NATIONAL NEWS

Binigyang-diin ni Health Secretary Francisco Duque III na hindi pa kailangang magsara ng mga border ang bansa sa gitna ng banta ng monkeypox virus.

 Ayon sa kalihim, inatasan na rin niya ang Bureau of Quarantine (BOQ) upang  bantayan ang mga pumapasok na pasahero mula sa mga bansang may na-detect ng kaso ng monkeypox, tulad ng Canada, Italy, Sweden, Spain, Portugal, Europe, at North America.

 Mababatid na kabilang sa mga sintomas ng monkeypox ay lagnat, rashes, at swollen lymph nodes.

 Samantala, sa ngayon ay wala pang naitatalang kaso ng nasabing virus sa Pilipinas.

Inihayag ng Philippine Coast Guard (PCG) na negatibo sa ‘oil spill’ ang bahagi ng baybayin kung saan nasunog ang fast craft Mv Mercraft 2 kaninang umaga sa Real, Quezon.

 Ayon sa assessment ng PCG sa traces ng oil spill ay walang nakitang pagtagas ng langis sa naturang lugar.

 Mababatid na natagpuan na ang lahat ng 134 na sakay ng nasabing barko kung saan kabilang rito ang 126 pasahero at walong crew.

 Samantala, patuloy na iniimbestigahan ng mga otoridad ang sanhi ng sunog.

Suportado sa senado ang pagpapalawig ng Work-from-Home program hanggang matapos ang deklarasyon ng state of calamity ng pamahalaan sa Setyembre para sa Business Processing Outsorcing (BPO).

 Ayon kay Senador Imee Marcos, sinusuportahan niya ang panukala kahit nagpalabas na ng Back-to-Office order ng ang Department of Finance (DOF).

 Bagama’t nilinaw ng DOF na kailangan amiyendahan ang tax code upang payagan ng mga kompanya sa economic zone na manatili ang remote work arrangements habang pinananatili nila ng kanilang fiscal incentives.

 Ngunit, binigyang-diin ni Marcos na kapag ginawa ito ay maitataboy ang pagpasok ng foreign investors at mahihirapan ang susunod na administrasyon na mapanatili ang paglago ng pamuhunan.

 Inihayag ng Department of Health (DOH) na ang pagsunod sa minimum health protocol at pagpapabakuna ang pinaka-epektibong paraan upang maprotektahan ang sarili laban sa COVID-19.

 Mababatid na ang “Long COVID” ay ang kondisyon kung saan ang pasyente ay maaaring makaranas ng matagal na sintomas, kagaya ng fatigue, chest pain, ubo, kinakapos na paghinga, at masakit na kasu-kasuan sa loob ng ilang linggo hanggang buwan matapos magpositibo sa COVID-19.

 Binigyang-diin ng DOH na ang pinakamahusay na proteksyon laban sa anumang bagong variant ng COVID-19 at sintomas sa long COVID ay ang pagsusuot ng facemask, pag-i-isolate kung may sakit, pagtiyak ng magandang daloy ng hangin, at pagpapabakuna kasama na ang booster shot.

Inaprubahan ng sendado ang Senate Concurrent Resolution 18, na magpapahintulot sa senado at kamara bilangin ang boto sa pagka-presidente at bise president sa nakaraang national at local elections noong Mayo a-nuwebe.

 Pinagtibay ng naturang resolusyon ang pagpapahintulot na magtipon bilang National Board of Canvassers ang dalawang sangay simula bukas, Mayo 24.

 Mababatid na mula sa senado ay dinala sa Batasang Pambansa Complex ang mga ballot boxes na naglalaman ng Certificates of Canvass (COCs) at Election Returns (ERS).

 Samantala, ang mga ballot box ay ibiniyahe ng 11 6 by 6 military trucks laman ang 167 ballot boxes ng COCs at 441 boxes ng ERs.

Naniniwala si National Task Force (NTF) against COVID-19 Medical Adviser Dr. Ted Herbosa na napapanahon nang buksan para sa mga manggagawa ang pagtuturok ng 2nd booster shot kontra COVID-19.

Paliwanag ni Herbosa na dapat nang tumanggap ng karagdagang dose ang mga nasabing indibidwal kung higit apat na buwan na ang nakalipas mula nang mabakunahan ng first booster shot.

Giit pa niya na dapat ibigay sa mga manggagawa ang naturang bakuna kaysa masayang sa mga imbakan.

Nanawagan naman si Herbosa sa mga otoridad hinggil sa kaniyang mungkahi na mapadali ito, dahil nakapagtala na ng mas nakakahawang Omicron subvariant na BA.4 ang bansa.

60 tauhan ng Philippine National Police (PNP) ang magsisilbi bilang electoral board members sa special elections sa Lanao del Sur bukas.

Ayon kay COMELEC Deputy Executive Director for Operations Teopisto Elnas, sumailalim sa training at may certificate ang nasabing bilang ng police officers.

Binigyang-diin din niya na ang mga pulis ang magka-conduct ng halalan para ito ay mapanatiling matiwasay at mapayapa.

Nabatid na isasagawa ang special elections sa labing dalawang barangay sa bayan ng tubaran sa naturang probinsya.

Nakabalik na sa bansa ang Team Philippines na sumabak sa 31st Southeast Asian Games na naganap sa Hanoi, Vietnam.

Batay sa post ng Philippine Sports Commission (PSC) sa facebook, ligtas na nakarating sa Pilipinas ang national athletes kaninang umaga.

Samantala, na-iuwi ng bansa ang ika-apat na pwesto sa naturang aktibidad kung saan kabuuang 52 gold medals, 70 silver medals at 104 bronze medals ang nasunkit ng Pilipinas sa iba’t-ibang laro.

Hashtag (#) mabuhay ang galing ng atletang Pilipino!