NEWS

Plataporma ang inihain ng Trabaho Partylist sa mga residente ng Marikina sa isang pagpupulong na ginanap sa Brgy. Calumpang nitong ika-17 ng Marso 2025.

Naging progresibo at makabuluhan umano ang nasabing pagpupulong dahil personal na naiparating ni Trabaho nominee Nelson “Kagawad Nelson” De Vega ang mga magiging aksyon ng grupo para sa mga manggagawa.

“Ang Trabaho Partylist ay naniniwala na dapat hindi inaalisan ng karapatan na makapaghanap-buhay ang lahat [ng Pilipino], lalung-lalo na ang ating mga senior citizen at PWD [persons with disability],” pagdidiin ng kagawad.

“Ano po ang ating kailangan? Yun po ang Trabaho Partylist”, pakilala ni konsehal Rommel “Kambal” Acuña sa grupo.

Ang Trabaho Party-List, bilang 106 sa balota, ay nagsusulong ng kalidad na trabaho, patas na oportunidad, sapat na sahod, at dagdag na benepisyo para sa bawat manggagawa.

Maliban sa grupo, nagpahayag din si Acuña pati na rin sina konsehal Carl Africa at Jasper So ng kani-kanilang mga plataporma para sa kanilang mga nasasakupang Marikeño.

Filipinos are increasingly becoming more conscious about where they spend their money on, with the need for responsible consumption and sustainable practices in daily lives becoming an important. Aside from product quality, consumers look at companies’ impact to people and the planet, signaling a strong support to environmentally sustainable strategies.

As the new normal brings emerging environmental challenges, it is critical, now more than ever, for both producers and consumers to unite in prioritizing sustainable practices in business. This is the time to embrace sustainability, responsibility, and innovation—principles that are at the heart of Nature’s Spring’s initiatives.

On top of Extended Producer Responsibility (EPR) compliance measures that hold companies/producers responsible for the plastic packaging they produce for the entire life cycle of their products, the company behind Nature’s Spring stands firmly with its social mission to be at the forefront of movements that advocate for environmentally-sustainable business practices. Among these is the transition to “Tethered Caps” or devices that are designed to be attached to the rest of the packaging to help prevent and minimize plastic litter. According to the company, “keeping the bottle and cap together streamlines recycling efforts and reduces the likelihood of caps becoming separate litter items.” This then helps prevent plastic bottle dispersal in the environment, and makes collection easier.

This move strikes the balance between strategic and responsible consumption of plastic-packaged products, and a step further shifting to colorless cap—an innovative shift which Nature’s Spring already introduced with its products last year.

With customer experience in mind, the company has also designed the new caps to be secured at 90 degrees. This ensures that drinkers will enjoy clean water without interruption, as the lock prevents the cap from touching the nose while drinking. This also assures consumers that caring for the environment can be done through simple and simplified steps, and through meaningful collaboration between the producer and its users.

Last 2024, Nature’s Spring across Luzon, Visayas and Mindanao has enjoyed this revolutionary measure.

Bunga ng inaasahang tatlong araw na transport strike ng transport group na Manibela, nanawagan ang Trabaho Partylist para sa pagpapatupad ng mga alternatibong set-up sa trabaho at mas suporta sa transportasyon.

Ito’y upang mabawasan ang posibleng pagkaantala sa mga manggagawa.

Pahayag ni Atty. Mitchell-David Espiritu, tagapagsalita ng Trabaho Partylist, mahalaga na parehong sektor ng gobyerno at pribado ay magpatupad ng mga flexible na polisiya sa trabaho, tulad ng remote work setups at compressed workweeks, upang matiyak ang pagpapatuloy ng negosyo at maprotektahan ang kapakanan ng mga empleyado sa panahon ng strike.

Inanunsyo rin ng partylist ang pagsuporta sa pagpapalabas ng mga karagdagang sasakyan mula sa gobyerno upang magbigay ng libreng sakay at ang koordinasyon sa mga lokal na pamahalaan para magbigay ng lokal na serbisyo sa transportasyon sa mga lugar na matinding apektado ng strike. Ang mga hakbang na ito ay magbibigay ng kakayahan sa mga manggagawa na magpatuloy sa kanilang iskedyul ng trabaho nang hindi na kinakailangang mag-alala tungkol sa kakulangan ng maaasahang transportasyon sa panahon ng strike.

Itinuturing na isang indikasyon ng patuloy na tensyon sa pagitan ng mga transport group at gobyerno ang nalalapit na strike, kaugnay ng Public Utility Vehicle Modernization Program (PUVMP).

Ayon sa isang survey, maraming jeepney driver umano ang nakikita ang programa ng gobyerno bilang banta sa kanilang kabuhayan.

Sinasabing binanggit ng mga driver sa isinagawang pag-aaral ang kanilang mga alalahanin hinggil sa mataas na gastos ng pagpapalit sa mas bagong, mas environment-friendly na mga sasakyan.

Maraming driver umano ang nagmumungkahi na dapat magbigay ang gobyerno ng pinansyal na tulong, tulad ng mga mababang interes na pautang o subsidies, upang mapadali ang transition sa modernong mga sasakyan.

Pero aminado ang Trabaho Partylist sa pangangailangan ng modernisasyon sa sektor ng pampublikong transportasyon, ngunit binigyang-diin nila na ang mga inisyatibang ito ay dapat isinasaalang-alang ang mga sosyo-ekonomikong kalagayan ng mga jeepney driver at operator.

“Habang mahalaga ang modernisasyon, hindi ito dapat maging dagdag na pabigat sa gastusin ng ating masisipag na driver at operator. Dapat matiyak na may mga mekanismo ng suporta, tulad ng pinansyal na tulong at mga capacity-building program, upang mapadali ang makatarungang paglipat,” dagdag ni Atty. Espiritu.

Habang papalapit ang araw ng strike, hinihikayat ng Trabaho Partylist ang lahat ng stakeholder na makipag-dialogo at magtulungan upang malutas ang mga pangunahing isyu at makahanap ng mga sustainable na solusyon na makikinabang ang sektor ng transportasyon at ang mga commuter.

NAGPAHAYAG ng pasasalamat ang sektor ng agrikultura, partikular ang Agricultural Sector Alliance of the Philippines, Inc. (AGAP), sa aktres at vlogger na si Ivana Alawi dahil sa kanyang masigasig na suporta sa kanilang adbokasiya.

Ngunit sa halip na tanggapin ang papuri, iginiit ni Ivana na ang tunay na dapat pasalamatan ay ang AGAP at ang mga nasa sektor ng agrikultura.

“Huwag ako ang pasalamatan dahil kayo ang tunay na lumalaban upang bumaba ang presyo ng bilihin at matiyak na may pagkain sa hapag-kainan ang bawat Pilipino,” sabi ng aktres.

Ayon kay Ivana, noong nakaraang halalan, maingat siyang nagpasya at hindi agad sumuporta sa sinumang pulitiko o Party-list. “Napaka-choosy ko pagdating sa pulitika. Hindi ito tungkol sa akin o sa pamilya ko—ito ay para sa bansa natin, sa ating mga kababayan. Dapat piliin kung sino ang tunay na makapagpapaganda ng Pilipinas,” paliwanag ni Ivana.

Sa kanyang pag-iikot upang gumawa ng mga vlog, nakita niya mismo ang hirap ng mga magsasaka, mangingisda, magbababoy, at magmamanok.

Dahil dito, nagdesisyon siyang ibigay ang suporta sa AGAP Party-list na pinangungunahan ni Rep. Nicanor “Nikki” Briones dahil sa kanilang matibay na paninindigan para sa sektor ng agrikultura.

“Ngayon, masasabi kong very, very confident ako sa AGAP…Hindi ako sumusuporta sa kahit anong grupo nang hindi ko pinag-aaralan. Nakita ko ang puso nila para sa mga magsasaka,” saad ni Ivana.

Ipinunto rin ng aktres na hindi pera ang dahilan ng kanyang pagsuporta sa grupo kundi ang tunay nitong malasakit sa sektor.

Aniya, bilang isang mamimili na personal na namamalengke, nararamdaman niya ang hirap na dulot ng patuloy na pagtaas ng presyo ng mga bilihin.

Kasabay nito, nagpasalamat naman si Rep. Briones kay Ivana sa kanyang buong-pusong suporta sa adbokasiya ng AGAP.

Paliwanag pa ng kongresista, sa pamamagitan ni Ivana, mas mapapalakas ang panawagan para sa pagkakaisa ng sektor ng agrikultura tungo sa Bagong Pilipinas, alinsunod sa hangarin ni Pangulong Ferdinand Marcos Jr. na palakasin ang industriya ng pagsasaka sa bansa.

COTABATO CITY — Pinagtibay ng Base Commanders of the Bangsamoro Islamic Armed Forces of the Moro Islamic Liberation Front (BIAF-MILF) ang kanilang suporta para sa bagong liderato ng rehiyon, habang nagsimula nang manungkulan si Interim Chief Minister Abdularaof Macacua ngayong araw.

Sa isang joint statement, nagpahayag ng kumpiyansa ang 12 commanders kay Macacua bilang chief ng Bangsamoro Autonomous Region in Muslim Mindanao (BARMM), at sinabing maipagkakatiwala nila rito ang kanilang kinabukasan, sa pagiging bahagi nito ng kilusan para sa pakikibaka ng Moro people para sa self-determination.

Si Macacua ay itinalaga noong nakaraang linggo ni Presidente Ferdinand ‘Bongbong’ Marcos Jr. kapalit ni dating BARMM Chief Ahod Ebrahim.

Ilang miyembro ng MILF ang nagpalabas ng pahayag na nagpapahiwatig na ilang proseso ang nilampasan ng appointment ni Marcos, na nag-udyok ng mga katanungan at alingasngas hinggil sa posibleng ‘instability’ sa rehiyon.

Gayunman, tiwala si Special Assistant to the President Anton Lagdameo, na inatasan ni Pres. Marcos na makipag-ugnayan sa mga stakeholder para sa maayos at mapayapang paglilipat ng kapangyarihan sa bagong set ng BARMM appointees, na suportado kapwa ng MILF at non-MILF communities dito ang pamamahala ng Malacañang sa autonomous region.

Binigyang-diin ng BIAF na si Macacua, ang kanilang dating chief of staff, ay isang lider na nauunawaan ang pakikibaka ng Moro people at akmang-akma sa bagong panahon na ito para sa Bangsamoro.

“He is a leader who has walked alongside us in our struggle, a brother who understands the sacrifices and aspirations of our people. We believe that under his guidance, the Bangsamoro will continue to move forward with strength, unity, and dignity,” nakasaad sa statement.

“We stand together in this new chapter, ready to uphold our duty with loyalty and dedication. The path ahead may still have challenges, but with unity, discipline, and faith in Allah (SWT), we will continue striving for the betterment of our people and our homeland,” dagdag pa nito.

Ang signatories ng statement ay sina 128th Base Commander Yasser Aboulkadir, 118th Base Commander Wahid Tundok, General Headquarters Base Commander Abdulkudos Balitok, Inner Guard Base Commander Badrudin Ebrahim, 129th Base Commander Nayang Timan, 110th Base Commander Alkarim Mamintal, Field Guard Base Commander Jurdin Kasim, 108th Base Commander H. Bayan Abas, 104th Base Commander Kashmir Mohammad, 109th Base Commander H. Abdillah Pagimanan, 106th Base Commander Abdulaziz Antao, at 105th Base Commander Mohidin Usman.

Pinabulaanan din ni dating Maguindanao del Sur Governor at aspiring district representative Esmael ‘Toto’ Mangudadatu na may namumuong alitan sa MILF, binigyang-diin na kinikilala ng lahat ng partido ang liderato ni Macacua.

Sinabi ni Mangudadatu na bagama’t may ilang indibidwal na maaaring may komento hinggil sa appointment ng bagong interim BARMM, walang kuwestiyon sa kapangyarihan ni Macacua sa MILF.

Idinagdag niya na ang bagong BARMM chief ay tunay na bahagi ng kilusan at nagpamalas ng progresibong liderato nang magsilbing governor ng Maguindanao del Norte bago ang kanyang bagong posisyon.

Mahigpit ang paninindigan ng
mga military heads sa Mindanao sa kanilang commitment na suportahan ang bagong chief ng Bangsamoro Autonomous Region in Muslim Mindanao (BARMM) sa gitna ng mga alingasngas ng ‘pagkakahati-hati’ sa Moro Islamic Liberation Front (MILF).

Ito’y kasunod ng pagtatalaga ni Presidente Ferdinand ‘Bongbong’ Marcos Jr. kay Abdularaof Macacua bilang bagong BARMM Interim Chief, kapalit ni Ahod Ebrahim sa liderato ng rehiyon. Ilang miyembro ng MILF ang nagpalabas ng pahayag na nagpapahiwatig na ilang proseso ang nilampasan ng appointment ni Marcos, na nag-udyok ng mga katanungan at alingasngas hinggil sa posibleng ‘instability’ sa rehiyon.

Sa magkahiwalay na pahayag, pinagtibay nina 6th Infantry Division at Joint Task Force Commander Major General Donald Gumiran at Western Mindanao Command Commander Lieutenant General Antonio Nafarrete ang kanilang commitment na suportahan ang rule of law at ang chain of command hinggil sa presidential appointments.

Sa kanyang panig, nagpahayag ng kumpiyansa si Nafarrete na naghihintay ang magandang bukas sa ilalim ng liderato ni Macacua, sinabing ang mga pagbabagong ito ay krusyal na hakbang tungo sa pagkamit ng mga aspirasyon ng mga mamamayan ng Bangsamoro.

“As we move forward, we reaffirm our commitment to the Comprehensive Agreement on the Bangsamoro and the Bangsamoro Organic Law. We will continue to work together to build a peaceful and prosperous BARMM,” anang commander.

Samantala, binigyang-diin ni Gumiran ang kanilang suporta sa pagbabago ng liderato, na pinaniniwalaan niyang magreresulta sa mas matatag na Bangsamoro region.

“We remain ready to work hand-in-hand with the Bangsamoro Government, the Philippine National Police, and other key stakeholders to ensure the success of this leadership transition and the upcoming parliamentary elections… Sama-sama nating isulong ang kapayapaan, katarungan, at maayos na pamamahala sa Bangsamoro,” sabi ni Gumiran.

Nagpasalamat din ang dalawang lider kay Ebrahim para sa kanyang serbisyo, sinabing sa ilalim ng kanyang liderato, ang rehiyon ay umunlad at patuloy na uunlad sa ilalim ng bagong administrasyon.

Sa isang panayam, pinabulaanan ni dating Maguindanao del Sur Governor at aspiring district representative Esmael ‘Toto’ Mangudadatu na may namumuong alitan sa MILF, binigyang-diin na kinikilala ng lahat ng partido ang liderato ni Macacua.

Sinabi ni Mangudadatu na bagama’t may ilang indibidwal na maaaring may komento hinggil sa appointment ng bagong interim BARMM, walang kuwestiyon sa kapangyarihan ni Macacua sa MILF. Siya ay tunay na bahagi ng samahan at nagpamalas ng progresibong liderato nang magsilbing governor ng Maguindanao del Norte bago ang kanyang bagong posisyon.

Matagumpay na naisagawa ang “Kababaihan Clean-up Drive” ng Brgy. Manggahan, Pasig City sa kahabaan ng Sampaguita St. Napico nitong ika-15 ng Marso, 2025.

Nabatid na ito ay parte ng pagdiriwang ng National Women’s Month na may temang “Babae sa Lahat ng Sector, Aangat ang Bukas sa Bagong Pilipinas”.

Sa pangunguna ni Kap. Quin Cruz, nilahukan ang clean-up ng mga kababaihan ng Sangguniang Pambaranggay at mga residente nito.

Sinasabing dumalo rin ang mga babaeng nominee ng Trabaho Partylist na sina Atty. Johanne Bautista at Ninai Chavez upang magbigay inspirasyon sa mga “Anak ng Manggahan” o residente ng Brgy. Manggahan lalo na sa mga kabataan at mga working mom.

Maliban sa pagsusulong ng patas na oportunidad para trabaho lalo na para sa mga kababaihan, determinado ang mga babaeng nominee ng Trabaho na palawigin pa ang mga benepisyo ng mga working mom, lalo pa kung sila ay solo parent, o maging PWD (person with disability).

Kasabay nito, nagpaalala naman ang barangay na ang pagkakalat ng basura ay ipinagbabawal ng Pasig City Ordinance No. 1 S. 2018 at Ecological Solid Waste Management Act. Magbabayad ng multang 1,000 hanggang 3,000 pesos at makukulong nang 30 araw sa ikatlong offense ang lalabag sa nasabing ordinansa.

“Amazing!”

Ganyan inilarawan ni Melai Cantiveros-Francisco ang Mutya ng Pasig Mega Market sa pagbisita niya rito nitong ikaw-14 ng Marso.

“Bakit? Kahit anong oras may mabibili dito sa inyong market, diba?” pagsasaad ni Melai sa kuhang Facebook live video ng 106 Trabaho Partylist.

Nabatid niya mula sa pamunuan ng palengke na 24 oras palang bukas at may nagtitinda rito.

“Aside from that, yung CR [comfort room] ninyo andun lahat- meron tayong [para sa] PWD [persons with disability]. ‘pag mag-CR kayo, meron din CR ang babae, lalaki, at ang LGBTQIA++ at syempre, ang ating mga senior citizen kaya amazing! Amazing!”, segunda pa ng celebrity host.

Matapos rin ang pakikipag-usap sa mga nagtitinda ng karne bilang parte ng kanyang labor advocacy at pagsusulong ng mga batas na maaring ilobby para masolusyonan ang tumataas na presyo ng mga bilihin, bumili rin ng kasim si Melai. Sariwa umano ang mga nabili niyang karne sa Mutya ng Pasig Mega Market na ipang-uulam nila ng kanyang pamilya.

May mga papuri rin si Melai sa mga nagtatrabaho sa Mutya ng Pasig Mega Market: “Palakpakan nyo ang mga sarili nyo sa lagi ninyong pag sisipag sa trabaho araw-araw. Palakpakan ninyo ang sarili ninyo na laging iniisip ng ating mga pamilya.”

Nakatanggap din siya ng mga tili at yakap pati na rin mga bulaklak at pagkain sa mga nagtitinda at namimili kung kaya’t paulit-ulit ang pasalamat niya sa kanilang mainit na pagtanggap sa celebrity host pati na rin sa grupong kasama nito.

Noong nakaraang taon lamang ay opisyal ring binuksan, sa pangunguna ni Mayor Vico Sotto, ang “child-friendly space” sa ikalawang palapag ng palengke. Ito ay air-conditioned na pasilidad na may toy area, coloring area, nap area, at dalawang comfort room para sa lalaki at babae, ayon sa Pasig City Public Information Office.

Ang Mutya ng Pasig Mega Market — itinuturing na simbulo ng komersyo at kalakalan ng lungsod ng Pasig — ay 50 taon nang nagseserbisyo sa publiko.

Ikinalugod ng grupo ng mga protestant at non-catholic churches ang pagdakip kay dating Pangulong Rodrigo Duterte, dahil isa umano itong hakbang tungo sa pagkamit ng hustisya para sa mga biktima ng extra judicial killings (EJK) sa bansa.

Batay sa kanilang statement, sinabi ng National Council of Churches in the Philippines (NCCP) na kasama sa panalangin nila ang pag-aresto kay Duterte, dahil may tsansa na umano na magkaroon ng hustisya ang mga namatay sa ilalim ng “drug war” ng nakaraang administrasyon.

Ayon sa NCCP, kahit sinubukang takasan ni Duterte ang pananagutan sa mga EJK sa bisa ng utos nito na umalis ang Pilipinas sa International Criminal Court (ICC), hindi pa rin ito sumapat dahil obligado pa rin na managot ang dating presidente sa mga taon na kabilang ang Pilipinas sa Rome Statue.

“It is our prayer as a Council that the developments that follow shall be guided by the principle of due process—a foundational principle of justice that thousands of poor Filipinos were deprived of during the violent and sham ‘drug war,’” saad ng NCCP.

“We hope this serves as an inspiration for all, and that truth and justice will prevail in the end, reinforcing the lesson that authoritarian regimes and their supporters shall not endure forever,” dagdag pa nito.

Hinimok naman ng NCCP ang mga Pilipino na manatiling maging mapagmatyag at kumampi sa tamang panig ng kasaysayan habang gumugulong ang kaso ni Duterte sa ICC.

Sang-ayon sa datos mula sa Philippine Drug Enforcement Agency (PDEA), nasa 6,215 katao ang napatay sa mga anti-drug operation mula nung umupo si Duterte bilang presidente hanggang October 21, 2021. Subalit, ilang watchdogs at mga aktibong grupo ang nakapagtala na umabot umano ang mga EJK sa 27,000 hanggang 30,000, kung isasama ang mga pinatay ng mga vigilante.

Nabatid na nahaharap si Duterte sa kasong krimen laban sa sangkatauhan, kung saan inaakusahan ang dating pangulo bilang responsable sa 43 na namatay —19 dito ay pinatay umano ng kanyang Davao Death Squad (DDS) noong alkalde pa lamang ito at 24 naman nung naging presidente na.

Sinasabing nakatakda ang susunod na hearing ni Duterte sa Setyembre 23, 2025, kung saan kukumpirmahin na ang mga kaso na haharapin ni Duterte na maari niyang labanan.

Maaalalang dinakip si Duterte noong March 11 paglapag nito sa Maynila mula sa isang campaign rally sa Hong Kong, sa bisa ng pagtutulungan ng International Criminal Police Organization (INTERPOL) at Philippine National Police.

Inilipad din naman ang dating Pangulo patungong The Hague, Netherlands noong kinagabihan.

“Ang isang bahay ay hindi magiging isang tahanan kung walang matatag na kabuhayan ang mga nanunuluyan,”pahayag ni Pasig mayoral aspirant Sarah Discaya.

Pahayag ni Discaya, kilala sa Pasig bilang Ate Sarah, ang pagbibigay ng pabahay nang walang kasamang suporta para sa matatag na kabuhayan ay hindi umano magtatagumpay at makabubuhay sa mga awardee.

Nilinaw niya na ang kanyang pangarap na “smart housing” para sa kababayang Pasigueños ay nakapaloob sa priority programs ng hinahangad niyang “smart city,” hindi ‘tulad ng kasalukuyang liderato ng Pasig na nangako ng pabahay dalawang termino na ang nakalipas pero hanggang sa ngayon ay wala pa kahit isang bubong na natupad.

Sinabi ni Discaya na kasama sa plano ng “smart housing” ng Team Sarah ang pangmatagalan na kabuhayan para sa beneficiaries.

“Giving them roof without jobs or
economic opportunities for their daily sustenance will make their lives harder,” paliwanag niya.

Iginiit niya na ang pasanin ng pagbabayad ng mga singil sa kuryente at tubig, pati na rin ang patuloy na pagtaas ng presyo ng mga pangunahing bilihin sa lungsod ay karamihan sa mga laging iniisip ng mga Pasigueño.

Sabi ni Discaya, may karapatan ang mga Pasigueño sa kumpletong programa mula sa gobyerno kung saan sila ay maaaring turuan kung paano mabuhay sa kanilang sariling paa imbes na basta ibibigay ang isang plano ng pabahay nang walang pangmatagalang suporta.

“The cost of health maintenance and education for children may entitle a family to own a house, but it doesn’t make a home,” dagdag pa ni Discaya.

Ibinabala niya na kung walang komprehensibong plano sa pabahay at kabuhayan, ang mga Pasigueño ay “maiiwan upang malunod mag-isa.”

Nabatid na isa sa mga pangunahing plataporma ni Discaya, kung sakaling siya ay maihalal, ay ang pagtatayo ng 11-palapag na proyekto na pabahay para sa mga Pasigueño. Binanggit niya ang kahalagahan ng ganitong proyekto, lalo na’t ang Pasig ay isang lugar na madalas bahain.

Sinasabing ang nasabing proyekto ay planong itayo malapit sa mga komersyal na lugar, na inaasahan ni Discaya na makatutulong sa pagbabalanse at pagtugon ng mga Pasigueño sa kanilang pangangailangan sa tahanan at kabuhayan.

Bunga ng kanyang karanasan bilang isang builder, nauunawaan ni Discaya ang mga hamon sa pabahay sa Pasig, kung saan ang limitadong espasyo ay nagpapahirap sa malalaking proyekto ng pabahay.

Ayon sa kanya, bagama’t may mga proposal ang kasalukuyang lokal na pamahalaan para sa in-city relocation at mga proyekto ng pabahay, ito ay mananatiling isang “panaginip” sa ilalim ng pamumuno ni Mayor Vico Sotto, dahil ang kanyang administrasyon ay nakatuon sa pagtatayo ng P9.6 bilyon nitong bagong Pasig city hall.

Kaya bilang karagdagan sa pabahay, itinataguyod din ni Discaya ang pagpapatayo ng waste facility, na pinaniniwalaan niyang makatutulong sa paglutas ng problema sa pagbaha sa lungsod kapag nagsimula ang tag-ulan.