HOT STORIES OF THE WEEK

Nagpatupad na ng travel ban ang pamahalaan patungo at mula sa North Gyeongsang Province ng South Korea.

Bunga pa rin ito ng outbreak ng 2019 coronavirus disease (COVID-19) na nagsimula sa Daegu –isang syudad sa Gyeongsang Province.

Ayon kay Presidential spokesman Salvador Panelo, hindi sakop ng travel ban ang mga permanent residents, mga estudyanteng nag-aaral dito at Overseas Filipino Workers (OFWs).

Sa kasalukuyan ay nasa mahigit 1,100 na ang COVID-19 cases sa South Korea sa loob ng maikling panahon,.

Sinabi ni Panelo na pinag-aaralan pa ng Inter-Agency Task Force on Emerging Diseases kung kailangang palawakin ang sakop ng travel ban.

Tuloy-tuloy rin anya ang pag-aaral kung dapat ring magpatupad ng travel ban sa iba pang bansa tulad ng Singapore.

Umakyat na sa 84 ang kabuuang bilang ng mga Pilipino na positibo sa 2019 coronavirus disease (COVID-19).

Walumpu (80) rito ang mula sa Diamond Princess crew ship na ngayon ay nasa ospital sa Japan, dalawa (2) sa United Arab Emirates, isa (1) sa Singapore at isa (1)  sa Hong Kong.

Ayon kay Health secretary Francisco Duque III, pawang mild ang sintomas ng mga Pinoy na nagpositibo sa COVID-19 subalit  nakamonitor ang embahada sa kanilang kalagayan.

Binabantayan naman ang kalagayan ng 38-taong gulang na Pinoy sa UAE dahil sa hindi magandang kundisyon.

Pinaghahanda ng World Health Organization (WHO) ang buong mundo para sa posibleng pagiging pandemic ng 2019 coronavirus disease (COVID-19).

Ayon sa WHO, hindi pa maituturing sa ngayon na pandemic ang outbreak ng COVID-19, ngunit hindi umano ito malayong mangyari.

Ang pandemic anila ay isang infectious disease kung saan mabilis itong kumakalat o naisasalin mula sa isang tao patungo sa isa pang indibidwal sa iba’t ibang panig ng mundo.

Sinabi ng WHO sa sitwasyon ngayon kung saan patuloy ang pagtaas ng bilang ng kaso ng sakit sa iba’t ibang bansa, posibleng hindi magtagal ay maabot nito ang kategorya bilang pandemic.

Sinibak na ni Pangulong Rodrigo Duterte ang ilang opisyal at empleyado ng Bureau of Immigration (BI) na di umano’y sangkot sa pagbibigay ng special treatment sa mga Chinese nationals kapalit ng pera.

BREAKING: Pangulong Duterte, sinibak ang lahat ng mga opisyal at kawani ng Immigration na sangkot sa “pastillas scheme” —Malacañang https://t.co/HHOy7zaafm pic.twitter.com/meU3sWZMMP

— DWIZ Newscenter (@dwiz882) February 20, 2020

Ayon kay Presidential Spokesman Salvador Panelo, agad umaksyon ang pangulo matapos matanggap ang report hinggil sa nabunyag na  “pastillas scheme” na kinasasangkutan ng mga opisyal at tauhan ng Immigration.

Gayunman, hindi naman binanggit ni Panelo kung sinu-sino ang mga sinibak ni Panelo.

Una rito ay sinibak na ni Immigration commissioner Jaime Morente ang mga terminal heads ng Immigration sa NAIA at ang hepe ng Travel Control and Enforcement Unit.

Una rito, nabunyag na ang mga Chinese nationals na dumarating ay binibigyan ng VIP treatment ng Immigration officials kapalit ng P10,000.

Tinawag itong “pastillas scheme” dahil binibilot sa papel ang pera na parang pastillas.

Nabunyag sa hearing ng Senado ang di umano’y ‘VIP treatment’ na ibinibigay ng Immigration officials sa mga Chinese nationals na dumarating sa bansa.

Ipinakita ni Senador Risa Hontiveros sa hearing ng senate committee on women and children ang video kung saan mayroong hiwalay na kwarto para sa mga dumarating na Chinese nationals.

Sinabi ni Hontiveros na tila may guest list pa dahil sa screenshots ng Viber group ng Immigration officials kung saan nakalagay ang mahabang listahan ng pangalan ng Chinese nationals at ang kanilang flight details.

Batay anya sa kanilang informant, nagbabayad ng tig-P10,000 ang mga Chinese POGO workers na pumapasok sa bansa at P2,000 rito ang napupunta sa Immigration officials.

Sinabi ni Hontiveros na kung susumahin, sa halos 2,000 Chinese national na pumapasok sa bansa araw-araw, katumbas ito ng P4-milyon para sa Immigration officials araw-araw.

Noong una anya ay tinawag nila itong ‘pastillas’ dahil nirorolyo umano sa bond paper ang pera na parang pastillas pero ngayon ay tinatawag na nila itong ‘bonus’. —ulat ni Cely Ortega-Bueno (Patrol 19)

Pinaaaresto ng Quezon City Metropolitan Trial Court branch 138 si dating Senador Antonio Trillanes IV at siyam na iba pa.

Kaugnay ito sa kasong conspiracy to commit sedition na isinampa ng Department of Justice (DOJ) matapos mabunyag ang Bikoy ang totoong narcolist video kung saan nakasaad umano ang planong pagpapabagsak sa gobyernong Duterte.

Bukod kay Trillanes ipinaaaresto rin ng korte sina Peter Joemel Advincula alias Bikoy, dating Police Senior Supt Eduardo Acierto, Joel Saracho, Boom Enriquez, Yolanda Ong, Vicente Romano III, Father Albert Alejo, Father Flaviano Villanueva at Jomel Sanggalang.

Nag rekomenda ang Korte ng P10,000 piyansa para sa pansamatalang kalayaan ni Trillanes at siyam na iba pa. — ulat mula kay Jill Resontoc (Patrol 7)

Tiniyak ng Pangulong Rodrigo Duterte sa publiko ang kahandaan ng gobyerno para tugunan ang COVID-19 outbreak.

Sa gitna na rin ito nang paghimok ng Pangulo sa publiko na manatiling kalmado at mag-ingat.

Sa kanyang video message kinumpirma ng Pangulo na nananatiling tatlo ang kumpirmadong kaso ng COVID-19 sa bansa at walang ebidensya hinggil sa local community transmission ng nasabing sakit.

Binigyang diin pa ng Pangulo na nakikipagtulungan ang gobyerno sa World Health Organization (WHO), medical societies at private sectors para tugunan ang COVID-19 at paghandaan ang anumang pangyayari.

Siniguro pa ng Pangulo sa mga Pilipinong nasa lockdown areas sa China na maibabalik sila sa Pilipinas at hindi pababayaan ng gobyerno.

Pinayuhan ng Pangulo ang mga Pilipino na mayroong sakit na magsuot ng face mask at sa lahat ng mga Pilipino na maghugas palagi ng kamay at maging malinis sa buong katawan para makaiwas sa infection.

To our kababayan’s who remain in lock down areas in China, I assure you the govenment is ready to bring you home if you want, hindi naman kayo pababayaan. Maging maingat at yung mga impormasyon na importante na manggaling sa WHO ay ating pakinggan at wag makinig dyan sa mga haka-haka, sa gobyerno kayo nakatutok. Nandyan ang totoo sa gobyerno, wala dyan sa mga taong haka-haka na wala namang ginawa kundi manakot sa kapwa tao. I call on our people to remain calm, vigilant and responsible, I also ask your trust and cooperation, support as we face the challenge. Tayo ay magkaisa, together as one nation, this challenge can be overcome,” ani Duterte.

Nilagdaan na ni Department of Foreign Affairs (DFA) secretary Teodoro Locsin, Jr.  ang notice of termination ng Pilipinas sa visiting forces agreement (VFA).

Ipinabatid ito ni DFA undersecretary Brigido Dulay na nagsabi ring kaagad na idedeliver ang naturang notice of termination sa U.S. Embassy.

Mananatiling epektibo ang kasunduan sa loob ng 180 araw bago ma-terminate –alinsunod na rin sa Article 19 ng VFA.

Una nang ipinag-utos ng Pangulong Rodrigo Duterte ang pagkalas ng bansa sa VFA matapos ang aniya’y pakikialam ng Amerika sa soberanya ng Pilipinas.

Na-discharge na sa San Lazaro Hospital ang pasyenteng kauna-unahang kaso ng 2019 novel coronavirus acute respiratory disease (2019 nCoV-ARD).

Ayon kay Department of Health (DOH) undersecretary Eric Domingo, nagnegatibo na sa dalawang magkasunod na 2019 nCoV-ARD test ang babaeng Chinese kaya pinalabas na ito sa pagamutan.

Matatandaang binawian na ng buhay ang nobyang Chinese na babae na siya namang ikalawang kaso ng 2019 nCoV-ARD sa bansa.

Kapwa galing sa Wuhan, Hubei Province sa China ang magkasintahan na nagtungo sa Hong Kong kung saan sila nanggaling patungo sa Pilipinas.

The first case has already tested negative twice and has already been discharged,” ani Domingo.

Umabot na sa 262 ang naitalang kaso ng patients under investigation (PUIs) dahil sa 2019 novel coronavirus acute respiratory disease (2019 nCoV-ARD) sa bansa.

Ayon kay Health undersecretary Eric Domingo, 109 na ang nagnegatibo, may unang tatlo na ang nagpositibo sa 2019 nCoV-ARD, habang 202 pa ang naghihintay ng resulta ng testing.

Samantala, lahat o may kabuuang 441 na nakasalamuha ng una at pangalawang nagpositibo sa 2019 nCoV-ARD ay natukoy na, habang 224 o 56% pa lamang sa mga nakasalamuha ng ikatlong kaso ng 2019 nCoV-ARD ang nakontak ng Department of Health (DOH).

Nagsampa ng quo warranto petition ang Office of the Solicitor General laban sa ABS-CBN.

Hiniling ni Solicitor General Jose Calida sa Korte Suprema na mapa-walang bisa ang prangkisa ng ABS-CBN dahil sa mga paglabag sa mga probisyon nito.

Tinukoy ni Calida ang di umano’y pagpayag ng ABS-CBN na lumahok sa pamamahala ng kumpanya ang kanilang foreign investors na anya’y malinaw na paglabag foreign interest restriction sa ilalim ng konstitusyon.

Ayon kay Calida, nais nilang tapusin ang mga natuklasan nilang mapag-abusong gawain ng ABS-CBN para sa kapakinabangan ng iilan lamang.

Nakatakdang magtapos ang prangkisa ng ABS-CBN sa Marso samantalang hindi pa gumagalaw sa Mababang Kapulungan ng Kongreso ang kanilang aplikasyon para sa renewal ng kanilang prangkisa.