NATIONAL NEWS

HEADLINES HOT STORIES OF THE WEEK NATIONAL NEWS

Philippine inflation, tumaas sa 6.9% noong Setyembre

Bahagyang bumilis ang inflation rate o pagtaas ng presyo ng pangunahing produkto sa 6.9% nuong Setyembre.

Ayon sa Philippine Statistics Authority (PSA), ito’y mula sa 6.3% na naitala nuong Agosto.

Paliwanag ng PSA na ang gastos sa pagkain at enerhiya ang nagtutulak umano sa pagtaas ng presyo ng mga bilihin sa bansa.

Tumaas din sa 7.4% ang inflation sa pagkain at non-alcoholic beverages.

Samantala, sinabi ng BSP na ang pagtaas ng singil sa kuryente at presyo ng mga pangunahing pagkain, kasama ang mahinang performance ng piso, ay maaaring nagdulot ng inflation noong nakaraang buwan.

October 5, 2022 0 comment

HEADLINES NATIONAL NEWS

MAIP program ng DOH dapat mapakinabangan rin ng ARBs —DAR

written by Angelica Doctolero

Hiniling ng Department of Agrarian Reform (DAR) na dapat isama ang mga Agrarian Reform Beneficiaries (ARBs) sa mga tatanggap ng programang Medical Assistance for Indigent Patient (MAIP) ng Department of Health (DOH.

Ito ang hiniling ng Agrarian Reform Secretary Conrado Estrella III kay Pangulong Ferdinand Bongbong Marcos Jr.

Ang MAIP ay isang programa ng DOH na layuning makapagbigay ng medikal para sa mga mahihirap na pasyente sa bansa na naghahanap ng konsultasyon, rehabilitasyon, magpapa ospital.

Ayon kay Estrella, bahagi ito ng 9 Point Priority Areas na tinukoy ng daw bilang tugon sa panawagan ng Pangulo na ipagpatuloy ang Agrarian Reform Program.

Bukod aniya sa pagbibigay ng solusyon sa mga problema sa seguridad ng pag-mamay-ari ng lupa at pagkakaloob ng mga suportang serbisyo, pagtutuunan din ng DAR ang iba pang mga pasanin na dalahin ng mga ARBs.

October 5, 2022 0 comment

HEADLINES HOT STORIES OF THE WEEK NATIONAL NEWS

400K halagang tulong pangkabuhayan para sa OFWs, ipinamigay ng OWWA

written by Angelica Doctolero

Namigay ang Overseas Filipino Workers Welfare Administration (OWWA) ng kabuuang P400,000 na halaga ng tulong pangkabuhayan sa isang grupo ng mga distressed overseas Filipino workers (OFWs) sa rehiyon ng Cagayan Valley.

Ipinabatid ng OWWA Regional Welfare Office-2 (RWO-2) na ang mga beneficiaries ay mga sakop ng balik Pilipinas, balik-hanapbuhay (BPBH) program mula sa Quirino Province.

Ayon sa OWWA RWO-2, nakatanggap ang 17 benepisyaryo ng kabuuang halaga na P20,000 habang anim sa kanila ang nabigyan naman ng P10,000.

Layon ng naturang programa na magbigay ng agarang tulong sa mga bumalik na miyembro-OFWs na nagkakahalaga ng P20,000 bilang panimulang kapital para sa livelihood project.

October 5, 2022 0 comment

HEADLINES HOT STORIES OF THE WEEK NATIONAL NEWS

Karahasang kinahaharap ng mga mamamahayag, dapat matigil na — Kapatid ni Ka-Percy Lapid

written by Angelica Doctolero

Inihayag ni Roy Mabasa, kapatid ng brodkaster at komentaristang si Percy Lapid na walang nabanggit o nasabing personal kaugnay sa pagbabanta sa kaniyang buhay bago mangyari ang pamamaril.

Sa panayam ng DWIZ, sinabi ni Mabasa na sa pagkakakilala nito sa kanyang kapatid na halos 35 taon na sa industriya ay marami na itong natanggap na threat ngunit hindi nito sinasabi sa kanya maging sa kanyang pamilya.

Dagdag pa ni Mabasa na tanging katotohanan lamang ang bitbit ng kanyang kapatid pagdating sa mga pinag-uusapang isyu ng bayan.

Dumating siya sa panahon na nagkalat ang fake news sa gitna non nagsasalita si Percy bitbit ang katotohanan, dinidiscuss, nagkokomento sa mga bagay na usaping pang bayan na ang tanging sandigan ay katotohanan yun lang yung malinaw don.”

Umaasa naman si Roy na matitigil na ang mga nangyayaring karahasan laban sa mga mamamahayag.

Tayo’y nalulungkot sapagkat ang inaasahan sana natin ay matigil na yung karahasan laban sa mga mamamahayag, ito yung adbokasiya na isinusulong natin labimlimang taon na ang nakaraan, kasama na ang mga paghahain ng mga libelo sa mga mamamahayag pero alam mo hindi natin malaman kung kailan ba matitigil ang mga ganito…”

—Ang tinig ni Roy Mabasa, kapatid ng brodkaster at komentaristang na si Percy Lapid

October 5, 2022 0 comment

FEATURES NATIONAL NEWS

Halaga ng piso bahagyang nakabawi kontra dolyar

written by DWIZ 882

Bahagyang lumakas ang palitan ng piso kontra dolyar sa P58.87.

Mabilis nakabawi ang piso kontra US dollar matapos sumadsad sa mahigit P59 noong nakaraang araw.

Matatandaang mabilis din ang naging pagbulusok ng palitan ng piso noong buwan ng Setyembre dahilan kaya naging matumal ang palitan ng dolyar.

Samantala, narito pa ang iba pang halaga ng palitan ng piso:

Japan Yen = 0.40 pesos
UK Pound = 66.6 pesos
Hongkong Dollar = 7.5 pesos
China Yuan = 8.26 pesos
Saudi Riyal = 15.66 pesos
at UAE Dirham = 16.03 pesos

—sa panulat ni Jenn Patrolla

October 5, 2022 0 comment

HEADLINES NATIONAL NEWS

DOH may paalala sa mga bibisita sa sementeryo bago mag-Undas

written by DWIZ 882

Muling nagpaalala ang Department of Health (DOH) sa publiko na magpa-booster kontra COVID-19 bago bumisita sa mga sementeryo sa undas.

Ayon kay DOH officer-in-charge Maria Rosario Vergeire, posible pa rin ang pagkalat ng virus dahil sa dami ng tao kahit sa open spaces.

Layunin ng booster na matiyak ang kaligtasan at proteksyon ng mga Pilipino.

Hanggang sa ngayon ay mababa ang bilang ng mga nagpapaturok ng booster. —sa panulat ni Jenn Patrolla

October 5, 2022 0 comment

HEADLINES NATIONAL NEWS

Dagdag-sahod para sa mga Science, Math Teacher, isinusulong

written by DWIZ 882

$MATH TEACHER$

Naghain na ng panukalang batas si dating Pangulo at kasalukuyang 2^nd District Pampanga Rep. Gloria Arroyo para sa dagdag-sahod ng mga Science at Math Teacher.

Nakasaad sa House Bill 487 o Developing Globally Competitive Science and Mathematics Teachers Act of 2022 na dapat itaas ang sweldo ng mga nasabing guro sa pampubliko at pribadong paaralan.

Ayon kay Arroyo, titiyakin sa panukala na magiging kasing-competitive ang pagtuturo ng matematika at siyensya sa iba pang propesyon upang maengganyong magtrabaho ang mas maraming teacher at manatili sa kanilang propesyon.

Layunin din ng bill na mahikayat ang mga mag-aaral na kumuha ng mga kursong Mathematics at Science. —sa panulat ni Jenn Patrolla

October 5, 2022 0 comment

HEADLINES NATIONAL NEWS

Media personnel na nasa peligro ang buhay, bibigyan ng proteksiyon —PTFoMS

written by DWIZ 882

Tiniyak ng Presidential Task Force on Media Security (PTFoMS) na bibigyan ng proteksyon ang mga miyembro ng media na may banta sa buhay.

Ito ang inihayag ni Task Force executive director Joel Egco makaraang barilin at paslangin ang beteranong broadcaster na si Percival Mabasa o Percy Lapid noong Lunes ng gabi.

Patuloy anya ang paalala ng Task Force sa mga mamamahayag na isumbong ang anumang banta o harrasment laban sa kanila upang magawan ng aksyon kabilang ang pagbibigay ng proteksyon.

Samantala, tututukan ng PNP Media Vanguards ang imbestigasyon sa kaso ng pagpatay kay Lapid. —sa panulat ni Jenn Patrolla

October 5, 2022 0 comment

NATIONAL NEWS

Ebidensiyang magpapatunay sa pagkapanalo ng 433 grand lotto bettors, maipapakita ng PCSO

written by DWIZ 882

Handa ang Philippine Charity Sweepstakes Office (PCSO) na ipakita ang ebidensya sa mga nagdududa kung paano nanalo ang mahigit na 400 bettors sa 6/55 Grand Lotto draw noong Sabado.

Aminado si PCSO General Manager Mel Robles na napansin nila ang naging pattern ng mga mananaya na pawang may alagang numero 9.

Pinaka-marami anya sa mga nanalo ay mula sa Metro Manila na umabot sa mahigit 150. —sa panulat ni Jenn Patrolla

October 5, 2022 0 comment

NATIONAL NEWS

Pag-overhaul sa 65 bagon ng MRT 3, tapos na

written by DWIZ 882

Natapos na ng maintenance provider ng MRT-3 ang pag-overhaul sa kabuuang 65 light rail vehicles o bagon nito.

Ito ang kinumpirma ng Department of Transportation (DOTr).

Ayon sa DOTr, kinumpuni at pinalitan ang ilang spare parts ng bagon habang sumailalim din ang mga ito sa pagsusuri upang matiyak ang kaligtasan tuwing byahe.

Samantala, pito lamang sa 72 bagon ng MRT-3 ang sasailaim sa general overhauling ng maintenance provider na Sumitomo. —sa panulat ni Jenn Patrolla

October 5, 2022 0 comment

Newer Posts

Older Posts