Dismayado ang aktor na si Dennis Padilla sa kaniyang 3 anak kay Marjorie Barretto matapos hindi batiin noong father’s day.
Sa buradong instagram post ni Dennis, ibinahagi niya ang lumang larawan kasama ang lalaking anak na si Leon na sinundan pa ng litrato nina Julia at Claudia na may caption na “you forgot to greet me last sunday.”
Dahil dito, marami sa mga netizen ang nakisimpatya at nakaramdam ng lungkot para sa aktor.
Nabatid na hindi umano ito ang unang pagkakataon na naglabas ng sama ng loob si Dennis sa kaniyang social media account.
Matatandaang noong July 2014, ikinasama ng loob ni Dennis ang plano ni Julia na huwag nang gamitin ang totoo niyang apelyido na Baldivia dahilan para masaktan ang kaniyang ama matapos ang pagpetisyon nito sa korte upang gamitin ang apelyidong Barretto.
