HEALTH

Isa sa mga prutas na hindi lamang masarap kundi kapaki-pakinabang din sa ating kalusugan ay ang mangga.

Mayroong iba’t ibang benepisyong dulot ang pagkain ng mangga na maaaring makatulong sa pagpapanatiling malusog ng ating katawan

Mayaman ito sa bitamina at antioxidants; ang mga bitamina na ito ay mahalaga sa pagpapalakas ng immune system at pagpapanatili ng kalusugan ng balat at mata.

Naglalaman din ito ng mga antioxidants na tumutulong labanan ang mga free radicals sa katawan, na maaaring maging sanhi ng iba’t ibang chronic diseases.

Pampalusog ng sistema ng panunaw; mataas ang fiber content ng mangga na may malaking papel sa pagpapabuti ng digestive health.

Ang pagkonsumo ng prutas na ito ay nakatutulong sa maayos na paggalaw ng bituka at nakapagpapababa ng posibilidad ng constipation.

Sa pamamagitan ng pagkain ng mangga, natutulungan nating mapangalagaan ang ating immune system, digestive health, at maging ang ating puso.—sa panulat ni Jasper Barleta

Ang pantog ng isang tao ay kayang mag-ipon ng hanggang dalawang tasang ihi.

Gayunman, hindi ibig sabihin nito na okay lang na pigilan ang ito.

Ilan sa mga posibleng maramdaman ng isang tao pag nagpigil ay ang pagsakit ng puson o pantog.

Posible ring masira ang  pelvic floor muscles, kung madalas itong gawin dahil na-overstretched o nabanat ang pantog.

Isa rin sa posibleng mangyari ang kawalan ng kakayahan o mahirap palabasin ang ihi kung madalas na pipigilan ang pag-ihi.

At ang huli ang pagkakaroon ng kidney stone o bato sa bato o bladder stone o bato sa pantog.

Kaya payo ng mga eksperto, mas makabubuti para sa isang tao na umihi sa sandaling maramdaman niya ito.—sa panulat ni Kat Gonzales

Maraming benepisyong hatid ang pagpunta sa beach!

Ayon sa mga pag-aaral, nakatutulong ang tanawin ng dagat para pakalmahin ang isip at bawasan ang stress ng isang tao.

Ang kulay asul na dagat ay may epekto sa utak na tumutulong para ma-relax at bumaba ang anxiety ng nakakakita nito.

Ito ay sinabi mismo ng isang clinical psychologist na si michaela jamora ng mind care center, kung saan malaking bagay anya ang “sensory escape” na naibibigay ng beach, maging ang tunog ng alon, simoy ng hangin at init ng araw na nakatutulong para makapagpahinga ang utak at katawan.

Kaya kung feeling mo stressed ka lately, baka kailangan mo ng beach trip at vitamin sea, para ma-recharge!—sa panulat ni Jasper Barleta

Mahilig ka bang magkape?

Narito ang ilang benepisyo nito:

Ang kape ay mabisang pampataas ng energy level dahil sa stimulant na meron ito na tinatawag na caffeine.

Nakasusunog din ito ng taba ; at mayaman din ito sa vitamins at nutrients tulad ng riboflavin o vitamin B2; pantothenic acid o vitamin B5: Manganese at potassium; magnesium at niacin.

Pinabababa rin nito ang tyansa ng pagkakaroon ng type 2 diabetes at  pangontra sa alzheimer at dementia.

Pinoprotektahan din nito atay at mabisa rin itong pampasaya at pangontra sa depression.—sa panulat ni John Riz Calata

Ang fatty liver ay isang kundisyon kung saan nababalot ng taba ang atay ng isang tao.

Ang mga taong may fatty livcer ay kadalasan ding may mataas ba kolesterol sa dugo; blood sugar st uric acid.

Mayroong iba’t ibang uri ang fatty liver, kabilang dito ang alcoholic  at non-alcoholic fatty liver disease.

Ngunit paaano nga ba maiiwasan ang ganitong sakit?

Narito ang ilang dapat gawin upang maiwasan ang fatty liver.

Una, iwasan ang pag-inom ng alak; pangalawa, magpapapayat kung kinakailangan; pangatlo kumain ng masusutansyang pagkain at pang-apat mag-ehersisyo.

Gayunman, payo ng mga eksperto, ugaliing pagtingin sa mga doktor para sa tama at nararapat na gawin.

Mahilig ka ba sa papaya?

Bukod sa pansahog ito sa tinola, alam mo bang siksik ito sa sustansya?

Narito ang benepisyo ng papaya sa katawan:

Una, pinalulusog nito ang mata dahil nakatutulong ito upang maiwasan ang macular degeneration, isang kondisyon na nakakaapekto sa mata, lalo na sa sentro ng retina na tinatawag na macula.

Pangalawa, naiiwasan din nito ang pagkakaroon ng asthma, dahil nagbibigay ito ng vitamin K, fiber at anti-oxidants.

Pangatlo, nakatutulong ito para maiwasan ang pagkakaroon ng cancer dahil mayaman ang papaya sa antioxidants, phytonutrients, at flavonoids.

Bukod sa mga nabanggit taglay din ng papaya ang mga nutrients na nagpapalakas sa buto, pumipigil sa cancer at sakit sa puso.

Madalas bang sumakit ang iyong kasu-kasuan o joints?

Ito ang nag-uugnay sa mga buto ng katawan at nagpapahintulot na gumalaw ang mga ito.

Ngunit bakit nga ba sumasakit ang kasu-kasuan? Narito ang ilang posibleng dahilan kung bakit sumasakit ang iyong joints.

Ang pagsakit ng joints ay posibleng dahil sa osteoarthritis.

Ito nararamdaman kapag ang lining ng mga kasukasuan, na tinatawag na cartilage, ay nasisira o napupunit.

Maari ring maging sanhi ng pananakit ang tendon o ligament injuries, ito ang mga bahagi ng katawan na posible ring mapunit.

At panghuli ang gout, isang uri ng arthritis na nagdudulot ng pananakit at pamamaga ng kasukasuan kapag tumataas ang uric acid sa dugo.—sa panulat ni Kat Gonzales

Madalas ka bang nakararanas ng paghapdi ng sikmura?

Batay sa mga eksperto, gastritis ang tawag sa  paglalabas ng sobrang acid na dahilan kung bakit humahapdi ang sikmura ng isang tao.

Oras na lumala ang gastritis, maaari itong maging ulcer.

At para  maiwasan ito, narito ang ilang mga dapat gawin.

Una, kumain sa tamang oras; pangalawa laging kumain ng saging at tinapay, bukod sa madaling baunin at kainin, ang saging ay gamot na rin dahil natatapalan nito ang ating sikmura habang ang pandesal ay maganda sa sikmura at nakakabusog din ito.

Pangatlo uminom ng tubig pakonti-konti upang malinis ang mga acid tyan at panghuli, iwasan ang mga pagkaing mahahapdi si tiyan tulad ng maaasim at maaanghang na pagkain.—sa panulat ni Kat Gonzales

Alam mo bang may mga prutas na tinatawag na summer fruits?

Ito ang mga prutas na mainam kainin tuwing tag-init sa Pilipinas.

Ang ilan sa mga ito ay mangga; pinya; pakwan; melon; papaya at buko.

Karamihan sa mga nasabing prutas ay matubig na nakakatulong sa hydration.

Bukod pa rito, punong-puno rin ng mga nutrients at minerals ang mga summer fruit kabilang ang vitamins A; B6 at C; fiber at potassium. —sa panulat ni Kat Gonzales

Bukod sa pagiging isa sa mga simbolo ng easter, maraming benepisyo ang itlog sa katawan ng tao.

Mabisang source ng protina ang itlog at may taglay na essential amino acid na kailangan ng katawan para mapanatili ang ating muscle mass at strength.

May taglay rin itong fats at vitamins and minerals tulad ng  vitamin A na pampalusog sa mata; vitamin B para sa utak at ugat; vitamin D para sa malusog na buto; at vitamin e para proteksyon mula sa sakit.

Laman din nito ang iron na nagpapalusog ng dugo; calcium na pampalusog ng buto at ngipin; lutein para sa mata; at zinc na nakakatulong para maging malusog ang ating tissues at mabilis na gumaling ang mga sugat.

Mas mainam kung ilalaga ang itlog kaysa iprito upang hindi masyadong mamantika.—sa panulat ni John Riz Calata