HOT STORIES OF THE WEEK

Masusing pinag-aaralan ng Department of Trade and Industry (DTI) ang kahilingan ng ilang manufacturers sa taas-presyo ng mga tinapay at sardinas.

Sinabi ni DTI Assistant Secretary Ann Claire Cabochan ng Consumer Protection Group, nanawagan ang mga gumagawa ng tinapay dahil sa mataas na presyo rin sa mga produkto tulad ng harina.

Humihiling din ang mga gumagawa ng sardinas ng price increase dahil sa pagtaas ng presyo ng mga isda.

Binigyang diin ni Cabochan na tinitignan nila ng mabuti ang mga naturang kahilingan dahil marami silang kinokonsidera hinggil sa pagtaas ng presyo ng mga pangunahing bilihin.

Samantala, sisikapin nilang panatilihin sa pinakamababa ang pagtaas ng presyo ng mga bilihin sa bansa.

Pinangalanan na rin ng Marcos Administrastion ang mga bagong mamumuno sa National Intelligence Coordinating Agency (NICA) at Bureau of Internal Revenue (BIR).

Sa inilabas na pahayag ni Marcos’ incoming Press Secretary Atty. Trixie Cruz-Angeles, itinalaga na ni President-elect Ferdinand “Bongbong” Marcos Jr. sina Lilia Guillermo bilang bagong BIR Commissioner.

Si Guillermo ang kasalukuyang namumuno sa Technology and Digital Innovation Unit ng Bangko Sentral ng Pilipinas at nagma-manage ng IT modernization plan nito.

Samantala, tatayo naman si Ret. Philippine National Police (PNP) Deputy Director General Ricardo de Leon bilang National Intelligence Coordinating Agency (NICA) Director-General.

Magsisilbi rin siyang Secretariat ng Anti-Terrorism Council ng bansa at isang cluster ng Anti-Terrorism Council.

Nabatid na si de Leon ay kasalukuyan presidente ng Philippine Public Safety College kung saan siya ang humahawak sa training ng Police officer cadets, Police rookies, Fire at Jail personnel.

Naging miyembro rin ito ng Philippine Military Academy (PMA) Matatag Class of 1971 at naging commander ng Anti-Illegal Drugs Special Operations Task Force noong 2004 sa ilalim ng administrasyon ni former President Gloria Macapagal-Arroyo.

Pinalawig ng Light Rail Transit Authority (LRTA) ang operating hours ng LRT2.

Batay sa abiso, sinabi ng LRTA na mula kahapon ay ipinatupad na ito upang  mas maraming pasahero ang maserbisyuhan ng LRT2.

Mula sa orihinal na iskedyul na 8:30pm, aalis ito sa Antipolo Station ng alas-9 ng gabi.

Gayundin, aalis ang huling commercial train mula sa Recto Station ng 9:30 ng gabi mula sa naunang alas-9 ng gabi.

Ang 17 kilometrong LRT 2 ay mayroong 13 istasyon , mula Recto Avenue sa Maynila hanggang Masinag sa Antipolo, Rizal.

Nakaamba na naman ang isa pang yugto ng oil price hike sa susunod na linggo.

Ito na ang ikatlong sunod na pagkakataon na magtataas sa presyo ng produktong petrolyo sa bansa.

Base sa oil trading monitoring, tataas ng P2 hanggang P2. 30 sa kada litro ng diesel

Habang, tataas naman ng .20 sentimo hanggang .50 sentimo sa kada litro naman ng gasolina.

Karaniwang ipinatutupad ng oil companies ang fuel price adjustments kada Lunes, na epektibo naman sa pagsapit ng Martes.

Ibinunyag ng Volunteers Against Crime and Corruption (VACC) na sangkot din umano sa pagpatay sa isang Filipino-Chinese Businessman si Joel Sanvicente, ama ng nag-viral na SUV driver na nanagasa ng isang security guard sa Mandaluyong City, kamakailan.

Ayon kay VACC President Arsenio “Boy” Evangelista, naakusahan si Sanvicente na pumatay sa isang lalaki sa harap ng ATM booth sa Katipunan Avenue, Quezon City noong Hunyo a-11 1995.

Si Joel Sanvicente aniya na kinasuhan sa pagpatay kay Wong at ama ng viral SUV driver na si Jose Antonio Sanvicente, ay iisang tao.

Batay sa record ng Korte Suprema, binaril umano ni Sanvicente si Wong matapos siyang tangkaing pagnawakan ng malaking pera na kaka-withdraw lamang niya mula sa ATM.

Ipinakita rin sa record ng Korte Suprema na ang isinuko ni Joel Sanvicente na Cal. 45 sa pamamagitan ng kanyang abogado, ay tumugma sa mga slug at shell na natagpuan sa lugar ng krimen.

Noong Agosto 29, 1996, naghain ng ‘motion to dismiss’ ang kampo ng akusado dahil sa kawalan ng positibong pagkakakilanlan sa pumatay kay Wong.

At noong Oktubre 7, 1996, naglabas ng kautusan ang trial court na nagbabasura sa kaso ni Sanvicente dahil sa kakulangan ng ebidensya.

Hindi na naman sumipot sa preliminary hearing kahapon si Jose Antonio Sanvicente, driver ng SUV na sumagasa sa isang security guard sa Mandaluyong nitong Hunyo.

Para sana ito sa pagdinig kaugnay sa kasong Frustrated Murder na isinampa laban sa kaniya.

Tanging abogado ni Sanvicente na si Danny Macalino ang pumunta sa pagdinig na naganap sa Mandaluyong City Hall of Justice.

Dismayado naman ang kampo ng Security guard na si Christian Joseph Floralde na sa kabila ng hirap sa paglalakad ay nanumpa pa rin sa kaniyang affidavit.

Paliwanag naman ng abogado ni Sanvicente na hihintayin muna nila ang kopya ng reklamo bago magbigay ng counter-affidavit.

Sa Hunyo 23 magaganap ang susunod na hearing sa kaso.

Ibiniro ni Pangulong Rodrigo Duterte ang pagtutuloy sa ‘Duterte Tandem’ kasama ang kaniyang anak na si Vice President elect Sara Duterte-Carpio.

Ayon sa Pangulo, maituturing na coincidence at unang kaganapan sa kasaysayan ng bansa na nasa pinakamataas na pwesto ang mag-ama.

Bukas, nakatakdang manumpa bilang ika-15 pangalawang Pangulo ng Pilipinas si Duterte-Carpio na magaganap sa davao city.

Gaganapin naman ang inagurasyon ni President-elect Ferdinand ‘Bongbong’ Marcos Jr. sa Hunyo a-30 sa National Museum sa Maynila.