HOT STORIES OF THE WEEK

Handa na ang mga Embahada ng Pilipinas na ilikas ang mga Pilipinong nasa iba pang bahagi ng Gitnang Silangan maliban sa Iraq.

Ayon sa abiso sa Philippine Embassy sa Saudi Arabia, ang mga Pinoy na nasa Riyadh, Eastern Region, Qassim, Ha’il at iba pang probinsyang nasa northern border ay maaaring mag-avail ng repatriation program.

Ang mga Pilipinong nais umuwi ng Pilipinas ay uubrang tumawag sa 011 480 1918, 056098903301 o mag –e-mail sa assistance@riyadhhpe.com.

Naglabas din ng parehong abiso ang Philippine Embassy sa Damascus, Syria at available ang mga linya nilang +963 011 613 2626 at e-mail na pe.damascus@gmail.com para sa mga Pinoy doon na nais magparepatriate.

Itinaas na sa alert level 4 ang monitoring ng Department of Foreign Affairs (DFA) sa sitwasyon sa Iraq.

Ayon kay chargé d’affaires Jomar Sadie ng Philippine Embassy sa Iraq, sa gitna nang namumuong tensyon sa pagitan ng Iran at Amerika ay mandatory repatriation sa mga Overseas Filipino Workers (OFWs) sa Iraq ang ipinag-utos sa kanila ng gobyerno.

Sinabi ni Sadie na kailangan pa ring kumuha ng mga Pilipino ng exit visa mula sa kanilang employers dahil gobyerno ang nag initiate ng repatriation.

Nanawagan si Sadie sa mga Pinoy na walang employer na makipag-ugnayan kaagad sa embahada para matulungan sila gayundin ang mga biktima ng human trafficking.

Handa rin aniya silang makipag-usap sa employers ng mga Pilipino sakaling tumatanggi ang mga itong payagang makabalik ng Pilipinas ang Pinoy workers.

Itinuturing ni Philippine Drug Enforcement Agency (PDEA) Director General Aaron Aquino na isang political attack laban kay Pangulong Rodrigo Duterte ang mga ipinalabas na rekomendasyon ni Vice President Leni Robredo.

Kaugnay uito ng ibinigay na grado ni Robredo sa kampanya konta ilegal na droga ng pamahalaan nang maupo ito bilang co-chair ng Inter-Agency Committee on Anti-Illegal Drugs (ICAD).

Sa tingin ko it’s a personal attack against the president,” ani Aquino.

Ayon kay Aquino, hindi man lamang binanggit ni Robredo ang mga naging tagumpay ng kampya kontra ilegal na droga batay sa kanilang inilatag na datos sa pangalawang pangulo sa isang briefing.

Mukang nakalimutan nya na yung mga datos na ipinakita sakanya noong drug czar pa sya. Sa kabila ng mga accomplishments ng war on drugs, paano nasabi ni Robredo na palpak ito?” ani Aquino.

Kabilang aniya rito ang mahigit 160,000 na ikinasang operasyon kontra ilegal na droga na nagresulta sa pagkakaaresto ng mahigit 200,000 supsek at pagkakasabat ng nasa P45-bilyong halaga ng ilegal na droga mula 2016 hanggang 2019; pagiging drug free ng mahigit 16,000 o katumbas ng 49% ng mga barangay sa buong bansa; at pagbaba ng mga insidente ng krimen sa 5,000 nitong July 2019 mula sa halos 12,000 mula July 2016.

Dagdag ni Aquino, patunay din ang nakuhang mataas na trust and satisfaction rating ng ‘war on drugs’ batay sa survey ng Social Weather Station (SWS) kung saan 82% ng mga Pilipino ang kuntento rito.

Puro kapalpakan lang ang mga binanggit nya wala man lang siyang napuri sa efforts ng gobyerno sa war on drugs,” ani Aquino. —sa panayam ng Ratsada Balita

Mintis para kay Presidential Spokesman Spokesman Salvador Panelo ang ‘Robredo report’ hinggil sa giyera kontra droga ng Duterte administration.

It’s a dud, wala naman siyang sinabing bago,” ani Panelo.

Ayon kay Panelo, kung ibabatay sa mga pahiwatig ni Vice President Leni Robredo, inakala nila na may pasasabugin itong malaking iregularidad sa ‘war on drugs’.

When she was threatening this report, she implied na meron siyang nadiskubreng irregularidad na parang bombang sasabog,” ani Panelo.

Imposible anya ang sinasabi ni Robredo na 1% lamang ng kabuuang suplay ng droga sa bansa ang nakumpiska ng Philippine Drug Enforcement Agency (PDEA) sa nakalipas na tatlong buwan.

Sinabi ni Panelo na ang mahirap kay Robredo, marami itong sinasabi nang italaga ng pangulo bilang co-chair ng Inter-Agency Committee on Anti-Illegal Drugs (ICAD) gayung wala naman syang pinanghahawakang mga dokumento.

Binigyang diin ni Panelo na hindi ang ‘war on drugs’ ang ‘failure’, kun’di ang pag-upo ni Robredo bilang co-chair ng ICAD.

Palagay ko ang failure ay ‘yung pag-upo niya,” ani Panelo.

Magpapatupad ng partial deployment ban sa Kuwait ang Department of Labor and Employment (DOLE).

Ayon kay Labor Secretary Silvestre Bello lll, sakop ng partial deployment ang mga household workers at ang mga bagong empleyo pa o papunta pa lamang sa Kuwait samantalang hindi kasama ang mga skilled at balik-manggagawa.

Sinabi ni Bello na iiral ang partial deployment ban habang pinag-aaralan pa nila kung kailangan ang total deployment ban sa Kuwait tulad ng ginawa nila noong 2017.

Ang hakbang anya ay base sa naging paglabag ng Kuwait sa nilagdaan nilang kasunduan nuong 2018 para sa proteksyon ng mga Pilipinong manggagawa sa naturang bansa.

Matatandaan na nagpatupad na ng deployment ban sa Kuwait ang Pilipinas matapos na matagpuang patay sa isang freezer ang OFW na si joanna demafelis.

‘Di ba nagalit si pangulong Duterte at agad nag-utos ng deployment ban, parang mangyayari din ‘yan, unahan ko na ang ating Pangulo bago siya magalit ng husto, t’yaka pinag-aralan talaga namin na magkakaroon ng deployment ban,” ani Bello. — sa panayam ng Ratsada Balita

Pinag-aaralan ng Department of Labor na huwag nang magpadala ng mga domestic helpers sa ilang mga bansa.

Sa panayam ng DWIZ, sinabi ni Labor Secretary Silvestre Bello na posibleng piliin na lamang nila ang mga bansa kung saan puwedeng magpadala ng OFW.

Sa harap na rin ito ng di umano’y pagpatay sa Filipina domestic helper na si Jeanelyn Villavende ng kanyang employer sa Kuwait.

‘Yun ang isa naming pinagpapaplanuhan, na pipiliin na lang namin ‘yung mga bansang pagde-deployan ng mga OFW natin,” ani Bello.

Tiniyak ni Bello ang masusing monitoring sa kaso ni Villavende upang mabigyan ng hustisya ang kanyang pagkamatay.

Sinabi ni Bello na muli silang magpapatupad ng deployment ban sa Kuwait sakaling wala silang makitang magandang development sa kaso.

Matatandaan na nagpatupad na ng deployment ban sa Kuwait ang Pilipinas matapos na matagpuang patay sa isang freezer ang OFW na si Joanna Demafelis. — sa panayam ng Ratsada Balita

Nagbabala si Pangulong Rodrigo Duterte na ipapakulong ang mga may-ari ng Manila Water at Maynilad dahil sa syndicated estafa.

Sa pagdalaw ng Pangulo sa mga biktima ng lindol sa M’lang, North Cotabato , galit na sinabi ng Pangulo  hindi na magkakaroon ng negosasyon dahil sa simula pa lamang ay null and void na ang kontra na pinasok ng gobyerno sa Manila Water sa pangunguna ni Chairman Fernando Zobel de Ayala at Maynilad sa pangunguna ni Chairman Manuel Pangilinan.

Ito rin ang idinahilan ng Pangulo na inaayos niyang problema kung bakit kahapon lamang siya nakadalaw sa mga biktima ng lindol sa Mindanao.

Pinawalang sala ng Quezon City Regional Trial Court sa Ampatuan massacre ang dalawang miyembro ng angkan ng mga Ampatuan.

Ayon sa desisyong ibinaba ni Quezon City RTC Judge Jocelyn Solis-Reyes, hindi sapat ang mga naiprisintang ebidensya para sabihing guilty  sina Datu Akman “Tato” Ampatuan at Datu Sajid Islam Ampatuan sa Ampatuan massacre.

Kasama nina Ampatuan na napawalang sala ang humugit kumulang sa 50 pang akusado na karamihan ay mga pulis.

Dahil dito, inatasan ni Judge Solis-Reyes ang jail warden ng Quezon City Jail annex na agad palayain ang mga pinawalang sala.

Hinatulang mabilanggo ng hanggang 40 taon ng walang parole ang walong miyembro ng mga angkan ng Ampatuan kasama ang halos 20 iba pa.

Guilty ang ibinabang hatol ni Judge Jocelyn Solis-Reyes sa maimpluwensyang angkan at mga tauhan nito sa 57 kaso ng murder.

Kabilang sa mga hinatulan sina Datu Andal “Unsay”Ampatuan Jr., Datu Anwar Sajid “Datu Ulo” Ampatuan, Datu Anwar “Datu Ipi” Ampatuan Jr. Manny Ampatuan, Zaldy Ampatuan at Misuari Ampatuan.

57 counts of murder. Number 1; the prosecution having established the guilt beyond resonable doubt of the following accused who are found to have acted as principal, they are hereby convicted and in sentence to suffer the penalty of imprisonment of reclusion perpetua without paroles pursuant to RA 9346,”

BREAKING: Quezon City Court hinatulang guilty sina Datu Andal ‘Unsay’ Ampatuan Jr., Datu Zaldy ‘Puti’ Ampatuan Jr., at iba pa sa 57 counts ng murder kaugnay ng Maguindanao massacre at may kaparusahang reclusion perpetua. pic.twitter.com/NW50x4tVoY

— DWIZ Newscenter (@dwiz882) December 19, 2019

14 na pulis at isang kinilalang si Bong Andal naman ang idineklara ring guilty bilang accesories o mga kasabwat sa krimen.

Kabilang sa mga ito sina Police Inspector Michael Joy Macaraeg, PO3 Felix Eniate, PO3 Abibudin Abdulgani, PO3 Rasid Anton at iba pa.

They are hereby convicted and sentence to suffer the indeterminate penalty of imprisonment of six years of prision correccional as minimum to ten years and eight months of prision mayor as maximum,”

Bahagi ng pagbasa sa hatol sa Ampatuan massacre.

Naging mabilis ang pagbabasa ng desisyon para sa Ampatuan massacre case.

Itoy matapos mapagkasunduan ni Judge Jocelyn Solis-Reyes at mga abogado sa magkabilang panig na basahin na lamang ang dispositive portion ng desisyon.

Nais sana ng public at private prosecutors na basahin ang salient at dispositive portions para mas maging malinaw ang naging basehan ng desisyon.

Una rito, sinabi ni Judge Solis-Reyes na aabot sa 761 ang pahina ng kanyang desisyon kaya’t posibleng hindi  matapos ng isang araw ang pagbabasa ng desisyon.

Samantala, ipinaliwanag ni Judge Solis-Reyes na consolidated partial decision ang kanyang inilabas dahil 80 pa sa mga akusado ang hindi pa naaaresto.

Ibinasura ng Sandiganbayan ang P200-billion forfeiture case laban sa dating pangulong Ferdinand Marcos at pamilya nito dahil sa kawalan ng ebidensya.

Ayon sa Special 4th Division ng Sandiganbayan, bigo ang prosecutors na patunayan ang kanilang alegasyon laban sa Pamilya Marcos.

JUST IN: Sandiganbayan-4 has dismissed another forfeiture case vs. Marcos family | via @JILLRESONTOC https://t.co/898cTaN3Mx

— DWIZ Newscenter (@dwiz882) December 16, 2019

Ang nasabing forfeiture case na isinampa ng Office Of The Solicitor General noong 1987 ay naglalayong marekober ang umano’y nakaw na yaman ng Marcoses na nakuha nila habang nasa puwesto pa sa pamamagitan ng mga pondo at iba pang ari-arian.

Ipinagpaliban muna ni Bise Presidente Leni Robredo ang pagpapalabas niya ng ulat hinggil sa kanyang mga umano’y natuklasan sa kanyang sandaling panunungkulan bilang co-chair ng Inter-Agency Committee on Anti-Illegal Drugs (ICAD).

Ito’y kasunod ng pagyanig ng magnitude 6.9 na lindol sa Davao Del Sur, kahapon, ika-15 ng Disyembre.

Ayon kay Robredo, mali sa tiyempo kung ngayon ito pag-uusapan at sa halip ay pagtuunan na muna ng pansin kung paano makatutulong sa mga biktima ng naturang pagyanig sa rehiyon ng Davao.

Pasensiya na kayo, ipagpaliban muna natin. Mali sa timing, meron pang panahon para pag-usapan ito. Ito namang report na ito, puwede nating gawin anytime kung wala nang ganitong pinagkakaabalahan tayong lahat,” ani Robredo.

Marami aniya ang mga biktima ng lindol na nangangailangan ngayon ng mga tents, inuming tubig at generators.

Nagdeploy na aniya ang kanyang tanggapan ng kanyang team upang magpaabot ng ayuda sa mga biktima ng lindol, kung saan nasa walo aniya ang nasawi at anim ang na-trap sa isang gumuhong shopping center sa Padada, Davao Del Sur —batay aniya sa naging pag-uusap nila ni Davao Del Sur Representative Didi Cagas.

Gusto ko lang kunin iyong pagkakataon ngayong umaga na humingi ng tulong. Panahon ito na magkaisa tayo. Sunod-sunod na iyong aftershocks at iyong mga tao traumatized,” ani Robredo.