Turnover of 172 water containers from AirAsia and ACPACI (Association of Certified Public Accountants in Commerce and Industry) to the Sama Bangingi Tribe of Samariki, Zamboanga.
The tribe living on high stilts have very low access to potable drinking water.
They were also the beneficiaries of the solar powered lamps from our partner, Liter of Light.
Asahan ang kalat-kalat na pag-ulan sa National Capital Region (NCR) at ilang bahagi ng bansa dulot ng hanging Habagat ayon sa Pagasa.
Habang maulap na papawirin na may kalat-kalat na pag-ulan naman ang mararanasan sa Cordillera Administrative Region, CALABARZON, Mimaropa, Zambales, at Bataan na maaaring magdulot ng pagbaha at pagguho ng lupa.
Samantala, ang nalalabing bahagi ng bansa ay makararanas ng bahagyang maulap hanggang sa maulap na papawirin na may pulu-pulong pag-ulan, pagkulog at pagkidlat dulot ng mga localized thunderstorms.
Niyanig ng magnitude 6.1 na lindol ang Hilagang-Kanluran ng Calatagan, Batangas dakong ala-5:50 ngayong Linggo umaga.
Batay sa ulat ng Phivolcs, tectonic ang origin ng lindol at may lalim na 132 kilometro
Naramdaman ang Intensity III sa Quezon City, Intensity IV sa Puerto Galera at Oriental Mindoro, Intensity III sa Calapan City, Oriental Mindoro at lungsod ng Malolos, Bulacan habang naramdaman ang Intensity II sa lungsod ng Marikina.
Ayon sa Phivolcs walang inaasahang matinding pinsala ang maidudulot ng naturang lindol kalupaan, subalit asahan ang mga aftershocks.
Tiwala ang Food and Drug Administration na matatapos nila sa loob lamang ng tatlong linggo ang pagsasagawa ng ebalwasyon sa kaugnay sa pagtuturok ng Booster dose sa mga 5 to 11 years old.
Pero paglilinaw ni FDA OIC Director General Oscar Gutierrez, sa ngayon, nakaantabay parin sila kaugnay sa mga maaring magsumite ng aplikasyon ukol dito.
Hanggang sa kasalukuyan kasi ani Gutierrez wala pa silang natatanggap na aplikasyon upang maisalang na sa kanilang pag-aaral.
Giit ng FDA official, basta’t may magsumite na ngayon ng aplikasyon, tiyak aniyang kakayanin nila itong maaprubahan bago bumaba sa pwesto si Pang. Rodrigo Duterte.
Ani Gutierrez, mabilis lamang kanilang evaluation process lalo na’t katuwang nila sa pagsasagawa nito ang mga vaccine expert ng bansa.
Tuluy-tuloy pa rin ang ginagawang mga pagbabakuna ng Primary vaccine at ng Booster dose sa buong bansa.
Sinabi ni Health Undersecretary Myrna Cabotaje, na nananatiling pinangangasiwaan ng mga lokal na pamahalaan ang pagtuturok ng vaccine at ang pagbibigay ng third dose.
Pero pinapayagan narin ani Cabotaje na magturok ng booster dose ang mga drugstore na kasama sa vaccination program at binigyan ng accreditation ng pamahalaan.
Mayroon din aniyang mga workplaces na doon ginagawa ang pagbabakuna ng first Booster shot para sa kanilang sariling mga empleyado.
Kaya naman hindi lamang ani Cabotaje ang mga LGU ang pinahintulutang magturok ng bakuna kundi pati narin iyong private sector.
Maging ang mga private Physicians na may sariling klinika ay puwede naring magbigay ng kanilang first booster jab.
Hindi lamang mandato ng BRP Teresa Magbanua ang pagsasagawa ng Marine environmental protection command na ang layunin ay ipreserba, protektahan at pangalagaan ang mga Marine Environment area ng bansa.
Sa Laging Handa Briefing sinabi ni PCG Rear Admiral Bobby Patrimonio, na matapos ang kanilang aktibidad na ito, ay muli silang magpapatrolya sa West Philippine Sea o sa Benham Rise.
Pahayag ni Patrimonio, kanilang ipagpapatuloy ang pagsasagawa ng sovereign patrol sa ibat ibang isla o lugar sa WPS kasama ang iba pang vessel ng PCG.
Maliban dito, lagi rin aniyang nakahanda ang kanilang mga barko para mag-transport ng mga goods at mga indibidwal sakaling may makaranas ng maritime disaster saan mang bahagi ng karagatan sa Pilipinas.
Hindi na ganun kadaling makuha ang target na 77m total jabs ng Pamahalan, bago bumaba sa puwesto si Pangulong Duterte sa buwan ng Hunyo.
Sa Laging Handa Briefing, sinabi ni Vaccine Expert Panel chairperson Dr. Nina Gloriani, na sa ngayon, medyo bumaba na kasi ang acceptance o iyong mga nagnanais na magpaturok ng bakuna.
Pero ani Gloriani, tiyak na sisikapin parin ng National Vaccine Operations Center o (NVOC) na madagdagan pa ang 67M na mga bakunado sa bansa.
Giit ng Health Expert, hindi ganun kadaling makapagbakuna ng 10M indibidwal lalo na’t ilang linggo na lamang ang nalalabi sa termino ni Pang. Duterte.
Napipinto nang makumpleto ang paglikha ng bakuna para sa mga baboy kontra African Swine Fever.
Sa Laging Handa Briefing sinabi ni Department of Agriculture Sec. William Dar, maganda ang kinalabasan ng initial result ng isinagawang trial and testing ng bakuna.
Nasa phase 2 na ani Dar ang pag-aaral na ito at posibleng mailabas ang resulta nito sa Hunyo. Tiniyak naman ng kalihim na agad niyang ipaguutos na maturukan na ng bakuna ang lahat ng baboy sa bansa kapag naging matagumpay ang kinalabasan nito.
Taong 2019, nang labis na maapektuhan ang Hog industry dahil sa ASF na nagresulta sa pagkalugi ng mga magba-baboy at pagtaas ng presyo ng mga karne nito sa mga merkado.
Malaking tulong ang mga nagdaang pag-ulan upang madagdagan ang tubig sa mga dam, partikular na sa Angat Dam.
Ayon kay National Water Resources Board (NWRB) Executive Director Dr. Sevillo David, hindi gaanong bumaba ang libel ng tubig sa Angat Dam na ngayon ay nasa 193 meters ang tubig.
Resulta aniya ito ng mga naranasang pag-ulan noong mga nakalipas na araw kayat makatitiyak aniya ang publiko na hindi magkakaroon ng water shortage sa kalakhang Maynila o NCR.
Bunsod nito, mas makabubuti parin ani David na maging masinop sa paggamit ng tubig upang mapanatili ang sapat na suplay ng tubig.
Samantala, maari naman aniyang makarekober ang Angat Dam sa pagtatapos ng kasalukuyang taon kung saan posibleng umakyat ito sa 210 meters dahil narin sa inaasahang La Nina.
Sumiklab ang dalawang insidente ng sunog sa Maynila at Caloocan City nitong Sabado.
Dakong alas-5 ng hapon nagsimula ang sunog sa Maaliwalas Street, Barangay 867 sa Pandacan, Maynila.
Umabot ito sa ikalawang alarma na tumupok sa dalawang palapag na bahay at idineklarang fire out alas-7 ng gabi.
Samantala, umabot sa unang alarma ang sunog na naganap sa Barangay 69, Caloocan City na tumupok ng isang residential area.
Agad namang naaapula ang apoy alas-6:52 ng gabi.
Patuloy namang inaalam ng Bureau of Fire Protection ang sanhi ng sunog.