HOT STORIES OF THE WEEK

Inaasahang papasok sa Philippine Area of Responsibility (PAR) anumang araw ngayong linggo ang bagyong may international name na Kong-rey.

Huling namataan ng PAGASA ang bagyo sa layong 1,600 kilometro, silangan ng Southern Luzon.

Taglay nito ang lakas ng hanging aabot sa 110 kilometro kada oras at pagbugso na hanggang 135 kilometro kada oras.

Kumikilos ang naturang sama ng panahon pa-hilaga-kanluran sa bilis na 20 kilometro kada oras.

Bagaman hindi direktang makaaapekto sa bansa, magdadala ng kalat-kalat na pag-ulan sa Eastern Visayas ang nabanggit na bagyo na papangalanang Queenie sa sandaling pumasok sa PAR.

—-

Iginiit ni Senador Franklin Drilon na ang pahayag ng isang lider ng bansa ay dapat laging sineseryoso.

Ito’y kasunod ng panghihikayat ng mga kaalyado at tagapagsalita ni Pangulong Rodrigo Duterte na huwag seryosohin ang naging pahayag nito ukol sa kasalanan niyang EJK o extra judicial killings.

Sa panayam ng DWIZ, sinabi ni Drilon hindi magandang pakinggan sa isang tagapagsalita ng Pangulo na sabihin na huwag seryosohin ang sinasabi ng presidente.

Nakakalungkot naman ito lang atang presidential spokesperson sa buong mundo who keeps on telling us na huwag niyong seryosohin ang Pangulo. We should always take the statements of our leaders seriously.  Pahayag ni Drilon

Giit ni Drilon hindi ordinaryong mamamayan o senador ang presidente para hindi paniwalaan o seryosohin ang binibitawan niyang mga pahayag.

Ang Pangulo ay hindi pangkaraniwang mamamayan, he is the leader of 105 million Filipinos kaya we take his statements very seriously and it is wrong for a spokesperson na sabihin na huwag seryosohin ang Pangulo. Dagdag ni Drilon

Una rito, dinepensahan ni Presidential spokesperson Harry Roque ang pahayag ng Pangulo ukol sa EJK.

(Usapang Senado Interview)

Dinepensahan ni Foreign Affairs Secretary Alan Peter Cayetano ang gobyerno kaugnay sa umano’y paglabag nito sa karapatang pantao.

Sa ginanap na 73rd United Nations General Assembly, iginiit ni Cayetano na pinapahalagahan pa rin ng administrasyong Duterte ang bawat buhay ng kaniyang mamamayan.

Sinabi ni Cayetano na sa katunayan aniya, ang mga polisiyang ipinatutupad ni Pangulong Rodrigo Duterte gaya ng war on drugs ay hindi lamang para palayain ang bansa sa iligal na droga kundi para rin maproteksyunan ang karapatan ng lahat ng indibidwal na mamuhay ng ligtas.

Giit pa ni Cayetano kaisa si Pangulong Duterte ng United Nations sa pagsusulong na kapayapaan, pag-unlad at kasaganaan ng bansa.

Magugunitang naging kontrobersiyal ang Pangulo sa un dahil sa isyu ng umano’y extra judicial killings sa ilalim ng war on drugs ng kasalukuyang administrasyon.

Cayetano tells @UN members: reforms prevent PH from becoming narco state; protect rights of Filipinos: https://t.co/6LL2V9AySn

Sec. Cayetano: As a sovereign and democratic country, we are on track in salvaging our deteriorating country from becoming a narco-state.#UNGA #PHinUN pic.twitter.com/Epmz8Tjjei

— DFA Philippines (@DFAPHL) September 30, 2018

Hawak na ng AFP ang ebidensyang magpapatunay sa red october plot na naglalayong patalsikin sa pwesto si Pangulong Rodrigo Duterte.

Ayon kay Brig.Gen. Antonio Parlade, Jr., Deputy Chief of Staff for Operation ng AFP, may nakuhang laptop at iba pang dokumento sa 13 miyembro ng NPA na nahuli sa operasyon ng militar sa Northern Nindanao noong Hulyo.

Bukod pa ito aniya sa bank book, telepono at identification cards na patunay ng malawakang plano para pabagsakin si Pangulong Duterte.

Dahil din dito, sinabi ni Parlade na hindi lamang sa Metro Manila isasagawa ang plano kundi sa buong bansa.

Una nang itinanggi ng CPP ang nasabing plano na anito’y gawa gawa lamang ng AFP.

Itinakda na sa susunod na linggo ng Makati Regional Trial Court Branch 148 ang pagdinig sa hirit ng DOJ na isyuhan ng warrant of arrest at hold departure order si Senador Antonio Trillanes.

Ayon kay Atty. Rey Robles, abogado ni Trillanes, sa Oktubre 5, Miyerkules ay ilalatag nila ang mga ebidensya para patunayan na naghain ng application for amnesty ang senador.

Dahil hindi pa nagpalabas ang korte ng anomang kautusan, minabuti naman ng Trillanes na umuwi muna sa kanilang tahanan matapos ang ilang linggo pananatili sa senado.

Una nang nakapag piyansa si Trillanes matapos na magpalabas ng warrant of arrest ang Makati RTC Branch 150 para sa kasong rebelyon.

Trillanes, magbabalik trabaho na sa Senado

Hindi pa rin natinag si Senador Antonio Trillanes sa pag-ungkat sa mga posibleng kinasasangkutang korupsyon ng ilang taong malapit kay Pangulong Rodrigo Duterte.

Ito ay matapos na ipagpaliban ng Makati Regional Trial Court Branch 148 ang pagpapalabas ng warrant of arrest laban kay Trillanes.

Ayon kay Trillanes, dahil dito ay may panahon pa siyang hilingin sa Senate Blue Ribbon Committee na silipin ang mga kontratang pinasok sa gobyerno ng mga kaanak nina Solicitor General Jose Calida at Special Assistant to the President Christoper Bong Go.

Aniya, tama lamang na ipaliwanag ng dalawa ang milyong pisong kontrata na nakuha ng kanilang pamilya habang sila ay nasa puwesto.

Nakauwi na ngayon sa kanilang bahay sa Antipolo city si Senator Antonio Trillanes.

Ito ay makaraang ipagpaliban ng Makati Regional Trial Court branch 148 ang pagdedesisyon  sa hirit ng DOJ na mag isyu ng warrant of arrest laban sa kanya sa halip ay nag-iskedyul pa ng hearing sa October 5.

Pasado alas diyes ng umaga nang umalis ng Senado si Sen. Trillanes para umuwi na muna sa kanyang pamilya.

Itinuturing ni Trillanes na pansamantalang tagumpay ang hindi muna pagpapasya ng Makati Regional Trial Court branch 48 sa hirit na alias warrant of arrest at hold departure order laban sa kanya.

Si Trillanes ay nagsimulang manatili sa Senado simula noong September 4 makaraang pawalang bisa ng pangulobg duterte ang amnestiya na ipinagkaloob sa kanya ni dating Pangulong Noynoy Aquino.

Samantala, inihayag din ng senador na magbabalik na siya sa trabaho sa Lunes, October 1 at sinigurong iimbestigahan ang umano’y mga anomalya sa negosyo nina Solicitor General Jose Calida, Special Assistant to the President Bong Go at ng Pangulo mismo.

TINGNAN:
Sen. Trillanes, naghahanda na para sa pag-uwi nito upang makasama ang kanyang pamilya makaraang ipagpaliban ng Makati-RTC ang pagdedesisyon sa hirit ng DOJ na mag-isyu ng warrant of arrest laban sa kanya. | via @blcb pic.twitter.com/BlDgAFvFjw

— DWIZ Newscenter (@dwiz882) September 29, 2018

Inaasahan na ng Department of Finance (DOF) ang pagsipa ng inflation rate dahil sa patuloy na pagtaas ng presyo ng mga bilihin.

Ayon sa DOF, posibleng manatili sa 6.4 percent na inflation rate para sa buwan ng Setyembre.

Batay sa economic bulletin ng DOF, inaasahang posibleng pumalo sa 9.28 percent ang food inflation ngayong mula sa 8.48 percent nuong Agosto.

Samantala, nananatiling isa mga dahilan ng pagbilis ng inflation ang pagtaas ng presyo ng bigas na inaasahang aabot sa 10 porsyento ngayong buwan mula sa pitong porsyento.

Uuwi na muna sa kanyang bahay si Senador Antonio Trillanes IV ngayong araw.

Ito ay matapos na hindi maglabas ng warrant of arrest laban sa kanya ang Makati Regional Trial Court (RTC) Branch 148.

Ayon kay Trillanes, ipagdiriwang niya kasama ang pamilya at mga kaibigan ang pasya ng korte na magtakda muna ng petsa para sa reception of evidence.

Sinabi ng senador na kanya munang lalasapin ang pansamantala niyang kalayaan.

Tiniyak ng Malacañang na hindi seryoso ang Pangulong Rodrigo Duterte nang aminin niya na ang tanging kasalanan niya sa bayan ay ang extrajudicial killings.

Ayon kay Presidential Spokesman Harry Roque, may panunuya ang pahayag ng Pangulo sa kanyang mga kritiko kaya’t hindi ito dapat gawing literal.

Sinabi ni Roque na binibigyang diin lamang ng Pangulo na hindi siya magnanakaw at maaari siyang pulaan sa EJK pero hindi kailanman sa korupsyon.

READ: Palace statement on the President’s latest remarks on EJKs pic.twitter.com/FkNTiAmDuV

— DWIZ Newscenter (@dwiz882) September 29, 2018

—-