Nanawagan si Sen. Erwin Tulfo sa 18 self-confessed bagmen na dumalo sa Blue Ribbon Committee meeting kaugnay ng isyu ng umano’y anomalya sa mga flood control projects ngayong Hunyo 8.
Ang 18 indibidwal, na inilarawang mga dating Marines, ay kasalukuyang nasa tanggapan ni Sen. Robin Padilla para sa isang press conference.
Kinondena ni Sen. Raffy Tulfo ang pagtawag ni Sen. Loren Legarda na “mga bayani” ang 18 umano’y bagmen ni dating Cong. Zaldy Co.
Ayon kay Tulfo, hindi dapat ituring na bayani ang mga indibidwal na umaming naging bahagi ng umano’y ilegal na gawain, sa gitna ng nagpapatuloy na imbestigasyon sa mga alegasyon ng kickback sa mga flood control projects.
“Itong 18 kargador na ilang taon umanong nagtrabaho kay Zaldy Co…at bigla na lamang daw silang tinubuan ng konsensya at ngayon ay naninira ng buhay ng mga inosenteng tao ay tatawagin nating bayani?
Pasensya na, hindi ako papayag na matabi ang mga sinungaling na ito kina Jose Rizal, Andres Bonifacio, at ang mga dakila nating OFWs.
At dito papasok ang pangalawa kong punto, hindi lang ang kredibilidad ng 18 kargador ang kaduda-duda, kundi pati ang mismong kanilang testimonya ay nakakapagtaka,” ani Tulfo.
Humingi ng paumanhin si Sen. Erwin Tulfo sa kanyang matitinding pahayag sa gitna ng tensyon sa Senado nitong mga nakaraang araw.
Aminado siya na hindi angkop ang kanyang naging salita kaugnay ng mga panukalang pagpapaaresto at pagpapaalis sa ilang indibidwal sa plenaryo, at nanawagan na magkaisa ang mga senador upang maipagpatuloy ang trabaho para sa publiko.
#dwiz #dwiznews #aliw23
Nanawagan si Ombudsman Jesus Crispin Remulla kay Senador Alan Peter Cayetano na panatilihin ang kahinahunan sa gitna ng umiinit na sigalot sa liderato ng Senado.
Anya, dapat maghunos-dili si Senador Cayetano at pag-isipang mabuti ang sitwasyon.
Kasunod ito ng pagpupulong ng Senado noong June 3 kung saan labindalawang senador ang bumoto para italaga si Sen. Sherwin Gatchalian bilang acting Senate President.
Samantala, nilinaw naman ni Sen. Gatchalian na nakabatay ang kanilang hakbang sa desisyon ng Korte Suprema sa kasong Avelino vs. Cuenco, na nagsasabing sapat ang mayoryang labindalawa sa dalawampu’t dalawang miyembro upang magkaroon ng quorum at makapagsagawa ng mga opisyal na aksyon.—sa panulat ni Reabelle Medina
Iginiit ni Senador Loren Legarda na nananatili siyang Senate President Pro Tempore dahil kulang ng isang boto ang grupong pinamunuan ni Senador Sherwin Gatchalian upang legal na makapaghalal ng mga bagong opisyal ng Senado.
Ayon kay Sen. Legarda, malinaw sa Konstitusyon na binubuo ng 24 senador ang mayorya o 13 boto para makapili ng bagong Senate President at iba pang opisyal.
Samantala, iginiit ng kampo ni acting Senate President Sherwin Gatchalian na legal ang naging reorganisasyon ng Senado na batay sa desisyon ng Korte Suprema sa kasong Avelino vs. Cuenco, na itinuring nilang sapat ang labindalawang senador bilang quorum dahil may isang nakakulong at isang nagtatago.—sa panulat ni Reabelle Medina
Naglabas ang Department of Education (DepEd) ng bagong patakaran na gagabay sa mga paaralan sa pagdedesisyon kung kailan isususpinde ang klase bago, habang, at pagkatapos ng mga emerhensiya.
Sa ilalim ng DepEd Order No. 14 s. 2026, binigyan ng kapangyarihan ang mga school head na makipag-ugnayan sa Schools Division Superintendent at mga lokal na pamahalaan upang magpatupad ng “granular suspension” ng klase batay sa aktwal na sitwasyon sa kanilang komunidad.
Ibig sabihin, maaari nang magsuspinde ng klase nang hindi kailangang buong dibisyon ang apektado, kundi maaaring sa partikular na classroom o grade level lamang.
Mariing pinuna ni Atty. Alex Lacson, Co-convenor ng Dapat Isa Lang ang House Bill 8389 na tinatawag na “Anti-Dynasty Bill,” dahil para sa kanya, hindi ito tunay na laban sa political dynasty.
Ayon kay Lacson, hindi nito tunay na pinipigilan ang pag-usbong ng mga pamilya sa politika. Sa halip, mas lalo pa umano nitong binibigyan ng puwang ang mga pamilya na makapag-okupa ng iba’t ibang posisyon sa gobyerno sa parehong panahon.
Ipinaliwanag niya na sa ilalim ng panukala, maaaring sabay-sabay na makapwesto sa gobyerno ang mga miyembro ng isang pamilya—gaya ng governor, congressman, mayor, at maging mga lokal na posisyon—hangga’t nasa magkaibang lugar o distrito.
Dahil dito, giit ni Lacson, mas tamang tawagin ang panukala na “pro-dynasty” kaysa “anti-dynasty,” dahil tila mas lalo pa nitong ginagawang legal at mas malawak ang sakop ng political dynasties sa bansa.
Nilinaw ni National Police Commission (NAPOLCOM) Commissioner Rafael Calinisan na ang mga pulis lamang na nasasangkot sa mga isyung kumalat o nag-viral online ang ipinapakita sa media.
Sa isang press conference, sinabi ni Calinisan na ginagawa ito upang ipakita sa publiko na may aksyon ang pamahalaan sa mga reklamo at isyu laban sa ilang pulis. Layunin din umano nito na maibalik ang tiwala ng taumbayan sa gobyerno.
Nag-ugat ang paliwanag sa sinabi ng isang pulis na dawit sa viral road rage sa Taguig City na tila “nagpapapogi” lamang sa media ang hakbang na ito, ngunit nilinaw ng NAPOLCOM na bahagi ito ng transparency at pananagutan.
Binawi ng pamahalaan ng Estados Unidos ang diplomatic at tourist visas ni dating House Speaker at Leyte Representative Martin Romualdez.
Ito’y sa gitna ng kanyang umano’y kaugnayan sa bilyon-bilyong-pisong flood control scandal.
Kinumpirma ng isang hindi nagpakilalang opisyal ng pamahalaan ng Pilipinas ang pagkansela ng A1 diplomatic visa at B1 at B2 non-immigrant visa ni Romualdez.
Dagdag pa ng naturang opisyal, walang partikular na dahilan ang pamahalaan ng Amerika sa pagbawi nito ng mga U.S. visa ng naturang mambabatas.—sa panulat ni Anjo Riñon
#dwiz #dwiznews #aliw23
“Gawa ng diablo.”
Ganito tinawag ni Cubao Bishop Elias Ayuban ang akusasyon ng mga nagpakilalang dating miyembro ng Philippine Marines na may kinalaman sa paghahatid umano ng male-maleta ng pera sa ilang personalidad, kabilang na si Father Flavie Villanueva ng Society of the Divine Word, na may kinalaman sa pagdamay nito sa mga pamilya ng mga biktima ng extrajudicial killings.
Kinumpirma rin ni Bishop Ayuban na walang simbahan ang SVD congregation sa Mindanao Avenue o sa mga lugar malapit dito, taliwas sa ibinunyag ng isa sa mga nagpakilalang ex-marines.
Dagdag pa ng obispo, tanging ang Sacred Heart Parish-Shrine sa Kamuning; Santo Niño de Violago Quasi-Parish sa Barangay Kalusugan; at ang Diocesan Shrine of Jesus, the Divine Word, na katabi ng Christ the King Mission Seminary sa E. Rodriguez Avenue ang mga simbahan na hawak ng SVD sa Diocese of Cubao, o ang katimugang bahagi ng Quezon City.
Dahil dito, nanawagan si Ayuban sa publiko na manatiling mapagmatyag sa paghahanap at pagsasalita ng katotohanan.—sa panulat ni Anjo Riñon