NATIONAL NEWS

Walang himala sa pagresolba sa napakabigat na problemang kinahakaharap ng bansa sa ngayon.

Ito ang inihayag ni Senator Imee Marcos makaraang aminin na kinakabahan sila sa napakataas na expectation o inaasahan ng publiko sa unang isandaang araw sa pag-upo ng kanyang kapatid na si President-Elect Bongbong Marcos.

Ayon sa senador, baka inaasahan ng taumbayan na sa isang kisapmata ay mawawala o malulutas na ang kaliwa’t kanang problema ng bansa.

Iginiit din ng mambabatas na walang himala at kahit pa buhay ang kanyang ama na napakagaling at napakasipag ay posibleng mahirapan din itong lutasin agad ang mabibigat na suliranin ng bansa ngayon. —sa ulat ni Cely Ortega-Bueno (Patrol 19)

Ang Autumn ay isa sa mga partners ng kagawaran gaya ng Fassster na gumagawa ng projections at modelling para sa gobyerno ngayong may pandemya.

Ayon kay Health Undersecretary Maria Rosario Vergeire, kung papasok ang mas nakahahawang subvariants at marami ang susuway sa health protocols at kaunti ang nagpapa-booster, posibleng umabot sa mahigit 4,800 ang ma-oospital.

Ang nasabi anyang projection ay maaaring maganap sa Agosto ngayong taon, na mas mataas kaysa noong kasagsagan ng Delta variant.

Gayunman, hindi binanggit ng DOH kung ang 4,800 ay “daily” o “monthly” figures.

Nilinaw naman ni Vergeire na projection lamang ito at walang katiyakan kung mangyayari talaga.

Hindi babalik sa pamamasada ang nasa isanlibong PUV drivers na kasama sa ‘transport holiday’ sa Negros Occidental hangga’t patuloy na mataas ang presyo ng langis.

Ito ang babala ng United Negros Drivers and Operators Center (UNDOC sa gitna ng lumiliit na kita ng mga driver.

Ayon kay Diego Malacad, Secretary General ng UNDOC, halos 20% ng kanilang mga miyembrong tsuper na ang tumigil na sa pamamasada.

Marami anya sa kanila ang nagtrabaho na lang bilang mga construction worker o nangingisda at tumutulong sa mga sakahan para may ipakain sa kanilang mga pamilya.

Samantala, umapela naman si Malacad sa mga operators na huwag patawan ng parusa ang mga driver kung pansamantalang maghanap ang mga ito ng ibang trabaho.

Tumaas na rin ang presyo sa ilang brand ng tinapay dahil sa tumataas na halaga ng harina sa international market.

 Ayon kay Johnlu Koa, President ng Philippine Baking Industry Group, tanging ang Pinoy tasty at Pinoy pandesal ang nananatili o hindi gumalaw ang presyo sa mga pamilihan dahil joint project ito ng Department of Trade and Industry (DTI).

 Iginiit ni Koa na sa kabila ng mataas na presyo ng produktong petrolyo ay sapat parin ang produksiyon ng harina sa bansa dahil sa tulong ng mga miller.

 Humihirit ang naturang grupo na itaas ang Suggested Retail Price (SRP) ng 450-grams ng Pinoy tasty sa P42.50 centavos mula sa kasalukuyang P38.50 centavos at itaas naman sa p27.50 centavos mula sa kasalukuyang p23.50 centavos naman ang presyo sa kada sampung piraso ng Pinoy pandesal.

 Sa ngayon, ang dating 690 pesos sa kada kalahating kaban ng harina ay tumaas na sa isang libong piso.

 Siniguro naman ni Koa na patuloy silang susunod sa guidelines na inilabas ng DTI hinggil sa SRP ng bawat tinapay.

Humirit ng taas-pasahe sa Land Transportation Franchising and Regulatory Board (LTFRB) ang mga tsuper ng bus, taxi at Transport Network Vehicle Service (TNVS).

 Una nang naghain kahapon ng petisyon ang grupo ng mga bus na may layuning itaas sa 30 centavos hanggang 35 centavos ang singil sa pasahe patungong probinsya.

 Ayon kay Provincial Bus Operators Association of the Philippines (PBOAP) President Alex Yague, dapat maipatupad ang inihaing petisyon para masolusyonan ang problema sa mataas na presyo ng langis at matulungan ang mga operator at jeepney drivers.

Nabatid na planong gawing 15 pesos ang pasahe sa mga buses sa unang limang kilometro habang 2 pesos at 50 centavos naman ang magiging dagdag sa susunod na kilometro.

 Samantala, sinabi ni LTFRB Executive Dir. Kristina Cassion na target nilang maresolbahan ang lahat ng petisyong inihain ng mga transport group bago matapos ang termino ni pangulong rodrigo duterte.

 Sa ngayon, plano naring maghain ng petisyon ang mga taxi driver para sa dagdag-singil sa pamasahe habang nakatakda namang dinggin sa Hunyo a-29 ng LTFRB ang petisyong inihain ng TNVS para sa umento sa pamasahe at Hunyo a-28 naman para sa mga jeep kung saan, gagawing 15 pesos ang minimum fare sa pamasahe.

Naniniwala si House Majority Leader at Leyte 1st District Rep. Martin Romualdez na magandang buhay ang naghihintay sa mga Pilipino sa ilalim ng administrasyon nina President-elect Ferdinand “Bongbong” Marcos Jr. at incoming Vice President Sara Duterte-Carpio.

 Sinabi ito ni Romualdez sa kaniyang ceremonial oath-taking sa Remedios St. Romualdez Medical Foundation Gymnasium sa Calanipawan Road, Tacloban City.

 Sa speech ng mambabatas, inilatag nito ang mga pagsubok na maaaring kaharapin ni BBM sa oras na umupo itong pangulo lalo na ang kahirapan.

 Sinabi naman ni Romualdez na sa unang pagkakataon, isang team ang nagwagi para maging presidente at bise-presidente ng bansa.

Nagpaabot ng pagbati kay House Majority Leader at Leyte 1st District Rep. Martin Romualdez sina President-elect Ferdinand “Bongbong” Marcos Jr. at incoming Vice President Sara Duterte-Carpio.

 Sa kasagsagan ito ng oath-taking ni Romualdez bilang re-elected Congressman ng Leyte 1st District.

 Naganap ang oath-taking ceremony sa Remedios T. Romualdez Medical Foundation Gymnasium sa calanipawan road, tacloban kung saan personal na dumalo si Duterte-Carpio na party-mate ni Romualdez sa Lakas-Christian Muslim Democrats (LAKAS-CMD).

 Ayon kay Duterte-Carpio, malaki ang naitulong ni Romualdez bilang kaniyang campaign manager dahil aabot sa 32.2 milyong pilipino ang bumoto sa kanya.

 Samantala, binati naman ni BBM ang lahat ng officers at opisyal na nag-oath taking at sinabing looking forward siyang makasama ang mga ito sa trabaho.

 Magbibigay ng isang bilyong dolyar na halaga ng armas si Us President Joe Biden sa Ukraine na gagamitin para sa pagpapalakas ng pwersang militar.

Ayon kay Biden, nakipag-ugnayan na siya kay Ukraine President Volodymyr Zelenskiy.

 Kabilang saipadadala ang karagdagang artillery at coastal defense weapons, mga bala at advanced rocket systems.

 Maliban dito, magbibigay din sa Biden sa Ukraine ng 225 million dollars bilang humanitarian assistance.

 Una nang humingi ng karagdagang armas sa US ang Ukraine dahil sa patuloy na pagsalakay ng Russia.