HEALTH

Para sa mga mahilig kumain ng gulay-gulay.

Alam niyo ba na ang saluyot ang isa sa pinaka-masustansyang gulay sa mundo.

Pwede ito sa may diabetes, sakit sa puso at mataas ang cholesterol dahil siksik ito sa bitamina at minerals.

Pero ano pa nga ba ang ibang vitamins na taglay ng saluyot?

• Mayroon itong Vitamin K na nakatutulong upang labanan ang pagdurugo.
• Vitamin A at Beta-Carotene para sa mata, balat o skin growth, pagre-repair o pagsasa-ayos ng selula sa ating katawan tulad ng pag-galing ng sugat.
• Vitamin B6 o Pyridoxine para makaiwas sa sakit sa mata dahil sa pag-edad
• Vitamin C o Ascorbic Acid para sa ating immune system at balat
• Calcium na kailangan para mapatibay ang buto, ipin at gilagid.
• Vitamin E para lumakas ang immunity, magkaroon ng malusog na buhok at mata.
• At Iron ay kailangan para sa malusog na red blood cells.

Iluto lamang ang saluyot bilang sahog sa dinengdeng, inabraw, paksiw, ginisang labong, sa sopas at bulanglang. —sa panulat ni Abby Malanday

Alam niyo ba na ang Balimbing o Star Fruit ay may dulot na maraming benepisyo sa katawan?

Ang Balimbing ay isang karaniwang halaman na may mala-bituing hugis na bunga at may kakaibang lasa.

Ito ay maraming sustansya at kemikal tulad ng iron, Vitamin B, Vitamin C at mayaman din ito sa Oxalate at Potassium.

Nakatutulong din sa pagpapababa ng lagnat ang pag-inom ng pinaglagaan ng dahon ng Balimbing gayundin sa pagpapatigil ng tuloy-tuloy na pagsusuka.—sa

Ang pagtulog sa tanghali at pag-idlip ay may magandang benepisyo sa katawan.

Ayon sa isang eksperto, nakababawas ito sa stress, pampaganda ng memory, gaganda ang performance sa trabaho, magkakaroon ng enerhiya at sisigla ang mood.

Ang unang 10 hanggang 20 minutong pagtulog ay tamang-tama para ma-refresh.

Sakali namang umabot sa 30 hanggang 60 minutes ang pag-idlip sa tanghali ay posibleng maalimpungatan at maapektuhan ang pagkilos dahil sa pakiramdam na bagong gising.

Dagdag pa ng eksperto, posibleng magkaroon ng insomia ang isang tao kapag umiidlip o natulog ng mas mahabang oras sa tanghali.

Ang mais o corn ay ikalawa sa mga pangunahing pagkain ng mga Pilipino.

Ito ay sagana sa bitamina at mineral na nakatutulong upang mapababa ang kolesterol at para magkaroon ng maayos na paningin at kutis.

Taglay rin ng mais ang dietary fiber para sa maayos na pagdumi.

Napag-alaman din na nakatutulong ang pagkain ng mais para maiwasan ang pagkakaroon ng anemia dahil sa taglay nitong iron na kailangan sa pagbuo ng red blood cells.

Ang iron deficiency ay isa sa mga tinitingnang dahilan sa pagkakaroon ng anemia.–-sa panulat ni Airiam Sancho