NATIONAL NEWS

Kaso ng monkeypox sa PAL flight, hindi Pinoy

Hindi Filipino national ang isang kaso ng monkeypox na sakay ng Philippine Airlines flight patungong Hong Kong.

Ito ang binigyang-linaw ni DOH officer-in-charge Maria Rosario Vergeire matapos nilang matanggap ang datos na nagkukumpirmang ang naturang infected ay foreign national.

Ayon kay Vergeire, nagkaroon ng biyahe sa iba pang bansa tulad ng Canada at United States ang pasyente bago ito nagtungo sa Pilipinas at napunta ng Hong Kong.

Nauna nang inihayag ni PAL Spokesperson Cielo Villaluna na ang nasabing pasahero ay sakay ng PR300 noong September 5.

Samantala, pinayuhan din nito ang mga pasahero sa nasabing flight na i-monitor ang kanilang sarili upang mabigyan ng atensyon medikal sakaling magkaroon ng sintomas.

September 9, 2022 0 comment

NATIONAL NEWS

Halos 500 karagdagang kaso ng Omicron subvariants sa bansa, naitala

written by Angelica Doctolero

Nakapagtala ng 467 na karagdagang kaso ng Omicron subvariants sa bansa ang Department of Health (DOH).

Ito ay base sa pinakabagong sequencing result na inilabas ng DOH mula Setyembre 5 hanggang 7 kung saan na 425 kaso ng BA.5 Omicron subvariant ang nadiskubre.

Naitala rin ng Departamento ang 10 bagong kaso ng BA.4 habang isang indibidwal naman ang nasapul ng BA.2.75 variant.

Samantala, inilahad din ng DOH na hindi bababa sa anim na kaso mula sa “other sublineages” ay natukoy rin.

September 9, 2022 0 comment

HEADLINES HOT STORIES OF THE WEEK NATIONAL NEWS

Pagpapadala ng text blast, ipinag-utos ng NTC

written by Angelica Doctolero

Ipinag-utos na ng National Telecommunications Commissions (NTC) sa iba’t ibang kumpanya ng telco na magpadala araw-araw ng text blast sa subscribers nito.
Ito ay para mapaalalahanan ang publiko kaugnay sa lumalalang insidente ng personalized text scam.
Batay sa memorandum ng NTC na inaatasan nito ang mga telco na magpadala ng mensahe sa publiko na ‘wag maniwala sa mga text na naglalaman ng inyong pangalan na nag-aalok ng trabaho, pabuya o pera dahil ito’y isang scam.
Bukod dito, inaatasan din ng NTC ang mga ito na pabilisin pa ang proseso sa pag-block ng mga sim card na ginagamit sa panloloko.
Samantala, pinagpapasa rin ng NTC ang mga ito ng written report hanggang sa ika-19 ng Setyembre.

September 9, 2022 0 comment

HEADLINES HOT STORIES OF THE WEEK NATIONAL NEWS

Computer malware, posibleng dahilan ng pagbagal ng transaksyon sa LTO

written by Angelica Doctolero

Posibleng computer malware o mapaminsalang software ang isa sa mga dahilan ng pagbagal ng mga proseso sa Land Transportation Office (LTO).
Magugunitang araw-araw nang bumabalik ang mga kliyente ng LTO para magbakasakali na magpa-renew ng kanilang vehicle registration.
Sinabi ng LTO na ito ang nagdudulot ng pambuhos ng napakaraming transaksyon sa computer kaya nagkakaroon ng problema ang sistema na nagresulta ng pagbagal nito.
Agad namang sumaklolo ang Department of Information and Communications Technology (DICT) kung paanong maaaksyunan sakaling malware ang naging ugat ng nararanasang pagbagal ng naturang sistema.
Ipinabatid naman ng IT system provider ng LTO na posibleng inside job o pananabotahe ang nasa likod nito bunsod ng sadyang paglobo ng transaksyon tuwing office hours ng ahensiya.
Samantala, wala pang eksaktong petsa kung kailan matutuldukan ang isyu kaya pinalawig muna nila ang deadline para sa vehicle registration.

September 9, 2022 0 comment

HEADLINES NATIONAL NEWS

PBBM pinangunahan ang inagurasyon ng Union Bank Innovation Campus

written by Angelica Doctolero

Pinangunahan ni Pangulong Ferdinand ”Bongbong” Marcos Jr., ang pagpapasinaya sa Union Bank Innovation Campus sa San Pedro City, Laguna kaninang umaga.

Pinuri ng punong ehekutibo ang inisyatibo ng Unionbank sa pagpapabuti ng banking at ICT Industries sa bansa.

Binigyang diin ng pangulo na hindi dapat mapag-iwanan ang bansa pagdating sa technological innovations.

Mababatid na matagal nang isinusulong ng chief executive ang digital transformation, na mahalaga sa economic recovery ng bansa.

September 9, 2022 0 comment

HEADLINES NATIONAL NEWS

Rear Adm. Caesar Bernard Valencia, itinalaga bilang acting FOIC ng PH Navy

written by Angelica Doctolero

Si Rear Admiral Caesar Bernard Valencia ang tatayong acting Flag Officer in Command (FOIC) ng Philippine Navy.

Ito’y matapos magretiro sa serbisyo si dating Philippine Navy Flag Officer in Command Vice Admiral Adeluis Bordado.

Pinangunahan ni Department of National Defense Officer in Charge Senior Undersecretary Jose Faustino Jr., ang Change of Command at Retirement Ceremony kahapon.

Nangako naman si RAdm. Valencia na ipagpapatuloy nito ang mga patakaran at polisiya ng kanyang predecessor at aalagaan ang Philippine Navy hanggang sa pormal na magtalaga ng FOIC si Pangulong Ferdinand R. Marcos Jr.

Si Valencia ay graduate ng Philippine Military Academy “Bigkis Lahi” Class of 1990.

September 9, 2022 0 comment

HEADLINES NATIONAL NEWS

PRC, nag-aalok ng mas mura at mabilis na COVID-19 antigen test

written by Angelica Doctolero

Nag-aalok nang mas mura at mas mabilis na COVID-19 antigen tests ang Philippine Red Cross.

Ayon kay PRC Chairman at CEO Richard Gordon, simula kahapon ay available na sa kanilang molecular laboratories sa PLMC building sa Mandaluyong City at PRC Port Area Offices ang COVID-19 antigen tests sa halagang 400 pesos.

Paliwanag ni Gordon, hindi pa rin nawawala ang pandemya at dapat na ipagpatuloy pa rin ang COVID testing.

Maaaring mag-book ng appointment para sa antigen test sa pamamagitan ng book.redcross.com.ph.

Pinaalalahanan naman ng humanitarian organization ang publiko na ang RT-PCR swab at saliva tests pa rin ang gold standard sa pag-detect ng COVID-19.

September 9, 2022 0 comment

HEADLINES NATIONAL NEWS

OVP, nakapag proseso ng mahigit P90-M halaga ng medical, burial assistance

written by Angelica Doctolero

Nakapagproseso na ang Office of the Vice President (OVP) ng aabot sa 90,740,950 halaga ng medical at burial assistance simula noong Hulyo 1 ngayong taon.

Ayon kay OVP Spokesperson Reynold Munsayac, patuloy na tinutugunan ng kanilang tanggapan ang mga idinudulog sa mga satellite office sa buong bansa, na nakapagtala na ng 7,507 applications.

Sa nasabing bilang, mahigit 3,000 aplikante ang napagkalooban ng naturang tulong.

Sinabi pa ni Munsayac na nakikipag-ugnayan na rin sila sa mga dialysis centers at marami na rin ang nakatanggap ng libreng wheelchair mula sa OVP.

September 9, 2022 0 comment

NATIONAL NEWS

COA pinapabalik ang natirang pondo ng DepEd na nasa PS DBM

written by Angelica Doctolero

Ipinababalik ng Commission on Audit (COA) sa Department of Education ang natirang pondo na pambili ng laptops na nasa Procurement Service ng Department of Budget and Management (PS DBM).

Papalo sa P24 – M ang natira pang pondo na pambili ng mga laptop para sa mga public school teacher.

Sinabi ni Job Aguirre Jr. ng COA na nasa ilalim ng batas na bawal manatili ang pondo ng PS DBM kaya marapat lamang na ibalik ito sa DepEd.

Samantala, nilinaw naman ni PS DBM Executive Director Atty. Dennis Santiago na nasa saving account ng ahensya ang pera dahil inaalam pa nila sa COA ang dapat gawin.

September 9, 2022 0 comment

HEADLINES NATIONAL NEWS

Sarangani, niyanig ng magnitude 4.4 na lindol

written by Angelica Doctolero

Isang magnitude 4.4 na lindol ang yumanig sa Sarangani kaninang 7:03 ng umaga.

Ayon sa Philippine Institute of Volcanology and Seismology (PHIVOLCS), natunton ang epicenter ng lindol sa layong 43 kilometers Timog-Kanluran ng Kiamba, Sarangani.

Tectonic ang origin ng pagyanig at may depth of focus na 21 kilometers.

Wala namang iniulat na intensities ang PHIVOLCS at wala ring inaasahang aftershocks o pinsala.

September 9, 2022 0 comment

Newer Posts

Older Posts