NEWS

“We mourn the passing of Pope Francis”, isinulat ng pro-labor reform na grupo sa kanilang 106 Trabaho Partylist Facebook page nitong Lunes bilang pakikidalamhati sa lahat ng Katoliko.

Kalakip ng nasabing mensahe ay ang larawan ng Santo Papa at sipi mula sa kanyang homily patungkol sa kabanalan ng trabaho bilang pinakaunang bokasyon ng tao.

Sa mga salita ni Papa Francisco, “Ito ang pinakaunang bokasyon ng tao: magtrabaho. At ito rin ang nagbibigay ng dignidad sa tao- siyang dignidad na naghahalintulad sa kanya sa Panginoon. Ang dignidad ng pagtatrabaho ay kabanalan.”

Ayon sa Trabaho, ang mga turo ng Santo Papa patungkol sa dignidad ng trabaho at importansiya ng katarungang panlipunan ay ang magsisilbing kanilang mga gabay.

Bukod dito, ipinanawagan ng grupo nitong Miyerkules na magpatupad na agad ang pribado at pampublikong sektor ng kani-kanilang safety adaptation plan bunsod ng patuloy na pagtaas ng temperaturang nararanasan ng bansa.

Nabatid na naitala na nga ng Philippine Atmospheric, Geophysical and Astronomical Services Administration (PAGASA) ang pinakamataas na 5-day heat index ngayong Abril 23, 2025 matapos pumalo sa 50°C-52°C o ang temperatura sa Kalakhang Maynila at Calabarzon.

Sinasabing naghuhudyat ang nasabing temperature ng hindi lamang basta panganib, kundi matinding panganib o “extreme danger” sa kalusugan at buhay ng mga Pilipino.

Kaya iminungkahi ng grupo na isama ang alternative work arrangement sa safety plan pati na rin ang pagbibigay ng mga ng sapat at naaayon na protective uniform laban sa init at polusyon sa mga mangaggawa.

Giit ng Tranaho, maaari ring i-adjust ang working hours ng mga manggagawa ngunit dapat parte ng bayad na oras ang kanilang mga maiikling oras para sa pahinga, pagpunta sa lilim at pag-inom ng tubig upang sila ay marehydrate.

Napag-alaman na layunin ng Trabaho Partylist na tutukan ang kondisyon ng mga manggagawa hindi lang laban sa mga maling panuntunan, kundi pati na rin ang pangangailangan ng mga ito bunsod ng pabagu-bagong panahon.

Nanawagan ang Trabaho Partylist sa mga pampubliko at pribadong sektor na bumuo at magpatupad safety adaptation plan na akma sa kani-kanilang industriya at operasyon upang mapangalagaan ang mga manggagawa sa gitna ng napakatindi at mapanganib na init sa lahat ng rehiyon.

Batay kasi sa forecast ng Philippine Atmospheric, Geophysical and Astronomical Services Administration (PAGASA), maging sa Metro Manila mismo ay maaaring umabot ng hanggang 42°C ang temperatura— “dangerous level”.

Kaya bilang pagkilala sa masamang epekto sa kalusugan na idinudulot ng matinding init gaya ng panghihina ng katawan, heatstroke, at paglala ng mga umiiral na kondisyon sa kalusugan, nanawagan ang tagapagsalita ng Trabaho Partylist na si Atty. Mitchell Espiritu sa mga ahensya ng gobyerno at pribadong mga employer na magpatupad ng alternatibong work arrangement.

Para matiyak ang pagsunod ng mga manggagawa, hinimok ng tagapagsalita ng grupo ang mga employer na ipabatid nila na ang mga hydration break na ito ay bahagi ng bayad na oras ng pagtatrabaho.

Kahit wala pang matibay na regulasyong tumutugon sa patuloy sa ganitong napakainit na temperaturang nararanasan ng bansa, tinukoy ng abogado na may nauukol at umiiral na kautusan mula sa Department of Labor and Employment—ang Labor Advisory No. 8.

Sinasabing sa ipinalabas na advisory noong 2023, inaatasan ng DOLE ang mga employer na bigyan at pagsuotin ang mga manggagawa ng uniporme at personal protective equipment na naaayon sa init ng panahon. Dapat din nilang bigyan nang libre, sapat at ligtas na inuming tubig ang mga mangaggawa.

Nabatid na ang panawagan ng Trabaho Partylist ay bahagi lamang ng plataporma nitong siguruhin ang kapakanan ng mga manggagawa.

“Implementing such measures is crucial to mitigate the adverse effects of this deadly heat on workers’ health and productivity [Mahalaga ang pagpapatupad ng mga hakbang na ito upang mabawasan ang masamang epekto ng matinding init sa kalusugan at pagiging produktibo ng mga manggagawa],” dagdag pa ni Espiritu, habang binibigyang-diin ang kahalagahan ng maagap na proteksyon para sa mga manggagawa.

Maaalala na nitong Linggo ng Pagkabuhay, nagpaabot ang Trabaho ng pagmamahal sa mga taga-Mindanao na nakaranas at naapektuhan ng apat na sunud-sunod na lindol at pagyanig na lampas sa magnitude 5.0.

Tuluyang ibinasura ng tinatawag na Duter10, isang grupo ng mga kandidato sa Senado sa ilalim ng Partido Demokratiko Pilipino (PDP), ang pag-endorso ni Bise Presidente Sara Duterte sa mga katunggaling kandidato na sina Senador Imee Marcos at Las Piñas Representative Camille Villar.

Sinasabing ang pagtanggi ay bilang tugon sa TV advertisement ni Duterte na sumusuporta kina Marcos at Villar—
mga pag-endorso na umani ng batikos mula sa PDP ranks.

Nabatid na binatikos ni Bagong Alyansang Makabayan President Renato Reyes ang hakbang ni Duterte kung saan tinawag itong bahagi ng mas malawak na political agenda.

Kung si Reyes ang tatanungin, ang suporta ni Duterte para kina Marcos at Villar ay bahagi ng kanyang istratehiya “para manatili sa kapangyarihan at makaipon ng mas maraming kapangyarihan.”

“As in any alliance of traditional politicians of the ruling elite, theirs is an alliance of convenience and opportunism… This is an alliance solely to frustrate the impeachment process and remain in power beyond 2028,” sabi ni Reyes.

Sa isang Facebook live broadcast, hinimok naman ni PDP senatorial candidate Atty. Raul Lambino ang mga botante na suportahan lamang ang Duter10—ang 10 kandidato na opisyal na inendorso ng partido para sa darating na midterm elections.

Iginiit ni singer-lawyer at fellow Duter10 bet Jimmy Bondoc na ang pag-endorso ni Duterte kina Villar at Marcos ay maaaring isang simpleng kaso ng ‘political compromise’.

“Ang official endorsement ay dumaan sa proseso sa partido, at totoong gusto ipaboto sa inyo ng mga leader natin. Ang hindi official endorsement ay bunga na maraming posibleng dahilan: political accommodation, honest personal preference, political contingency,” ani Bondoc.

Bukod dito, hinimok din ng pinakabagong nadagdag sa lineup ng Duter10 na si Dr. Richard Mata ang mga botante na mag-stick sa mga kandidato ng partido bilang isang anyo ng protesta laban sa pagkakapiit ni dating Presidente Rodrigo Duterte sa The Hague, Netherlands dahil sa mga akusasyon ng mga krimen laban sa sangkatauhan para sa pagpatay.

Kumpiyansa si Pasig City mayoralty aspirant Sarah Discaya na muling makakapag-ambag ang lungsod sa pagpapataas ng assessment rating ng bansa sa Program for International Student Assessment (PISA) sa paraan ng kanyang platapormang “smart school.”

Sinasabing ito ay kasunod ng pahayag ng Department of Education (DepEd) na determinado itong itaas ang PISA rating ng Pilipinas sa 2025, sa pangunguna ng hepe nitong si Sec. Sonny Angara na siyang naglatag ng mga estratehiya upang maiwasan ang mahinang performance ng mga bata kagaya noong 2022.

Ayon sa PISA 2022 results na inilabas ng Organization for Economic Cooperation and Development (OECD) noong Disyembre 2023, nakapuwesto lamang ang Pilipinas sa ranggong 76 sa 81 bansang lumahok sa global assessment na sumusukat sa kakayahan ng mga mag-aaral sa reading comprehension, mathematics, at science.

Pero nabatid na sa kabila ng pangungulelat ng bansa nitong 2022 assessment ay naitala naman ng Pasig City Science High School ang pagiging top performer nito noong 2018, na siyang ikinalungkot ng ilang education officials dahil sa ang resultang inilabas nitong 2023 ay tanging ang Benigno Aquino High School sa Makati lang sa 188 na paaralan na sumali sa PISA ang nakalusot sa minimum proficiency level sa reading, science at mathematics.

“Ang pagkabahala ko na mula 2018 hanggang 2022 ay tila bumabagsak
sa halip na gumanda ang kalidad ng edukasyon sa paaralang pinatatakbo
ng lungsod ang siyang pinaghugutan ko ng inspirasyon upang maitatag ang ‘smart school’ sakaling mabigyan ng pagkakataong maglingkod sa aking mga kababayan,” mariing pahayag ni Discaya.

Ibinida ni Discaya na nasa sentro ng kanyang ‘smart school’ na plataporma ang pagbibigay ng dekalidad na edukasyon gamit ang kumpletong learning tools, makabagong pagtuturo, at IT-driven learning systems para sa mga mag-aaral ng Pasig.

“Nakaya nating maging top performing school sa PISA noong 2018, mas kaya nating gawin at ulitin ito upang mapataas ang rating ng bansa,” ani Discaya.

Sakop ng kanyang plataporma ang pamamahagi ng laptops, computers, at pagbibigay ng malawakang internet access sa mga estudyante upang mapabilis at mapahusay ang kanilang pagkatuto.

“Prayoridad namin ang magandang kinabukasan ng Pasig. Isa sa mga hakbang dito ay ang pagbibigay ng suporta sa edukasyon ng ating kabataan,” dagdag pa niya.

Napag-alaman na bilang bahagi ng kanyang adbokasiya, plano ni Ate Sarah na magpatayo ng bagong 11-storey university building na laan para sa mga mag-aaral ng lungsod.

Target naman ni Discaya na i-angat ang Pasig bilang isang smart city, isang lungsod na may mga smart schools at smart hospitals, kung saan ang teknolohiya ay kaakibat ng serbisyong pampubliko at pag-unlad ng mamamayan.

Kasabay ng selebrasyon ng Linggo ng Pagkabuhay, nagpaabot ang Trabaho Partylist ng pagmamahal sa mga nakaranas at naapektuhan ng apat na sunod-sunod na lindol sa Mindanao.

“Kami ay lubos na nababahala sa kaligtasan ng ating mga kapatid sa Mindanao lalo na’t ang mga pagyanig ay nagtala ng higit sa magnitude 5.0,” wika ni Trabaho spokesperson Atty. Mitchell Espiritu.

Ayon sa datos ng Philippine Institute of Volcanology and Seismology (PHILVOCS), tatlong lindol na may magnitude 5.9, 5.1 at 5.4 ang naitala sa Sultan Kudarat, samantalang ang ika-apat na magnitude 5.2 na lindol ay nangyari sa Davao Occidental.

Ayon sa tagapagsalita ng grupo, hindi ito maaaring ipagwalang-bahala sapagkat ang buhay, kaligtasan, at hanap-buhay ng mga manggagawa at kanilang mga pamilya ang nakasalalay.

Binigyan-diin niya ang kahalagahan ng mabusising inspeksyon kung ano ang mga kailangan makumpuni sa mga opisina, gusali at maging mga bahay. Ito aniya ay dapat regular ding isinasagawa kagaya ng mga earthquake drill.

Para sa pangmatagalang aksyon sa kaligtasan ng publiko, isusulong ng Trabaho Partylist ang pagkakaroon ng komprehensibong panuntunan upang mapabuti ang workplace safety tulad ng mahigpit na pagpapatupad ng building code, regular na pagsasagawa ng safety drills, peryodikong risk assessment, at pagsasanay sa mga empleyado ukol sa disaster response at first aid upang mas maging handa sila sa oras ng sakuna.

Sa pamamagitan ng mga hakbang na ito, layunin ng Trabaho, bilang 106 sa balota, na masiguro ang kaligtasan ng buhay at kabuhayan ng mga manggagawa at kanilang mga pamilya.

Itinaas ng partidong pinangungunahan ni Dipolog City Mayor Dexter Uy ang mga kamay ni Trabaho Partylist Ninai Chavez sa kanilang ginanap na Kuyog Ta! Grand Proclamation Rally ngayong buwan ng Abril.

Nabatid na si Uy ay kasalukuyang tumatakbong gobernador na siyang may platapormang palakasin pa ang lokal na programang pangkabuhayan, turismo at pangkalusugan sa Zamboanga del Norte.

Nakita na ang Trabaho, bilang 106 sa balota, ang bukod-tanging partylist na kasama sa proclamation rally at motorcade sortie ng Team Kuyog Ta at Team I Lab U.

“Napakainit po talaga ng pagtanggap niyo sa amin kaya po kanina nung nagmomotorcade po kami. Talagang hindi ko mapigilan ngumiti kasi kayo po mismo nung sinasalubong niyo kami, nakangiti kayo sa amin. Kaya maraming, maraming salamat po!,” pagpapasalamat ni Chavez sa mga taga-Zamboanga del Norte.

Sa usapin naman ng kanilang adbokasiya para sa mga manggagawa at kanilang pamilya, ibinahagi ni Chavez na nais nilang wakasan ang isang kahig, isang tuka na pamumuhay ng mga Pilipino.

“Gusto naming makapag-ipon kayo. Pag-uwi niyo sa bahay hindi na kayo mamomoblema kung saan ninyo kukunin ang pang-emergency niyo. Kaya sana po inyong suportahan ang 106 Trabaho Partylist,” pagwiwika ng nominee.

Kung matatandaan, kamakailan ay nagbahagi rin si Uy sa kanyang Facebook page ng video kung saan may mga aerial view ng libu-libong taong dumagsa para sa Kuyog Ta.

“Daghang salamat sa tanang katawhan sa Zamboanga del Norte sa inyong mainitong suporta ug aktibong pag-apil. Kamo ang inspirasyon sa among padayon nga paningkamot para sa tinuod nga kausaban ug maayong panggobyerno”, isinulat ng Dipolog mayor.

Sinasabing hindi ito ang unang beses na naramdaman ang Trabaho Partylist sa Zamboanga del Norte dahil lubos na inikot at inaral ng grupo ang estado ng mga industriya sa rehiyon tulad ng industriya ng sardinas sa Dipolog.

Nagpakita rin ng suporta ang Trabaho sa mga marine conservation efforts sa rehiyon kung kaya’t nakasama pa ng Dipolog LGU at City Environment and Natural Resources Office si first nominee Atty. Johanne Bautista sa pagpapakawala ng 99 Olive Ridley Sea turtle hatchlings pabalik sa tabing-dagat ng Dipolog City Boulevard noong nakalipas na buwan.

Ikinalugod ng Trabaho Partylist na kitang-kita na ang tatak na West Philippine Sea (WPS) sa Google Maps nang hindi na kinakailangan mag-zoom.

“The size of the West Philippine Sea label matters as it speaks clearly of our ownership and rights- atin ang West Philippine Sea- and the international community can see that as well,” sabi ng tagapagsalita ng grupo na si Atty. Mitchell Espiritu sa kanilang Facebook post.

Nabatid na bago ang nasabing update, kailangan pa palakihin o i-zoom ang mapa bago makita ang tatak na WPS.

Kinumpirma naman ng tagapagsalita ng Google ang nasabing update: “The West Philippine Sea has always been labeled on Google Maps. We recently made this label easier to see at additional zoom levels.”

Kamakailan, nagpahayag din ang Trabaho ng suporta sa Philippine Coast Guard (PCG) para sa maagap na pagdeploy ng aircraft sa WPS. Ito ay upang ipakita sa Chinese research vessel na hindi uurong ang PCG sa pagprotekta ng soberanya ng Pilipinas.

Sa mensahe ng pro-labor na grupo, dapat umanong maging maagap lalo na sa paniniguro na mismong ang kasalukuyang henerasyon ng mga Pilipino- at ang kanilang magiging mga anak- ang makikinabang sa mga likas na yaman ng ating bansa.

Sa mga lumabas na survey ngayong buwan, mataas ang tsansa na maluluklok ang Trabaho Partylist (bilang 106 sa balota) sa kauna-unahang termino nito sa Kongreso.

The Provincial Government of Pangasinan, under the leadership of Governor Ramon “Mon-Mon” V. Guico III, has partnered with the Philippine Veterans Bank (PVB) and the Philippine World War II Memorial Foundation, Inc. (PhilWar Foundation) to establish historically accurate and immersive World War II displays at the new Capitol Park in Lingayen. The signing of the Memorandum of Understanding (MOU) was held recently at the Pangasinan Provincial Capitol.

Governor Guico emphasized Pangasinan’s vital role in the country’s wartime history, particularly the historic Lingayen Gulf Landings, which marked the return of Allied Forces to Luzon and a turning point in the Liberation of the Philippines. He highlighted the need to share not only this event but also the many untold stories of bravery and sacrifice by Pangasinenses during the war.

The partnership aims to preserve and promote these stories. PVB, whose original shareholders include Filipino WWII veterans, is committed to honoring their legacy of courage and heroism. Meanwhile, the PhilWar Foundation is dedicated to educating the youth about World War II and strengthening their national pride through historical awareness.

The WWII exhibits are envisioned to become a central feature in the revitalized Pangasinan Capitol Complex, offering an engaging and factual portrayal of the province’s wartime contributions.

Present during the MOU signing were PVB AVP Rowena Nuyda, FVPs Geraldine Romano and Mike Villa-Real, Governor Guico, Vice Governor Mark Lambino, PVB Lingayen Branch Manager Charmaine Loresco, and Malu Elduayan, Head of the Pangasinan Provincial Tourism and Cultural Affairs Office.

Inuulan ng kaliwa’t kanang batikos at hamon mula sa mga netizens si Pasig Councilor Angelu De Leon na magpaliwanag kaugnay ng ‘di-umano’y mga naglalabasang video scandal ng iba pa niyang kasamahan at kapartidong mga konsehal.

Ito’y makaraang lumabas ang video ng isang sitting councilor at dalawang aspiring councilor sa Pasig na sinasabing makikitang nakikipag-video sex.

Sa nabanggit na video, ipinaliwanag ang hinihinalang proseso ng pagbili ng serbisyo sa pamamagitan ng pagbabayad umano ng deposit at pagkatapos ay magbabayad ng balanse matapos na makamit ang kanilang mga kagustuhan.

Ngunit ayon din sa nasabing video, ang mga naturang konsehal ay blinock sa social media accounts ang naka-video sex nilang babae upang hindi na sila ma-contact matapos na hindi magbayad ang mga ito ng balanse.

Nabatid na ni-rekord naman umano ng babae ang buong sesyon at isinapubliko ang bidyo dahil umano sa galit sa mga nasabing konsehal.

“Kadiri alam mo naman ‘yang mga ‘giting’ mga banal na aso santong kabayo mga ‘yan. Mga mapagpanggap na anghel galing sa ilalim ng lupa,” sabi ng netizen na si Iame Mimha sa kanyang Facebook comment.

Maliban dito, isa rin umano sa kapartidong konsehal ni De Leon ang inireklamo ng isang single mom matapos nitong hindi panagutan ang bata at hindi sumunod sa nauna nitong pangako na aakuin at dadalhin ng bata ang apelyido ng konsehal sakaling manalo ito noong nakaraang eleksyon.

“Natatawa na lang ako kada magda-drama itong mga giting mapangpanggap kasi,” dagdag pa ni Mimha sa kanyang comment.

Lumitaw ang paghahamon ng mga netizens makaraang batikusin ni De Leon si Pasig congressman aspirant Atty. Ian Sia patungkol sa pahayag nito ukol sa mga solo parents ng lungsod.

Makaraan ang pahayag ni Sia ay naglabas ng isang FB post si De Leon na kung saan paulit-ulit na sinabi ng konsehal na “bawal ang bastos sa Pasig!”

Ang naturang palitan ng isyu ng dalawang partido sa Pasig City ay nakaani ng iba’t ibang reaksyon mula sa mga netizens. Ang iba ay tinawag umanong ‘hipokrita’ si De Leon matapos lumabas ang naturang video.

“OA kayo magalit sa kalaban niyo pero sa kakampi n’yo na obvious na obvious ang kabastusan pikit-mata lang?” sabi naman ni Mark De Leon sa kanyang FB post.

“Hamon namin kay Councilor Angelu de Leon, totoo ba itong mga akusasyon sa mga kasamahan mo na mga kandidato bilang city councilor o hindi?” sabat naman ng isa pang netizen.

Iginiit naman ni Sia na ang nasabing ‘joke’ ay alinsunod umano sa kanyang freedom of speech.

Dagdag pa rito, isinaad din ng abogado na ang nag-viral umanong statement ay ‘pinaikli’ at malisyosong umusbong upang iligaw ang mga tao sa social media.

Sumabak sa back-to-back sorties ang Trabaho Partylist, bilang 106 sa balota, sa mga vote-rich cities na Maynila at Kalookan at vote-rich province Laguna nitong ika-12 ng Abril.

Nabatid na sa umaga, dinala ng Team Yorme’s Choice na pinangungunahan ng tambalang Isko Moreno at Chi Atienza si second nominee Ninai Chavez sa kanilang motorcade sa Distrito Uno sa Tondo, Maynila.

Kinagabihan, itinaas naman ng Team Aksyon at Malasakit na pinangungunahan ni Cong. Oca Malapitan at Mayor Along Malapitan ang mga kamay ni first nominee Atty. Johanne Bautista sa Distrito Uno Grand Rally sa Lungsod ng Caloocan.

Ayon sa COMELEC, may 1,142,172 rehistradong botante sa Maynila at 765, 249 na rehistradong botante naman sa Caloocan.

Samantala, ang ikatlong nominee naman na si kagawad Nelson de Vega ay patuloy pa ring nag-iikot sa probinsya ng Laguna upang ikalat ang kanilang mga isinusulong na reporma para sa mga manggagawa at upang magpasalamat na rin sa kanilang mga tagasuporta sa lugar na kusang-loob umanong tumutulong na magkabit ng kanilang mga tarpaulin.

Ang probinsya naman ng Laguna ay nagtala ng 2,045,068 na bilang ng botanteng rehistrado noong 2022 eleksyon ayon pa rin sa Election Records at Statistics Division ng COMELEC.

Ang celebrity advocate naman na si Melai Cantiveros-Francisco ay naglabas ng kapwa comedy at informative na content na tumatalakay sa agam-agam ng karaniwang manggagawa at kung paano makakatulong ang Trabaho Partylist na mabago ang kanilang mga kapalaran.

Halos isang buwan na lamang bago ang nakatakdang araw ng halalan na Mayo 12, 2025 kaya puspusan ang grupo at mga tagasuporta nito sa pagkakampanya.