HEALTH

Alam niyo bang may mga sakit na maaring makuha sa sobrang timbang o obesity?

Ang pagkakaroon ng sobra-sobrang timbang o kondisyon na obesity ay hindi lamang problema sa pisikal bagkus problema din sa kalusugan.

Makakakuha ka ng ilang sakit at ito ang mga sumusunod:

• Sakit sa puso
• Altapresyon
• Stroke
• Diabetes
• Kanser
• Osteoarthritis
• Hirap sa paghinga habang tulog bato sa apdo
• Pagkabaog at
• Sobrang kolesterol sa dugo

Yan ang ilang mga sakit na makukuha mo kung kayo ay sobra sa timbang.

Diet at kumain na masusutansya ang sagot upang maiwasan ang obesity.

Kaya naman ano pa ang hinihintay niyo? Tara na’t magdiet! - sa panunulat ni Jenn Patrolla

Alam niyo ba na ang mata ang pinaka-mahalagang sensory organ ng tao? Kung kaya’t importante na pangalagaan natin ang ating paningin.
Isa sa mga pangunahing paraan ng pag-aalaga sa ating mata ay ang pagkain ng masusustansyang pagkain.
Ang mga pagkain na siksik sa nutrients tulad ng Lutein, Omega-3 fatty acid, Zinc, Vitamin A, C at E ay nakatutulong upang maiwasan ang pagkakaroon ng glaucoma, katarata, at macular degeneration.
Bukod sa pagkakasakit sa baga, may kaugnayan din ang paninigarilyo sa pagkakaroon ng sakit sa mata katulad ng panlalabo at katarata kaya’t kung maaari ay iwasan ito.
Iwasan ang pagbababad sa mga gadget screens tulad ng TV, cellphone at tablet para hindi manlabo o manuyo ang mata at magka-eyestrain.
Nakatutulong din ang regular na pagbisita sa doktor upang malaman ang mga senyales kung ikaw ay mayroon nang masakit sa mata. —mula sa panulat ni Hannah Oledan

Napag-alaman mula sa mga eksperto na ang peras ay maganda sa digestive system o sistema ng panunaw dahil sa mga fiber na taglay nito.

Sinasabing napapanatili rin ang kabusugan sa mahabang oras kapag ito ang kinain.

Maliban sa malaking maitutulong ng prutas ng peras para sa mga nagpapapayat, napapababa rin nito ang level ng cholesterol, at nakatutulong upang mabawasan ang panganib ng pagkakaroon ng sakit sa puso at naiiwasan na ma-develop ang diabetes.

Dagdag pa ng mga eksperto, may taglay din na vitamin C ang peras na pampalakas ng ating immune system.

Alam n’yo ba na bang maraming benepisyong makukuha sa pagkain ng Caimito?

Ayon sa mga eksperto, mainam itong pangontra sa Diabetes.

Bukod dito, nakapagpapaalis din ito ng mga bulate.

Sinasabing nakabubuti ang pinaglagaan nito sa tiyan at baga habang ang katas nito ay mabuti rin sa paghilom ng sugat.

Mahilig ba kayo sa mga pagkaing maaanghang?
Alam niyo ba na bukod sa pampagana ito sa ating pagkain, ay may kalakip din itong benepisyo.
Ang capsaicin na sikretong sangkap ng sili ay katunayang ginagawang supplement.
Mayaman din ang sili sa vitamin a, vitamin c, potassium, folic acid, at fiber.
Posible din nitong mapigilan ang pagkakaroon ng diabetes ayon sa isang pag-aaral at nakitang nakapag-papa-baba ito ng blood sugar.
Mabisa rin itong pampapayat dahil napapabilis nito ang ating metabolism at nagpapainit ng katawan na siyang dahilan ng pagbabawas ng calories.
Napipigilan din nito ang pag-babara ng ugat sa puso, pagpapaluwag ng baradong ilong, at pag-alis ng sakit sa katawan tulad ng arthritis. - sa panunulat ni Hannah Oledan

Isiniwalat ng mga eksperto na makatutulong ang kape para maiwasan ang Alzheimer’s disease at panghihina ng ating isipan.

Ayon sa mga pag-aaral, may sangkap na antioxidants at caffeine ang kape.

Bukod dito, may tulong din ito sa pag-memorya ng ating inaaral pero panandalian lang ang epekto nito.

Sinasabing puwedeng uminom ng isa o dalawang tasang kape sa maghapon.

Ngunit ibinabala rin ng mga eksperto na hindi dapat sobrahan ang pag-inom ng kape dahil lahat naman ng sobra ay masama.