ENTERTAINMENT

Kinoronahang Miss International Queen 2022 ang pambato ng Pilipinas na si Fuschia Anne Ravena.

Naganap sa Thailand kahapon ang kompetisyon kung saan naglaban-laban ang 22 kandidata.

Itinanghal namang first runner up ang Colombia habang second runner up ang France.

Si Ravena na ang pangatlong Filipina na nagwagi sa Miss International Queen 2022 sumunod kina Kevin Balot na nanalo noong 2012 at Trixie Maristela noong 2015.

Naging extra special naman para sa Pride Month ang pagkapanalo ni Fuschia sa kompetisyon, na itinuturing na World’s Top Beauty Pageant para sa transgender women.

Dream come thru para sa aktres na si Andi Eigenmann ang vacation trip sa Bali, Indonesia kasama ang kaniyang buong pamilya.

Sa Instagram post ng aktres, sinabi nito na isa ang Indonesian trip sa kaniyang bucket list.

Kasama ni Andi ang kaniyang partner na si Philmar Alipayo at kanilang mga anak para sa kanilang vacation sa ibang bansa.

Bagaman na-postpone dahil sa COVID-19 pandemic at pagkasakit ng kaniyang anak, masaya si Andi na natuloy din ang kanilang dream family vacation.

Good news para sa fans ng American singer-songwriter na si Billie Eilish.

Nakatakda kasing mag-concert sa Pilipinas ang singer para sa kanyang “Happier Than Ever” World Tour.

Ayon kay Billie, idaraos ang kanyang concert sa darating na August 13 sa Mall of Asia Arena.

Magkakaroon ng fan-club presale ng tickets sa June 24 at 25 para sa mga miyembro ng Live Nation Philippines, habang maaari namang maka-avail ang publiko ng ticket sa June 27.

Mabibili ang ticket mula 3,081 pesos hanggang 14,936 pesos.

Si Billie Eilish ang nagpasikat ng mga kantang “Bad Guy,” “Ocean Eyes,” at “When The Party’s Over.”

Ibinenta ng aktres na si Kris Bernal ang binili nilang ticket ng kaniyang asawa na si Perry Choi para sa concert ni Adele matapos silang hindi mabigyan ng uk visa na requirement o kailangan sa pagpasok sa naturang bansa.

Ayon kay Kris, naunsiyami ang plano nilang paglipad patungong United Kingdom para sana mapanood ng personal ang sikat na singer na si Adele.

Nabatid na nabili ni Kris ang Golden Circle East ticket noon pang October 2021 sa Hyde Park London na pre-selling online kung saan, ang isang ticket ay nagkakahalaga ng 23,000 pesos.

Sa instagram post, sinabi ng aktres na wala silang choice kundi ibenta nalang ang kanilang ticket kung saan, plano sana nilang ilaan para sa kanilang honeymoon maging ang paglilibot sa UK at Europe sa loob ng isang buwan kung hindi naudlot ang kanilang pag-alis abroad.

It’s a Baby Girl!

Ito ang masayang revelation ng mag-asawang vlogger na sina Vien Iligan at Junnie Boy para sa gender ng kanilang pangalawang anak.

Sa ginanap na Gender reveal party, makikita ang kaba at excitement sa dalawa na tumalon sa tuwa matapos makitang pink powder ang lumabas sa gender explosion.

Bago ang gender reveal, una nang sinabi ng unang anak nina Junnie na si Mavi, na nais nitong magkaroon ng baby sister.

Tatlong buwan nang preggy si Vien kung saan noong Mayo ibinalita ang kaniyang pagbubuntis.

Ikinasal sina Vien at Junnie noong March 2022 matapos ma-engage noong 2020.

Nagsalita na ang actress-model na Liza Soberano hinggil sa espekulasyon sa kanilang relasyon ng aktor na si Enrique Gil.

Kasunod ito ng balitang hiwalay na ang dalawa matapos ang limang taong relasyon kung saan, naging tampulan ang kumakalat na litrato ni Liza kasama ang aktor na si James Reid sa ilang events sa Los Angeles, California noong Mayo.

Nabatid na noong Mayo rin ang araw na nagpunta si Enrique sa Spain kasama ang kaniyang pamilya.

Say ng aktres, “Super Good” ang relasyon nila ni Quen at naiintindihan ng kaniyang Boyfriend na unahin ang kaniyang desisyon na mag-audition, makapasok at magkaroon ng project sa Holywood.

Sinabi pa ni Liza na suportado ni Quen ang kaniyang mga desisyon sa buhay at alam naman nito ang mga hakbang na kaniyang ginagawa.

Iginiit pa ni Liza na hindi sila yung couple na magpapaapekto sa pressure ng ibang tao at hindi nila kailangang maglabas ng litrato para lang patunayang okay ang kanilang relasyon.