HOT STORIES OF THE WEEK

Opisyal ng nagtapos ang  31st Association of Southeast Asian Nations Summit kasabay ng pagtatapos din ng chairmanship ng Pilipinas sa ASEAN.

Pinangunahan ni Pangulong Rodrigo Duterte ang turn-over ceremony ng chairmanship sa Philippine International Convention Center  sa Pasay City.

Sa kanyang talumpati, ipinagmalaki ni Pangulong Duterte ang mga naging tagumpay ng summit ngayong taon.

Malugod namang tinanggap ni Singaporean Prime Minister Lee Hsien Loong mula kay Pangulong Duterte ang ASEAN chairmanship para sa susunod na taon.

SMW: RPE

Inaalam na ng mga awtoridad ang ulat na may kasama umanong mga dayuhang terorista ang itinatag na grupo ni Esmael Abdulmalik alyas Abu Turaifi na Jama at Al-Muhajirin Wa Al-Ansar na nagkukuta sa North Cotabato.

Ito’y ayon kay Maj. William Galanta, Executive Officer ng 602nd Infantry Brigade ng Philippine Army batay sa mga impormasyong ipinaaabot sa kanila ng ilang residente sa lugar kung saan, ilang caucasian looking men ang kasama umano ng grupo ni Abdulmalik.

Gayunman, tiniyak ni Galanta na pinaiigting na nila ang pagkalap ng mga impormasyon hinggil sa grupo ni Turaifi para hindi na matulad pa sa nangyaring pagkubkob ng mga terorista sa Marawi City ang sitwasyon sa naturang lugar.

Samantala, umapela si Col. Jerry Besana, tagapagsalita ng Joint Task Force Central sa mga residente ng North Cotabato na maging mapagmatyag at agad ipaalam sa kanila ang anumang impormasyon kaugnay sa grupo ni Turaifi.

SMW: RPE

Pormal nang nilagdaan ng mga ASEAN leaders ang isang kasunduan o consensus na magbibigay proteksyon sa mga migrant workers sa loob ng rehiyon.

Sa ilalim nito, itinataguyod ng nasabing consensus ang pantay na pagtrato sa mga migranteng manggagawa na walang pinipiling kasarian o lahi.

Binibigyan rin nito ng karapatan ang pamilya ng mga migranteng manggagawa na mabisita sila gayundin sa tamang suweldo, benepisyo, kalayaang sumali sa mga unyon at makakuha ng sapat na impormasyon hinggil sa kanilang trabaho.

Maaari na ring magsampa ng reklamo ang isang migrant worker laban sa pang-aabuso ng kaniyang amo at dapat din itong bigyan ng pantay na karapatan tulad ng sa mga lokal na manggagawa sakaling makulong.

Ayon kay Pangulong Rodrigo Duterte na siyang chair ng ASEAN para sa taong ito, maituturing na milestone ng mga bansang kasapi sa rehiyon ng ASEAN ang nasabing consensus na bumilang ng dekada bago naaprubahan.

Pakingan: ang tinig ni Pangulong Rodrigo Duterte.

Ulat nina Jopel Pelenio, Cely Ortega-Bueno at Raoul Esperas

SMW: RPE

Kinumpirma ni Canadian Prime Minister Justin Trudeau na kanyang nabanggit kay Pangulong Rodrigo Duterte ang isyu ng human rights.

Nangyari ito sa Association of Southeast Asian Nation o ASEAN – Canada Commemorative Summit kasama si Pangulong Rodrigo Duterte bilang chair ng ASEAN.

Ayon kay Trudeau, malaki ang pagpapahalaga ng Canada sa karapatang pantao at pag-iral ng Rule of Law kaya naman nagpahayag ito ng pagkabahala sa isyu ng human rights at extra judicial killings (EJK’s) sa Pilipinas.

As I mentioned to President Duterte, we are concerned with human rights, with the extra judicial killings… impressed upon him the need to respect to rule of law and as always offered Canada’s support and help as a friend to help you forward on what is the real challenge.

Maliban dito, napag-usapan din sa pulong ang ukol sa tone-toneladang basura na ibinagsak ng Canada sa Pilipinas noong 2013.

Tiniyak ni Trudeau na hinahanapan na ng solusyon ng gobyerno ng Canada ang naturang problema.

There is still number of questions around: Who will pay for? Where the financial responsibility is? Where the consequences are? This was not the origins, a commercial transaction, did not involve governments.

But I expressed to President Duterte the assurance of my officials both here in the Philippines and back in Canada, we will continue to work on this, hopefully resolved this situation.

Hinimok ni Pangulong Rodrigo Duterte ang South Korea na mag – negosyo sa Pilipinas.

Sa bilateral meeting nina Pangulong Duterte at South Korean President Moon Jae-in, ipinagmalaki ng Punong Ehekutibo na magandang lugar ang Pilipinas sa pagne – negosyo sa larangan ng manufacturing, automotive, food production, processing, agribusiness, electronics at energy.

Nangako naman ang dalawang lider na paigtingin pa ang relasyon ng Pilipinas at South Korea maging sa mga bansang kasapi ng Association of Southeast Asian Nations o ASEAN.

Pinasalamatan din ni Pangulong Duterte ang South Korea sa pagtanggap ng kanilang bansa sa mga produkto ng Pilipinas.

Hindi makikialam ang mga miyembro ng Association of Southeast Asian Nations o ASEAN sa kampanya ni Pangulong Rodrigo Duterte kontra iligal na droga.

Ito ang nakasaad sa draft statement ng chairman ng 31st ASEAN Summit, kung saan kinikilala ng rehiyon ang soberenya ng mga bansa na mag-desisyon kung ano ang mga gagawin para resolbahin ang kanilang problema sa iligal na droga.

Batid ng mga pinuno ng asean na hindi lamang ang kanilang mga bansa ang nakakaranas ng problema sa droga.

Kasabay nito, winelcome ng ASEAN member ang tulong ng ASEAN partners para sa pagsawata ng problema sa iligal na droga.

(Ulat ni Jopel Pelenio)

Nagkasundo ang  10 miyembro ng Association of Southeast Asian Nations o ASEAN at China na simulan ang negosasyon para sa pagbuo ng isang code of conduct sa South China Sea.

Ito, ayon sa Department of Foreign Affairs o DFA, ang pinakamalaking milestone ng  ASEAN at China,  biggest sa nakalipas na 15 taon.

Ini-anunsyo ang pagsisimula ng negosasyon tatlong buwan matapos magkasundo ang ASEAN at China na bumalangkas ng  outline para sa COC.

Bukod sa Tsina, claimant din ng mga isla sa South China Sea ang mayorya ng ASEAN member sa pangunguna ng Pilipinas, Malaysia, Vietnam at Brunei.

—-