HEADLINES

Layon ng Bagong Pilipinas campaign ni Pangulong Ferdinand Marcos Jr. na ilapit ang mga pribadong sektor sa pamahalaan.

Ito ang binigyang-diin ni First Lady Liza Araneta-Marcos na nagsabing bahagi ito ng master plan ng naturang kampanya upang magkaroon ng “genuine development” ang lahat ng Pilipino.

Ayon sa First Lady, hindi kaya ng pamahalaan na tugunan ang lahat ng problema ng bansa, kaya dapat nitong makipagtulungan sa mga pribadong sektor.

Isang bunga aniya ng pagtutulungan ng pamahalaan at pribadong sektor ang matagumpay na “Lab For All” caravan na nagbibigay ng libreng legal at medical consultations, laboratory services, dental procedures, eyeglasses, gamot, at health kits para sa mga Pilipino.

Iginiit ng First Lady, ang tunay na kahulugan ng Bagong Pilipinas ay ang pagkakaisa ng mga publiko at pribadong sektor para sa ikabubuti ng sambayanan, kung saan walang puwang ang paninira, pambabatikos, at batuhan ng masasakit na salita.

Nanumpa kay dating Pangulo at ngayon ay Pampanga 2nd district Rep. Gloria Macapagal-Arroyo ang mga bagong opisyal at Board of Trustees ng Capampangan In Media Inc. (CAMI).

Ginanap ang oath taking ceremony sa Quezon City nitong Martes, Pebrero 6, kung saan dito’y hiniling ni PGMA sa mga bagong opisyal na magtrabaho at tuparin ang layunin ng CAMI, batay sa kanilang mandato bilang mga mamamahayag.

“I urge the new officers to work for the attainment of CAMI objectives of defending the freedom of the press, maintain the highest ethical standards of journalism, help upgrade the competence and welfare of Capampangan journalists, and promote the culture and positive traditions of my “cabalen,” ani ex-PGMA.

Ang mga bagong opisyal ng CAMI ay sina Dionisio “Nonnie” Pelayo, retired columnist bilang Chairman; Broadcaster at former DZMM station Manager Mario Garcia bilang Vice Chairman; CAMI President Vittorio Vitug ng Business Mirror, Vice President for National Gadmer “Mer” Layson, TV Host, Vlogger at Reporter ng Pilipino Star Ngayon (PSN)/Pang Masa (PM); Vice President for Local Robert Mananguil, former OPS Undersecretary; Secretary Precy Pintor Cunanan, Senior Communications Officer ng CDC; Treasurer Abel Cruz, Host-Producer ng Out of town Travel Show ng Cignal TV at Auditor na si Ric Sapnu ng Philippine Star.

Kabilang naman sa mga Board of trustees ng CAMI sina Federico “Dik” Pascual, veteran-editor and Columnist; Willie Villarama, President ng Manila Times at columnist; Romeo Dizon ng Manila Stardard columnist; Roly Eclevia, Freelance writer; Numeriano “Ner” Dayrit, PR practitioner; Willie Capulong, Columnist; Philip Lustre Jr., book author at Joann Manabat ng Rappler.

Inatasan ni Pangulong Ferdinand Marcos Jr. ang Philippine National Police (PNP) at Department of the Interior and Local Government (DILG) na pahusayin ang cybersecurity measures ng bansa, kaugnay sa pagtaas ng kaso ng cybercrime sa huling quarter ng 2023.

Sa ginanap na palace briefing, ibinahagi ni PNP chief Gen. Benjamin Acorda na nais ni Pangulong Marcos na sanayin ang mga tauhan ng ahensya at mag-invest sa teknolohiya upang matugunan ang mga banta sa cybersecurity at cybercrime.

Kaugnay nito, plano ng DILG na magtatag ng National Cybercrime Training Institute, ayon kay Sec. Benjamin Abalos Jr.

Matatandaang batay sa 2023 Asia Scam Report, Pilipinas ang naitalang may pinakamataas na shopping fraud rate.

Ayon kay Gen. Acorda, ang most common cybercrime mula July 2022 hanggang January 2024 ay estafa (15,000 cases); unauthorized access (4,800); identity theft (2,300); online defamation (2,000); at credit card fraud (2,000).

Naging pabor sa mga magsasakang Pilipino ang nabawas na 300,000 metric tons (MT) ng bigas mula sa rice imports ng bansa na bunga ng mga naging direktiba ni Pangulong Ferdinand Marcos Jr.

Sa ilalim ng administrasyong Marcos, nakamit ng Pilipinas ang pinakamalaking ani nitong 20.06 million MT ng palay noong nakaraang taon. Mas mataas ito ng 1.5% kumpara noong 2022.

Ayon kay Pangulong Marcos, ang pagbibigay ng pamahalaan ng magandang uri ng binhi at pataba sa mga magsasaka ang naging dahilan kung bakit tumaas ang rice production sa bansa.

Pangako niya, mananatili ang suporta ng pamahalaan sa mga magsasaka, kasabay ng paghahanda sa epekto ng El Niño.

Tiniyak din ng Pangulo na patuloy na tutulungan ng administrasyon ang mga magsasaka sa ilalim ng Rice Competitiveness Enhancement Fund na gagamitin sa distribusyon ng tillers, tractors, seeders, rice planters, driers, at iba pang kagamitang pansaka.

Record-high ang produksyon ng bigas noong 2023.

Ito ang iniulat ni Pangulong Ferdinand Marcos Jr. na nagsabing nakapag-ani ang bansa ng 20.06 million metric tons (MT) ng bigas noong nakaraang taon.

Mas mataas ito ng 1.5% kumpara sa 19.76 million MT ng bigas noong 2022.

Ayon sa Pangulo, ang pagbibigay ng pamahalaan ng magandang uri ng binhi at pataba sa mga magsasaka ang naging dahilan kung bakit tumaas ang rice production sa bansa.

Samantala, tiniyak ni Pangulong Marcos na patuloy na palalakasin ng pamahalaan ang sektor ng agrikultura at tutulungan ang mga magsasaka sa pamamagitan ng Rice Competitiveness Enhancement Fund na may inilaang P10 billion na pondo.

Gagamitin ang malaking bahagi ng naturang pondo sa distribusyon ng tillers, tractors, seeders, rice planters, driers, at iba pang kagamitang pansaka.

Pinangunahan ng mga opisyal ng PCSO sa pangunguna ni General Manager Mel Robles ang pagbibigay ng PTV Patient Transport vehicle sa Munisipalidad ng Real sa lalawigan ng Quezon.

Ang nasabing pamahahagi ng sasakyan ay sinaksihan din nina PCSO Assistant General Manager for Charity Sector Dr. Larry Cedro, Charity Assistance Department OIC Department Manager Atty Marissa Medano at PTV Recipient Real Mayor Diana Abigail Diestro Bing Aquino.

Nagpapasalamat si GM Robles sa malaking tulong ng publiko sa pagtangkilik sa gaming products ng pcso tulad ng lotto games, STL at sweepstakes bilang suporta sa charitable programs ng pcso kabilang ang PTV donation program.

Nagpaabot din ng pasasalamat si Mayor Aquino sa bagong sasakyan na malaking tulong aniya para mabilis na mai biyahe sa pinakamalapit na medical facilities ang mga pasyente, senior citizens at iba pang nangangailangan ng tulong.

Muling binigyang-diin ng PCSO ang commitment nitong patuloy na tumulong sa mga pilipinong nangangailangan na katunayan ng #PCSO hindi umuurong sa pagtulong.