HOT STORIES OF THE WEEK

Inihalal bilang bagong Pangulo ng Laban ng Demokratikong Pilipino si Senador Sonny Angara.

Ang naturang partido ay binuo ng kanyang ama, ang yumaong Senate President Edgardo Angara noong 1988.

Sa panayam ng DWIZ, sinabi ni Angara na isang malaking karangalan para sa kanya na ituloy ang mga adhikain ng kanyang ama para sa bansa.

Kung naalala niyo po ang aking father ang dating president at right now ako ang highest official kaya ninominate po tayo at nagpapasalamat tayo sa ating mga kasamahan sa kanilang tiwala at hopefully we can do as good as the job of my father. Ang LDP has a tradition for fighting for Filpino people. Ang laban ngayon ay laban sa kahirapan, murang pagkain, edukasyon, kalusugan, itutuloy po natin ‘yan.

Dagdag pa ni Angara, layunin din ng partido na mas palakasin pa ang interes ng publiko sa mga political parties lalo na sa mga kabataan.

I think kailangan may konting improvement, gagawa kami ng youth development program dahil parang ang mga kabataan ngayon di interesado sa political parties kailangan mag-reach out tayo ano ang kanilang inspirasyon.

(Usapang Senado Interview)

Nanguna si Senador Grace Poe sa mga posibleng manalo bilang senador sa May 2019 elections batay sa pinakabagong senatorial survey na inilabas ng Pulse Asia.

Isinagawa ang survey mula September 1-7 sa 1,800 mga rehistradong botante sa pamamagitan ng face to face interview.

Nakuha ni Poe ang 70. 1 percent na voter preference habang pangalawa naman si Senador Cynthia Villar na may 57. 7 percent at pangatlo naman si Taguig City Rep. Pia Cayetano na may 54. 4 percent.

Nakasama rin sa listahan sina Senador Nancy Binay, Davao City Mayor Sara Duterte, Senador Edgardo Angara, Jinggoy Estrada, Ilocos Norte Gov. Imee Marcos, Senador Koko Pimentel, dating senador Lito Lapid, dating senador Serge Osmeña at dating senador Mar Roxas.

Gayundin ang aktor na si Robin Padilla, si dating senador Bong Revilla Jr, Broadcaster Mon Tulfo, dating pnp chief Ronald Bato Dela Rosa at Senador JV Ejercito

LOOK: September 2018 Nationwide Survey of Pulse Asia on the May 2019 Senatorial Elections pic.twitter.com/c8WsKejxhE

— DWIZ Newscenter (@dwiz882) September 22, 2018

Binawasan na ang seach and rescue team na naghahanap sa mga natitirang biktima ng landslide sa Itogon, Benguet.

Ayon kay Incident Ground Commander Lison Datawan, mula sa dating higit 500 ay ginawang 30 na lamang ang mga rescuer.

Aniya, kasunod ito ng naging assessment ng Mines and Geosciences Bureau na posibleng magkaroon pa rin ng paggalaw sa lupa sakaling umulan.

Kailangan aniyang maging prayoridad ang kaligtasan ng mga rescuer upang maiwasan ang dagdag na casualties.

Bumitaw na si Senate President Tito Sotto sa kanyang isinusulong na pagbabago sa huling linya ng pambansang awit ng Pilipinas.

Matatandaang umani ng sari – sariling reaksyon ang panukala ni Sotto na baguhin ang linyang “Ang aming ligaya na pag may nang – aapi, ang mamatay ng dahil sayo” ay gawing ang “Ipaglaban ang kalayaan mo”.

Sa kanyang social media post, maraming mga mahinang umintindi kaya kung ayaw aniya ang kanyang suhestiyon ay huwag na lang.

Una nang sinabi ng Malakanyang na iginagalang nila ang prerogative ng Kongreso sa paghahain ng mga panukalang batas ngunit sinabing hindi kinakailangan baguhin ang pambansang awit dahil sa mga mas seryosong problemang kinakaharap ang bansa.

Pagpapalit sa huling linya ng Lupang Hinirang, inalmahan

Samantala ilang grupo na rin ang umalma sa panukala ni Senate President Tito Sotto na palitan ng huling linya ng pambansang awit ng Pilipinas kabilang ang KWF o Komisyon ng Wikang Filipino.

Ayon kay KWF commissioner at kinatawan ng wikang Bicol Abdon Balde, Jr., insulto sa orihinal na lumikha ng lyrics at creative work na si Jose Palma ang nasabing panukala ni Sotto.

Pagpapakita ito aniya ng mababang tingin ng senador sa taong naghirap sa paggawa ng Lupang Hinirang lalo na’t sinasalamin ng nasabing lyrics ang sakripisyo ng mga kababayan at pagpukaw sa isip sa paglaban sa mga mananakop.

Sinabi pa ni Balde na hindi nangangahulugang nagbago na ang sitwasyon o panahon ay maaari na ring galawin ang simbolo ng bansa.

Sa halip na pag initan ang awiting tumatak na sa kasaysayan, binigyang diin ni Balde na dapat gumawa na lamang si Sotto ng sariling anthem para masuri ang merits, ma-ratipikahan at hingin ang pag apruba ng Kongreso.

Binatikos din ng KWF ang panukala ni Senador Richard Gordon na pagdaragdag ng araw sa bandila ng Pilipinas na aniya’y pagpapa pansin lamang o pagkuha lamang ng atensyon ng senador.

Pangkalahatang naging mapayapa ang paggunita sa ika-46 na anibersaryo ng deklarasyon ng batas militar kahapon.

Ayon sa Philippine National Police (PNP), wala namang naitalang anumang kaguluhan na may kinalaman sa mga ikinasang protesta.

Pinahintulutan ng PNP na maghayag ng kanilang saloobin ang mga raliyista na batay anila sa direktiba ni Pangulong Rodrigo Duterte na payagan ang mga ito kahit na walang mga permit.

Una rito, lumutang ang mga balitang makikilahok sa mga pagkilos kahapon ang ilang miyembro ng New People’s Army (NPA) na nais pabagsakin ang administrasyong Duterte.

Tiniyak ng Malakanyang na malabong maulit ang umiral na martial law nuong panahon ni dating Pangulong Ferdinand Marcos sa panahon ngayon ni Pangulong Rodrigo Duterte.

Ayon kay Presidential Spokesperson Harry Roque, hindi katulad dati ay may kapangyarihan na ngayon ang hukuman at Kongreso na ipawalang bisa ang batas militar.

Malinaw aniya sa saligang batas na hindi maaaring isara ang hukuman at Kongreso kahit na may deklarasyon ng martial law.

Maliban dito, sinabi ng kalihim na makailang ulit na ring tiniyak ng pangulo na maliban sa Mindanao ay wala siyang balak na isailalim sa martial law ang buong bansa.