ENTERTAINMENT

Kinagigiliwan ngayon ng netizen ang mala- ‘food blog’ na review ni Pasig City Mayor Vico Sotto sa kaniyang instagram stories.

Nagsimula ito nang ibahagi ni Vico sa kaniyang social media account ang mga litrato ng kaniyang pagkain na may nakakatawang caption gaya ng:

“Shake: okey pero di kasya sa straw yung mga ano.

“Score: 8/10. Where to buy: di ko alam sa baba yata nila binili,”

“Litson baka masarap naman pero mas masarap nung bagong labas siya

Ginaya naman ng kaniyang followers ang ‘food blog’ ni Vico kung saan isa pa sa mga ito ang nag-review ng gamugamo sa kaniyang plato.

Biro ng alkalde, hindi raw sineseryoso ng netzens ang food blogging at dahil dito ay magku-quit na lamang siya.

Pabiro rin itong nakiusap sa mga media na nagpa-follow sa kaniya sa IG na huwag na itong ibalita pa dahil nag-iiba na ang dating niya kapag nasa balita na.

Kinumpirma na ng aktor na si Tom Rodriguez ang pagiging divorce nila ng kaniyang asawang si Carla Abellana.

Isang araw ito matapos sumagot si Carla sa isang komento sa kaniyang YouTube video kung saan sinabi ng aktres na naranasan niya ang pagiging ‘“disrespected, shamed, lied’ at iba pang karanasan kasama si Tom.

Hindi naman nilinaw ng aktor kung ano ang dahilan ng kanilang paghihiwalay ni Carla pero tiniyak nito na hindi niya sinaktan itong pisikal.

Ito na ang huling pagkakataon ayon kay Tom na maglalabas siya ng pahayag dahil malalabag na niya ang Gag order na inilabas ng kanilang mga abogado.

Noong October 2021, ikinasal sina tom at carla habang nitong marso ngayong taon umugong ang kanilang hiwalayan dahil umano sa isang third-party.

Nagpaabot ng pakikiramay si BB Gandanghari matapos pumanaw ang ama ng kaniyang ex-wife na si Carmina Villaroel.

 Sa naging post ni Carmina sa kaniyang Instagram account, agad na nag-comment si BB Gandanghari kung saan, ipinagmalaki niya na swerte siyang nakilala ang ama ng kaniyang ex-wife na si Reggie Villaroel.

 Sinabi ni Bb Gandanghari na isa ang ama ni Carmina sa mababait at cool na taong kaniyang nakasama kaya sobra ang kaniyang respeto dito.

Spotted sa isang beach ang anak ni Ina Raymundo na si Erika Portunak, kasama ang basketball player na si Kobe Paras.

 Sa Instagram post ni Erika, makikita ang larawan ng getaway nila ng kaniyang mga kaibigan.

 Pero hindi nakaligtas sa paningin ng netizens ang iba pang snap ni Erika kasama naman si Kobe.

 Matapos ang post, agad ding nakita ng netizens ang larawan sa ig story naman ni Kobe.

 Sa ngayon, hindi pa makumpirma ang tunay na estado ng relasyon ng dalawa.

 Si Erika ang panganay na anak ni Ina Raymundo na nag-aaral sa Berklee College of Music sa Boston, Massachusetts.

 Habang si Kobe ay naglalaro sa Japan B. League Import.

Tanggap at walang problema para kay Megastar Sharon Cuneta at asawang si Senator Kiko Pangilinan ang naging paglantad ng kanilang anak na si Miel sa kaniyang tunay na kasarian.

 Sa Instagram post ni Sharon, proud niyang ibinahagi ang litrato ng kaniyang anak, hawak ang bandilang sumisimbolo bilang miyembro ng LGBTQIA+.

 Ayon sa aktres, mahal nila ang kanilang mga anak kaya’t pareho nilang susuportahan ang mga ito sa kanilang desisyon sa buhay.

 Sa kabila nito, pinasalamatan naman ni Miel ang kaniyang mga kaibigan at pamilya na sumuporta at nagpakita ng pagmamahal sa kaniyang sexual identity.

Inanunsiyo ng miyembro ng korean group na BTS ang kanilang paghiwa-hiwalay bilang isang grupo.

Pero ayon kay RM na lider ng grupo, hindi ito disbanding bagkus ay pagtuon muna sa kanilang sari-sariling careers.

Ito din aniya ang dahilan kaya inilabas ng sikat ng K-POP group ang kanilang anthology album.

Noon pang 2020, binabalak ng grupo na gawin ang plano pero naatrasado dahil sa COVID-19 pandemic.

Bumili ng Second-hand BMW si Ion Perez.

Sa pamamagitan ito ng kaniyang sariling ipon sa pagku-Kumu at sa Showbiz.

Ayon kay Ion, brand new car sana ang kaniyang bibilhin pero hindi na ito kinaya ng kaniyang budget.

Hindi naman binanggit ng partner ni Vice Ganda kung magkano ang bili niya sa sasakyan.

Kilala si Ion sa hilig nito sa motor dahil nagagamit niya ito ng pagmo-Motorcross.

Aprub naman kay Vice ang bagong sasakyan ng kasintahan.