FOREIGN

Sisimulan na ni US President Donald Trump ang mass deportation o illegal immigrant sa Estados Unidos.

Nabatid na umaabot na sa halos 14 na milyon sa amerika ang sinasabing “Crminal alliens.”

Ito ang inanunsyo ni US President Trump kasunod ng kaniyang panunumpa bilang ika-47 na Pangulo sa Amerika.

Batay sa pag-aaral ng ilang mga ekperto, mag papadala si US President Trump sa Mexico Border para mapigilan ang iligal na pagpasok sa kanilang bansa na idineklara bilang national emergency.

Kaugnay nito, nais rin ni Trump na hindi na kilalanin ng us citizenship ang mga isinilang sa Amerika ng mga magulang na nakapasok sa bansa ng iligal. – Sa panulat ni Jeraline Doinog

Halos 20 indibidwal na ang patay habang apat ang sugatan sa landslide at flash floods sa Indonesia.

Ayon sa mga otoridad, lima ang kumpirmadong nawawala kasunod ng pagtama ng malakas na pag-ulan sa naturang bansa.

Nahihirapan din anya ang mga otoridad na magsagawa ng rescue operation dahil sa makapal na putik dulot ng landslide.

Posible namang tumaas pa ang bilang ng mga nasawi dulot ng malakas na pag-ulan.

Nagagamit na muli ang video sharing app na Tiktok sa Amerika.

Ito’y matapos na i-anunsyo ng Tiktok na ibinalik na nila ang kanilang serbisyo sa U.S., matapos sabihin ni President-Elect Donald Trump na susubukan niyang ipagpaliban ang ban sa pamamagitan ng isang executive order.

Ayon kay Trump, nais niya na mayroong 50% ownership position ang Amerika sa isang venture.

Nagpasalamat naman ang tiktok sa ginawang hakbang ni President-Elect Trump at tiniyak na makikipagtulungan ito para sa pagpapatuloy ng kanilang serbisyo sa US.

Aabot sa 50 migrante, karamihan ay mga pakistani, ang pinangangambahang nalunod matapos ang panibagong pagtatangka na pagtawid ng mga ito mula West Africa patungo sa Canary Islands sa Spain.

Ayon sa Moroccan authorities, 36 katao ang kanilang na-rescue mula sa bangkang umalis ng Mauritania at may sakay na mahigit 80 pasahero.

Sinasabing halos dalawang linggong nanatili sa karagatan ang mga migrante bago nakarating ang rescuers.

Sinabi ng Spain Maritime Rescue na huli na nila nalaman ang insidente matapos matanggap ang ulat ng migrant rights group kaugnay sa nagka-problemang bangka, ngunit hindi makumpirmang ito ang kaparehong bangka. –  Sa panulat ni Laica Cuevas

Naitala ng amerika ang unang kaso ng taong namatay dahil sa bird flu.

Ayon sa louisiana Authorities, bagamat mayroon nang underlying medical conditions ang nasawing pasyente, naospital anila ito dahil sa naramdamang respiratory ailment.

Binigyan-diin pa ng mga otoridad na ito ang unang seryosong kaso ng human infection ng H5N1 virus na na-detect sa US. – Sa panulat ni Kat Gonzales

Patay ang tatlo katao habang ilang indibidwal ang nasa ospital matapos kumain sa isang family gathering ng sinasabing Christmas cake na may arsenic sa Brazil.

Ayon sa mga awtoridad, nananatili sa ospital ang babaeng gumawa ng cake kasama ang 10-year-old nitong anak na kumain rin ng nasabing cake.

Batay sa ulat, nagkakasundo at walang alitan sa pagitan ng mga miyembro ng pamilya at sa babaeng gumawa ng cake.

Dagdag pa ng mga awtoridad, patuloy pa rin ang kanilang imbestigasyon kaugnay sa insidente at hinihintay na lamang ng mga pulis na umayos ang kondisyon ng gumawa ng cake upang tanungin ito.

Sa kasalukuyan, wala pang isinasampang kaso laban sa babae. –  Sa panulat ni Alyssa Quevedo

Pumabor ang lahat ng mambabatas ng South Korea na patalsikin sa puwesto si acting President Han Duck-Soo dahil sa sinasabing “active participation in the insurrection” matapos ipatupad ni President Yoon Suk Yeol ang martial law.

Ayon kay National Assembly Speaker Woo Won-Shik, bumoto ang lahat ng 192 sa 300 lawmakers upang maipa-impeach si Han Duck-Soo.

Dahil dito, kasama ni President Yoon isasailalim din si Han sa paglilitis ng South Korean Court, na magdedesisyon kung ipagpapatuloy pa nila ang kanilang pagiging Pangulo at Punong Ministro ng bansa.

Sinabi naman ni Han na kanyang nirerespeto ang desisyon ng mga mambabatas at maghihintay na lamang sa hatol ng Constitutional Court. –  Sa panulat ni John Riz Calata

Kumpirmadong patay ang 14 na katao sa Lamwo District, Northern Uganda matapos tamaan ng kidlat ang simbahan sa gitna ng prayer service.

Ayon sa mga otoridad, 34 naman ang nasa ospital pa, subalit dalawa sa nasabing mga biktima ay hindi pa alam ang pagkakakilanlan.

Dagdag pa ng mga ito, nagsimula umanong umulan ng magtipon-tipon sila sa simbahan at naganap ang nasabing pagtama ng kidlat.

Namatay ang apat na katao habang siyam ang sugatan sa naganap na pamamaril sa Apalachee High School sa Georgia, USA.

Ayon sa Georgian Bureau of Investigation, 14 na taong gulang lamang na lalaki ang suspek sa nasabing pamamaril.

Batay sa mga otoridad, dalawang estudyante at dalawang guro ang nasawi; habang walong estudyante at isang guro naman ang sugatan.

Kasalukuyang nasa ospital na ang mga sugatang biktima at nasa maayos nang kundisyon.

Pitong indibidwal ang nasawi matapos tumaob ang kanilang sinasakyang bus sa Mississippi, USA.

Kabilang sa mga biktima ang isang anim na taong gulang at ang kaniyang 16-anyos na kapatid na babae.

Dinala naman sa iba’t ibang ospital ang 37 pasahero na nagtamo ng sugat dahil sa aksidente.

Ayon sa mga otoridad, wala namang nadamay na iba pang sasakyan sa insidente, ngunit patuloy pa itong iniimbestigahan.