Niyanig ng Magnitude 5.1 na lindol ang baybayin ng Balut Island sa Sarangani, Davao Occidental.
Ayon sa PHIVOLCS, dakong ala-1:20 ng umaga naramdaman ang pagyanig na may lalim na 11 kilometro at tectinoc ang pinagmulan.
Wala namang naitalang nasira dahil sa lindol pero asahan na ang mga aftershocks.
Natuklasan sa isang panayam ni Department of Agriculture (DA) Secretary Domingo Panganiban na may natitira pang P 100-M pondo ang Bureau of Fisheries and Aquatic Resources (BFAR).
Ayon kay Panganiban, nitong Enero pa inilabas ng Department of Budget ang management ang pondo.
Agad namang ipinag-utos ni Panganiban na gamitin muna ang nasabing extra funds para matugunan ang problema sa asin ng bansa.
Partikular na susuportahan ng sobrang pondo ang malaking factory ng asin sa Lingayen, Pangasinan na nagsara na, maging ang mga manufacturers nito sa Occidental Mindoro at Parañaque.
Sa December 2022 pa malalaman ang tunay na estado ng suplay ng asukal sa Pilipinas.
Sa isang panayam, sinabi ni Department of Agriculture (DA) Undersecretary Domingo Panganiban na sa buwan pang ito matutuklasan kung may shortage ng asukal sa bansa at kailangan bang mag-import para solusyunan ito.
Sa loob ng isang linggo orihinal na maipalalabas ng mga traders ang asukal.
Pero dahil matagal itong naipon ay aabutin pa ng dalawa hanggang tatlong taon bago ito mailabas sa publiko.
Nauna nang kinumpirma ng Malakanyang na aabot sa 150,000 toneladang asukal ang ipinanukalang angkatin ng bansa para masolusunan ang umano’y shortage nito sa Pilipinas.
Posibleng sumipa sa mahigit 1,000 hanggang 5,000 ang maitatalang arawang kaso ng covid-19 sa National Capital Region simula sa oktubre.
Projection ito ng Department of Health (DOH) dahil sa mababang booster rates at pagbabakuna sa mga senior citizens.
Ayon kay Health Officer-In-Charge Maria Rosario Vergeire, kung pagbabatayan ang projections ng kaso noong September 2 ay masasabing tumataas na ang arawang kaso ng sakit sa Metro Manila.
Inaasahang magtutuloy-tuloy ito kung bigo pa rin ang pamahalaang mapataas ang bilang ng natuturukan ng booster at maraming matanda ang tatanggi sa bakuna.
Samantala, iginiit ni Vergeire na nakabase sa scientific assumptions ang pagtataya na mababago pa kung tataas ang booster coverage at patuloy na susunod ang publiko sa minimum health standards.
Sa huling datos ng DOH hanggang nitong september 8, 72.2 – M pilipino na ang fully vaccinated laban sa COVID-19.
Pero 6.8 -M matatanda pa lamang ang nakapagpabakuna habang 18.4 -M ang nakatanggap ng booster.
Bahagyang tumaas ang naitalang panibagong kaso ng COVID-19 sa Pilipinas kahapon.
Ayon sa DOH, umakyat sa 2,313 ang daily new cases, pangalawang araw na mataas sa 2,000.
Sumirit din sa 24, 300 ang active cases kahapon, kumpara sa 24 ,032 nitong Huwebes.
Samantala, pumalo na sa 3, 814,000, 484 ang recovery tally sa bansa habang 62, 249 ang death toll.
Ang nationwide COVID-19 tally na sa Pilipinas ay 3,901, 000,033.
Nangunguna pa rin ang NCR sa nakapagtala ng bagong kaso sa nakalipas na dalawang linggo na may higit 8,000,sinundan ng CALABARZON na may higit 3,000 at Central Luzon na may higit 2,000.
Good news para sa mga naghahanap ng trabaho abroad!
Nangangailangan ng 600 Filipino Registered Nurses ang Germany para sa kanilang mga ospital at elderly care centers.
Kwalipikadong mag-apply ang lahat ng rehistradong nurse na hindi bababa sa isang taon ang professional experience sa ospital.
Sa ilalim ng triple win project, hihingan ang candidates ng b1 o b2 level na German language proficiency.
Pero kung wala pa nito ay isasailalim sila sa isang language training sa bansa na gagastusan at ilulunsad ng TWP mula Nobyembre 2022 hanggang Enero 2023.
Walang placement fee na hihingin sa mga candidates habang ang starting salary ay nagkakahalaga ng mahigit P 130 ,000 at maaari pang tumaas sa mahigit 162,000 matapos ma-qualify.
Libre rin ang kakailanganing dokumento gaya ng sertipikasyon, visa, medical checks at pamasahe.
Naghain ng Not Guilty Plea ang 50 dating opisyal at empleyado ng Bureau of Immigration.
Kaugnay ito sa kinakaharap nilang kasong graft para sa pastillas scam.
Ipinasok sa court records ang not guilty plea matapos pagbigyan ng sandiganbayan ang mosyon ng state prosecutors na amyendahan ang criminal information na nag-aalis kay Immigration Officer III Jeffrey Ignacio bilang isa sa mga akusado.
Ang “pastillas” scam ay tawag sa iligal na pagpapasok sa bansa ng mga Chinese kapalit ng salaping nakatago sa inirolyong papel.
Inihirit ng Department of Health (DOH) ang pagpapataw ng mas malaking buwis sa mga tsitsirya o junk foods.
Ito ay para malutas ang problema sa obesity at upang pondohan ang Universal Health Care Program sa bansa .
Ayon kay Health Officer-In-Charge Maria Rosario Vergeire, batay sa latest survey ng Department of Science and Technology’s Food and Nutrition Research Institute, nasa 27-M Pilipino ang overweight at obese.
Bahagi ng estratehiya ng kagawaran ang sin tax sa pagkokontrol ng iba’t ibang lifestyle risk factors.
Matatandaang una nang nagpatupad ang bansa ng mas mataas na buwis sa sigarilyo, alak, matatamis na inumin, at vape.
—sa panulat ni Hannah Oledan
Naniwala ang isang eksperto na tanggap na nang maraming Pilipino ang pagsusuot ng facemasks para maproteksyunan ang sarili mula sa iba’t ibang uri ng sakit.
Ito ayon kay vaccine expert panel chair Dr. Nina Gloriani sa gitna ng pagluluwag sa mandatory na pagsusuot ng facemask sa mga open spaces o mga lugar na may mataas na bentilasyon.
Ani Gloriani wala siyang nakikitang problema sa pag-normalize mula sa pandemya subalit dapat magkaroon ng indicators bago payagang magluwag.
Kabilang na aniya dito ang pag-abot sa target na maturukan ng booster shot ang 50% ng populasyon.
Iginiit din ni Gloriani na mataas man o mababa ang vaccine rate dapat ay maging ‘way of life’ na nang mga Pilipino ang pagsusuot ng facemasks.
Inihayag ng Commission on Elections (COMELEC) na hindi kasama sa panukalang 2023 budget ang dagdag na pondo na kakailanganin kung ipagpapaliban ang Barangay at Sangguniang Kabataan Elections ngayong taon.
Ayon ka COMELEC chairman George Garcia, kakailangan ng karagdagang 10 billion pesos kung gagawin ang barangay at SK polls sa may 2023.
Dagdag pa aniya dito ang pangangailangan ng 17 billion pesos kung ang eleksyon ay ipagpapaliban hanggang sa December 2023.
Matatandaan na buwan ng Agosto nang pagbotohan ng house suffrage and electoral reforms committee ang pagpapaliban ng barangay at sk elections.
Samantala, sinabi ni Albay representative Edcel Lagman na mas mainam na pondohan ng Kamara ang matagal nang hinihiling ng COMELEC na sariling gusali na aabot sa halagang 9.3 billion pesos na mas mababa sa pondo na kailangan para sa pagsasagawa ng BSKE sa 2023.