HEADLINES

HEADLINES HOT STORIES OF THE WEEK NATIONAL NEWS

TRANSMISSION LINES HIT BY MAGNITUDE 7.8 MINDANAO EARTHQUAKE FULLY RESTORED —NGCP NAIBALIK NA ANG LAHAT NG POWER TRANSMISSION LINES NA NAPINSALA NG MAGNITUDE 7.8 NA LINDOL SA SOUTHERN MINDANAO. AYON SA NATIONAL GRID CORPORATION OF THE PHILIPPINES, NAAYOS ANG SERBISYO NG POWER TRANSMISSION SA SOUTH COTABATO, SARANGANI, AT GENERAL SANTOS CITY KAHAPON, ALA-UNA TRENTA’Y OTSO. PATULOY NA MINO-MONITOR NG N.G.C.P. ANG SITWASYON SA MGA APEKTADONG LUGAR UPANG MATIYAK ANG KATATAGAN AT KALIGTASAN NG TRANSMISSION SYSTEM. NAUNA NANG INATASAN NG DEPARTMENT OF ENERGY ANG GRID OPERATOR NA PABILISIN ANG PAGSUSURI AT PAGKUKUMPUNI NG MGA NASIRANG PASILIDAD UPANG AGAD NA MAIBALIK ANG SERBISYO NG KURYENTE.

Naibalik na ang lahat ng power transmission lines na napinsala ng magnitude 7.8 na lindol sa Southern Mindanao.

Ayon sa National Grid Corporation of the Philippines (NGCP), naayos ang serbisyo ng power transmission sa South Cotabato, Sarangani, at General Santos City kahapon, Hunyo 9.

Patuloy na mino-monitor ng NGCP ang sitwasyon sa mga apektadong lugar upang matiyak ang katatagan at kaligtasan ng transmission system.

Nauna nang inatasan ng Department of Energy (DOE) ang grid operator na pabilisin ang pagsusuri at pagkukumpuni ng mga nasirang pasilidad upang agad na maibalik ang serbisyo ng kuryente. - mula sa panulat ni Jordan Gutierrez

June 10, 2026 0 comment

HEADLINES

PAGKAMATAY NG DALAWANG STUDENT-ATHLETE NG ATENEO, PAI-IMBESTIGAHAN SA KAMARA NG ISANG MAMBABATAS

written by DWIZ 882

Maghahain ng House Resolution si Pinoy Workers Party-list Rep. Karl Fernandez Legazpi para himukin ang House Committee on Youth and Sports Development na magsagawa ng imbestigasyon bilang bahagi ng kasalukuyang mga polisiya at safety standards para sa mga student-athletes kasunod ng pagkamatay ng dalawang Ateneo student-athletes sa isang team-building activity sa Aurora.

Bilang Vice Chairperson ng House Committee on Youth and Sports Development, hihilingin ni Legazpi sa komite na magsagawa ng inquiry in aid of legislation upang suriin kung sapat ba ang umiiral na mga panuntunan, mekanismo ng pananagutan, at mga hakbang sa kaligtasan ng mga athletic program na isinasagawa sa mga paaralan.

Kasabay nito, nagpahayag ng pakikiramay ang mambabatas sa pamilya, mga kaibigan, at buong komunidad ng Ateneo sa pagpanaw nina Divine Adili at Rene Clert Baterbonia.

Ayon kay Legazpi, ang maagang pagpanaw ng dalawang atleta ay napakalaking kawalan hindi lamang para sa kanilang mga pamilya at paaralan kundi maging sa larangan ng pampalakasan sa buong bansa.

Sinabi ng mambabatas na bagama’t mahalagang bahagi ng paghubog ng disiplina at kahusayan ang sports, dapat ding matiyak ng mga institusyong nangangasiwa sa mga kabataang atleta ang kanilang kaligtasan at kapakanan.

Paliwanag ni Legazpi, na dating Commissioner-at-Large ng National Youth Commission, matagal na niyang isinusulong ang kapakanan, proteksyon, at kabuuang pag-unlad ng kabataang Pilipino.

Layunin aniya ng imbestigasyon na hindi lamang matukoy ang mga pangyayari sa insidente kundi makapaglatag ng mga repormang magpapalakas sa proteksyon ng mga student-athletes sa buong bansa upang maiwasan ang kaparehong trahedya sa hinaharap. | via Geli Mendez (Patrol 30)

June 9, 2026 0 comment

HEADLINES NATIONAL NEWS

Bilang ng mga nasawi sa 7.8 magnitude na lindol sa Mindanao, umakyat na sa 37!

written by DWIZ 882

Umakyat na sa tatlumpu’t pitong indibidwal ang nasawi dulot ng magnitude 7.8 na lindol sa Mindanao.

Batay sa datos ng Office of Civil Defense, kabilang sa naitalang mga nasawi ang apat mula sa Region 11 at tatlumpu’t tatlo mula sa Region 12.

Patuloy namang nagsasagawa ng search and rescue operations ang mga otoridad sa mga apektadong lugar upang matiyak ang kaligtasan ng iba pang residente.

Samantala, inaasahang posible pang tumaas ang bilang ng mga nasawi habang nagpapatuloy ang operasyon at beripikasyon ng mga labi mula sa mga lugar na tinamaan ng lindol.—sa panulat ni Reabelle Medina

June 9, 2026 0 comment

HEADLINES HOT STORIES OF THE WEEK NATIONAL NEWS NEWS RONDA PROBINSYA

150 COAST GUARD RESPONDERS IPINADALA SA GENSAN PARA SA EARTHQUAKE RESPONSE

written by DWIZ 882

Nag-deploy ang Philippine Coast Guard ng 150 responders, kabilang ang karagdagang search-and-rescue dogs, upang palakasin ang operasyon sa pagtugon sa mga naapektuhan ng lindol sa General Santos City nitong June 9.

Ipinadala rin ng ahensya ang mga response team at search-and-rescue dogs sa isang gumuhong gusali sa Barangay Calumpang. Samantala, hiwalay na mga yunit ang ipinakalat sa Barangay Bawing para hanapin ang dalawang indibidwal na naiulat na nawawala matapos ang lindol.

Patuloy ang koordinasyon ng PCG sa mga lokal na awtoridad upang matiyak ang mabilis na pagresponde at kaligtasan ng mga residente sa mga apektadong lugar.

June 9, 2026 0 comment

HEADLINES HOT STORIES OF THE WEEK

LTFRB, NAGPALABAS NG SPECIAL PERMIT PARA SA MGA BUS NA MAGLILIPAT NG STRANDED NA MGA PASAHERO SA GENSAN AIRPORT

written by DWIZ 882

Inatasan ni Transportation Secretary Giovanni Lopez ang Land Transportation Franchising and Regulatory Board na magpalabas ng special permit sa mga bus para ilipat ang mga stranded na pasahero sa General Santos airport patungong Davao.

Nabatid na Davao International Airport lamang ang hinayaang mag-operate ng Department of Transportation sa rekomendasyon ng Civil Aviation Authority of the Philippines.

Dahil dito, pinapayagan ng LTFRB ang mga bus operator na ilipat ang mga apektadong pasahero sa Gensan patungong Davao.

Ayon kay Sec. Lopez, inatasan ang DOTR ni Pangulong Ferdinand Marcos Jr. na magtungo sa Gensan at iba pang bahagi ng Mindanao upang tiyaking ligtas ang mga pasilidad ng pamahalaan at mapagsilbihan ang mga biyaherong apektado ng lindol. | via Raoul Esperas (Patrol 45)

June 9, 2026 0 comment

HEADLINES

GENSAN AIRPORT, MANANATILING SARADO HANGGANG HUNYO 11 DAHIL SA EPEKTO NG LINDOL

written by DWIZ 882

Nananatiling sarado ang General Santos Airport matapos tumama ang magnitude 7.8 na lindol sa naturang lugar.

Ayon sa Department of Transportation, ito’y kaugnay sa abiso ng Civil Aviation Authority of the Philippines, at nagpalabas na rin ng Notice to Airmen para sa lahat ng mga commercial pilot.

Nabatid na umabot sa labimpito ang mga nakanselang chartered o commercial flight, at inaasahan pa na hanggang Hunyo 11 sarado ang paliparan.

Inaabisuhan naman ang mga apektadong pasahero na makipag-ugnayan sa kanilang mga airline upang malaman kung kailan manunumbalik ang kanilang mga biyahe. | Raoul Esperas (Patrol 45)

June 9, 2026 0 comment

HEADLINES HOT STORIES OF THE WEEK NATIONAL NEWS

CEBU, NAGLAAN NG P10-M AYUDA PARA SA GENSAN QUAKE VICTIMS

written by DWIZ 882

Naglaan ng P10 million calamity assistance ang pamahalaang panlalawigan ng Cebu para sa General Santos City na matinding naapektuhan ng 7.8 magnitude na lindol.

Ayon sa Cebu Provincial Board, agad na inaprubahan ang resolusyon matapos hilingin ni Governor Pamela Baricuatro ang agarang ayuda para sa mga residente ng nasabing lugar.

Bukod dito, inatasan din niya Gov. Baricuatro ang Provincial Disaster Risk Reduction and Management Office na makipag-ugnayan sa iba pang disaster response teams para sa karagdagang tulong.

Kaugnay nito, magpapadala rin ng ayuda ang sangguniang panlungsod ng Mandaue.

Matatandaang tumanggap din ng suporta ang Cebu mula sa iba’t ibang lokal na pamahalaan matapos ang magnitude 6.9 na lindol sa Bogo City noong September, 2025. | mula sa panulat ni Reabelle Medina

June 9, 2026 0 comment

HEADLINES NATIONAL NEWS

ROSECUTION PANEL, KAY GATCHALIAN LANG SUSUNOD SA IMPEACHMENT TRIAL — LUISTRO

written by DWIZ 882

Nilinaw ni House lead prosecutor Jinky Luistro na si acting Senate President Win Gatchalian lamang ang kikilalanin ng House prosecution panel kaugnay ng impeachment proceedings laban kay Vice President Sara Duterte.

Ayon kay Luistro, kung sakaling magkaroon ng magkahiwalay na abiso para sa pagdinig, tanging ang mga kautusang magmumula sa lideratong kinikilala ng Kamara ang kanilang susundin.

Aniya, dahil kinikilala ng House of Representatives ang pamumuno ni Gatchalian, doon lamang haharap at makikipag-ugnayan ang prosecution panel sa Impeachment Court.

June 8, 2026 0 comment

HEADLINES NATIONAL NEWS

Panibagong dagdag-bawas sa mga produkto ng langis, kasado na bukas!

written by DWIZ 882

Abiso sa mga motorista!

Panibagong dagdag-bawas sa presyo ng langis ang tatambad sa mga motorista bukas.

Ayon sa Department of Energy, aabot hanggang P5.77 ang dagdag sa kada litro ng diesel, at hanggang P8.10 sa kada litro ng kerosene.

Sa gasolina naman, tinataya ng DOE na aabot sa 1.70 na rollback o P0.30 na bawas sa kada litro nito.

Gayunman, hinihintay pa rin ang anunsyo ng mga kompanya ng langis tungkol sa mga price adjustment ng kanilang mga produktong petrolyo, na karaniwang epektibo tuwing Martes, alas-sais ng umaga.

June 8, 2026 0 comment

Newer Posts

Older Posts