ENTERTAINMENT

Inireklamo ng aktres na si Janice De Belen ang kaniyang natanggap na item mula sa isang online shopping platform.

Sa social media post ng aktres, mali ang dumating na order sa kaniya kung saan, may kasama pa umano itong “dirty dripping wet item.”

Ayon kay Janice, hindi niya alam kung anong uri ng item ang kaniyang natanggap dahilan para agad niyang kinontak ang seller na kaniyang pinag-orderan pero hindi umano ito sumasagot.

Dahil dito, nanawagan sa publiko ang aktres na maging mapanuri sa bawat ino-order, upang hindi mabiktima ng pambubudol ng mga fake seller.

First time magkampeon ni Ryan Bang sa competition ng magpasikat sa it’s showtime.

Napasigaw at nagtatatalon sa tuwa si Ryan Bang nang ideklarang nag-champion sila ni Jhong Hilario sa magpasikat ngayong taon.

Inakala ni Ryan na malas siya pagdating sa mga performance.

Inamin ni Ryan na 13 taon na siyang natatalo sa kompetisyon at sa wakas nasungkit nila ang ‘grand champion’.

Sinabi ni Ryan na ilalaan nila ang 500,000 sa mga pilipinong sumali sa korean war kung saan ito ang mga tumutulong sa kanyang bansa.

Nagpasalamat naman si Ryan sa mga sumuporta sa kanyang performance. - sa panunulat ni Jenn Patrolla 

Isiniwalat ni Mega Star Sharon Cuneta na marami pang siyang obligasyon kaya hindi pa niya magawang mag-retiro sa showbiz.

Sinagot ni Sharon ang isang fan at nabanggit na hindi niya basta-basta iiwan ang industriya ng showbiz.

Sa rebelasyon ni Mega Star gusto na niyang magpahinga pero marami pa siyang obligasyon sa buhay.

Hindi na rin nilinaw ni Sharon ang kanyang komento.

Samantala, nagpasalamat siya sa kanyang mga fans na nauunawaan siya at naging masaya para sa kanyang desisyon. - sa panunulat ni Jenn Patrolla

Dumalo ang rumored couple na sina John Lloyd Cruz at Isabel Santos sa 15th Asia Pacific Screen Awards (APSA) sa Australia.

Nominado si John Llyod bilang Best Performance sa kanyang pelikulang ‘The Waves Are Gone’ ni Lav Diaz.

Ibinahagi ni Isabel ang tatlong larawan sa kanyang Instragram feed na magka-holding hands ang dalawa. —sa panulat ni Jenn Patrolla

Kinansela ang pagbebenta ng concert tickets ni Taylor Swifts sa gitna ng mataas na demand.

Ayon sa Ticketmaster, nakararanas sila ng mga glitches dahil sa dami ng mga pumipila at bumibili online.

Umabot na sa 2,000,000 tickets ang naibenta nitong November 15 lamang.

Wala pang anunsyo ang nasabing kumpanya hinggil sa pagpapatuloy ng pagbebenta ng nasabing concert tickets.

Kaugnay dito, naglabas naman ng saloobin ang mga fans ng singer matapos hindi nakabili ng ticket. —sa panulat ni Jenn Patrolla

Kinaaliwan ng netizens ang Tiktok video ng aktor na si Wendell Ramos na sumasayaw sa “Darari” challenge sa Tiktok.

Nagmukha namang young at cool si Wendell sa kanyang dance moves at suot na white button down shirt at slacks.

Nabansagan din itong “Jerry Yan” ng isang netizen dahil sa pagkakahawig nito sa Meteor Garden male lead na si Jerry Yan na gumanap bilang si Dao Ming Si.

Sa caption ay biniro ni Wendell ang kanyang anak na si Tanya Ramos na napilitan itong sumayaw dahil sa request ng anak.

Samantala, nakakuha ng 1.2 million views ang video ni Wendell na sumasayaw sa treasure hit na Darari. -  sa panulat ni Hannah Oledan

Pinusuan ng libu-libong mga netizen ang video ni Don Amuel Banta sa tiktok mula sa Batangas matapos umawit ang kanyang pamangkin ng “Secret love song” ng little mix.
Sa video maririnig ang labindalawang taong gulang na bata na si ryen sa napaka-husay na pag-awit nito kasabay ng kanyang tiyuhin.
Ilang netizens ang nag-iwan namana ng komento sa naturang video,
“The quality of her voice. ‘yung vibrato nakakanginig, ibang klase din ‘yung hinga sa high keys,”
“Ano bang tubig n’yo diyan baka nakakaganda ng boses” ; “Partida naka-upo pa ‘yan” anila sa video.

Opisyal nang inilabas ang headshot ni Celeste Cortesi para sa Miss Universe 2022.

Ibinhagi ito ng Miss Universe Philippines Organization sa kanilang instagram account.

Nakasuot ng black dress ang beauty queen kung saan kitang kita rito ang ganda ng kaniyang awra.

Marami namang netizens ang napahanga kay Cortesi at umaasa na maiuuwi ang korona para sa bansa.