Umabot naman sa 23, 883 ang bagong kaso ng COVID-19 mula Agosto a – 15 hanggang a – 21.
Ayon sa Department of Health, ang average na bilang ng bagong kaso kada araw ngayong linggo ay nasa 3, 412, mas mababa ng 15% kumpara sa mga kasong naitala noong August 8 hanggang 14.
Kabilang sa mga nadagdag ang 101 severe at critical cases.
Samantala, mayroong naitalang 321 additional deaths kung saan 90 ay noong August 8 hanggang 21.
Bumaba na sa 33, 774 ang aktibong kaso ng COVID-19 sa bansa, kahapon kumpara sa 35, 271 noong linggo.
Ito’y makaraang makapagtala ng karagdagang 3, 077 cases ang Department of Health, kahapon.
Ang new cases ay mababa sa average daily cases na naitala noong August 15 hanggang August 21 na 3, 412.Umakyat naman sa 3, 858, 838 ang total case load, kabilang ang 3, 763, 768 recoveries at 61, 386 deaths.
Samantala, nangunguna pa rin ang Metro Manila sa mga rehiyong may pinaka-maraming infections kada rehiyon sa nakalipas na dalawang linggo na 14, 128 cases; sinundan ng CALABARZON, 8, 441 at Central Luzon, 4, 785.
Pinagpapaliwanag na ng Metropolitan Waterworks and Sewerage System Regulatory Office ang Maynilad hinggil sa ka-aanunsyo lamang nitong service interruptions.
Ayon sa MWSS, kailangang ipaliwanag ng Maynilad ang kabiguang abisuhan ang mga customer sa bagong interruption schedules at mga issue sa likod ng pagkaantala ng serbisyo mula August 14 hanggang September 1.
Pina-alalahanan din ng MWSS ang nasabing water concessionaire na mag-post ng abiso sa social media, partikular na sa Facebook at Twitter at sa traditional media at magkaroon ng text blasts dalawang araw bago ang interruptions.
Inatasan din ng MWSS ang Maynilad na tumalima sa mga inaanunsyo nitong service interruption, paigtingin ang tankering operations at koordinasyon sa mga apektadong barangay upang mabawasan ang epekto ng kakulangan sa supply ng tubig.
Pinagsusumite rin ang Maynilad ng konkretong plan of action at maglatag ng mga solusyon upang tugunan ang madalas na water supply at quality issues sa west zone at pabilising maibalik ang normal na serbisyo sa mga customer.
Iginiit ni Vice President at Education secretary Sara Duterte – Carpio na hindi dapat maging hadlang sa pagbalik ng mga estudyante sa In-person classes ang kakulangan sa mga silid-aralan.
Ito’y sa kabila ng mga ulat mula sa ilang paaralan hinggil sa kakulangan sa mga classroom.
Sa kanyang talumpati sa National School Opening Day Program sa Dinalupihan Elementary School sa Bataan, inihayag ni VP Sara na ilang paaralan sa Visayas at Mindanao ang nangangailangan ng agad na rekonstruksyon dahil sa epekto ng Bagyong Odette.
Hindi anya rason ang kakulangan ng educational infrastructure, gaya ng classrooms sa ilang lalawigan upang pigilan ang mga batang magtungo sa mga paaralan.
Para tugunan ang classroom shortage, nagpatupad ng shifting schedules, isa sa umaga at isa sa hapon — upang pagkasyahin ang mga estudyante, habang pinananatili ang physical distancing.
Samantala, idinagdag ni Duterte na hindi na rin dapat maging dahilan ang COVID-19 pandemic upang hindi papasukin ang mga mag-aaral sa face-to-face classes.
Itinuturing na mabagal ang pagkalat ng monkeypox virus sa bansa matapos matukoy ang ikalawa at ikatlong kaso ng sakit ilang linggo makalipas mapaulat ang unang kaso.
Iginiit ng Infectious Disease expert na si Dr. Edsel Salvaña na ang monkeypox ay hindi gaanong nakahahawa kumpara sa COVID-19 at ang mga sintomas ay lumalabas dalawa hanggang tatlong linggo matapos ma-infect ang isang indibidwal.
Ayon kay Salvaña, batid naman na kumakalat ang virus pero inaasahan nilang mabagal ang pagka-detect sa mga ito at mayroon ding ilang indikasyon na asymptomatic ang pagkalat nito.
Kailangan anyang paigtingin pa ang mga protocol at pag-detect sa mga kaso ng monkeypox at mas maging alerto ang publiko.
Naniniwala din ang medical expert na ang pagsunod ng mga pilipino sa Health protocols Kontra COVID-19 ang maaaring dahilan ng mabagal na pagkalat ng monkeypox.
Ramdam na ang pagbaba sa P70 ng kada kilo ng presyo ng asukal o retail price nito sa Metro Manila.
Ito’y makaraang tumalima ang mga supermarket at grocery chain owner sa hirit ni Pangulong Bongbong Marcos na ibaba ang presyo ng asukal sa P70 mula sa P90 hanggang P110 kada kilo.
Pinapurihan naman ni PBBM ang walang pag-iimbot na pasya ng mga negosyante na batid na kailangan bawasan ang kanilang dapat sana’y magiging tubo para sa kapakanan ng mga consumer.
Ayon sa Punong Ehekutibo, ang desisyon na ito ng mga traders ay patunay na nananaig pa rin ang diwang Pilipino ng ‘Bayanihan’ at pagmamahal sa bayan.
Alinsunod sa kautusan ng Pangulo, nakipag-usap si Executive secretary Victor Rodriguez sa malalaking supermarket owner, gaya ng SM Supermarket, Robinsons Supermarket at Puregold Supermarket.
Bukod dito, nakipagpulong din si PBBM sa mga miyembro ng Philippine Chamber of Food Manufacturers Incorporated upang pag-usapan ang problema sa kakulangan ng supply ng asukal sa bansa.
Patuloy pa ring nakararanas ng maulap na kalangitan na may kalat-kalat na pag-ulan, pagkulog at pagkidlat sa malaking bahagi ng Luzon at Visayas dulot parin ng Bagyong Florita at Southwest Monsoon o Hanging Habagat.
Ayon kay PAGASA weather specialist Aldczar Aurelio, huling namataan ang sentro ng Bagyong Florita ang East of Casiguran, Aurora alas-10 kagabi sa layong 125 kilometers per hour na may lakas ng hanging aabot sa 85 kilometers per hour at pagbugsong aabot sa 105 kilometers per hour.
Mabagal parin ang pagkilos ng Bagyong Florita pa-kanlurang bahagi ng Luzon habang patuloy na binabaybay ang silangang bahagi ng Northern at Central Luzon.
Asahan na patuloy paring lalakas ang Bagyong Florita habang hinahatak ang Hanging Habagat na nakakaapekto sa Southern Luzon at Visayas.
Sakaling hindi magbago ang kilos ng Bagyong Florita, posible itong maglandfall sa East Coast ng Isabela o Cagayan ngayong umaga.
Nakataas ang Tropical Cyclone Wind Signal no. 2 sa Cagayan; southern portion ng Babuyan Island; Isabela; Quirino; Eastern at central portion ng Nueva Vizcaya; Apayao; Abra; Kalinga; Mountain Province; Ifugao; northern portion ng Benguet; Ilocos Norte; ilocos sur; northern at central portion ng Aurora.
Signal no. 1 naman sa nalalabing bahagi ng Babuyan Island, Nueva Vizcaya, Benguet, La Union, Eatern at central ng Pangasinan, eatern portion ng Tarlac, Nueva Ecija, the rest of Aurora, eastern portion ng Pampanga, Bulacan, Rizal, northern portion ng Quezon Province, Laguna at Camarines Norte.
Matagumpay ang isinagawang plebisito noong Agosto a – 20 para pagtibayin ang paglikha sa Barangay New Canaan bilang isang regular at natatanging barangay sa Bayan ng Alabel, Saranggani.
Ito ang inihayag ni Commission on Elections chairman George Garcia matapos ang Flag raising ceremony sa Comelec kahapon.
Nakatakda ring magsagawa ang poll body sa Setyembre a – 3 ng plebisito para pagtibayin naman ang conversion ng Bayan ng Calaca sa isang Component City ng Lalawigan ng Batangas.
Kasado na rin ang plebisito para sa paghahati sa dalawang dibisyon ng Maguindanao sa Setyembre a – 17.
Nakapagtala na ng ika-4 na kaso ng monkeypox virus sa bansa.
Kinumpirma ng Department of Health na isang 25-anyos na Filipino ang naka-isolate pero walang travel history sa anumang bansa na may mga kaso ng monkeypox.
Napag-alamang positibo sa naturang virus ang Pinoy matapos ang Real Time Polymerase Chain Reaction (PCR) test ng DOH Research Institute for Tropical Medicine at inilabas ang resulta noong August 19.
Nagpapatuloy ang Intensive Case Investigation at Contact Tracing at sa ngayon ay mayroon ng 14 na close contact ang natukoy.
Nilinaw naman ni DOH Officer-In-Charge, Undersecretary Maria Rosario Vergeire na hindi magkakaugnay ang apat na kaso ng monkeypox sa bansa.
Nasa 70% na ang paghahanda ng Commission on Elections (COMELEC) para sa Barangay at Sangguniang Kabataan elections (BSKE) sa Disyembre.
Ayon kay COMELEC Chairman George Garcia, ang kanilang patuloy na preparasyon ay sa gitna ng mga panawagan na ipagpaliban ang nasabing eleksyon.
Giit niya na nirerespeto ng ahensya ang kapangyarihan ng kongreso na i-postpone ang eleksyon at ituloy ito sa ibang panahon pero patuloy pa rin silang maghahanda.
Samantala, sinabi ni Garcia na posibleng makumpleto ang pag-iimprinta ng mga balota at iba pang election related document sa Setyembre.