NATIONAL NEWS

Nagtalaga ang Inter-Agency Council on traffic (I-ACT) ng mystery riders sa ilang lugar sa Metro Manila upang tiyakin ang pagsunod sa COVID-19 health protocols sa Public Utility Vehicles (PUVs) sa ilalim ng Alert Level 1.

Ayon kay I-ACT Chief Charlie Del Rosario na umaakyat sila sa mga bus upang i-check kung nasusunod ang mga health protocols na ipinatutupad.

Samantala, pinahihintulutan na mag-operate sa isandaang porsiyentong kapasidad sa ilalim ng Alert Level 1 ngunit ikinakasa pa rin ang ilang restriksyon para maiwasan ang pagkalat ng COVID-19 sa bansa.

Habang na-obserbahan naman ang pag-unti ng mga pumapasadang sasakyan sa gitna ng pagtaas ng presyo ng mga produktong petrolyo.

Nagbabala ang Philippine Red Cross (PRC) sa publiko sa panganib ng dengue fever ngayong tag-ulan.

Pinayuhan ang mga Pinoy na mag-ingat gayundin na makipagtulungan sa mga interventions sa kalusugan upang maiwasan ang mga hot spots .

Paalala naman ng PRC na sundin ang 4s protocols laban sa dengue ito ang : Search and Destroy Breeding Places, Self Protection Measures, humingi ng maagang konsultasyon at magsabi ng yes sa fogging operations.

Ipinaalala rin ng PRC ang mga self protective measures tulad ng pagsusuot ng long pants at long sleeve shirts gayundin ang araw araw na paggamit ng mosquito repellants.

Ipinabatid naman ng DOH ang dengue  ang pinakamabilis  na kumakalat sa Vector Borne Disease sa mundo na endemic sa 100 bansa kabilang na ang Pilipinas. —sa ulat ni Aya Yupangco (Patrol 5), sa panulat ni Rashid Locsin

Maraming paraan para mapagaan ang epekto ng patuloy na pagtaas ng presyo ng produktong petrolyo.

Ito ang inihayag ng Department of Finance (DOF) sa incoming administration laban sa pagsuspinde sa pangongolekta ng Excise Tax sa petroleum products.

Dahil may ilang mambabatas at transport groups ang nananawagan para sa suspensyon ng Excise Tax sa fuel upang mapagaan ang epekto ng oil price hike.

Nananatili naman ang posisyon ng Malakanyang na huwag suspendihin ang koleksyon ng Excise Tax sa langis  dahil ang buwis ang nagpopondo sa mga programa ng gobyerno.

Sinabi pa ng Finance Department na ang pasuspinde ng Excise Tax sa langis ay malaking kabawasan sa kita ng gobyerno na nasa mahigit isandaang bilyong piso na magreresulta sa paglubog sa utang ng bansa.

Una nang sinabi ng DOF na ang running debt stock ng pamahalaan ay maaaring lumobo sa 15.4 trillion pesos o 2.2 trillion pesos na mahigit pa sa naging pagtaya na 13.2 trillion pesos sa pagtatapos ng taon.

Aprubado na ng Bangsamoro Tripartite Wages and Productivity Board (BTWPB) ang umento sa sahod ng mga manggagawa sa naturang rehiyon.

Dadagdagan ng 16 na piso ang sahod ng mga minimum wage earners sa BARMM.

Sinabi ni BARMM Labor Minister Muslimin Sema, ang nasabing salary increase ay inaprubahan matapos ang konsultasyon sa mga kinatawan ng business at labor sector sa limang probinsya at tatlong lungsod sa naturang rehiyon.

Gayunman, paliwanag ni Sema na hindi nila kayang magbigay ng mas mataas na umento sa sahod dahil nagsisimula pa lamang silang makabawi mula sa epekto ng COVID-19 pandemic.

Sakali naman aniyang humiling ng mas mataas na umento ay mapipilitan umano silang magbawas ng manggagawa para lamang makasunod sa itinakdang sahod.

Posibleng tumama ang mild surge ng COVID-19 sa bansa sa susunod na buwan.

Ito ang binabala ni health advocate na si Dr. Anthony Leachon dahil nagkakaroon na ng pagtaas sa kaso ng COVID-19 dahil sa mga variant ng Omicron, paghina ng immunity ng mga bakuna at paglabag ng publiko sa public health protocols.

Ani Leachon, bagama’t mild lamang ang mga naitatalang kaso, maaari pa rin magkaroon ng long COVID-19 syndrome ang mga tinatamaan ng virus.

Samantala, isa naman sa nakikitang paraan ni Leachon ay dapat paigtingin ang pagbabakuna at pagtuturok ng booster shot sa bansa.

Arestado ang dalawang Pinay dahil sa pag-overstay sa Hongkong.

Ito’y sa harap nang nagpapatuloy na isinagawang crackdown operation ng mga otoridad ng Hongkong sa mga overstaying na foreign workers sa naturang bansa.

Kabilang sa nadakip ang 67 taong gulang at 49 na taong gulang na mga Pinoy.

Umabot ng 21 taon na nag over staying sa Hongkong ang mga Filipina at nabigong mag-renew ng kanilang working visa.

Samantala, patuloy naman ang pagtaas ng bilang ng mga Pilipinong nadadakip sa Hongkong dahil sa breach of condition to stay ng Immigration Department sa naturang bansa.

Nanumpa kay Pangulong Rodrigo Duterte si Senator Elect Robin Padilla.

Kasama ni Padilla na nagtungo sa Malakaniyang ang asawang si Mariel at mga anak na sina Isabella at Gabriela gayundin ang inang si Eva Padilla.

Sa kanyang post, ipinagmalaki ni Mariel ang asawa na nakikita niyang magiging amazing at effective senator.

Sinabi pa ni Mariel na suportado nila si Padilla  sa pagharap nito ng mga hamon sa pagiging mambabatas.

Una nang binigyang diin ni Padilla na kakayanin niyang pangunahan ang Senate Committee on Constitutional Amendments and Revision of Codes and Laws kahit bagitong senador pa lamang.

Si Padilla ay nanguna sa pagka senador nitong nakalipas na eleksyon matapos makakuha ng mahigit 26 million votes.

Nasa apat na milyong pisong halaga ng smuggled carrots ang nakumpiska ng Bureau of Customs.

Kasunod na rin ito nang nakuhang report ng customs hinggil sa pagpasok ng misdeclared agricultural products sa bansa.

Carrots ang bumungad sa mga otoridad nang inspeksyunin ang mahigit 2,000 karton sa halip na steamed buns na idineklarang laman nito.

Ikinakasa na ng mga otoridad ang kaso laban sa trading company at broker ng smuggled items.

Naghahanap ng development sa mga istrukturang pang transportasyon ang National Center for Commuter Safety and Protection Incorporated.

Sa gitna na rin ito, ayon kay Elvira Medina, Chairperson ng Grupo ng Problema sa Public Transportation dahil na rin sa patuloy na pagsirit ng presyo ng langis.

Sinabi sa DWIZ ni Medina na tanging mabigat na trapiko lamang ang naidulot ng mga nasabing instruktura kabilang ang MRT-7.

Dahil dito, iginiit ni Medina ang tunay na pagtutok sa sektor ng transportasyon.