HOT STORIES OF THE WEEK

HEADLINES HOT STORIES OF THE WEEK RONDA PROBINSYA

Militar naniniwalang wala nang Maute–ISIS sa Marawi

Kumbinsido ang militar na wala nang natitirang miyembro ng Maute – ISIS group sa Marawi City, Lanao del Sur.

Ayon kay Armed Forces of the Philippines o AFP Public Affairs Office Chief, Colonel Edgard Arevalo, wala na silang nakikita at nakakasagupang terorista sa lungsod nitong mga nakalipas na araw.

Gayunman, hindi pa rin aniya inaalis ng militar ang posibilidad na may nagtatago pa ring terorista sa lungsod.

Dagdag ni Arevalo, dalawa na lamang ang posibleng mangyari sa mga ito, ang sumuko at mabuhay o lumaban at mamatay.

(Ulat ni Patrol 31 Jonathan Andal)

November 16, 2017 0 comment

HEADLINES HOT STORIES OF THE WEEK

Philippine media inimbitahan ni Chinese Premier Li Keqiang sa kanilang bansa

written by DWIZ 882

Chinese Premier Li Keqiang and President Duterte

Inimbitahan ni Chinese Premier Li Keqiang ang mamamahayag sa Pilipinas na magpunta sa kanilang bansa upang maging bahagi sa pagpapakalat ng gumagandang relasyon ng dalawang bansa.

Ayon kay Li, magsisilbing tulay ang Philippine media sa pagpapaabot sa buong mundo ng dalang istorya ng dalawang bansa at maging tulay sa magandang hinaharap ng relasyon nito.

Dagdag pa ni Li, magandang pagkakataon ito upang malinawan na ang mga pagdududa sa relasyon ng dalawang bansa lalo na sa usapin ng pinagaagawang isla na West Philippine Sea.

NPC: Welcome development ang alok sa Philippine media

Welcome development para sa National Press Club o NPC ang imbitasyon ng China sa Philippine media na bumisita sa kanilang bansa.

Ayon kay NPC President Paul Gutierrez, magandang pagkakataon ito upang mapalakas ang samahan ng media sa Pilipinas sa China at sa iba pang mga bansa.

Katunayan aniya, mayroong regular na imbitasyon ang NPC sa China sa pamamagitan ng Department of Foreign Affairs o DFA para sa China ASEAN dialogue.

Dagdag pa ni Gutierrez, malaking tulong ang paanyayang ito upang mapalalim pa ang relasyon ng Pilipinas at China sa pamamagitan ng Philippine media.

November 16, 2017 0 comment

HEADLINES HOT STORIES OF THE WEEK NATIONAL NEWS RONDA PROBINSYA

DepEd: School calendar posibleng ma–extend

written by Judith Estrada-Larino

Aalamin ng Department of Education o DepEd kung sapat pa sa kasalukuyang school year ang nalalabing bilang ng school days o mga araw na may pasok.

Ayon kay Education Undersecretary Tonisito Umali, marami nang nabawas sa dapat sana ay 195 school days para sa taong ito matapos makansela ang pasok dahil sa bagyo, tigil pasada at ASEAN Summit.

Sinabi ni Umali na posibleng ma – extend ang school calendar para mabayaran ng mga estudyante ang mga naideklarang araw na walang pasok.

Ang 15 araw aniya mula sa kabuuang 195 school days at maituturing na buffer time at maaaring nagamit na ng ilang paaralan kaya’t kailangan na ding magsagawa ng make up classes.

November 16, 2017 0 comment

HEADLINES HOT STORIES OF THE WEEK

Pansamantalang pagpapatigil sa operasyon ng MRT–3 inihirit na sa Senado

written by DWIZ 882

Dapat nang magdesisyon ang Department of Transportation o DOTr kung kailangan maaaring pansamantalang ipatigil ang operasyon ng MRT – 3.

Ayon ito kay Senate Committee on Public Services Chair Grace Poe kasunod ng araw – araw na aberya sa MRT – 3, kung saan ang pinakahuli ay ang pagkalas ng isa sa mga bagon nito.

Sinabi ni Poe na tiyak na maraming pasahero ang maaapektuhan sakaling ipatigil ang operasyon ng MRT – 3 ngunit hindi dapat maisakripisyo ang kaligtasan ng publiko.

Kailangan mag-desisyon ang DOTr, kailangan na ninyong itigil ang pagpapatakbo ng MRT para talagang mabusisi ninyo, mapag-aralan ninyo ang mga teknikal na bagay na magsisilbing, magliligtas sa ating mga kababayan.

November 16, 2017 0 comment

HEADLINES HOT STORIES OF THE WEEK

GDP ng Pilipinas lumago ng 6.9% sa Q3

written by DWIZ 882

Tumaas sa 6.9 percent ang Gross Domestic Product o GDP ng Pilipinas para sa ikatlong bahagi ng taon.

Mas mataas ito kumpara sa 6.7 GDP na naitala noong second quarter.

Ayon kay Socioeconomic Planning Secretary Ernesto Pernia, malaki ang naitulong ng government spending lalo na sa programang pang -imprastraktura ng pamahalaan na “Build, Build, Build’.

“Our net exports grew very fast during the third quarter, and improvement in public spending which then boosted the manufacturing sector and the services sector.” Pahayag ni Pernia

Dahil dito, kumpiyansa si Pernia na maabot ng bansa ang target nitong 6.5 hanggang 7.5 na full year GDP.

Idinagdag din na tumaas ang Foreign Direct Investment o FDI sa Pilipinas mula Enero hanggang Setyembre at inaasahang mapapantayan nito ang mga numero noong nakaraang taon.

Ayon kay Pernia, ang Pilipinas ang ikalawang ‘fastest-growing economy’ sa Asya, kasunod ng Vietnam.

LOOK: #PHGDP grows 6.9% in Q3 2017, likely to rank second in Asia, next to Vietnam’s 7.5% and ahead of China’s 6.8% and Indonesia’s 5.1% pic.twitter.com/C3OaMjtWCE

— NEDA (@NEDAhq) November 16, 2017

—-

November 16, 2017 0 comment

HEADLINES HOT STORIES OF THE WEEK

China nangako ng bilyong pisong ayuda para sa pagbangon ng Marawi

written by DWIZ 882

Magkakaloob ang China ng 150 million renminbi o 1.1 bilyong pisong donasyon para sa rehabilitasyon ng Marawi City.

Ito ang inihayag ni Chinese Premier Li Keqiang sa kanyang pagbisita sa Malacañang upang saksihan kasama si Pangulong Rodrigo Duterte ang palagda sa ilang kasunduan sa pagitan ng Pilipinas at Tsina.

Ayon kay Li, kumpiyansa ang Chinese Government na magiging mabilis ang rehabilitasyon ng Marawi sa ilalim ng Duterte administration upang maibalik ang normal na pamumuhay ng mga residenteng naapektuhan ng digmaan.

Suportado rin aniya ng kanilang gobyerno ang hakbang ng Pilipinas laban sa terorismo upang mapanumbalik ang kapayapaan at kaligtasan hindi lamang ng mga Pilipino kundi ng buong Asia-Pacific Region.

Ang nabanggit na halaga na ang pinaka-malaking donasyon ng China para sa rehabilitasyon ng lungsod.

—-

November 16, 2017 0 comment

HEADLINES HOT STORIES OF THE WEEK NATIONAL NEWS

US President Trump may pahabol na mensahe kay Pangulong Duterte

written by DWIZ 882

Ilang minuto bago tuluyang makasakay ng Air Force 1, napag-alamang may inihabol pang mensahe si US President Donald Trump kay Pangulong Rodrigo Duterte.

Ayon kay Presidential Spokesman Harry Roque, ang mensahe ay idinaan kay Executive Secretary Salvador Medialdea na naghatid naman sa US President matapos dumalo sa huling araw ng ASEAN Summit, noong Martes.

Bukod aniya sa inihayag ni Trump na naging masaya siya sa pagtungo sa bansa, nais din niyang ipaabot kay Pangulong Duterte na gustong-gusto niya ito.

Bago tuluyang sumampa sa Air Force 1, muli itong nagpahatid ng pasasalamat matapos ang ilang araw na pananatili sa Pilipinas.

(Ulat ni Patrol 17 Jopel Pelenio)

November 15, 2017 0 comment

HEADLINES HOT STORIES OF THE WEEK

War on drugs sa Pilipinas pinapurihan ni US President Donald Trump

written by DWIZ 882

US PRESIDENT TRUMP AND PH PRESIDENT DUTERTE

Makailang – ulit na pinapurihan ni US President Donald Trump si Pangulong Rodrigo Duterte at ang kanyang kampanya kontra iligal na droga sa kanilang naging pribadong pagpupulong sa bansa sa 31st ASEAN Summit.

Ito ang ipinagmalaki ni Presidential Spokesman Harry Roque matapos aniyang ihayag ni Trump na tama lamang ang ginagawa ni Pangulong Duterte sa kanyang giyera kontra droga.

Sinabi pa ni Roque na walang naging pagpuna si Trump kaugnay sa mga paglabag sa karapatang pantao sa ‘war on drugs’ ng administrasyon, sa kabila ng mga pagbatikos ng human rights advocate sa international community.

Nauna dito, binati ni Trump si Pangulong Duterte sa umano’y “unbelievable job” nito sa problema ng iligal na droga sa Pilipinas.

November 15, 2017 0 comment

HEADLINES HOT STORIES OF THE WEEK

Kabiguang matalakay sa ASEAN Summit ang isyu ng territorial dispute sa South China Sea binatikos

written by DWIZ 882

Sinayang ng Pilipinas ang pagkakataong makakuha ng suporta sa napanalunang kaso laban sa China sa International Arbitral Tribunal.

Pahayag ito ni dating Philippine Ambassador to US Jose Cuisia Jr., matapos mabigo ang Pangulong Rodrigo Duterte na talakayin ang isyung ito sa kanyang bilateral meeting kay Chinese President Xi Jin Ping.

Ayon kay Cuisia, nakakatiyak siya na aani ng suporta ang Pilipinas mula sa mga miyembro ng Association of Southeast Asian Nations o ASEAN na mayroon ding inaangking teritoryo sa South China Sea.

Minaliit ni Cuisia ang kasunduan sa ASEAN Summit na simulan ang pagbuo ng code of conduct sa South China Sea.

2012 pa aniya sinimulang isulong ang code of conduct subalit tila sadyang inaantala ito ng China hangga’t hindi natatapos ang kanilang mga planong itayo sa mga pinag – aagawang isla sa South China Sea.

November 15, 2017 0 comment

HEADLINES HOT STORIES OF THE WEEK NATIONAL NEWS

2 pamilyang Pilipino kabilang sa 50 pamilya na pinakamayaman sa Asya – Forbes

written by DWIZ 882

Dalawang pamilyang Pilipino ang nakabilang sa limampung (50) pamilya na pinakamayaman sa Asya.

Batay ito sa ranking na ginawa ng Forbes magazine.

Ang pamilya ni Henry Sy, may – ari ng SM shopping mall, mga bangko at property empire ay pumasok sa unang sampung mayayamang pamilya sa Asya.

Binigyan pa ng Forbes magazine ng ispesyal na paglalarawan ang apo ni Henry Sy na si Howard Sy dahil sa pagtahak ng sarili niyang landas sa negosyo sa pamamagitan ng kanyang Storagemart.

Pang – siyam sa ranking ng Forbes ang pamilya Sy na tinatayang yaman na dalawampung (20) bilyong dolyar.

Samantala, pang – 43 tatlo naman ang pamilya Zobel na siyang may – ari ng Ayala Corporation.

November 15, 2017 0 comment

Newer Posts

Older Posts