Umabot sa dalawandaan at limampung libong katao ang dumalaw at nagbigay galang sa tatlong araw na public viewing ng labi ni Pope Francis sa Saint Peter’s Basilica.
Ito ay mas mataas kumpara sa 195,000 katao na dumalo nuong pumanaw si Pope Benedict XVI taong 2023.
Kaugnay nito, nasa higit limampung pinuno ng estado at sampung monarchs ang inaasahang dadalo sa libing ng Santo Papa, kabilang ang nasa dalawandaang libong nagluluksang Katoliko.
Matagumpay na nalikha ng isang Dallas-based Biotech company ang tatlong dire wolf pups, na isang ancient species na na-extinct nang mahigit sampung libong taon.
Ayon sa Colossal Biosciences, ito’y sa pamamagitan ng ancient DNA, gene editing, at cloning mula sa gray wolf, na pinakamalapit na kamag-anak nito.
Ipinakilala ng naturang kumpanya ang mga pup na sina Romulus at Remus at ang babaeng kapatid ng mga ito na si Khaleesi.
Dagdag pa ng Colossal na layon din ng kanilang technology na tumulong sa pagligtas sa endangered animals.
Umabot na sa labindalawa katao ang kumpirmadong patay habang sampu naman ang nakaligtas, matapos bumagsak ang isang eroplano sa karagatan ng Caribbean, ilang minuto matapos itong mag-take off mula sa Roatan Island.
Ayon sa mga otoridad, sakay ng eroplano ang labing-apat na pasahero at tatlong crew members, kabilang ang isang u.s army national, french national, at dalawang menor de edad.
Kinumpirma din ng mga opisyal na kabilang sa mga nasawi ang kilalang Garifuna Musician na si Aurelio Martinez Suazo.
Patuloy naman ang imbestigasyon ng mga otoridad para matukoy ang sanhi ng trahedya. —sa panulat ni Laica Cuevas
Pumayag na ang Ukraine sa tatlumpung araw na tigil-putukan sa pagitan nila ng Ukraine.
Ito’y matapos makipagpulong ang opisyal ng Ukraine sa mediator na United States.
Ayon kay US Secretary of State Marco Rubio, nasa desisyon na ngayon ng Russia kung tatanggapin nila ang kasunduan o hindi.
Nakatakda ng makipagpulong ang Estados Unidos ang mga kinatawan ang Russia.—sa panulat ni Kat Gonzales
Pumalo na sa 11 katao ang namatay dahil sa Guillain-Barre syndrome sa Maharashtra sa India.
Kaugnay nito, ayon sa mga health official ng India, 211 katao na ang tinamaan ng nasabing sakit; kung saan 183 ang kumpirmado habang 28 ang suspected cases.
Dahil dito, ipinag-utos na ng pamahalaan sa mga health authority na gumawa na ng mabilis na aksyon upang mapigilan ang pagkalat ng GBS.
Ang GBS, ay isang pambihirang kondisyon nagdudulot ng pagkamanhid; at panghihina ng mga muscle.
Kabilang sa mga sintomas nito ang labis na panghihina ng limbs. – Sa panulat ni John Riz Calata
Labinglima ang patay, kabilang ang sampung kababaihan at tatlong bata, matapos ang crowd crush sa New Delhi station.
Ayon sa Indian Media, dumagsa ang mga pasahero para sumakay sa tren na patungo sa pinakamalaking religious gathering sa buong mundo.
Sinasabing kumapal ang mga pasahero dahil na-delay ang dalawang tren kaya nagkaroon ng overcrowding.
Naganap ang insidente ilang linggo lamang matapos ang isa pang crowd crush na ikinamatay ng ilan pang katao sa mismong pagtitipon. – Sa panulat ni Laica Cuevas
Inanunsyo ni U.S. President Donald Trump na puputulin na nila ang pagpopondo sa South Africa.
Ayon sa Pangulo, ito ay dahil sa pagbawi ng south africans sa mga lupa at maling pag-trato sa mga tao.
Sa datos ng US government statistics, nakapagbigay ang Amerika ng halos 440 US dollars sa Africa noong 2023.
Noong nakaraang buwan lamang nang sabihin ni South African President Cyril Ramaphosa na hindi nila ikinababahala ang relasyon ng kanilang bansa sa Estados Unidos. – Sas panulat ni Laica Cuevas
Nanawagan ang World Health Organization sa Estados Unidos na panatilihin ang kanilang suporta sa HIV treatment programs sa developing countries.
Kasunod ito ng freeze order ni US President Donald Trump sa kanilang foreign aid sa ibang mga bansa.
Dagdag pa ng UN Health body, labis silang nababahala sa nasabing hakbang ng Amerika.
Sinabi ng who na sakaling itigil ng US ang pagsuporta sa nasabing programa, posibleng tumaas ang mga kaso at bilang ng mga mamamatay sa HIV.
Magpapatuloy ang operasyon ng mga otoridad sa US sa pagpapalayas ng mga iligal migrants.
Ayon sa Immigration and Customs Enforcement, mas pinaigting nila ang pag-aresto sa mga immigrants na mga lungsod kabilang na ang Chicago, Atlanta, Los Angeles at Austin, Texas.
Magpapatuloy ang kanilang pag-aresto dalawa o tatlong beses sa isang linggo.
Tiniyak naman ni Defense Secretary Pete Hegseth na magbibigay sila ng anumang tulong para proteksyon ng Southern Border ng US. – Sa panulat ni Jeraline Doinog
11 ang patay habang 5 iba pa ang sugatan matapos ang rail accident sa india.
Ayon sa mga otoridad, bumaba ng tren ang mga pasahero dahil sa pag-aakalang may sunog.
May humila anila sa alarm chain ng tren dahilan para tumigil ito, at sa takot ng mga pasahero, lumabas ang mga ito sa tren at saka nakaladkad ng isa pang tren sa kabilang linya.
Matatandaang noong 2023, mahigit 280 rin ang namatay matapos ang banggan ng tren sa nasabing bansa. – Sa panulat ni Laica Cuevas