NATIONAL NEWS

Nagsimula na ang deployment ng 500 Filipino hotel workers sa Israel.

 Noong Hunyo a-dos, dumating ang unang batch ng mga Pilipino na kinabibilangan ng 61 Filipino hotel workers.

 Ide-deploy ang mga ito sa mga hotel sa Tel Aviv, Jerusalem, Nazareth, Caesarea, at Tiberias, maging sa mga resort at spa malapit sa Dead Sea.

 Ang deployment ng Pinoy hotel workers sa Israel ay bunga ng bilateral labor agreement na nilagdaan ni Pangulong Rodrigo Duterte sa kanyang pagbisita sa Israel noong 2018.

 Katuwang dito ang Philippine Embassy sa Tel Aviv, Department of Labor and Employment, Israeli government agencies, Israeli tourism at hotel sectors para sa Pinoy Hotel Worker Deployment.

 Tiniyak naman sa kasunduan na protektado ang mga Pilipino sa Israel laban sa pang-aabuso.

Bahagya pang tumaas ang bilang ng aktibong kaso ng COVID-19 sa Pilipinas kahapon.

 Ayon sa Department of Health (DOH), sumampa sa 3,211 ang active cases mula 3,130 noong Martes.

 Ito’y makaraang makapagtaala ang kagawaran ng karagdagang256 cases ng COVID-19.

 Nangunguna pa rin ang National Capital Region (NCR) sa nakapagtala ng pinakamaraming bagong kaso na may 1,628; sinundan ng Calabarzon, 478 at Central Luzon, 265.

 Nananatili naman sa 60,461 ang bilang ng mga nasawi at 3,630,449 ang gumaling sa COVID-19.

 Sa kabuuan, 3,694,121 na ang COVID-19 cases sa bansa.

Ikinatuwa ng grupo ng mga negosyante ang desisyon ng Inter Agency Task Force (IATF) na manatili sa alert level 1 ang Metro Manila hanggang katapusan ng Hunyo.

 Ayon kay Sergio Ortiz-Luis, Presidente ng Employers Confederation of the Philippines (ECOP), malaking tulong ang alert level 1 upang maipagpatuloy ang pagbabalik ng ekonomiya ng bansa sa normal.

 Bilyon-bilyong piso na aniya ang ginastos ng gobyerno sa pamimigay ng ayuda maliban pa sa ibang pinagkakagastusan kaya dapat na manatili sa mababang restriksyon ang National Capital Region (NCR).

 Una nang inihayag ni Trade Secretary Ramon Lopez na hindi na kailangang itaas ang alert level sa NCR dahil walang naitatalang seryosong kaso at hindi rin punuan ang mga ospital.

Handang tumulong sa Pilipinas ang South Africa para maghanap ng karagdagang suplay ng langis.

 Sinabi ito ni Ambassador Bartinah Ntombizodwa Radebe-Netshitenzhe matapos ang pulong kay President-elect Ferdinand Marcos Jr. kahapon.

 Ayon sa ambassador, mayroon nang commitment ang Pilipinas sa Angola para sa suplay ng langis.

 Hiwalay pa ito sa nagpapatuloy na oil exploration sa Nambia.

 Ang South Africa ang isa sa pinakamalaking supplier ng langis sa buong mundo kung saan nagsusuplay sila sa 9.6% ng langis kada taon.

Tuloy ang pagdaraos ng face-to-face classes sa mga lugar na nasa ilalim ng alert leve 1 at 2.

 Sinabi ito ni Education Undersecretary Malcom Garma sa kabila ng pagtaas ng COVID-19 cases lalo na sa Metro Manila.

 Ayon kay Garma, manageable naman ang mga naitatalang kaso sa mga alert level 1 at 2 areas.

 Sa ilalim ng guidelines ng IATF, sususpendihin lamang ang face-to-face classes kapag isinailalim ang isang lugar sa alert level 3 at 4.

 Sa ngayon, ipinagmalaki ni Garma na sa kabila nang pagtaas ng naitatalang kaso ng COVID-19 ay wala silang naiulat na transmission sa mga paaralan.

 Itinanggi ng driver ng SUV na sumagasa sa isang security guard sa Mandaluyong City na gumagamit siya ng iligal na droga.

 Sa naganap na press conference kahapon sa Camp Crame sa Quezon City, tinanong ni PNP Officer-in-Charge, Lt. Gen. Vicente Danao Jr. ang suspek na si Jose Antonio San Vicente kung gumagamit ba ito ng droga.

 Wala kasing tao na nasa matinong kaisipan na sasagasa ng dalawang beses sa taong nakita naman niyang nabangga na.

 Tugon ni San Vicente kay Danao, handa siyang magpa-drug test para patunayan na hindi siya adik.

 Hindi naman pumayag ang abogado ng suspek sa pangako nito dahil ang kinakaharap na kaso ng kanyang kliente ay isang traffic violation lang.

Wala pa ring natatanggap na banta ang Philippine National Police (PNP) kasabay ng nalalapit na inagurasyon nina President-elect Ferdinand Marcos Jr. at Vice President – elect Sara Duterte-Carpio sa June 30.

Ayon kay PNP Spokesperson, Colonel Jean Fajardo, hindi nagpapakampante ang pambansang pulisya at patuloy na naghahanda sa inaasahang kaganapan.

Patuloy din ang pakikipag-ugnayan nila sa Armed Forces of the Philippines (AFP) para sa intel monitoring.

Sa ganitong paraan, tiyak na hindi makalulusot ang sinumang nais manggulo sa inagurasyon.

Aabot sa 6,500 na pulis ang ipapakalat sa lungsod ng Maynila para sa inagurasyon ni Marcos habang 3,500 sa Davao City para sa inagurasyon ni Duterte-Carpio.

Nagbabala ang Octa Research team sa posibleng pagtaas muli ng COVID-19 cases sa Cebu dahil sa ipinatupad na opsyonal na pagsusuot ng face mask.

 Ito’y ayon kay OCTA Research Fellow, Dr. Guido David, na sa kabila ng pananatili ng Cebu sa low risk classification at mababang positivity rate at health care utilization rate.

 Iginiit ni David na walang naka-aalam kung mananatili ang ganitong sitwasyon sa lalawigan lalo’t tumataas ang COVID-19 cases sa Metro Manila.

 Posible aniyang makapasok sa Cebu ang virus mula sa Metro Manila sa mga susunod na araw.

 Sa ngayon, ipinaalala ni David sa mga residente sa Cebu na ugaliin pa ring magsuot ng face mask kung lalabas ng bahay.

 Inaprubahan na rin ng Inter-Agency Task Force (IATF) ang pagsailalim sa alert level 2 ng ilang lugar sa bansa.

 Ayon kay Communication Secretary Martin Andanar, ang mga lugar na itatas sa alert level 2 hanggang Hunyo a-30 ay ang Benguet at Ifugao sa Cordillera Administrative Region (CAR); Quezon sa Calabarzon; Occidental Mindoro at Palawan sa Mimaropa.

 Camarines Norte, Camarines Sur at Masbate sa Bicol Region; Antique At Negros Occidental Sa Western Visayas; Bohol, Cebu, at Negros Oriental sa Central Visayas; Leyte, Northern Samar, at  Samar sa Eastern Visayas; City of Isabela, Zamboanga del Norte, Zamboanga del Sur, Zamboanga Sibugay sa Zamboanga Peninsula; Lanao del Norte sa Northern Mindanao.

 Davao de Oro, Davao del Norte, Davao del Sur at Davao Occidental sa Davao Region; Cotabato, General Santos City, Sarangani at Sultan Kudarat sa Soccsksargen; Agusan del Sur, Dinagat Islands at Surigao del Norte sa Caraga; at Basilan, Lanao del Sur, Maguindanao, Sulu at Tawi-Tawi sa Bangsamoro Autonomous Region in Muslim Mindanao (BARMM).

Mananatili sa alert level 1 hanggang Hunyo a-30 ang Metro Manila at ilan pang lugar sa bansa.

 Ito ay matapos aprubahan ng Inter-Agency Task Force (IATF) ang rekomendasyon ng Metro Manila mayors na panatilihin sa pinakababang restriksyon ang National Capital Region (NCR).

 Ayon kay Presidential Spokesman Secretary Martin Andanar, ang mga lugar na mananatili sa alert level 1 ay ang Abra, Apayao, Baguio City, Benguet, Kalinga, Mountain Province sa Cordillera Administrative Region (CAR); Dagupan City, Ilocos Norte, Ilocos Sur, La Union at Pangasinan sa Region 1;

 Batanes, Cagayan, City of Santiago, Isabela, Nueva Vizcaya at Quirino Sa Region 2; Angeles City, Pampanga, Aurora, Bataan, Bulacan, Nueva Ecija, Olongapo City, Tarlac at Zambales sa Region 3.

 Batangas, Cavite, Laguna, Lucena City, Rizal at quezon sa region 4-a; Marinduque, Oriental at Occidental Mindoro, Puerto Princesa City at Romblon sa Region 4-B; Albay, Catanduanes, Naga City, at Sorsogon sa Region 5 at Aklan, Bacolod City, Capiz, Guimaras, Iloilo, Iloilo City sa Region 6.

 Cebu City, Lapu-Lapu City, Mandaue City at Siquijor sa Region 7; ang Biliran, Eastern Samar, Ormoc City, Southern Leyte at Tacloban City sa Region 8; Zamboanga City sa Region 9;  Bukidnon, Cagayan De Oro City, Camiguin, Iligan City, Misamis Occidental, at Misamis Oriental sa Region 10 at Davao City at Davao Oriental sa Region 11.

 South Cotabato sa Region 12; Butuan City, Surigao Del Sur, at Agusan Del Norte Sa Caraga at Cotabato City sa Bangsamoro Autonomous Region in Muslim Mindanao (BARMM).