagay sa ‘smart schools’ na pangako ni Sarah Discaya para sa mga batang mag-aaral sa lungsod ng Pasig ang IT gadgets at learning supplies at CCTV camera upang mapigilan ang bullying sa mga paaralan.

“Ang paglagay ng anti-bullying measures ‘tulad ng CCTV cameras
sa ‘smart schools’ na pangarap ko para sa mga batang mag-aaral ay pananggalang laban sa mga batang maton o mambu-bully,” ni Discaya.

Nabatid na ang mga CCTV camera, ayon kay Discaya, ay magagamit ng Child Protection Committee ng bawat paaralan upang kagyat na maresolba ang anomang bullying complaints.

Sinasabing si Discaya, na kilala bilang Ate Sarah at aspirante sa pagka-alkalde sa lungsod na ito, ay pursigidong isulong na maging ‘smart city’ ang Pasig kapag pinalad umanong manalo sa darating na May 12 election.

“Ang pangarap kong ‘smart city’ ay nakapaloob ang smart schools na sapat ang mga klasrum na mayroong state-of-the-art facilities at kumpleto sa mga gamit ang mag-aaral at mga guro; smart hospitals na hindi nauubusan ng gamot at kumpleto sa medical facilities at mga nag-aasikasong doktor, nurses at medical staff, at smart housing project na mayroon pangkabuhayang ang awardees,” pahayag ni Discaya.

Natuklasan na ang plano ni Discaya na paglagay ng anti-bullying equipment sa ‘smart schools’ ay susog din sa panawagan ni Sen. Sherwin Gatchlian na maglagay ng mga closed-circuit television (CCTV) cameras sa mga classroom upang maiwasan ang school violence.

“Kailangan din na palakasin sa bawat paaralan ang anti-bullying measures o programang sasawata sa pambu-bully sa pamamagitan ng aktibo at mahigpit na pagganap sa tungkulin ng Child Protection Committee,” mariing pahayag ni Discaya.

Pahayag ng Department of Education (DepEd), mayroon lamang 966 sa kabuuang 45,000 paaralan sa bansa ang may maayos na Anti-Bullying Committee.

Maliban dito, tanging dalawang porsyento pa lamang ng mga paaralan ang may Child Protection Committee, bagay na maituturing na paglabag sa umiiral na batas.

Makaraan ang matagumpay na diplomatikong hakbang na nagresulta sa pagpapalaya sa mga overseas Filipino worker sa Qatar, iniutos ni Pres. Ferdinand ‘Bongbong’ Marcos Jr. sa mga kinauukulang ahensya na magbigay ng agarang legal na tulong sa mga Pilipino na nahaharap sa mga kasong kriminal sa China at South Korea.

Binigyang-diin ng administrasyong Marcos ang kanilang pangako na pangalagaan ang mga karapatan ng mga OFW, sa harap ng mga ulat na 20 Pilipinong marinero ang iniimbestigahan dahil sa umano’y pag-smuggle ng higit sa 50 kahon ng hinihinalang cocaine mula sa South America patungong East Asia.

Kinumpirma ni Department of Migrant Workers Secretary Hans Leo Cacdac noong Martes na ang mga miyembro ng Filipino crew ay hinihinalang sangkot sa international drug operation, na sumasaklaw kapwa sa China at South Korea.

“This is already included in the investigation—who may be involved, if any of the crew members are included, what the details are, where they were or their locations, and the involvement of each crew member on board,” sabi ni Cacdac sa isang panayam.

“But as of now, of course, they are entitled to their defense, to be presumed innocent. We are providing the necessary legal counsel in tandem with the one provided by the ship owner,” dagdag pa niya.

Tiniyak ni Cacdac na ang mga nasangkot ay makatatanggap ng tamang legal na suporta mula sa pamahalaan ng Pilipinas.

Samantala, tumaas ang tensyon sa China kasunod ng pag-aresto sa tatlong Pilipino— David Servañez, Albert Endencia, at Nathalie Plizardo—na inakusahan ng mga awtoridad ng China ng espionage.

Sinasabi ng Beijing na ang tatlo ay nagtatrabaho kasama ang Philippine intelligence upang mangalap ng sensitibong impormasyon ukol sa kanilang militar.

Ipinag-utos naman ni Pangulong Marcos ang pagkakaloob ng lahat ng kinakailangang tulong sa tatlong inaresto.

Gayunman, tumanggi ang Malacañang na magbigay ng komento sa mga akusasyon na ang mga pag-aresto ay maaaring ganti sa mga hakbang ng Maynila laban sa mga hinihinalang Chinese spies sa Pilipinas.

“There is always an instruction to help our Filipino citizens abroad facing these kinds of charges. Legal assistance will always be given, all the necessary help and assistance will be provided,” sabi ni Undersecretary Claire Castro ng Palace press office.

Kinilala rin ng National Security Council (NSC) ang posibilidad na ang hakbang ng China ay maaaring isang tugon sa mga kamakailang pag-aresto na may kinalaman sa espionage ng mga dayuhan sa Pilipinas.

Tiniyak din ni Marcos sa publiko na gagawin ng pamahalaan ang lahat upang tulungan ang mga Pilipinong nahaharap sa mga suliraning ito sa ibang bansa at matiyak na makakakuha sila ng suportang kailangan nila.