HEALTH

Ang lagundi ay isang halamang tumataas ng mga 5 metro.

Ngunit hindi pala ito puno at ang bawat dahon ay may 5 daliri.

Ayon sa mga Eksperto, ito’y gamot sa ubo, hika, nagpapalabas ng plema, at nagpapababa ng lagnat ng sipon o trangkaso.

Nagpapaalis din ito ng sakit ng ulo at ipin at ginagawang panlanggas sa sugat at mga kati sa balat.

Kapag nag-iba naman daw ang kulay ng pinakulong lagundi o kung may amag na, ay huwag nang inumin.

Gayunman, tulad ng ibang gamot, mahalaga pa rin daw na kumonsulta sa mga eksperto bago uminom ng nasabing halamang-gamot.

Alam n’yo ba na maaagapan ang pagtama ng sipon at maaari ring mapadali ang pagkawala nito?

Ayon sa mga eksperto, ito’y sa pamamagitan ng pagkonsumo ng mga pagkaing sagana sa Vitamin C.

Kabilang sa mga gulay na mayaman sa Vitamin C ay ang singkamas, malunggay, siling pula, dahon ng gabi, siling berde, cauliflower, siling labuyo, repolyo, bayabas, mangga at papaya.

Maliban dito, malaki rin ang maitutulong ng pag-inom ng calamansi juice, pineapple juice at iba fruit juices upang labanan ang paglubha ng sipon.

Alam niyo ba kung anong epektibong paraan para maiwasan ang bells palsy?

 Bukod sa mga gamot at pain relievers maari ring magpa-therapy ang may bells palsy gaya ng Transfer of Energy Capacitive (TECAR) and resistive therapy nakakatulong ito sa serkulasyon ng dugo.

Gumagamit ang mga eksperto ng infrared lamp kung saan kinocover nito ang apektadong muka lalo na sa mata.

Sumunod naman ang electrical stimulation kung saan para gising ang muka ng pasyenteng may bells palsy.

Maaring umabot sa anim hanggang 8 physiotherapy para bumalik sa normal ang muka ng pasyente.

Kung sakali namang walang budget may mabilisang remedies ito, lagyan ng eye-patch ang iyong mata para lagi itong nakasara at hindi ito manuyo.

Pwede ding lagyan ng hot compress ang kalahati ng iyong muka at higit sa lahat laging eexcercise ang facial expression para makabuo ng movement sa iyong mata. - sa panunulat ni Jenn Patrolla 

Ang rambutan ay isang prutas na low on calorie at likas sa mga bitamina, mineral at antioxidants na nakapagbibigay ng maraming benepisyo sa ating katawan.
Napapababa nito ang tyansa ng pagkakaroon ng cancer dahil sa taglay nitong vitamin c na isa ring antioxidant.
Ang pag konsumo kasi ng antioxidants ay nakatutulong para labanan ang mga waste products sa katawan na maaaring makasira sa ating cells.
Nakatutulong din ito upang mapigilan ang pagkakaroon ng anemia dahil sa makukuhang iron dito.
Nalilinis din nito ang ating kidney at mabisang pantanggal ng waste minerals sa katawan.
Mabisa rin itong panlaban sa mga sakit at pampalakas ng immune system dahil napipigilan nito ang panunumbalik ng virus at pagkakaroon ng impeksyon. - sa panunulat ni Hannah Oledan 

Alam niyo bang hindi lamang pampapalinaw ng mata,  ang hatid ng pagkain ng kalabasa, sapagkat ito’y nagtataglay ng maraming bitamina sa loob nito.

Kalabasa, madalas ilarawan bilang  pampalinaw ng mata, pero bukod doon marami pang bitamina ang makukuha sa pagkaing ito.

Ang kalabasa ay nakakapagpatibay ng buto dahil sa taglay nitong manganese at vitamin c.

Nakakatulong din ang kalabasa na maiwasan ang cancer dahil nilalabanan nito ang iba’t ibang uri ng cells na nagdudulot ng sakit.

Ang nasabing gulay din ay nakakapagpababa ng blood pressure dahil sa taglay na potassium.

Kaya ano pang hinihintay niyo? Kumain na ng kalabasa! - sa panunulat ni Jenn Patrolla