Mahigit 700 pasahero ang naitala ng Philippine Coast Guard (PCG) na stranded sa ilang mga pantalan sa bansa partikular sa bahagi ng southern tagalog at bicol region dahil sa mga pag-ulang dulot ng bagyong Karding.
Maliban sa mga pasahero, drivers, at cargo helpers, nasa 19 vessels at 10 motorbanca rin ang stranded.
Sumilong naman sa ibang pantalan ang 26 vessels at 14 motorbanca para hindi maapektuhan ang kanilang biyahe dahil sa bagyo.
Patuloy pa rin na nakamonitor ang Department of Education (DepEd) kaugnay sa posibleng transmission ng COVID-19 sa mga paaralan sa buong bansa sa gitna ng face-to-face classes.
Ayon kay DepEd spokesperson Atty. Michael Poa, inaasahan nilang mahahawa ang mga mag-aaral o guro sa mga paaralan mula nang magbalik ang klase noong Agosto.
Sa kabila nito, tuloy pa rin ang pagbabantay ng kagawaran sa sitwasyon ng mga paaralan sa implementasyon ng minimum public health standards.
Nabatid na nagresulta ang hawaan ng COVID-19 sa pagsuspinde ng mga klase sa isang paaralan sa Laoag City, Ilocos Norte na umabot ng isang linggo.
Dalawang mag-aaral at tatlong guro kasi mula sa Gabu National High School ang nagpositibo sa nasabing virus.
Samantala, hinikayat ng DepEd ang mga mag-aaral, guro at non-teaching staff na magpabakuna laban sa COVID-19.
Magtatayo ang Department of Tourism ng 10 “service areas” sa buong bansa sa susunod na buwan.
Ito ang sinabi ni Tourism Secretary Christina Garcia-Frasco kung saan ang groundbreaking ng 10 toursim service areas ay bahagi ng estratehiya ng ahensya para sa development ng turismo sa bansa.
Bingiyang diin niya ang paglalagay ng malilinis na palikuran na aniya’y pangunahing aspeto ng paglalakbay.
Maliban dito, balak din ng ahensya na maglagay ng lounge area, information center at mga pasalubong centers na magtatampok ng mga lokal na produkto. – sa panunulat ni Hannah Oledan
Kinakailangan na ng foreign workers na kumuha ng Police Clearance na kabilang sa ginagawang hakbang ng pamahalaan upang masugpo ang Human Trafficking at Kidnapping sa mga empleyado ng Philippine Offshore Gaming Operators (POGO) sa bansa.
Ayon sa Philippine National Police Regional Office, nasa 30 manggagawa na sa Tele Empire Incorporated sa Subic Bay Freeport ang cleared at walang criminal record.
Pahayag ng PNP Regional Director Police Brig. Gen. Cesar Pasiwen, isang identification process ang pagkuha ng police clearance hindi lang para sa Pilipino kundi maging sa mga foreign na nagta-trabaho sa bansa.
Magsasagawa ang PNP ng safety nets para sa seguridad ng mamamayan. — sa panulat ni Jenn Patrolla
Pinayuhan ni Cebu Governor Gwendolyn Garcia ang mga alkalde sa Central Visayas na laging itaguyod ang local autonomy dahil mas alam nila ang nangyayari sa kanilang lungsod.
Ito ang naging mensahe ni Garcia sa 52 alkalde na dumalo mula sa mga lalawigan ng Cebu, Bohol, Negros Oriental, at Siquijor.
Sa isinagawang dalawang araw na seminar mula noong Huwebes, September 22, tinalakay ni Garcia ang tungkol sa lokal na pamamahala katuwang ang Department of Interior and Local Government (DILG).
Namahagi rin ng tips ang gobernadora sa pamamahala sa sitwasyon ng krisis partikular sa krisis sa kalusugan at modernong panahon. - sa panunulat ni Hannah Oledan
Tumataas na ang presyo ng ham dahil sa Christmas season.
Sa ngayon, pumapalo na sa halagang P40 ang bentahan nito sa isang kilalang manufacturer sa Quiapo, Maynila
Kabilang na dito ang mga Chinese Ham, Sweet Ham at maging mga Scrap Ham, Hamon de Bola at Sweet Bacon.
Ayon sa Excellente, ang halaga ng dating Sweet Chinese Ham ay nasa P1,680 ngunit ngayon ay umabot na sa halagang P1,720.
Samantala, tumataas na rin ang presyo ng ilang Noche Buena products tulad ng fruit cocktails, all purpose cream at iba pa.
Payo ng Department of Trade and Insdustry, maagang bumili ng mga produktong pang Noche Buena dahil may posibilidad na tumaas pa ang halaga nito habang papalapit ang Disyembre.
Naniniwala ang National Economic and Development Authority (NEDA) na lalakas ang palitan ng piso kontra dolyar sa katapusan ng taong ito.
Ayon kay NEDA Undersecretary Rosemarie Edillon, pansamantala lamang ang paghina ng piso at maaaring tumatag pagsapit ng Nobyembre at Disyembre.
Dagdag pa ni Edillon, hindi nabago ang halagang P51 hanggang P53 para sa 2022 at P52 hanggang P55 para sa 2023 na palitan ng piso at dolyar na itinakda noong hulyo.
Hinihikayat naman ng opisyal ang mga domestic producers at exporters na samantalahin ang kahinaan ng piso para mapataas ang kita at maparami ang oportunidad para sa mga Pilipino. - sa panunulat ni Hannah Oledan
Nakipag-usap na ang Pilipinas sa Russia para umangkat ng gasolina at iba pang pangunahing bilihin.
Ayon kay President Bongbong Marcos Jr., kailangan itong gawin upang makahanap ng bagong mapagkukunan ng gasolina dahil naapektuhan ang ekonomiya ng Pilipinas sa sigalot ng Russia at Ukraine.
Ayon naman kay Russian Ambassador to the Philippines Marat Pavlov, handa na ang Russia na makipagtulungan sa Pilipinas na makahanap ng iba pang mapagkukunan ng gasolina dahil sa pagtaas ng presyo ng langis.
Nagpupursige na si PBBM na magsagawa ng fuel deal sa Russia dahil maaring kondenahin ng mga Western Nations lalo na’t matagal na itong kaalyado ng Pilipinas. — sa panulat ni Jenn Patrolla
Umabot sa P4.59 milyong halaga ng hinihinalang shabu ang nakumpiska ng mga tauhan ng Bacolod City Police Office (BCPO) City Drug Enforcement Unit (CDEU) sa isinagawang buy-bust operation kung saan nadakip ang dalawang suspek sa Bacolod City.
Kinilala ang mga suspek sina Anthony Tiboy Solon, 38-anyos, at Erwin Boy Belenio, 34-anyos.
Ayon kay Lt. Joven Mogato, hepe ng CDEU, nadakip ang mga suspek matapos ang ikinasang buy-bust operation sa Barangay Bata, lungsod ng Bacolod.
Pahayag pa ni Mogato, aabot sa P3-K ang halaga ng iligal na droga na nakuha sa dalawang drug suspect.
Maliban dito, nasamsam din sa loob ng bahay ni Solon ang karagdagang 675 grams ng shabu na nagkakahalaga ng P6800 kada gramo o kabuuang P4.59 million.
Nahaharap ang dalawang suspek sa kasong paglabag sa Republic Act 9165 o Comprehensive Dangerous Drugs Act of 2002. — sa panulat ni Jenn Patrolla
Dadagdagan pa ng dalawang taon ng Land Transportation Franchising and Regulatory Board ang age limit para sa mga pampublikong sasakyan.
Nakasaad sa Board Resolution no. 106 series 22, mula sa pitong taon, siyam na taon na ang age limit para sa Transport Network Vehicle Services (TNVS).
Samantala, 17 taon na ang mga bus mula sa 15 taon habang ang mga UV Express naman ay 15 taon na at ang tourist bus ay magiging 12 taon ang maximum age limit mula sa 10 taon lamang.
Gayunman, extended na rin ang pgababayad ng supervision fee hanggang December 21.
Layunin ng nasabing mga resolusyon na matulungan ang mga driver at operator dahil kinakailangan ng mas maraming pampublikong sasakyan ngayong balik eskwela na face-to-face ang mag-aaral. —sa panulat ni Jenn Patrolla