NATIONAL NEWS

Pinangunahan ni Pangulong Rodrigo Duterte ang paglagda sa unang tranche ng loan agreement sa pagitan ng pamahalaan at ng Asian Development Bank para sa 54.5 kilometer na South commuter railway project.

Kabilang sa mga dumalo sa ceremonial signing ay sina finance secretary Carlos Dominguez III, transportation secretary Arthur Tugade, executive secretary Salvador Medialdea, mga kinatawan ng ADB, at iba.

Una nang inanunsyo ng ADB ang pag-apruba sa nasa 4.3 billion US dollars na loan agreement para sa naturang konstruksyon na magiging bahagi ng North-South Commuter Railway System.

Samantala, magkakaroon ito ng 18 istasyon na dadaan sa 10 lungsod ng Metro Manila, kabilang na ang Maynila, Makati, Taguig, Parañaque, at Muntinlupa.

Habang inaasahan na daraan ito sa San Pedro City, Santa Rosa City, Cabuyao City, at Calamba, Laguna.

Ipinagbabawal na ng Manila Economic and Cultural Office (MECO) sa Taiwan ang pagsagawa ng transaksyon ng mga overseas Filipino workers (OFWs) kapag walang appointment.

Ito ang inanunsiyo ng MECO kung saan layunin nito na maiwasan ang pagdagsa ng OFWs sa MECO at para mapanatili ang social distracting protocols.

Anila, sa panahon lamang ng emergency tatanggap ang MECO ng walk in an OFWs.

Naniniwala si Presidential Adviser for Entrepreneurship secretary Joey Concepcion na agad maaprubahan ng Food and Drug Administration (FDA) ang ihahaing Certificate Of Product Registration (CPR) ng Astrazeneca vaccine.

Ayon kay Concepcion walang rason na hindi aprubahan ng FDA ang CPR ng Astrazeneca dahil milyon-milyon na ang nabakunahan ng Astrazeneca vaccine at napatunayan na ito ay mabisang proteksyon laban sa COVID-19.

Dagdag nito na kapag nabigyan na ng CPR ang Astrazeneca maaari nang bilhin ito sa mga botika.

Aniya, hindi dapat mangamba ang mga mahihirap na walang pambili ng bakuna dahil maaari itong bilhin ng pamahalaan.

Desisyon na ng mga pribadong kompanya kung muling magpapatupad ng work-from-home arrangement sa kanilang mga manggagawa.

Ipinabatid ni Presidential Adviser for Entrepreneurship secretary Joey Concepcion na sa kanilang kumpanya tuwing Biyernes lamang ang work-from-home setup pero mula Lunes hanggang Huwebes ay kailangan pumasok sa opisina.

Ani Concepcion, dahil sa patuloy na pagtaas ng presyo ng produktong petrolyo, kapansin-pansin ang pagbaba ng mobility o pagbiyahe ng mga tao kaya ang iba ay mas pinipili ang work-from-home.

Samantala, aminado si Concepcion na kapag nagpatuloy ang walang-tigil na oil price hike at iba pang pagtaas ng bilihin ay maaapektuhan ang ekonomiya ng bansa.

Ikinalugod ng Palasyo ang pinakahuling survey ng Social Weather Stations (SWS) na nagpapakita ng magandang pandemic response ng pamahalaan.

Ayon sa SWS survey, 32% ng adult Filipino ang nagsasabing mas maayos ang kanilang buhay nitong April 2022 kumpara sa 24% noong December 2021.

Ayon kay acting spokesperson at Presidential Communications Operation Office (PCOO) Secretary Martin Andanar, patunay ito na epektibo ang kasalukuyang pandemic response ng pamahalaan.

Kabilang na rin dito ang tuloy-tuloy na pagtakbo at pagbangon ng ekonomiya ng bansa sa gitna ng banta ng COVID-19.

Posibleng abutin pa ng tatlo hanggang apat na buwan bago makapagpasya ang Food and Drug Administration ukol sa pagbabakuna sa mga batang edad 5 pababa.

Ito ang sinabi ni vaccine expert panel chairperson Dr. Nina Gloriani, dahil mahaba ang proseso ng evaluation ng mga eksperto sa bakunang gagamitin.

Aniya, karaniwang nasa 40 days ang evaluation process ng mga bakuna para sa mga bata, pero maaari pa itong tumagal kung kulang pa ang mga datos.

Paliwanag ni Gloriani, tinitignan kasi sa pagsusuri ang safety, immunogenicity at efficacy o protection ng bakunang gagamitin.

Dapat sundin ng gobyerno ng Cebu ang mga patakaran na ipinatupad ng kasalukuyang administrasyon.

Ito ang sinabi ni Presidential Adviser for Entrepreneurship Joey Concepcion kahit na pabor ito sa hindi mandatoryong pagsusuot ng face mask.

Aniya, dapat na respetuhin at sundin ang mga patakaran na ipinatupad ni Pangulong Rodrigo Duterte, kahit pa malapit na itong bumaba sa kanyang puwesto bilang isang Pangulo ng bansa.

Samantala, naniniwala si Concepcion na bukas sa ideyang opsyonal na pagsusuot ng face mask ang papasok na administrasyon.

Umabot na sa 23,458 na bilanggo ang nabigyan ng unang booster shot laban sa COVID-19 sa Bureau of Corrections.

Ito ang sinabi ni Dr. Henry Fabro ng BuCor health service, na ito ay kumakatawan sa 54% ng populasyon ng mga nakatanggap na ng dalawang dose ng bakuna.

Sa nasabing bilang, pinakamarami ang naturukan sa New Bilibid Prison na nasa 9,300.

Sinundan ng Davao Prison and Penal Farm na nasa 5,100.

Habang higit 3,000 sa Correctional Institution for Women sa lungsod ng Mandaluyong.