HOT STORIES OF THE WEEK

Pinaigting pa ang seguridad sa paligid ng San Pedro Square kung saan gaganapin ang inagurasyon ni Vice President-elect Sara Duterte ngayong araw.

Mas maraming mga pulis ang itinalaga sa mga kalsada gayundin sa entry points papasok sa venue.

May sarili namang entrance ang mga tauhan ng Media at ang mga VIP.

Bukod dito, naglagay din ng ambulansya malapit sa stage sa Quezon Park upang agad na rumesponde sakaling may health emergency.

Magsisimula naman mamayang alas -2 ng hapon magpapasok ng mga dadalo sa venue ng inagurasyon.

Posibleng ilabas na sa Lunes, Hunyo a-20 ang guidelines para sa pagtuturok ng COVID-19 booster shot sa mga kabataang edad 12 hanggang 17.

Ayon kay Myrna Cabotaje, Undersecretary ng Department of Health at Chairperson ng National Vaccination Operations Center, naisumite na sa tanggapan ni Health Secretary Francisco Duque III ang mga panuntunang inirekomenda ng Health Technology Assessment Council (HTAC).

Sa oras na maaprubahan, ilalabas na sa Lunes ang guidelines at sisimulan sa Martes.

Uunahin sa booster vaccination ang mga Immunocompromised at isusunod naman ang iba sa mga susunod na araw.

Sa pagbabakuna naman para sa mga paslit na anim na buwang gulang pataas, sinabi ni Cabotaje na pinag-aaralan pa ng HTAC kung angkop ito sa bansa.

Kasado na ngayong araw ang inagurasyon ni Vice President – elect Sara Duterte-Carpio sa Davao City.

Ito ay para pormal na manumpa bilang ika-15 Pangalawang Pangulo ng Pilipinas.

Magaganap ang event sa San Pedro Square sa Davao mula alas-3 hanggang alas-5:30 ng hapon.

Ayon kay Duterte-Carpio, siya mismo ang sumulat ng kaniyang inaugural speech na naka-focus sa mga mensaheng ibinahagi niya noong kampanya.

Iiklian naman ng susunod na pangalawang pangulo ang kaniyang mensahe na ibabatay niya sa lagay ng panahon sa lungsod.

Ang ina ni Sara Duterte na si Elizabeth Zimmerman ang hahawak ng Bibliya, habang nanunumpa ito kay Supreme Court Justice Ramon Paul Hernando.

Nakatakda umupo si Duterte-Cario sa Hunyo a-30 kasabay ng pag-upo ng kaniyang running mate na si President-elect Bongbong Marcos.

Kasado na ang lahat ng inilatag na paghahanda ng Phil. National Police (PNP) para masigurong payapa ang magaganap na inagurasyon ngayong araw ni Vice President elect Inday Sarah Duterte sa Lungsod ng Davao.

Sinabi ni PNP spokesperson Police Col. Jean Fajardo, na “All systems go” na ang kanilang hanay para sa Inauguration Day ng susunod na pangalawang pangulo ng bansa.

Pahayag ni Fajardo, June 18 pa lamang ay nagkaroon na sila ng semi-deployment sa Davao City.

Tiniyak naman ni Fajardo na malayang makakapaghayag ng kanilang saloobin ang mga grupong magsasagawa ng kilos-protesta.

Ngunit dapat lamang aniyang siguruhin na kanila itong isasagawa sa mga designated areas gaya ng mga Freedom Park.

Posibleng pumalo sa 800 hanggang 1, 200 ang maitatala sa arawang kaso ng COVID-19 sa bansa sa katapusan ng Hunyo.

Ayon kay Department of Health Undersecretary at Spokesperson Maria Rosario Vergeire, mangyayari ito kung magtutuloy-tuloy ang pagtaas ng mga kaso ngayon.

Aniya, ang mga projection na ito ay hindi pa naman tiyak pero ginagamit nila ito bilang paghahanda sa posibleng pagtaas.

Paliwanag pa niya, ang pagtaas sa naitatalang kaso ay hindi matatawag na ‘surge’ dahil hindi naman ito biglaang pagtaas ng bilang ng kaso.

Matatandaang kahapon, Hunyo a-17, naitala muli ng DOH ang pinakamataas na bagong kaso ng nasabing sakit sa nakalipas na dalawang buwan.

Puspusan na ang ginagawang paghahanda ng Lungsod ng Davao para sa inagurasyon ng ika-15 pangalawang pangulo ng bansa na si Vice President-elect Sara Duterte na gaganapin bukas, Hunyo a-19.

Sinumulan na rin kagabi ang pagpatatayo ng stage sa San Pedro Square na sakop ng kanilang hometown sa Davao City.

Ayon kay Davao City Police Spokesperson Major Ma. Teresita Gaspan, naghigpit na rin sila ng seguridad sa paligid at border points ng pagdarausan ng inagurasyon.

Habang iinspeksyunin din ang lahat ng sasakyan at pasaherong daraan sa nasabing lugar kada tatlong oras. Para maitiyak na walang makakalusot na anumang maaaring makapagdulot ng gulo nasabing kaganapan.

Isinara na rin ang ilang kalsada at inabisuhan na ang mga maaapektuhang motorista na dumaan sa itinakdang alternatibong ruta.

Samantala, itinalaga naman ang freedom park bilang lugar para sa mga magsasagawa ng kilos-protesta.

Inaasahang nasa 25k indibidwal ang dadalo sa nasabing inagurasyon pero paalala ng otoridad, iwasan na lamang ang pagdadala ng bata.

Inihayag ni Department of the Interior and Local Government (DILG) Secretary Eduardo Año na dapat pa ring magpatuloy ang mga road safety programs hanggang sa susunod na administrasyon.

Kabilang sa mga programang ito ang road clearing operations at pagbabawal sa mga tricycle at pedicab sa National Highways.

Ayon kay Año, ang mga programang ito ay may layong makaiwas at mabawasan ang nangyayaring aksidente sa kalsada kasabay na rin ng nalalapit na pagbabalik ng face-to-face classes,

Paliwanag niya, hindi pwedeng ‘ningas-kugon’ o sa umpisa lamang magagaling ang mga lokal na pamahalaan sa pagpapatupad ng mga nabanggit na programa.

Aniya, karaniwan kasing tricycle at pedicab ang gamit ng mga estudyante sa pagpasok sa paaralan kaya dapay alam ng drayber ang kanilang mga limitasyon.

Paalala ng outgoing DILG chief, dapat gumawa pa ng batas ang mga bagong halal na opisyal na magtitiyak na ligtas ang mga kalsada sa tao lalo na sa mga bata.

Marunong ang Diyos.

Ito ang sinabi ni Pangulong Rodrigo Roa Duterte ilang araw bago ang pagtatapos ng kaniyang termino bilang punong ehekutibo.

Ayon kay Duterte, alam niyang nakagawa siya ng magandang impresyon sa Panginoon kaya’t hinayaan siyang pamunuan ang Pilipinas sa loob ng anim na taon.

Ito ay sa kabila na rin ng nararanasang hirap sa paglalakad dahil sa small fractures bunsod ng pagmo-motorsiklo at sa katandaan.

Timing rin daw na noong nakaraang taon lamang naglabasan lahat ng kaniyang sakit sa katawan.

Aniya, posibleng may maganda siyang nagawa sa kaniyang buhay kaya’t pinagbigyan pa siya ng Diyos.

Samantala, inihayag din ng Pangulo na sa Hunyo 30, ordinaryong mamamayan na lamang siya ng bansa at tapos na ang kaniyang papel bilang “Star of the show.”

Muling ipinaalala ng Davao City Police Office (DCPO) ang mga ‘‘Do’s and Dont’s” sa araw ng panunumpa bukas ni incoming Vice President Sara Duterte Carpio sa Davao City.

Ayon kay DCPO Spokesperson, Maj. Maria Teresita Gaspan, ipapatupad bukas ang lahat ng existing city ordinance sa Davao City kagaya na lamang ng mandatoryong pagsusuot ng face mask.

Habang ipinagbabawal na rin ang pagdadala ng backpack pati na ang pagsusuot ng jacket.

Hindi rin papayagan ang mga drone, maliban na lamang sa mga una nang nakakuha ng security clearance.

Sa ngayon, pagtitiyak ni Gaspan na walang natatanggap na kahit anumang seryosong banta ang lungsod pero hindi pa rin sila magpapakampante.

Aabot sa 4, 076 security personnel ang ide-deploy sa mismong araw ng panunumpa ni Duterte-Carpio.

Handa naman ang lahat ng miyembro ng Davao PNP, mga grupong nakasailalim sa kanila at iba pang security counterparts para sa naturang Oath-taking ceremony.

Nagpapatuloy din ang monitoring, peace build-up upang maiwasan ang anumang hindi kanais-nais na pangyayari sa mismong panunumpa ng susunod na Pangalawang Pangulo ng Pilipinas.

Sisiguraduhin ng Philippine National Police (PNP) na nakahanda na ang lahat para masigurong payapa ang magaganap na inagurasyon ni Vice President-elect Inday Sara Duterte bukas.

Ayon kay PNP spokesperson Police Colonel Jean Fajardo, na “All Systems Go” na ang kanilang hanay para sa gaganaping inagurasyon ng ika-15 pangulo ng bansa.

Pahayag ni Fajardo, ngayong araw ay inaasahan na  magkakaroon na ng semi-deployment  ang mga PNP personnel sa Lungsod ng Davao.

Samantala, muli namang inihayag ni Fajardo na malayang makakapaghayag ng kanilang saloobin ang mga grupong magsasagawa ng Kilos-protesta.

Ngunit dapat lamang aniyang siguruhin ng mga ito na isasagawa lamang nila ang kanilang demonstrasyon sa mga designated areas gaya ng mga Freedom Park.