HEADLINES

Halos isang buwan matapos itong ipatupad, ipinatigil na ni Pangulong Ferdinand ‘Bongbong’ Marcos Jr. ang pagkakaroon ng price cap sa bigas.

Noong September 5, 2023 nagkaroon ng temporary price ceiling sa bigas bisa ng Executive Order no. 39 matapos itong irekomenda ng Department of Agriculture at Department of Trade and Industry o DTI. Sa mandatong ito, nakasaad na 41 pesos per kilo ang price cap sa regular-milled rice, samantalang 45 pesos per kilo naman sa well-milled rice.

Ayon sa Department of Agriculture, mas malaki ang ani ng mga magsasaka ngayong 2023 kumpara noong nakaraang taon kaya kasalukuyang may sapat na supply ng bigas ang bansa. Isa ang panahon ng anihan sa dahilan kung bakit ipinatanggal na ang price ceiling sa bigas.

Matatandaan ding viral sa social media ang pag-anunsyo ni Pangulong Marcos Jr. ng paggamit ng kamay na bakal laban sa mga nananabotahe ng ekonomiya gaya ng smugglers at hoarders. Sa pagpaspas ng Senate Bill no. 2432 o Anti-Agricultural Economic Sabotage Act, papatawan ng mas mabigat na parusa ang smugglers at hoarders.

Bukod dito, nitong September 25, 2023 lang, ipinatigil din ni Pangulong Marcos Jr. ang paniningil ng kahit anong toll fees at pass-through fees sa lahat ng mga sasakyang may dalang produkto, kabilang na ang bigas. Dahil dito, inaasahan ng DTI na bababa ang presyo ng mga bilihin. At sa pagbaba ng presyo ng bilihin, hindi na kinakailangang pang magkaroon ng price cap.

Pero ayon sa Pangulo, hindi ibig sabihin nito na ganoon na lang ‘yon dahil kailangan pa ring ayusin ang agriculture sector ng bansa. Tiniyak naman niya na tuloy pa rin ang pamimigay ng ayuda sa mga magsasaka at mga mahihirap na Pilipino.

Matatandaang naging usap-usapan sa social media ang Rice Farmers Financial Assistance Program ng kasalukuyang administrasyon. Sa ilalim ng nasabing programa, tatanggap ang higit sa 2.3 milyong magsasaka ng 5,000 pesos na ayuda.

Galing ang pondong ito sa mga nakolektang buwis sa imported na bigas noong 2022 na aabot ng 12.7-billion pesos. Ayon kay Pangulong Marcos Jr., ang cash assistance mula sa nakolektang buwis ay gagamitin para matulungan ang mga maliliit na magsasaka na mapataas ang produksyon ng palay.

Siniguro rin ni Department of Social Welfare and Development Secretary Rex Gatchalian na ipagpapatuloy pa rin ang Food Stamp Program na pormal na inilunsad noong September 29, 2023.

Ayon kay Pangulong Marcos Jr., nais ng administrasyon niyang labanan ang kagutuman sa bansa, and at the same time, masiguro na makakakuha ng sapat na nutrisyon ang mga makikinabang sa nasabing programa.

Kahit ipinatanggal na ang price cap sa bigas, sinisiguro ni Pangulong Marcos Jr. na hindi pa rin mawawala ang suporta at tulong niya, lalo na sa mga lubos na nangangailangan.

Ipinatitigil na ni Pangulong Ferdinand R. Marcos Jr. ang pagpapatupad ng Executive Order No. 39 o ang pagpataw ng price cap sa bigas.

Sa isang panayam sa Taguig City, kinumpirma ng Pangulo ang pagtigil sa price cap matapos nyang pangunahan ang pamimigay ng libreng bigas sa mga mahihirap na pamilya.

Tiniyak naman ng Pangulo na tuloy pa rin ang ayuda sa mga magsasaka at mahihirap na pamilyang Pilipino.

“As of today, we are lifting the price caps on the rice both for the regular milled rice and for the well-milled rice,” ani Pangulong Marcos.

“So tinatanggal na natin ‘yung mga control. Pero hindi ibig sabihin basta’t ganoon na lang dahil kailangan pa rin natin ayusin ang agricultural sector,” dagdag niya.

Ayon naman kay Social Welfare Secretary Rex Gatchalian, magpapatuloy pa rin ang food stamps program ng DSWD para sa natukoy na isang milyong mahihirap na Pilipino at pagbibigay ng tulong sa mga individual for crisis situations para makabili ng pagkain.

Matatandaan na naglabas ang Palasyo ng Executive Order No. 39 at itinakda ang price cap sa ₱41 para sa regular milled rice kada kilo at ₱45 naman para sa well-milled rice.

Alam mo ba na kahit siya na ang may hawak ng pinakamataas sa posisyon sa bansa, hindi pa rin kinakalimutan ni Pangulong Ferdinand ‘Bongbong’ Marcos Jr. ang pagtawag ng “ma’am” sa mga guro?

Ito ang ibinahagi ni Pangulong Marcos Jr. na labis ikinatuwa hindi lang ng mga guro, pati na rin ng netizens dahil naipapakita nito ang mataas na respeto ng Pangulo sa mga guro. Dagdag pa nga niya, hindi na raw matatanggal ang habit na ito.

Sa ginanap na Konsyerto sa Palasyo: Para Sa Mahal Nating Mga Guro sa Malacañang noong October 1, 2023, nagkwento ang Pangulo tungkol sa isang teacher niya noong elementary na naging inspirasyon niya kung paano niya irespeto ang mga guro hanggang ngayon.

In-organize ang nasabing concert para i-celebrate ang Teachers’ Month ngayong Oktubre. Kasama ni Pangulong Marcos Jr. manood ng Konsyerto sa Palasyo sina First Lady Liza Araneta-Marcos, Vice President and Department of Education (DepEd) Secretary Sara Duterte, Senator Imee Marcos, at iba pa.

Ayon sa Schools Division Superintendent ng Basilan na si Dr. Myra Borja Mangkabung, naramdaman niya ang pagpapahalaga ng Pangulo sa simple gestures nito. Sinang-ayunan ito ng Education Innovation Ambassador ng Sorsogon na si Michelle Rubio na nagsabing tanging si Pangulong Marcos lang ang nagparamdam ng appreciation sa kanila sa kabila ng pagsubok na kinakaharap nila mula sa COVID-19 pandemic.

Idiniin naman ni Engr. Reynaldo Ramos na hindi lang presentation ng Filipino talents ang nangyaring concert. Effective way rin ito para ipakita ang special concern ng Marcos administration sa mga guro sa Pilipinas.

Ayon sa Master Teacher II ng Jose Panganiban National High School sa Camarines Norte na si John Edward Atiwag, sa sampung taon niyang pagtuturo, ito ang unang beses na nag-organisa ang gobyerno ng special event para sa Teachers’ Month celebration

Kinabukasan, October 2, nangako ang Pangulo na patuloy nilang sisikapin na matugunan ang pangangailangan ng education sector, lalo na ang mga guro, mga estudyante, at mga paaralan.

Matatandaan na kamakailan lang, inutusan ni Pangulong Marcos Jr. ang DepEd na magsagawa ng pag-aaral para sa long-term approach ng pagpapataas ng sahod ng mga guro, on top ng wage hike na natanggap nila sa ilalim ng Salary Standardization Law. Effort niya ito upang tuparin ang kanyang campaign promise na salary increase para sa mga guro.

Sabi nga ni Dr. Mangkabung, masaya silang mga guro dahil may boses na sila at napapakinggan ito ng kasalukuyang administrasyon.

Dagdag din ni Engr. Ramos, nakaka-boost ng morale ang pagpapahalaga ng gobyerno sa sipag at tiyaga ng mga guro sa bansa at masasabi niyang ito ang Bagong Pilipinas.

Isinulong ni Senator Christopher “Bong” Go na maitaas ang pondo at maipatupad ng tama ang mga mental health program.

Ginawa ni Go ang pahayag sa pagdinig sa budget ng Department of Health (DOH).

Ayon kay Go, tumataas ang mga insidente ng mental health issues at hindi ito maaaring pabayaan lamang.

“Hindi rin natin dapat kalimutan ang sapat na pondo para sa mental health programs lalo na sa panahon ng pandemya na marami sa ating mga kababayan ang apektado po ang mental health,” ayon kay Go.

Sinabi ni Go na kinaltasan ng mahigit 10 billion pesos ang budget para sa DOH sa taong 2024 kumpara ngayong 2023.

Ayon sa senador, marami pang programa ang ahensya na kailangang mapaglaanan ng pondo kaya dapat maitaas pa ang budget nito.

Dahil dito ay inendorso ni Go ang pagbibigay ng dagdag na alokasyon sa DOH.

“With that, I endorse additional funding for the Department of Health. Pagtulungan po natin ito, the more we should invest sa ating health sa panahon ngayon,” dagdag ni Go.

Si Go ay co-author at co-sponsor ng Senate Bill No. 2200 o ang Basic Education Mental Health and Well-Being Promotion Act.

Layunin ng panukala na magbigay ng komprehensibong mental health support para sa mga kabataan sa ilalim ng basic education system.

Isinusulong din ni Go ang SBN 1786 na layong atasan ang mga public higher education institutions na magkaroon ng Mental Health Offices sa mga campus.

“Last year, as chair of the Senate Health Committee, we have successfully pushed for a special provision to use the additional PhP21 billion under the 2023 national budget for the improvement of various PhilHealth packages,” sabi pa ni Go.

Usap-usapan ngayon sa social media ang pagpapatigil ni Pangulong Ferdinand ‘Bongbong’ Marcos Jr. sa pangongolekta ng libo-libong pass-through fees sa mga sasakyang may dala ng pagkain at kalakal.

Para kay Department of Trade and Industry (DTI) Secretary Alfredo Pascual, perfect timing ito.

Ano nga ba ang epekto ng aksyong ito ni Pangulong Marcos Jr. ngayong paparating na holiday season?

Inisyu ni Pangulong Marcos Jr. ang Executive Order (EO) No. 41 noong September 25, 2023. Nagbabawal ito sa local government units (LGUs) na mangolekta ng kahit anong pass-through fees sa lahat ng sasakyang naghahatid ng mga produkto.

Simula September 28, bawal na mangolekta ang LGUs ng toll fees, market fees, entry fees, sticker fees, discharging fees, delivery fees, mayor’s permit fees, at iba pa na kadalasang umaabot mula 75 pesos hanggang 2,500 pesos kada truck.

Dahil sa aksyong ito ni Pangulong Marcos Jr., inaasahan ng DTI na bababa ang presyo ng pagkain ngayong pagsapit ng ber months. Perfect timing ito ngayong paparating na ang holiday season.

Ayon kay Secretary Pascual, tumataas ang gastos sa logistics o pag-transport ng mga produkto dahil sa pass-through fees. Naipapasa ang gastos na ito sa mga konsyumer sa pamamagitan ng mataas na presyo ng bilihin.

Ayon sa pag-aaral ng World Bank na inilabas noong nakaraang taon, 26% ng production cost ng mga produkto at serbisyo sa Pilipinas ay mula sa logistics. Mas mataas ito ng 15% kumpara sa ibang Asian countries.

Dahil sa gastos sa pass-through fees, nanghingi ng permission ang ilang retailers na pataasin ang suggested retail price (SRP). Pero imbes na pataasin pa lalo ang presyo ng bilihin, tinanggal na lang ni Pangulong Marcos Jr. ang pangongolekta ng toll fees at iba pa.

Pinasalamatan ng ilang food manufacturers gaya ng Canned Sardines Association of the Philippines ang Pangulo dahil dito.

Bukod sa pagpapababa ng presyo ng mga bilihin, mapapabilis din nito ang delivery of goods. Sabi nga ni Secretary Pascual, fresh nang makakarating ang mga produkto from farms to markets.

Masasabing parehas na retailers at konsyumer ang makikinabang sa naging aksyon ni Pangulong Marcos Jr. na ipatigil ang pangongolekta ng pass-through fees. Ngayong ber months, asahan natin na mas magiging masaya ang holiday season dahil sa pagbaba ng mga presyo ng bilihin.

Viral ngayon sa social media ang matapang na utos ni Pangulong Ferdinand ‘Bongbong’ Marcos Jr. na tanggalin ang bakod na inilagay ng China sa Bajo de Masinloc o mas kilala bilang Scarborough Shoal.

Matatandaang nagsagawa ng special operation ang Philippine Coast Guard (PCG) noong September 23, 2023 para tanggalin ang 300-meter floating barrier sa entrance ng Scarborough Shoal. Pagsunod ito sa utos ni Pangulong Marcos Jr.

Hindi komunsulta ang Pangulo sa mga pamahalaan ng US, Japan, at Australia bago ipag-utos ang pagpapatanggal ng bakod. Para sa professor ng La Salle International Studies na si Renato de Castro, ipinakita ng aksyon ng Pangulo ang independent foreign policy at desisyon na harapin ang maritime expansionism ng China Coast Guard.

Ayon kay Prof. de Castro, naipapakita ni Pangulong Marcos Jr. ang strong political will niya para matiyak ang food security ng mga Pilipino, lalo na para sa mga mangingisda. Matatandaang nagmistulang nakaharang na bakod para hindi makapasok ang mga mangingisdang Pilipino ang inilagay na floating barrier ng China Coast Guard sa Scarborough Shoal. Ngayong tinanggal na ang bakod, malaya na silang nakakapangisda.

Aligned sa international law at sovereignty ng Pilipinas ang isinigawang pag-uutos ni Pangulong Marcos Jr. na ipatanggal ang floating barriers ayon kay PCG Commodore Jay Tarriela.

Matatandaan ding base sa 2016 Arbitral Award na ibinigay sa bansa noong July 12, 2016, traditional fishing ground ng Pilipinong mangingisda at parte ng teritoryo ng Pilipinas ang Scarborough Shoal.

Sinabi rin ni Prof. de Castro na ipinaaalam ng aksyong ito ni Pangulong Marcos Jr. sa gobyerno ng China kung paano haharapin ng kasalukuyang administrasyon ang mga illegal na aktibidad sa West Philippine Sea at kung paano niya ipagtatanggol ang sariling teritoryo ng bansa.

Dagdag pa ng eksperto, nagulat sa naging desisyon ni Pangulong Marcos Jr. at ngayon medyo natataranta na ang gobyerno ng China.

Siniguro noon ng Pangulo na gagawin ng administrasyon niya ang lahat para mapayapang masolusyunan ang isyu sa West Philippine Sea nang hindi sinusuko ang karapatan ng Pilipino sa sariling karagatan. Sinabi rin niya noon na aksyon at hindi salita ang susukat sa commitment para masiguro ang peace at stability sa West Philippine Sea.

Aabot sa 2.3 milyong magsasaka ang tatanggap ng tig-P5,000 na ayuda mula sa mga nakolektang taripa o buwis sa imported na bigas noong 2022 na P12.7 bilyon.

Ito ay matapos aprubahan ni Pangulong Ferdinand R. Marcos Jr. ang paglalabas ng P12.7 bilyong pondo para sa Rice Farmers Financial Assistance program (RFFA).

Matatandaan na ibinasura ni Pangulong Marcos ang panukala ng kanyang economic team na babaan ang buwis sa imported na bigas bilang pagpabor sa mga Pilipinong magsasaka.

Ayon sa Pangulo, ang cash assistance gamit ang buwis sa imported na bigas ay gagamitin para matulungan ang mga maliit na magsasaka na mapataas ang produksyon ng palay.

Dagdag ng Pangulo,  makakatulong din ito para mapanatili ang produksyon at kanilang productivity kahit pa mayroong El Niño.

Nakasaad sa programa na nasa 2.3 milyong magsasaka ng palay na naka-rehistro sa Registry System for Basic Sectors in Agriculture (RSBSA) ang mabibigyan ng ayuda.

Kabilang sa mga makatatanggap ng ayuda ang mga Farm Cooperatives Associations (FCAS), Irrigators Associations (IAS), ­Agrarian Reform Beneficiaries Organizations (ARBOS), Small Water Impounding Systems Associations (SWISAS), at iba pang farm groups.

Bukod dito inaprubahan din ng Pangulo ang paggamit sa P700 milyong excess tariff collections para sa “Palayamanan Plus” conditional cash transfer na nasa ilalim naman ng Household Crop Diversification program.

Layunin naman nito na matulungan ang mga RSBSA-registered farmers na nakalista rin sa Pantawid Pamilyang Pilipino Program (4Ps) ng Department of Social Welfare and Development (DSWD).

Tinatayang nasa 78,000 benepisyaryo ang makikinabang dito, habang makatatanggap din sila ng tig-P10,000.

Matatandaang viral sa social media ang pagtutol ni Pangulong Ferdinand ‘Bongbong’ Marcos Jr. na pababain ang taripa o buwis na ipinapatong sa imported na bigas. Ngayon, may good news ulit kami dahil kamakailan lang, inaprubahan ni Pangulong Marcos Jr. ang paglalabas ng pondo para sa Rice Farmers Financial Assistance Program (RFFA).

Ano ang Rice Farmers Financial Assistance Program?

Sa bisa ng Republic Act 11203 o Rice Tariffication Law na nilagdaan ni Dating Pangulong Rodrigo Duterte noong February 14, 2019, kasalukuyang minimum 35% na buwis ang ipinapatong sa imported rice. Iminungkahi naman ng Department of Finance na pababain ang buwis ng imported rice to 0% or maximum 10% para masolusyunan ang mabilis na pagtaas ng presyo ng bigas.

Hindi pumayag dito si Pangulong Marcos Jr. dahil masama ang epekto nito sa mga magsasaka. Giit niya, rice importers lang ang makikinabang sa pagpapababa ng taripa at hindi ang mga magsasakang Pilipino dahil posibleng mas piliin na lang ng retailers na mag-import kaysa bumili sa mga magsasaka.

Ayon sa Chairman ng Samahang Industriya ng Agrikultura o SINAG na si Rosendo So, pabor na pabor para sa mga magsasaka ang naging desisyon ni Pangulong Marcos Jr. na ibasura ang panukalang pababain ang taripa.

Aniya, hangad nilang mapunta sa mga magsasaka ang makokolektang taripa sa imported rice. At ngayon nga, tutuparin ito ni Pangulong Marcos Jr.

Sa ilalim ng Rice Farmers Financial Assistance Program, tatanggap ang higit sa 2.3 milyong magsasaka ng 5,000 pesos na ayuda.

Galing ang pondong ito sa mga nakolektang taripa sa imported na bigas noong 2022 na aabot ng 12.7-billion pesos. Ayon kay Pangulong Marcos Jr., gagamitin ang cash assistance mula sa nakolektang taripa para matulungan ang mga maliliit na magsasaka na mapataas ang produksyon ng palay.

2.3 milyong magsasaka na nakarehistro sa Registry System for Basic Sectors in Agriculture (RSBSA) ang makakatanggap ng cash assistance ayon sa nasabing programa. Kasama dito ang farmers cooperatives associations (FCAs), irrigators associations (IAs), agrarian reform beneficiaries organizations (ARBOs), small water impounding systems associations (SWISAs), at iba pang farm groups.

Bukod sa Rice Farmers Financial Assistance Program, inaprubahan din ni Pangulong Marcos Jr. ang paggamit ng excess tariff collections na aabot ng 700-million pesos para sa Palayamanan Plus. Layunin ng programang ito na matulungan ang RSBSA-registered farmers na nakalista rin sa Pantawid Pamilyang Pilipino Program (4Ps) ng Department of Social Welfare and Development (DSWD). Sa Palayamanan Plus program naman, nasa 78,000 beneficiaries ang makikinabang sa cash assistance na 10,000 pesos.

Mula sa pagtutol na pababain ang taripa sa imported na bigas hanggang sa pamimigay ng nakolektang taripa direkta sa mga magsasaka, pati na rin sa pagpapataas ng buying price ng palay, masasabing sinisikap ni Pangulong Marcos Jr. na gawing pro-farmer government ang Pilipinas.