NATIONAL NEWS

Lumakas pa ang Bagyong Karding at isa nang severe tropical storm habang kumikilos pa Kanluran Timog Kanluran.

Ang sentro ng Bagyong Karding ay pinakahuling namataan sa layong 660 kilometers Timog Silangan ng Tuguegarao City.

Taglay ng Bagyong Karding ang pinakamalakas na hanging umaabot sa 100 kilometers kada oras malapit sa gitna at may pagbugso na umaabot sa 125 kilometers kada oras.

Ang Bagyong Karding ay kumikilos pa kanluran timog kanluran sa bilis na 25 kilometers kada oras.

Ang Public Storm Signal Number 2 ay nakataas sa Timog Silangang bahagi ng Isabela o sa Dinapigue, Hilagang bahagi ng Aurora o Dinalungan, Casiguran at Dilasag gayundin ang Pollilio Islands.

Nasa Public Storm Signal Number 1 naman ang southern portion ng Cagayan, nalalabing bahagi ng Isabela, Quirino, Nueva Vizcaya, Southern Portion ng Apayao, Abra, Kalinga, Mountain Province, Ifugao, Benguet, Southern Portion ng Ilocos Norte, Ilocos Sur, La Union, Pangasinan, nalalabing bahagi ng Aurora

Gayundin ang Nueva Ecija, Tarlac, Bulacan, Pampanga, Zambales, Bataan, Metro Manila, Northern at Central Portions ng Quezon, Rizal, Laguna, Cavite, Northern Portion ng Batangas, Camarines Norte, Northern at Eastern Portion ng Camarines Sur at Northern Portion ng Catanduanes.

Inaasahang mas lalakas pa ang bagyong karding bago ito mag landfall sa central o Northern Luzon.

Ayon pa sa PAGASA, ang Bagyong Karding ay posible ring humina ito ng bahagya pag landfall habang papatawid ng Central at Northern Luzon.

Nananatiling low risk sa COVID-19 ang lungsod ng Baguio sa kabila ng pag-apekto ng OMICRON Variant sa 65 % ng mga aktibong kaso.

Ayon kay City Health Services Office Chief Dr. Rowena Galpo, 20 % ng mga pasyente ay infected ng DELAT Variant, 20 % naman ay apektado ng alpha variant at 5 % naman sa beta variant.

Dagdag pa niya, bumaba sa 5.19 % ang weekly positivity rate ng lungsod mula sa 6.71 % mula noong September 17.

Sumalpak rin sa 2.6 mula 6.5 ang daily attack rate sa isang daang libo katao.

Ayon pa kay Galpo, sumalpak rin sa 10.55 % mula 11.64 ang utilization rate para sa mga intensive care unit bed.

- sa panunulat ni Hannah Oledan

Umakyat sa 17.5 % ang Weekly Positivity Rate sa National Capital Region (NCR), na kapareho ng nakaraang peak noong August 5 nang kasalukuyang taon.

Ayon kay OCTA Research Fellow Guido David, maaaring mkakita ng mas mataas na positivity rate sa mga susunod na linggo.

Dagdag pa niya, posibleng lumampas ng 2,000 kaso kada araw sa pagsapit ng Oktubre.

Batay sa datos ng Department of Health (DOH) , nakapagtala ang NCR ng 1,128 average new cases mula September 16 hanggang 22.

Iginiit ni David na nananatiling mababa ang paggamit ng mga hospital bed o nasa 38 % at intensive care units na nasa 30% lamang sa kabila ng pagtaas ng iba pang indicators.

Nagbabala naman si David Hinggil sa muling pagtaas ng kaso ng COVID-19 sa NCR, na iniugnay ng DOH sa pagbabalik ng in-person classes.

Samantala, tinutukoy pa ng mga eksperto ang epekto sa pagpayag sa boluntaryong pagsusuot ng facemask sa mga open spaces at hindi matataong lugar. - sa panunulat ni Hannah Oledan

Bahagyang lumakas ang Bagyong Karding habang kumikilos pa Kanluran Timog Kanlurang direksyon.

Ang sentro ng Bagyong Karding ay pinakahuling namataan sa layong 795 kilometers Silangan ng Tuguegarao City, Cagayan.

Taglay ng Bagyong Karding ang pinakamalakas na hanging umaabot sa 85 kilometers kada oras malapit sa gitna at may pagbugso na umaabot sa 105 kilometers kada oras.

Ang Bagyong Karding ay kumikilos pa kanluran timog kanluran sa bilis na 15 kilometers kada oras.

Ang tropical cyclone wind signal number 1 ay nakataas sa Isabela, Nueva Vizcaya, Quirino, the Southern Portion of Mainland Cagayan (Peñablanca, Tuguegarao City, Iguig, Solana, Tuao, Enrile), Kalinga, Mountain Province, Ifugao, Aurora, and the Northern And Eastern Portions of Nueva Ecija (Carranglan, Pantabangan, Gabaldon, Bongabon, Laur, Rizal, San Jose City, Lupao, Llanera, General Mamerto Natividad, Palayan City, General Tinio).

Ayon sa PAGASA, posibleng umakyat sa Signal 3 ang epekto ng Bagyong Karding at Signal Number 4 naman sakaling lumakas pa ito habang papa landfall.

Antabayanan ang update sa galaw ng bagyong karding mamayang alas- 11  ng umaga.

Inilahad ni Pangulong Ferdinand Marcos Jr. Ang 8.2 socio-economic agenda ng kanyang administrasyon na layuning bawasan ang insidente ng kahirapan at iangat ang bansa sa upper-middle-income status.

Sinabi rin ni PBBM, na tutugunan nito ang epekto ng lumalaking inflationary measure bunsod ng pagtaas ng pandaigdigang presyo ng mga pangunahing bilihin tulad ng pagkain at gasolina.

Titiyakin din aniya ng gobyerno ang pagkakaroon ng seguridad sa pagkain sa pamamagitan ng pagpapalakas ng lokal na produksyon ng pagkain.

Ipagpapatuloy rin ng administrasyon ang pagbibigay ng suporta para sa mga sektor na pinaka-apektado ng oil price hike.

Kumpiyansa ang pangulo na mahihigitan pa ng bansa ang mga kapitbahay nito sa asya sa usaping ekonomiya.

Pinasalamatan ng punong ehekutibo ang filipino community para sa kanilang suporta at kontribusyon sa ekonomiya ng Pilipinas.

Nagbigay din ng talumpati ang pangulo sa ika-77 sesyon ng United Nations General Assembly noong Martes, kung saan itinaas niya ang agarang aksyon sa pagbabago ng klima at seguridad sa pagkain.- sa panunulat ni Hannah Oledan

Inanunsyo ng Department of Trade and Industry (DTI) na nagsimula nang tumaas ang presyo ng ilang noche buena items, tatlong buwan bago ang pagdiriwang ng kapaskuhan.

Kasabay nito, sinabi rin ni Trade Undersecretary Ruth Castelo na nasa 20 manufacturer na ang nag-abiso sa dti na nagtaas sila ng presyo ng kanilang mga produkto.

Ayon naman sa DTI, hindi dapat lalampas ng 10% ng pagtaas ng presyo upang matiyak na makakayanan pa rin ng mga mamimili ang pagbili ng noche buena items.

Samantala, binalaan naman ni Castelo ang publiko hinggil sa pagbili ng mga christmas lights na hindi sumailalim sa assessment ng ahensya.

Payo ni Castelo, tignan ang Philippine Standard Quality o safety mark gayundin ang Import Commodity Clearance (ICC) sticker upang matukoy kung aprubado ng DTI ang mga item.

Dapat payagan ng bansa ang mga lehitimong Philippine Offshore Gaming Operators (POGOs) na magpatuloy sa kanilang operasyon.

Ito ang naging pahayag at reaksyon ni Justice Secretary Jesus Crispin Remulla hinggil sa usaping pagbabawal sa mga POGO sa Pilipinas.

Aniya, hindi siya tutol sa panawagang ipatigil ang kanilang operasyon ngunit maaaring makaapekto ito nang lubos sa ekonomiya ng bansa.

Dagdag pa ng kalihim, kailangang pag-isipang mabuti ang pag-phase out sa mga ito sa paraang maliit lang ang magiging pinsala sa ekonomiya ng bansa.

Samantala, sinimulan na ng Department of Justice (DOJ) ang pakikipag-ugnayan sa gobyerno ng China sa pamamagitan ng embahada nito sa maynila para maging maayos ang pagpapatapon ng mga overstaying Chinese Nationals sa Pilipinas.            - sa panunulat ni Hannah Oledan