Isa ang nasawi sa landslide sa Abucay, Bataan.
Kinilala ni PDRRMO-OIC Glen Diwa ang nasawi na si Roselyn Dela Cruz, 27 anyos at residente ng Barangay Gabon.
Ipinabatid ni DSWD Secretary Erwin Tulfo na nagbigay na sila ng ayuda sa pamilya ng nasawi gayundin ang iba pang biktima para makapagtayo muli ng kanilang bahay.
Nasa pitong barangay sa Abucay at Balanga City ang binaha dahil sa malakas na pag ulan bagama’t nag subside na ito.
Ang local government unit (LGU) ang nagsama-sama ng relief goods mula sa DSWD at sa non-government organization na Angat Buhay sa isang bodega sa Ifugao.
Ayon ito kay DSWD Secretary Erwin Tulfo matapos mag post online ang Angat Buhay ng mga litrato ng kanilang ayuda sa mga biktima ng pagbaha sa Banaue kabilang ang mga kahon ng relief goods ng DSWD na isinama sa mga ayuda ng nasabing NGO.
Binigyang diin ni Tulfo na ipinagbabawal ng batas na ipadaan ng DSWD ang relief goods nito sa mga NGOs at dapat direktang ipamahagi sa mga kinauukulang LGU.
Pinalawig pa ng Korte Suprema hanggang August 15 ang application period para sa 2022 Bar Examinations.
Ito ayon sa Korte Suprema ay matapos ipabatid ng mga law school sa buong bansa na mas huli silang magsasara ng academic year kaysa sa iba at maging sa deadline ng orihinal na application period.
Sinabi ng high tribunal na pinalawig nila ang deadline para mabigyan ng sapat na panahon ang lahat ng law graduates na makapaghanda at makapagsumite ng requirements habang tinitiyak na mayruon ding sapat na oras ang mga opisina na i-proseso at i-verify ang application.
Una nang itinakda ng Korte Suprema ang application period mula June 13 hanggang July 15. —sa ulat ni Bert Mozo (Patrol 3)
Inilarawan ni Pangulong Ferdinand “Bongbong” Marcos Jr. sa kaniyang yumaong ama na si dating Pangulong Ferdinand Marcos Sr. ang unang linggo ng kaniyang panunungkulan bilang Punong Ehekutibo ng bansa.
Sa BBM video vlog nitong Sabado, ibinahagi ni Marcos Jr. ang kaniyang pagsisimula at mga nagawa sa kaniyang unang linggo kabilang na dito ang pagbalik-tanaw noong una silang tumira sa palasyo.
Ayon sa Pangulo, kabilang sa kanilang pinag-usapan sa Cabinet meeting ay ang tungkol sa pagtaas ng presyo ng produktong petrolyo; pagbabalik ng face-to-face classes; pagpapalakas ng food security; pagpapalawig pa ng vaccine campaign; at pagtanggap ng mga courtesy call mula sa ibat-ibang mga bansa.
Sinabi pa ni PBBM na kulang pa ang isang linggo para malibot at maikwento niya sa kaniyang mga anak ang kasaysayan ng bawat sulok ng Palasyo noong panahon ng pamumuno ng kaniyang yumaong ama.
Good news para sa mga motorista!
Asahan na bukas ang malakihang bawas-singil sa presyo ng produktong petrolyo.
Sa anunsiyo ng ilang kumpaniya ng langis, maglalaro sa P6.30 centavos hanggang P6.50 centavos ang bawas-singil sa presyo ng kada litro ng diesel.
Posible namang umabot sa P5.70 centavos hanggang P5.90 centavos ang tapyas-presyo sa kada litro naman ng gasolina.
Samantala, sa naging pahayag ng UniOil Petroleum Philippines, inaasahang bababa ng P5.90 centavos hanggang P6 ang presyo ng kada litro ng diesel habang P5.50 centavos hanggang P5.70 pesos naman ang magiging bawas-singil sa presyo ng kada litro ng gasolina.
Ayon kay Department of Energy (DOE)- Oil Industry Management Bureau Dir. Rino Abad, ang dahilan ng rollback sa presyo ng langis ay bunsod ng lockdown sa China; pagtaas ng interes ng iba’t-ibang mga bansa; at banta ng recession o pag-alis ng mga produkto na magdudulot ng demand destruction o pagkasira ng demand sa iba’t-ibang mga bansa.
Hindi na dapat maudlot pa ang pagbabalik sa 100% ng in-person face-to-face classes ng mga estudyante sa gitna ng COVID-19 pandemic.
Ito ang reaksyon ni National Parent-Teacher Association Philippines (PTA) Secretary-General Elma Estrada-Caber sa panawagan ng Teacher’s Dignity Coalition na iurong ang pagbabalik ng klase.
Ayon kay Caber, magkakaroon lamang ng epekto sa pag-iisip at emosyon ng bata kung patatagalin pa ang pagbabalik nila sa mga paaralan.
Nanawagan ang isang grupo ng mga guro sa Department of Education na iurong ang pagbubukas ng susunod na School Year na nakatakda sa Agosto a – 22.
Ito, ayon kay Teachers Dignity Coalition (TDC) Chairperson Benjo Basas, ay upang mabigyan ang mga guro ng sapat na panahon para makapagpahinga sa pagitan ng nagdaan at susunod na School Year.
Una na nang hiniling ng TDC kay Vice President at Education Secretary Sara Duterte noong Biyernes na buksan ang School Year 2022-2023 sa kalagitnaan ng Setyembre o Oktubre.
Bagaman tapos na anya ang mga klase, marami pa ring trabahong pinapagawa sa mga guro kaya’t mabibitin ang dapat sana’y dalawang buwan nilang bakasyon.
Kabilang sa mga ito ang In-service training, enrollment activities at pagsasagawa ng mga remedial at enrichment classes.
Wala pang inilalabas ang DepEd na opisyal na School Calendar para sa nasabing school year at tugon sa hiling ng TDC.
Isinusulong ng Department of Agriculture (DA) ang Nationwide Cropping Calendar upang matiyak na walang masasayang na mga Agri-product.
Inihayag ito ni DA Undersecretary for Consumer and Political Affairs Kristine Evangelista matapos ang ulat na sangkatutak na Kamatis na itinapon ng isang magsasaka sa Bayan ng Lantapan, Bukidnon.
Nag-viral sa social media ang larawan ng mga kamatis na itinambak dahil sa oversupply, bagsak-presyo sa merkado at kakaunti lamang ang bumibili.
Ayon kay Evangelista, kapag mayroong cropping calendar ay makahahanap na ang mga magsasaka ng bibili sa kanilang mga produkto bago ang anihan.
Layunin din ng Cropping calendar na mapigilan ang oversupply ng partikular pananamim dahil malalaman ng mga magsasaka kung ano ang dapat itanim at makapaghahanap ng bibili ng kanilang produkto bago pa anihin.
Samantala, handa ang DA na payagan ang mga koopertaiba na makakuha ng angkop na pasilidad upang iproseso ang mga kamatis sa ibang produkto, tomato sauce o ketchup.
Sa datos ng Philippine Statistics Authority, bumagsak ang produksyon ng kamatis sa 6.1% o katumbas ng 90,000 metric tons sa unang tatlong buwan ng taon kumpara sa 95,870 metric tons sa kaparehong panahon noong 2021.
Binabantayan ng World Health Organization (WHO) ang bagong COVID-19 Omicron sub-variant na BA.2.75 o tinatawag na Centaurus.
Pinangangambahan kasi ng mga eksperto na mas nakahahawa ito kumpara sa mga naunang Omicron sub-variants.
Kaugnay nito, naitala ang Centaurus sa 10 bansa kabilang na ang Australia, Canada, Japan, New Zealand, Germany, US at UK.
Ayon sa WHO, habang limitado pa rin ang pagsusuri sa nasabing sub-variant, ipinapakita anila sa kanilang pananaliksik na naglalaman ang BA.2.75 ng ilang spike mutations na maaaring mas epektibo sa “immune escape”
Sa kabila nito, sinabi ni WHO chief scientist Dr. Soumya Swaminathan na kailangan pa ng mas malalim na pagsusuri bago malaman ang transmissibility at severity ng naturang virus.
Inihayag ni Press Secretary Trixie Cruz-Angeles na nasa mabuting kalagayan si President Ferdinand “Bongbong” Marcos Jr. at patuloy na nagtatrabaho habang naka-isolate at nagbibigay ng mga direktiba sa kanyang mga gabinete.
Ito’y matapos magpositibo sa COVID-19 antigen test ang Pangulo nitong Biyernes kung saan nakaranas ito ng bahagyang lagnat, pagbabara at pangangati ng ilong at minsanang pag-ubo.
Ayon kay Angeles, binisita nitong tanghali ng Sabado si PBBM ng kanyang physician kung saan idineklarang nasa maayos na kalagayan ang Pangulo.
Matatandaang, ito na ang pangalawang pagkakataon na nagpositibo sa COVID-19 si Marcos Jr.
