NATIONAL NEWS

Inihayag ng Commission on Audit (COA) na mas mababa ng P 845-M sa kasalukuyan ang panukalang budget nito para sa taong 2023.

Ayon kay Stella Quimbo, House Appropriations Panel Senior Vice Chairperson, naglaan ang Department of Budget and Management (DBM) ng P13.8-B para sa COA para sa susunod na taon, na mas mababa kaysa sa P 14.6 -B badyet ngayong taon.

Dagdag ni Quimbo, lubos itong makakaapekto sa operasyon ng sampung provincial satellite audit offices.

Nanawagan naman si Kabataan Party-List Representative Raoul Manuel na dagdagan ang badyet ng COA dahil sa malaki nitong ambag sa gobyerno lalo sa pagpigil sa korapsyon.- sa panunulat ni Hannah Oledan

Inaresto ng mga operatiba ng NBI-Anti-Violence against Women And Children Division (NBI-AVAWCD) ang dalawang indibidwal dahil sa kasong human trafficking o pambubugaw sa mga menor de edad na babae edad 15  hanggang 23.

Kinilala ang mga suspek na sina Ronneth Tolentino Y Montealegre alyas “Trixie” at Rent Tumbali alyas “RB”.

Tinatayang nasa P5,000 hanggang P10,000 naman ang bayad para sa pakikipagtalik, depende sa edad at sexual services.

Naaresto ang mga ito sa pamamagitan ng pakikipag usap ng tauhan ng NBI-AVAWCD sa facebook account nina Trixie Tolentino at Rb Tumbali na nagkasundong makipagkita sa isang fastfood chain sa antipolo kung saan sila nadakip habang inaalok ang mga babaeng sakay ng van.

Nasagip sa operasyon ang nasa 8 babaeng biktima kung saan 5 rito ay menor de edad pa lang.

Kasalukuyang nakasalang para sa inquest proceedings ang mga suspek sa Department of Justice (DOJ)  para sa paglabag sa expanded anti-trafficking in persons act of 2002. - sa panunulat ni Hannah Oledan

Naglabas ng kautusan si Vice President at Education Secretary Sara Duterte na naglalaman ng health and safety protocols sa mga paaralan.

Gayunman, nakasaad sa Department of Education (DepEd) order no. 39 series of 2022 na pinapayagan ang mga guro, school personnel at mga studyante na gawing alternatibo ang face shield sa face mask.

Kasunod naman ito ng deklarasyon ng malakanyang na boluntaryo na lamang ang pagsusuot ng mask sa labas. - sa panunulat ni Jenn Patrolla

Bumababa na ang kaso ng monkeypox sa buong mundo, ayon sa World Health Organization (WHO)

Ayon sa ulat ng World Health Organization (WHO) , nakapagtala ng 8,757 na bagong kaso ng monkeypox at mayroon rin na 5 nasawi ang naitala.

Sa kabuoan, sa higit na 67,000 ang kaso ng monkeypox sa buong bansa na naitala sa lahat ng WHO regions.

Habang sa Pilipinas naman ay nananatili sa 4 ang kaso ng nasabing sakit. - sa panunulat ni Jenn Patrolla

Naka-amba na namang pagbaba sa presyo ng mga produktong petrolyo sa susunod na linggo, ayon sa Oil Industry.

Batay sa projection trading mula Setyembre 19 hanggang Setyembre 22 posibleng maglalaro mula P 1.70 ang rollback sa presyo ng kada litro ng gasolina.

Habang posibleng maglalaro sa piso hanggang  P1.30 ang magiging rollback kada litro ng diesel.

Sa ngayon, hinihintay pa ang pinal na projection sa pagsasara ng trading ngayong araw kaya posible pang madagdagan o mabawasan ang presyo ng langis.- sa panunulat ni Jenn Patrolla

Nakauwi na sa bansa ang 353 na distressed Overseas Filipino Workers (OFW) mula sa Saudi Arabia.

Ayon sa Overseas Workers Welfare Administration (OWWA), bahagi ito ng 800 at iba pang distressed OFW na pinauwi partikular na may karamdaman.

Lumapag na sa NAIA Terminal 1 ang eroplanong sinasakyan ng mga balik-bayang OFW ng Philippine Airlines Flight galing sa Jeddah.

Habang, pinangunahan naman ni OWWA Deputy Administrator Attorney Honey Quiño ang pagsalubong sa mga OFW na kung saan sumailalim mula sa de-briefing bago ihatid sa kani-kanilang tahanan.- sa panunulat ni Jenn Patrolla

Pinaigting pa ng Pilipinas ang ugnayan sa bansang Malaysia at United Arab Emirates (UAE) sa 77th United Nations General Assembly sa New York, Amerika.

Kasunod nito ang pakikipagpulong ni Foreign Affairs Secretary Enrique manalo sa mga counterpart na sina Malaysian Minister of Foreign Affairs Dato, SRI Saifuddin, Bin Adbdullah at Minister of Foreign Affairs and International Coorperation mula sa UAE na si His Highness Sheikh Abdullah , Bin Zayed , Al Nahyan.

Tinalakay nina Manalo at Abdullah ang pagpapalakas ng digital economy, pagpapatatag ng trading relations, pagkilala sa naging papel ng Malaysia sa peace process sa Mindanao at inaasahang mabungang talakayan sa asean summit sa Cambodia sa Nobyembre.

Samantala, tinalakay naman nila Manalo at Al Nahyan kung paano pa mapapabuti ang umiiral na ugnayan ng dalawang bansa sa aspeto ng turismo, labor relations, trade and investment at agrikultura. - sa panunulat ni Jenn Patrolla

Ilang paaralan na ang nagsuspinde ng klase ngayong araw dahil sa masamang lagay ng panahon.

Kabilang sa mga nagsuspinde ng klase sa lahat ng lebel ang Cavite City at munisipalidad ng Naval sa Biliran.

Wala ring pasok sa munisipalidad ng Montalban sa Rizal mula preschool hanggang senior high school.

Pinaplano ng Department of Public Works and Highways (DPWH) na magtayo ng expressways na may habang 1,800 kilometers.

Ayon kay Manuel Bonoan, kalihim ng DPWH, gagawin ang plano sa susunod na anim na taon.

Nagmula ang tala sa kasalukuyang 510 kilometers.

Samantala, pinaplano rin ng DPWH na magkaroon ng big road network development program na sosolusyon sa mabigat na daloy ng trapiko.

Si Bonoan ay parte ng delegasyon ni Pangulong Ferdinand Bongbong Marcos Jr. sa anim na araw nitong pagbisita sa Estados Unidos.